DUNGWVNC 4:5 - ASII LAKDAP Bible (BSI)

⁵ Kiimaq Tatiwe raq nguto, “Ara klo laüta Israilnok ma Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai riihum kito dea nguta saqse tiichhi kuqlaq.”

Hawa Naga Bible 2001

⁵ Yehowa rueq, “Israel miqsaz khaungkac nuex kvkhoc ruez kuq shuiuz, kvkhoc ngoz ruiux jix mnoz kuex tsuingshiq jix vwaz tamx Tishox, Abraham, Esak nuiyc Yaku Tishox, Yehowa rulc rvhumc toq lvmz kuex tsuingshiq kvmx tuex,” ngoz tueq jungx tueq.

DUNGWVNC 4:5 Referencias Cruzadas

RAPHA HIQWA LAK 12:7

Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.

RAPHA HIQWA LAK 17:1

Abram ka arawii wiiroq tiikaü ri wiitiikaü she angu na, Tatiwe ka apaiq rai riihumto. Raüta akha nguto, “Ngi ka Ningkun Ajong Shiikeawe. Ibom tailaq. Kiimaq wranaiqshe riikhaqli kli klolaq.

RAPHA HIQWA LAK 18:1

Tatiwe ka Abraham rai Mamre asii pero hiq ba maq riihumkito. Abraham ka apaiq tombutiip kilamchong na ngaraü riito. Kriibala ka ranaiq shethung shekham rashekii tsihea bala riito.

RAPHA HIQWA LAK 26:2

Tatiwe ka Isak phana saükito. Raüta akha nguto, “Ejip mung na naq kikiq. Armung na, Ngi raq chongtiikang hiq kiijaq silaq.

RAPHA HIQWA LAK 28:13

Kiimaq Tatiwe ka apaiq tho na achap raü chhito. Kiimaq apaiq raq nguto, “Ngi ka Tatiwe, Abraham Shiikeawe kiimaq Isak Shiikeawe. Ngi raq ara ümnaq kon rai tlaü mung arka ümniima kiimaq ümsaü ümsetiim ma mikuqha.

RAPHA HIQWA LAK 48:15

Raüta apaiq raq Joseph ma akha achu shiiman kuqto: “Iwetiim raq shomnoq wantaq Shiikeawe raq, Abraham nai Isak raq shiiliwantiiwe raq, ara nono nai ara mishman kuq laq! Ümchaü ranaiq niitaq saüli ngi shunshea wanti Shiikeawe raq, tsangnai ka mishman kuq laq!

RAPHA HIQWA LAK 48:3

Kiimaq Jakob raq Joseph ma nguto, “Ningkun Ajong Shiikeawe ka ngi phana Luj hiqshong maq Kanan mung maq riihum kito. Raüta ngi ka shiiman kuqto.

1 HOKHVMX 18:36

Ranaiq shethung shekham bala honglu kewan akhing she saüto angu na, shammiwe Elija ka kra berong-wacha tho niishe chapto. Raüta akha achu jaüto “O Tatiwe lei, Abraham Shiikeawe, Isak Shiikeawe, kiimaq Jakob Shiikeawe lei, ümchaü akhing arjaq ümniika Israilnok Shiikeawe dea, kiimaq ngi arka ümjaqshi se dea nguta saqse tiichhikuq laq. Kiimaq ngi raq arthun klokang arka ümnaq aming miidea klokang nguta tiichhikuq laq.

2 KAÜWA WERAÜ 20:20

Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”

DUNGWVNC 19:9

Tatiwe raq Mosheq ma nguto, “Ngi ka ümnaq pha na phumda theapak pak mong na mikiha. Krai mren mungmaiqse raq Ngi ka ümniirai riibom ka mitai. Raüta tsangshiq raq ümchaü armiiphat she ümniima mikam wan.” Kiimaq Mosheq raq Tatiwe ma mungmaiqse raq apaiq bom tretaq kra chongto.

DUNGWVNC 3:15

Israilnok ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe raq ümniika tsangshiq phana tiikito nguta chonglaq. Arka pattup pat-sa miitu imang. Rawiichii maiqpat ümchuwa saü wantlaq kriiraq imang ka akha chong chang.

DUNGWVNC 3:16

Kilaq. Laüta Israilnok welabi ka adam na triitamlaq. Laüta tsangshiq ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai sham riichhikito nguta chonglaq. Laüta tsangshiq ma Ngi ka tsangshiq phaniishe saüki kang kiimaq Ejip mungti raq tsangshiq ka jamkho haihiitlaq kriika chhikang she nguta chonglaq.

