DUNGWVNC 4:5 - Hawa Naga Bible 2001

⁵ Yehowa rueq, “Israel miqsaz khaungkac nuex kvkhoc ruez kuq shuiuz, kvkhoc ngoz ruiux jix mnoz kuex tsuingshiq jix vwaz tamx Tishox, Abraham, Esak nuiyc Yaku Tishox, Yehowa rulc rvhumc toq lvmz kuex tsuingshiq kvmx tuex,” ngoz tueq jungx tueq.

ASII LAKDAP Bible (BSI)

⁵ Kiimaq Tatiwe raq nguto, “Ara klo laüta Israilnok ma Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai riihum kito dea nguta saqse tiichhi kuqlaq.”

DUNGWVNC 4:5 Referencias Cruzadas

RAPHA HIQWA LAK 12:7

Yehowa kuex Abram muex kvkhic kaz vtueq piq muex ngoc, “Vruex mungx kuex msuiuz msaz hez muex ngaz rueq kuq phaungx,” ngoz tueq jungx tueq. Kvkaq Abram rueq piq muex shvmx kvkhic kaz tueq Yehowa tvkoc kvruex baung kvyuq shomrawx tvhungx tueq.

RAPHA HIQWA LAK 17:1

Abram kuex rullungx wawc 99 nuex Yehowa kuex piq muex kvkhic vtueq, “Ngaz kuex Tvphaungc Tvsuip Tishox rvtauk. Ngvy kvjaz kuex phvnx vtueq vlvmx yauk shuimc kuex mkaq muinz shuimx shuiuz.

RAPHA HIQWA LAK 18:1

Yehowa kuex Mamre wawc vsawc pulx jungx htenc httax yaq baung maq Abraham muex kvkhic kaz tueq. Abraham kuex shalx kawc hvlc baunglaung vtap kvlc nuex ngaungc hvt maq,

RAPHA HIQWA LAK 26:2

Yehowa kuex Esak muex kvkhic kaz vtueq, “Mnoz kuex Ejip mungx nuex nauk kaz kaz; ngaz rueq jungx kuq vphaungx mungtan vyuq httax kuiuz.

RAPHA HIQWA LAK 28:13

Kvkaq Yehowa kuex piq httoarc nuex jvp vtueq, “Ngaz kuex Abraham nuiyc Esak Yehowa Tishox rvtauk. Mnoz majuiuc woalc vtuiux baung kuex mnoz nuiyc msuiuz msaz htenc muex ngaz kuq phaungx.

RAPHA HIQWA LAK 48:15

Kvruex yimaq piq rueq Yosep muex ruimruimx kuq tueq kuex: “Ijix Abraham nuiyc iwaz Esak rueq nawk palx yaq Tishox lex, nox nueyc vmax ruimrix kuq shuiuz! Ngaz kuex majuiuc nuex httuiuc laz tvkhup wungx kuy jix Tishox lex, tsuingshiq muex ruimrix kuq shuiuz!

RAPHA HIQWA LAK 48:3

Yaku rueq Yosep muex ngoc, “Tvphaungc Tvsuip Tishox rueq Kanaan mungx Luza ghaq maq ngaz muex kvkhic kaz vtueq ruimruimx kuq phuex.

1 HOKHVMX 18:36

Raungyac shomc nawk kuy jauz nuex shex, shvmmax Eliya kuex shomrawx hep nuex kvnvp kaz vtueq, “O Abraham, Esak, Yaku hez Tishox, Yehowa lex, mnoz kuex Israel Tishox rvtoq kvmuinz, ngaz kuex mnvrc waz rvtauk kvmuinz, mnoz rueq nvr phux bomc kvmaq vruex yauk shuimc htenc lotlaz shuimx vshaungx kvmuinz majuiuc dvyx hakhix tvdung tvkhic shuiuz.

