1 Peter 5:2 - ASII LAKDAP Bible (BSI)

² Shiikeawe raq apaiq skuse kong namshiq ma trüm tlaq kra, chochikhiq maq shiikum pan lanta rüm ronglaq. Adam ajo lam miika naq rüm rongkiq. Shiikeawe raq tsangshiq ka jamkhii tiichhan chhi wan ro wa, kiikha tiichhan chhi ronglaq. Sku rüm jaqsham ka laqkhaq lap ma süram lanta naq rüm rongkiq. Shatmaq lungwii tsantsii maq skuse kong ka rüm ronglaq.

Hawa Naga Bible 2001

² Tishox rueq nuimshiq muex vlekuq shec khelbuenx kung kuex remc jix hez ikhoc, Tishox rueq tvshuimc roc yaq rulc rv-ngvlc thuinz vlomx maq vkoz vkez shunshvlx remc shuinz. Vmauk vhtawz lvp tvkoc shuimc kay ikhoc rvmuq maq, vsuing juiux kax roc thuinz maq shuimx kaz wuez shuinz.

Muklom

² Shkewa kelwut waan, bara nim jaktáng na, ning shi kelwut rimtey mal siin tan inn etho rimrang inn; kachang chang aa ang moq etharin Shkewa tinuk mal sungrang wang irimal somlo inn. Etho ngin ma nukma ang moq, etharin tin kot eq rimrang inn.

1 Peter 5:2 Referencias Cruzadas

2 HOKHVMX 12:6

Shatmaq Joash raq mung peng wan li maq wiiroqnai ri wiitsam she angu niimin, ramwebi raq Shomjam tiihea hai jaqsham ka pha wan mak shaq li riito.

ASHICHONG 1:8

Wuriise khan tsomhea tsanro nyung lei, ümniiraq isku rümchang nyiimlung ba chhimaü shea? skukong jai phanphan liiho laq. Laüta ümchhechhi thun kra rümho laq. Sku rümti ngachang jolitiipsetiim thotho kiijaq.

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

ISAIA 56:11

Tsangshiq ka shakaq hikong ikha. Ümtin phaqsiq raümin hongto ngumak. Ara welabi thun ka taksu tsü ahü. Tsangshiq loweatek raq maiqmii raq athithi kriili klotlo. Raüta maiqmii ma amet dongchang kriili rittlo.

ISAIA 6:8

Kiijiishe ngi raq Tati raq akha nguto taikang, “Ngi raq juwa mitiikiha? Nashiq kiimwe ma juwa mija?” Kiijiishe ngi raq trekang, “Ngi mikikang! Ngi tiikiliina!”

ISAIA 63:11

Shatmaq tsangshiq raq richüpat wa manphan kra tsan na tiitsangto, Tatiwe jaqshise, Mosheq pat wa akhing ka tsan na tiitsangto. Raüta tsangshiq raq akha waito, “Ümchaü Tatiwe ka ümbano asenginok welabi khamjong chum mong wa tiichhii kuqtaq ira? Tatiwe, Mosheq ma apaiq asii wenyi ketiwe ira ümbano?

JEREMIA 13:17

Kiimaq namshiq raq taiman riihanla, ngi ka namshiq shiikong kha chhilata, ahukse maq mihoqha; Ngi ka makphai khüshang mihoqha, kiimaq imakphai ka mirok, jamkhano ngukla Tatiwe senginok ka rewe raq shumwikong ma kharü maq kha raüta tsuq wanto.

JEREMIA 13:20

Jeremia lei, liilaq! Namshiq khat kaiti rewe thun ka shekhu nü mung nü maq saü hotlo! Ümnaq shiikumpanti maiqthun ka ümbano? Ümsenginok miitu ümniika kai srasiq laü ihata?

JEREMIA 6:13

Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.

JEREMIA 8:10

Kra ningkhan Ngi raq tsangshiq wak ajam thun ka maiq anyeti miishe mikuqha. Kiimaq tsangnyungre ka maiq ahinti miishe miromkuqha. Maiq angu tarü, ajong aran wiita lotli raq, piikii lam na kampho ka arot akiq lam maq lap wan kriili rittlo. Shammibi nai ramwebi raq dongdii min mungmaiqse ka arot chong raüta laoliitlo.

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

EJEKIEL 34:31

“Ngi raq dunghiq lata rümtiikang, namshiq kata, i skusekong kiimaq namshiq kata i senginok. Kiimaq Ngi ahata Namshiq Shiikeawe,” nguta Tati Rakaü Hiqwe raq ngutlo.

EJEKIEL 46:24

Kra maiqwe raq ngi ma chongto, “Arthun arka tashongkhok thun. Shomjam na jaqshamti jaqshi setiim raq mungmaiqse raq akuq honglu ngam thun ka arkhok thun arjaq lumtlo.”

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 5:4

Apaiq she saüki raüla, Tatiwe ningkun aheng, akhum na sitlaq kriimaq, mung ka mipeng wan. Kiimahali Tati Shiikeawe khushü chhainyii heng maq, mung ka mipeng wan. Aphan amaq ka mung atsing miishe misi wan. Jamkhano ngukla mangjong maiqse kunli raq, apaiq jonglu kriishe misap wan.