DUNGWVNC 3:18

“Ümniiraq tsangshiq ma jamlai wa chongkuq tlaü ka isenginok raq mitai. Laütiishe ümniika Israilnok welabi thun kra sheaho laüta Ejip mung hokhamwe phana kai ratlo. Laüta apaiq ma akha chonglaq, ‘Tatiwe, Hibrunok Shiikeawe ka naishiq ma apumsii maq asham tiichhikito. Ümchaü min ümniiraq naishiq ka rumnyangkhi kumtsaiphii wang na Tatiwe, naishiq Shiikeawe ma honglu takekai miitu ranaiq tsam khumchang loq na saüli kaiho miitu naishiq ma aming kuqlaq.’

DUNGWVNC 3:4

Ümtiikiiwa Tatiwe raq Mosheq ka atho na warai chhitaq, kiitiikaq apaiq raq kra rumtamse mong maq, “Mosheq lei! Mosheq lei!” nguta heato. Apaiq raq treto, “O, ngi ka ajiilii.”

DUNGWVNC 3:6

Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

DUNGWVNC 4:1

Kiijiishe Mosheq raq Tatiwe bom ka akha treto, “Shatmaq Israilnok raq ngi ma kam mak kiimaq ngi raq chong tiikang kra taimak raüha. Tsangshiq raq ngi nang nga ümniika ngi rai riihumki maü dea nguta nguraüha?”

DUNGWVNC 4:31

Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.

DUNGWVNC 4:4

Kiijiishe Tatiwe raq Mosheq ma thaüto, “Hiq na bum laüta kra amaita maq tsunsaq riilaq.” Kiimaq Mosheq ka hiq na bumsaq raüta paükaü ka amaita maq tsunhit riito. Kiimaq paü ka nyeakii miishe jaki nongto.

ISAIA 7:9

Israil mung ka tsangmung nyung chong chela Samaria thaq na ajong riimak. Kiimaq Samaria chela ka tsang Hokhamwe Peka ningkun thaq na ajong riimak. “Ümkam tsantsii ka phataqtaq atsing angang riimak raüla, ümniika tsinglot maü mirhaü.”

JEREMIA 31:3

Ngi ka luhea maq tsangshiq rai sham riichhiki kang. Israilnok lei, Ngi raq namshiq ka wranaiqshe lungwii wankang. Kra ningkhan, Ngi raq namshiq ma imangchan ka tiipitmang phan maq tiichhi kuqtiikang.

John 11:15

Shatmaq, namshiq ma ahea miitu, apaiq langpit akhing na ngi ka tamii ba chakang. Kra ningkhan, ngi ka kai chochi tiikang. Ara jamto chochi tiikang ngukla, namshiq raq ngi ma mikam wan han. Riita, ümchaü minla, nashiq ka apaiq phaniishe kirong pha.”

John 11:42

Ngi raq asap ha, ümniiraq i bom ka ümtiikiimin tlea maü phan. Shatmaq, ngi raq ara bom tiikang arka, arjaq nokwe thung tlaq ariiraq, ngi ka ümniiraq atiikihaü we dea nguta mikam laq nguta ara bomtiikang.”

John 20:27

Tsangshiq rai kra bom raütiishe, Jesuq raq Thomas ma nguto, “Riita, ümchaü min, ümjaq shi maq arjaq chhum liina. Kiimaq, i jaq phi miphan ara lii liina. Laüta, ümjaq shi maq, i siimpii na amiphan sitlaq arjaq ümjaq maq sham liina. Ümchaü min kam maü li riishatshat ka naq si kiq she. Ümchaü sanha kam liishe!”

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

John 5:36

Shatmaq, ngi miitu Johan raq jamlai hakhi wa kuqtaq, kra thaq niimin ajong hakhi kewanti ka asi. Ngi raq jamlai wa sham tiikang thun arka, i We raq atiisham wan. Arthun jaqsham ara riili, ngi arka, i We raq atiiki dea nguta, ngi miitu hakhi kuq tlo.

Acts 7:2

Kiijiishe, Stephen raq akhiishe trehoto, “I phu i notiim nai i nyung i wetiim lei, ngi raq chongpha tai ronglaq! Nati Abraham ka Haran hiq na milaühoshaq na Mesapotamia mung na siji na, achhai anyii Shiikeawe ka apaiq phana kito.

Hebrews 11:16

Kra rii na, tsangshiq ka ramungtan na tsangshiq miitu hiqshong rahai, athuk atsom thü tlaq kiijaq saü tlo hai jiilei nguta maklii khamthii maq siwanto. Krai mren, Shiikeawe raq tsangshiq ka apaiq sengibi ma tiija wan dam miitu Shiikeawe ka jeasi mak. Kiimaq krai mren, Shiikeawe raq tsangshiq miitu tsangshiq siwan chang hiqshong rahai chela ashi tei kuqto.