2 KAÜWA WERAÜ 20:20

Nvp yix raungnuiyq raungnvp saz maq mungx miqsaz htenc kuex Tekoa hep kumtsvy tvnx nuex kaz wvnc wuez tueq. Tsuinghez kvmoay phaungc wvnc koq tueq Jehoshaphat rueq vkhoc tsuinghez muex jungx tueq: “Yuda nuiyc Yerusalem wawc miq htenc lex! Yehowa nuimshiq Tishox muex tvluimc wuez shuinz, ngoz ruiux nuimshiq kuex phaungx duing jvp lot tuinx. Nuimshiq muex jungx yaq shvmmax bix kvjaz kvmac kvmx kuinz, kvkaq nuimshiq rueq lot laungc wuez shuinx,” ngoz tueq jungx tueq.

DUNGWVNC 19:9

Yehowa rueq Moshe muex ngoc, “Ngaz kuex htvy hvlc phuemx daungx maq mnoz kox nuex kaz raungx, mnoz rulc ngaz kvjak taungx kvjaz kuex miq htenc rueq tay ruiux yuq, majuiuc vmaq phaungc vtueq mnoz muex kvmluimx wvnc tuex,” ngoz tueq jungx tueq. Miq htenc rueq tvralc tueq kvjaz kuex Moshe rueq Yehowa muex tvtay jungx koq tueq,

DUNGWVNC 3:15

Israel miqsaz muex jungx kuq shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kuex tsuingshiq kox nuex tvkaz vphaungx. Vruex muingc kuex pattup pat-sac yaungx tuex; yix maq miqphvnx lotlaz miqpat ruip rawx rueq ngaz kuex gvl wuez phuex.

DUNGWVNC 3:16

Mnoz kaz vtueq Israel miqsaz walaungx bix kuex tvtuimx ruiux, tsuingshiq muex jungx shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kox nuex kvkhic kaz tueq lvmz tsuingshiq muex jungx shuiuz, ngaz tsuingshiq kox nuex kaz vtueq Ejip miqsaz rueq tsuingshiq muex ruez yaq kuex khiz tauk.

DUNGWVNC 3:18

“Mnoz rueq jungx shuiux kvjaz kuex ngvy miqsaz rueq tay shuex. Kvruex yimaq mnoz kuex Israel walaungx bix rulc vdvmz Ejip hokhvmx waz kox nuex kaz vtueq, ‘Hebre miqsaz Yehowa Tishox kuex kvkhic phuex shex. Majuiuc nuiyshiq Yehowa Tishox muex shomc nawk kuy tvkoc nuiyq thuimx lvmx kumtsvy tvnx nuex kaz phix,’ ngoz tueq thoz shuinz.

DUNGWVNC 3:4

Moshe kuex kvruex hep nuex kaz koq tueq, Yehowa rueq khiz vtueq rumz mungx kvmaq, “Moshe! Moshe!” ngoz tueq gvl tueq. Moshe rueq, “Ayc, ngaz vyuq luez,” ngoz tueq tvralc tueq.

DUNGWVNC 3:6

Ngaz kuex mjix m-waz tamx Tishox, Abraham, Esak, Yaku Tishox rvtauk,” ngoz tueq jungx tueq. Kvkhoc rvtueq Moshe rueq vhtvlx kuex puingc gay tueq, yvmx rvtueq lac ngoz ruiux lec piq kuex Tishox muex hiz vtueq lawc khvmc muq.

DUNGWVNC 4:1

Moshe rueq Yehowa muex ngoc, “Mkhoc shoc maq Israel miqsaz kuex ngaz muex kvmx muq, ngaz rueq jungx ruiux muinz tay muq. Mnoz rueq Yehowa khiz toq ngoz shuiux kuex yaungx lot muq, ngoz laq ruiux yuq, ngaz rueq yvmx khoc lac rvshaungx?” ngoz tueq wiz tueq.