Mikha 7:14

O Tatiwe lei, ümsengi ümniiraq atsea wan haü, skukong ikha rüm laq. Tsangshiq ka kumtsai phü binjü na sitlo. Li jiimin, tsangshiq sichang hiqtro ka, hiqpo hiqwin jonghea asi. Man na rathup rapha na tsangshiq, Shong chang dongdii, Bashan wang nai Gilead wang binjü na, nyamse dung chang, nyiimlung ram kiijaq, tiishong wan nong laq.

JEKERIA 11:17

Bangbang sku rümtiwe raq mra milap! Apaiq raq askukong wiita tiishaü baiqto! Redong raüjaq apaiq ningkun mithen. Ajaq phum ka ashin mirki. Amak maktsi nü ka amiishe mirki.”

MALAKI 1:10

Tati Ningkun Ajong Pinthumwe raq ngutlo, “Namshiq phong wa weshi ra raq Shomjam kilü thun ka shabaiq raüjaq ahea riichang wa nguta tiima tiikang. Kra nguraü ka namshiq raq athii ahü honglu thun ka iberongwacha na chaqki man mirhan wa. Ngi ka namshiq ma itsan heamak. Namshiq raq honglu kuq tlan ka tao mang.

WEAWEA 18:7

Shatmaq Asii Pinthum Khok nai berong-wacha na ramwe jaqsham chang ümchuwa sitlaq kriika ümnaq nai ümsetiim raq lam lam riili sham ratlo. Arthun jaqsham arka ümnaq arang. Jamkhano ngukla Ngi raq ramwe jaqsham kongphiq ka ümnaq miili kuqkang. Krai mren, maiq juwa arthun jaqsham miitu shong wan mak dea, kriiti weshi ra ka arthun asii hupsam thun artho niila wa raüla, apaiq ka atsea mirbaiq.”

Luke 12:32

“Namshiq ka atsapse li jiimin, naqhai rongkiq. Nam We raq chochikhiq maq, namshiq ma Mungtan ka mikuq.

Acts 20:29

Ngi raq asap ha, i kiim tiijinho jai, namshiq phana bihea pinthum shekong kriishe misaü wan. Raüta, tsangshiq raq skuse kong ka wiita mitiiküshii baiq.

Acts 21:13

Shatmaq, Paul raq tsangshiq ma, “Namtsam ka akha jamkho ngi rai tlan? Aho anyi trang lanta, i tsan ara tiibun baiq sha dan tlan? Ngi ka Jerusalem na shumraü kharü maq tiikha lamlamse li ka riimak! Tati Jesuq miitu, Jerusalem na atsai ma kham tiikang,” nguta tsangshiq bom ka treto.

Romans 1:15

Ara chongkuq tiikang arai mren, ngi ka namshiq Rom na siti miimin, Tsütsa Ahea ara chongke wa miitu, kheshat maq sitiikang.

1 Corinthians 9:7

Phen jati riika maiqmii lamsea homak. Laqkhaq siq raüta phen jaq sham tlo. Kiimaq wak jaqsham seati riika tsam jutsiq tlo. Sku rümti riika sku nyakpü sonyang raüta tiidung hiq tlo.

1 Timothy 3:3

Apaiq ka cheropja raa mak. Kiimaq apaiq raq ningkun ningkaq kiimung raa mak. Shatmaq, apaiq ka kiqnin tsiim nin, sobsob bombom, kiimaq wiitarü rai ari aram maq singati riichang. Apaiq raq tsiiq anyam ma süram min raa mak.

1 Timothy 3:8

Phungtu shunshea wan lam na, jaqsham khrumke damti kiimin maiqshaqtiti kli tsea chang. Tsangshiq tsantsii ka asii, tsangshiq rong arai ka athuk atsom maq singati riichang. Tsangshiq ka chechok tsampii ma ja raa mak. Kiimaq tsiiq anyam ma süram min raa mak.

Titus 1:11

Tsangshiq raq ajiq traho bom chongkuq tlaq kra, ümniiraq atiiwin riilaq. Tsangshiq raq lamjiq bom chongke wan kha maq, Phungmaiqse maiqta pahea, kamtsantsii ka tiipheng baiq hoto. Tsangshiq raq kra chongkuq mak chang, ajiq tri chongkuq tlo. Kriika tsangshiq maiqmii wokpo miitu, kampho lap ma nguta chongkuq tlo.

Titus 1:7

Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Titus 3:1

Ümwokhong na siti senaino Phungmaiqsetiim ma ara tsii chongkuq lili riilaq. Tsangshiq ka munglangti, mungtu shiilangbi nai welabi jaqkhong na si raa tlo. Raüta tsangshiq aming lang raüta misi laq. Kiimaq munglangtibi raq mungjong miitu, jamlai phan wa ahea kiimung tlaq, kra jaqsham miitu tiijeshat maq misi laq.

Philemon 1:14

Shatmiitiq, ngi raq ümniika ngi khrumke raa ma nguta, jaqla maq athaürea ikha ka romang. Kra rü na, ümniiraq maiqmii tlungwii laüta, khrumkuq tlaü we ka, maklii na athuk atsom. Kriikha maq, ngi nü maq ümniima athaü rea ikhiika chong mang. Ümniiriimin, ahea dea nguta trehü miika, jamlai min klo romang.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.