1 Peter 2:11 - ASII LAKDAP Bible (BSI)

¹¹ Phunainotiim lei, ngi raq namshiq ma tiipaiq tiinea lata chongkuq tiikang ara tairong laq. Nashiq ka ara mangjong hiq na wansha we kiimaq wanwe ikhli sitiikai. Namkhum na ngarai han-ngam sükha tsi, namshiq tsaiji rai wranaiqshe riilong liiq rai tlaq kiima, namtsantsii ka naq tiitang rongkiq.

Hawa Naga Bible 2001

¹¹ Lungwawc phunox bix lex, nuimshiq kuex vruex mungkawx vyuq juiuc httuingx wuinz waz nuiyc muingluiuz jix htenc ikhoc yaungx tuit! Thuinz vmungx siyac rulc rvkhvt yaq gvnngvmx rvnphvnx lvmz htenc muex mkaq muinz nauk kuq kaz, ngaz rueq honc jungx kuq vphaungx.

Muklom

¹¹ Noknu wa tang, nga nim ma batphang, iri mingkang ro adak mungtey miq nia sam moq miqtang mal, ethirangma nim tsija jammoq thamol hannphung tinthin wang alo na tong inn.

1 Peter 2:11 Referencias Cruzadas

RAPHA HIQWA LAK 21:34

Abraham ka Philistain mung na rawii luhea shongthüto.

RAPHA HIQWA LAK 23:4

“Ngi ka wanshawe, arjaq namshiq phong na sitiikang. Ngi ma hiq phu bashi shakuq ronglaq, ngi raq ichak maa ka lap pha.”

RAPHA HIQWA LAK 47:9

Jakob raq treto, “Irilung ka mung shi maq riita mungshi na laüwan wan silatli wiishishi ri wiiroqtsam she saüto. Ara rawii thun arka atoqse li kiimaq litkot chamchao lam miili sung wanto. Kriika ititiim raq tsang rilung ka bashi na laü wan wan maq rawii luhea tiisung wantaq kiikhiika riimak.”

1 KAÜWA WERAÜ 29:15

O Tatiwe lei, ümniiraq asap haü, naishiq rilung arka, naititiim pat na munglu shumwi rilung nai wanshawe rilung siwantaq ikhli, siwan tiikai. Naishiq rilung arka rashe kii na maiq tsaiji lea wan tlaq ikhli sitiikai. Kiimaq naishiq ka atsaikai changli sitiikai.

Tvtsvmc 119:19

Ngi ka ara mangjonghiq na heashise miituli; ümnaq aming raütu thun ka ngi ma naqpaükiq.

Tvtsvmc 119:54

Mangjong hiq na irilung alose sikang bala ngi raq ümnaq aming thaq na ashi ange thun waiqkang.

Tvtsvmc 39:12

Ngi achujaü tailaq, Tatiwe lei, laüta ngi hoqsii tiikang ara tailaq; Ngi hoqtiikang na ümnaq kilaüta khrumlaq. Ititiim thun wiita ikha ngi armin alose miitu ümwanwe ma jatiikang.

LEWI 15:18

Kiimaq jechak nai maiqwe liipan na adam hainga raüla, tsangnai wiita maiqwe riimin jechak riimin jü heraatlo. Kiimaq tsangnai wiita raji na saüli ashe miraq.

LEWI 25:23

Namshiq hiq ka pattup miitu shabaiq raamak. Jamkhano ngukla kra namshiq hupsam riimak. Kriika Shiikeawe hiq. Namshiq ka pong mungti wanshawe ma tiishamsiqtlaq ikhli shamsiqtlan.

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

Acts 15:20

Kra rii na khoti, nashiq raq tsangshiq ma lak li ashi waiq laita tiiho wan rong i. Lak na tsangshiq ma, aphaq asea chang phan, phra sumla ma honglu na akuq phan kriika ashe. Kriika aphaq asea maimak. Kiimaq tsangshiq raq sethoq sepii ngarai klo maimak. Kiimaq tiijai tiidong baiqhü maq, abuq maq tiishak raüta atsat ngam ka phaqsea maimak she. Lo tiijai angu ka naq phaq siq rongkiq she, nguta waiqke chang.

Acts 15:29

Sumla phra noq ma akuq aphaq asea chang phan ka naq phaq siq rongkiq she. Kiimaq, ngam tiijai kiimin naq phaq siq rongkiq she. Kiimaq abuq na atiishak, tiijai tiidong baiqhü maq atsat ngam ka naq phaq siq rongkiq she. Kiimaq sethoq sepii ngarai naq tang rongkiq she. Arthun ara namshiq raq pen wan han jiika, namshiq ma ahea miraq. Naishiq raq namshiq miitu phumram khamkok toshat.”

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

Romans 7:23

Shatmiitiq, ngi raq chhi tiikang, ara i khum na phanhin thungtri kiimin asi hali. Ara thungtri riika, i tsai i ji raq, jamlai phan wa ahea, nguta lungwii tlaq, kriika akhii riiwan tlo. Ara thungtri raq, ngi ka ngarai tri, i khum na atra sitlaq kra kharü maq kha raüta, dise ma tiija raüta, rümtlo.

Romans 8:13

Ara jamkhano chong tiikang ngukla, namshiq rilung ka, han-ngam tiima tsantsii raq jamkho thaü tlaq, kra phanphan la shongnga han jiila, namshiq ka kamto mitsai han ngushat. Shatmaq, namshiq khum na ngarai jaqsham thun ümchuwa sitlaq kra, namshiq khum na Asii Wenyi sitlaq kra ningkun maq, wiita thumthum, tsatbaiq wan han jiila, namshiq ka atra misi han ngushat.