DUNGWVNC 4:31

Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

DUNGWVNC 4:4

Kvkaq Yehowa rueq Moshe muex ngoc, “Bumx shauk raz tueq vmiz kvmaq lvp shuiuz,” ngoz tueq. Moshe kuex bumx vtueq puiuc kuex lvp koq tueq, ngvlhtulc muex hulawx yaungx kaz yek tueq.

ISAIA 7:9

Israel kuex Samaria mungx nuiyc kvruex ghaqyungx htauk nuex jvnc vtueq hungc vguez, Samaria mungx kuex hokhvmx Peka tanc khvnc hungc vguez. “Mkhoc shoc maq mnoz kvmluimx thuinz phaungx muq ngoz ruiux kuex, mnoz ngaungx lot tuiux rvmuq.”

JEREMIA 31:3

ngaz kuex loayc hvlc maq tsuingshiq kox nuex dung kaz tauk. Israel miqsaz lex, ngaz rueq nuimshiq kuex mkaq muinz lungwawx vphaungx ningkhvnc nuex, nuimshiq muex ngvy lungwawc thuinz kuex tvhttoarc vtueq tvkhic phaungx.

John 11:15

yuq muinz kvruex baung kvyuq ngaz vguez rvtauk kuex nuimshiq kvmluimx wvnc tvkoc rvtueq ngaz kokez vtaungx. Vpiq kox nuex kaz ix,” ngoz tueq.

John 11:42

Mnoz rueq mkaq muinz ngvy kvjaz tay kuq vphux kuex ngaz rueq tuiuz vshaungx. Yuq muinz mnoz rueq ngaz vtvkaz phux kuex vyuq httax yaq miq htenc kvmluimx wvnc muex tsuingshiq tvkoc ngaz rueq vkhoc thoz vphaungx,” ngoz tueq.

John 20:27

Kvkaq vpiq rueq Thoma muex, “M-yauk shix maq vruex baung vyuq htuinc lawc shuiuz, ngvy yauk vmuinz lawc shuiuz, m-yauk tvlanc vtueq ngvy samx vruex pemz lawc shuiuz, kvmluimx thuinz nauk tvyaq kaz, kvmx kuiuz!” ngoz tueq.

John 20:31

Yuq muinz Yesu kuex Tishox Saz Mesia rvtueq lvmz nuimshiq kvmluimx lvp tvkoc muinz, kvkhoc kvmluimx wvnc vtueq, vpiq muingc maq rullungx lvp wvnc tvkoc muinz vruex lvmz htenc kuex wuiyq shec tueq.

John 5:36

Yuq muinz ngaz rueq lvp taq tauk hakhix kuex Yohan rueq khvmc yaq hakhix htauk nuex muinz vyungx rvtueq. Yvmx khoc lac ngoz ruiux lec Iwaz rueq ngaz muex kuq vtueq ngaz rueq shuimx vshaungx htenc rueq muinz, ngaz kuex Iwaz rueq vtvkaz rvtueq lvmz hakhix khvmc kuq yaq.

Acts 7:2

Stephen rueq, “Phunox bix nuiyc iwaz hez lex, ngaz rueq jungx vshaungx kuex tay shuinz! Naungshiq jix vwaz Abraham kuex Haran ghaq nuex max httax waung shauk Mesopotamia mungx nuex httax tueq baunglaung ngauz vngax httax yaq Tishox kuex piq kox nuex kvkhic kaz vtueq,

Hebrews 11:16

Yuq muinz tsuingshiq rueq kvruex mungx htauk nuex muinz vhvlx raungx mungtan kuex rvnphvnx wuez yaq. Kvkhoc rvtueq Tishox kuex tsuingshiq Tishox ngoz tueq gvl yaq kvmac yvlc sac muq, yvmx khoc lac ngoz ruiux lec vpiq rueq tsuingshiq httaz juing ghaqyungx vshiz tvhungx shec tueq.