1 Peter 5:1 - ASII LAKDAP Bible (BSI)

¹ Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.

Hawa Naga Bible 2001

¹ Phungc kuex lawc mawc shunshvlc jix ngaz phungc walaungx washiz ikhoc, phungc walaungx bix nuex lomx yaq nuimhez muex kvpiq nvyx vphaungx. Ngaz kuex Christu rvhumc wvnc tueq kuilc daz htenc kuex khic jix hakhix washiz ikhoc maq muinz, dung kv-khic wvnc tuex ngauz vngax kuex nuimshiq rulc roc nuex lvp wvnc muex tvluimc jix waz ikhoc maq muinz nuimshiq muex ngaz rueq kvpiq nvyx thoz vphaungx.

Muklom

¹ Nim miqlang tang, nga nim ma likwit phang, nga nim mal miqlang etho Khristo tsamnang miikkhi kottey etho bara phun amun takhina eshina nga tho atha angnáng.

1 Peter 5:1 Referencias Cruzadas

Luke 24:48

Riita namshiq ka arthun hongtha wantaq ara chhi tai wanti saqse hakhibi kong sitlan. Kriikha maq ara tsütsa ara michong kuq han.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 11:30

Tsangshiq raq ara khrum kongphiq jaqmiiq kampho arka riichom lot raütiishe, Barnabas nai Saul ma, Jerusalem na phungtu liiti maiqlare jaq niishe tiikuq kito.

Acts 14:23

Tsangshiq raq phungtutek na, ashun asheati maiqlare thun kra shong thüto. Kiimaq amang maq achu jaü raüta, tsangshiq ka tsangshiq raq kamwantlaq Tatiwe jaq khong na kiinong kuqto.

Acts 15:4

Tsangshiq ka Jerusalem niishe saüki kiita, phungtuti raq nai kiimwebi raq kiimaq maiqlare raq khoqriiq shishiiq miishe taoto. Kiimaq Shiikeawe raq tsangshiq lümaq ümtinkhan wa jaq shamtaq, kra tsütsa ka tsangshiq ma tiitai chongphan kuqto.

Acts 15:6

Krai mren she, kiimwebi nai maiqlare ka adam nga raüta, ara bomtsi khuthaq na bom ka riichong phanto.

Acts 2:32

Riita, ija, ümchaü ka ara Jesuq arka amaa wa, Shiikeawe raq tiidong wanto she dea nguta, naishiq tarü raq asap hai kha maq, hakhi kuq tiikai.

Acts 20:17

Miletas maq Paul raq Ephisia phungtu liiti maiqlare ma tsangshiq ka apaiq rai mirhumki laq nguta bom ka tiichong wato.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Acts 21:18

Kiimaq naiqjai ranaiq she, Paul ka naishiq rai adam maq Jakob rai riihumkai kito.

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

2 Corinthians 5:1

Nashiq raq asap i she, ranaiq shishi ka ara ümchaü nashiq sitiikai, nashiq han-ngam khum jolitiip arka, ariim riiki raüta atham she mirki. Ara thamkai jai miishe, Shiikeawe raq nashiq sichang jam, ramungtan niishe mikuq. Kra jam ka Shiikeawe apaiq jaq maq ahai. Kra jam ka pattup pat-sa thenki mak phan.

2 Corinthians 5:8

Nashiq ka ara tiima lailaita tsailam jilam maq singa tiikai. Kiimaq ara nashiq han-ngam hiqda jam ara Tatiwe apaiq saüki tlaq krai adam na wawan khetiikai. Laita apaiq rai adam na siwan miitu khe tiikai.

Philippians 1:19

Ara jamkhano ngutiikang ngukla, namshiq raq ngi miitu achu jaü kuq tlan kra lümaq, kiimaq Khristo Asii Wenyi raq khrum kuqtlaq kra lümaq, ngi ka phaqtek mong wa mitiidong kuq nguta kam tiikang.

1 Timothy 5:1

Nyungwe maiqla ka mosontam naq sonkiq. Shatmaq, apaiq ka ümwe ikha shreng laüta, bomhea miili tru chongkuq laq. Arawii na ümniima anotiim ka, ümnotiim shaq ikha lii laq.

1 Timothy 5:19

Maiqlare phungtu sheati thaq na kha nyan raüla, tresaq ka naq trekiq. Hakhi wenai lo, kra thaq na apa riishe hakhi kuq raü jiitiq, atai chang asi miraq.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.

Titus 1:5

Ngi raq ümniika Kret wang na jaqsham tlot thü miitu baiqthü kang. Ümniiraq kra jaqsham atiinyi wan chang thun sitlaq kra, tlotli sham laq. Chelatek na phungtu liiti, maiqlare tsea laüta, shiikap laq. Ngi raq ümniima tsii chongkuq pha thun ira tsan na samhea tiitsangshat maq silaq.

Philemon 1:9

Li jiimin la, ngi raq ümnaq lungwii tiikang kha maq, ümniima amingke la na, atiipaiqnea lam miili she bom tiikang. Ngi ka Khristo Jesuq kiimwe. Kiimaq ümchaü min la, ngi ka Khristo apaiq mang na, phaqtek mong na sitiikang.

Hebrews 12:1

Riita, ija ümchaü sanha, nashiq trotam na, nashiq kamasham rilung na, nashiq ka jamkho shongnga tiikai, ara liiwanti, maiq hakhi bi ara chong wankai thun ara asi. Krai mren, ümchaü sanha, nashiq khum na tiibanbi chang ngarai, tiima tsantsii ümchuwa sitlaq kra thun ka wiita, chhut baiq thütlo wan rong i. Laita, kamtsantsii rilung na, ajong alu wan miitu, ümloq na saü li ju chang wa, kiijaq saü wanli chang miitu, shiikut laita ju rong i.

1 Peter 1:12

Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

1 Peter 4:13

Jesuq jamkho chamchaotaq, apaiq jijai na namshiq min apaiq jaiphan chamchao tiikai nguta khoqriiq shishiiq maq sirong laq. Krai mren, apaiq ümtiikiiwa saüho tlaq, kra akhing na namshiq raq apaiq khushü jonglu kra chhi lanta kai michochi han.

1 Peter 5:4

Namshiq raq akha tsapkapkap maq sku sekong ka rüm han jiila, ümtiikiiwa sku Rümti Ajong Pinthum we ka saüho nongtlaq akhing na, apaiq raq namshiq ma poksi, pattup pat-sa thenki mak phan achhai anyii wa hea la khuphok she mikuq.

1 John 3:2

Lungwii phunainotiim le, nashiq ka ümchaü Shiikeawe setiim she. Shatmaq ümchaü jamkho sitiikai, arthaq na jai miika ümtinkhan chhai nyii rilung she wa milap rong i riila, kriika ümchaü nashiq raq tak lot mai shaqli. Shatmaq nashiq raq bomtsi poshi ka asap i. Khristo ka ümtiiko saüho jiiq, kra akhing na nashiq min apaiq la apaiq she miklai rong i. Ara jamkhano akha ngutiikai ngukla, nashiq raq apaiq ka, apaiq riikhaqli jamkho sitlaq kiikhiishe michhi rong i.

2 John 1:1

Ngi, Phukhu we raq-- Lungwii nyino nyung nai asetiim ma, apaiq ka ngi raq pinthum lungwiitiikang. Kiimaq ngi lam lam li ka riimak, shatmaq tengtlaq bomtsi lungwiiti wiita raq ümniika lungwiitlo.

3 John 1:1

Ngi, Phukhuwe raq-- Lungwii phuno Gaias ma, ngi raq apaiq ka riikhaqli lungwii tiikang.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.