2 Corinthians 5:20

Riita ija, ümchaü sanha naishiq arka Khristo kiimwebi ngo kha maq namshiq tarü kra Khristo mang na, phaqthak nithak maq tsii chongkuq tiikai. Shiikeawe raq namshiq tarü ka apaiq ma wesang wa akhi aluwetiim miishe mitiija wan laq!

2 Corinthians 6:1

Naishiq ka Shiikeawe rai adam maq apaiq jaqsham tiikai krai mren, naishiq raq namshiq ka noho ikha trantsii wan tiikai. Namshiq raq Shiikeawe kaphap mangchan lap wan lan kra, atu na naq tiiwiihii rongkiq.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

Galatians 5:24

Kiimaq ara chong tiikang arai mren, ümchaü sanha, juwa Khristo Jesuq riishe nguta sitlaq, kriiti riika, tsangshiq ngarai han-ngam rong arai nai tsangshiq ngarai han-ngam sükha ramho hon atsii tiima sitlaq kriika, wiita atsea baiq wishe.

Ephesians 2:19

Riita, ümchaü sanha, ara chongtiikai arai mren she, namshiq Pongnok phan maiqse kiimin, pongnok pongta nai wanwe nguta tiingo chang ka ahü she. Ümchaü sanha, namshiq min Shiikeawe sengi phan rai, nokshi hiqshi she kiimaq tashiti miishe tiijato.

Ephesians 4:1

Riita, ümchaü ngi phaqtek mong na sitiikang arka, ngi raq Tatiwe jaqsham tiikang kriikha na shaqtlo. Ümchaü ngi raq namshiq ma, tsii chongkuq tiipha ara, tsan na samhea tiitsang shaq rong laq. Ümchaü sanha, namshiq ka, Shiikeawe raq asengi ma tiija miitu hea wantaq akhing na, namshiq ka ümtinkhan thuktsom maq siwan chang ngutiiwa thapthi wantaq, kra thap jangkii kra, tiimali lantiishe si rong laq.

2 Timothy 2:22

Riita, ümkhum ka jero han-ngam tiima ramho ma naq tiijam sha wankiq. Kiimaq jero hon atsii ma naq tiisheakiq. Ümrilung ka siirairai kechu maiqse rilung ashi simaq silaq. Khristo ma kamtsantsii rüm tlaü ka, tsapkapkap maq thü laq. Laüta Phungmaiqse phunaino ka, ahea wiq maq lungwii laüta silaq. Kiimaq tsangshiq tarü rai kaütak rishi maq silaq. Arthun jaqsham wan arka, nanok Phungmaiqse liipan wa maiqshaqti thun ümchuwa sitlaq, kra rai adam na kiimung ashi maq silaq.

Hebrews 11:13

Ara chongtiikai richü wetiim raq, Shiikeawe ma kamshat maq tsai wanto. Shiikeawe raq tsangshiq ma mikuqha nguta kiqkham kuqtaq kriika, lap wan mak dea miili tsai wanto. Shatmaq, Shiikeawe raq khamkuq taq rawiichii pat na saüho tlaq kriika, tsangshiq riimin kamtsantsii maq, alu na asaüho chhithüto. Raüta khoqriiq shishiiq maq tao wanto. Krai mren, tsangshiq raq nanok ma tantan maq, tsangshiq ka ara mangjong hiq na wanshawetiim ikha sitiikai nguta chongkuq thüto.

Hebrews 6:9

Riita, lungwii phunainotiim lei, ngi raq namshiq ma akha bomtsi atsin wiq maq waiq wan ha jiimin, ngi ka namshiq miitu tsankhun maq sitiikang. Ngi raq asapha, namshiq ka ümchaü lam niishe, tiichhii wan lamphan phan wa tlan.

James 4:1

Namshiq phungtuti liipan na tatso wiinyi, riitsak riikaq sitlan kriika jamkhiibawo dong tla? Kriika namshiq tsan mong na, mangjong hanngam na poloseali lungwii tlan kriiwa dong tlo. Kra han-ngam lam phan na polosea tsii ramho sitlaq kra, nam mongjii na tatso wiinyi wa trang li sitlo. Kra sikha maq namshiq riitso nyi tlan.

1 Peter 1:1

Ngi, Petar, Jesuq Khristo kiimwe raq-- Shiikeawe raq raq atsea wan maiqsetiim, munglu wanshanok ma ja raüta, Pontas wang, Galatia wang, Kapadosia wang, Asia wang, kiimaq Bithinia wang na riinyin riishin sitibi ma tiiho wan tiikang.

1 Peter 1:17

Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq.

1 Peter 4:12

Lungwii phunainotiim lei, ümchaü bala kamtsantsii maitai namshiq chamchao walü mong maq learai wan tlan kra ningkhan, namshiq ka jamkho chamchao kikai nguta naq wang thang rongkiq. Saüthin wan mak chang phan saürai wan tlo riimak sha nguta naq chapa rongkiq.

1 Peter 4:2

Riita ara chongtiikai arkha maq, ümchaü sanha, namrilung ka mangjong hiq na ümchu ranaiq wa atra misi thü han, Shiikeawe tiima tsantsii khuthaq na seng lantli she sirong laq. Ngarai han-ngam tiima khu niika naq si rongkiq she.

2 Peter 3:1

Lungwii phunobi lei, ngi raq namshiq ma ümchaü lak waiq tiikang ara raq, jangnai she waiq tiikang. I lak anai ri na namshiq ma tiima tsantsii khangriri tingting maq sironglaq nguta, namshiq tsan tiichhiike miitu waiq kang.