RUTHA 1:6 - ASII LAKDAP Bible (BSI)

⁶ Kra jai maq heashi sijai na Tatiwe raq asengi Israilnok ma achu shiiman kuq raüta tsangshiq ka arong awin she sitlo nguta Naomi raq tsütsa ka Mob mung maq taito. Krai mren, Naomi ka anamnyung nai rai kongshi maq Mob mung kiiwa, tsangmung na wawan she tiijemeto.

Hawa Naga Bible 2001

⁶ Vshauk puq httax tueq yix maq Yehowa rueq vpiq miqsaz muex jurx vkhvmx ruimrix kuq yaq thaungc kuex Naomi rueq tay vtueq, vnvmx nyuiuz nueyc rulc Moba mungx maq yek wvnc tvkoc tvyoalc tueq.

RUTHA 1:6 Referencias Cruzadas

RAPHA HIQWA LAK 21:1

Tatiwe raq akiq kham kuqtaq kra phan phan Sara ma shiiman kuqto.

RAPHA HIQWA LAK 28:20

Raütiishe Jakob raq Tatiwe ma sinkham raüpot akha khato: “Riita ümniika ngi rai nong nong sihaüla, kiimaq ngi raq wanhiq khum tiikang arwa tiikhup wongkuq haüla, laüta ngi ma phaq nai sea kra kuq haüla,

RAPHA HIQWA LAK 48:15

Raüta apaiq raq Joseph ma akha achu shiiman kuqto: “Iwetiim raq shomnoq wantaq Shiikeawe raq, Abraham nai Isak raq shiiliwantiiwe raq, ara nono nai ara mishman kuq laq! Ümchaü ranaiq niitaq saüli ngi shunshea wanti Shiikeawe raq, tsangnai ka mishman kuq laq!

RAPHA HIQWA LAK 50:25

Kiijiishe Joseph raq anok abin kiima sinkham ronglaq nguta akha chongto. Apaiq raq nguto, “Ngi ma kiqkham ronglaq, ümtiikiiwa Shiikeawe raq namshiq ka kra mung na tsuq wan tlaq, kiitiikaq imaa armin namshiq rai mihowan hai,” nguta.

Tvtsvmc 102:14

Ümjaqshise raq kriinyung ka lungwiito, apaiq ka wiita tiithenbaiq kli jumin; tsangshiq raq kriinyung ma tiihang mangchan tiichhishat, apaiq ka wiita athenkaikun she jiimin.

Tvtsvmc 111:5

Apaiq raq phaqsea chomkuqtlo apaiq shrengti ma; Apaiq raq atongshong kiqkham laqbaiqmak phan.

Tvtsvmc 132:15

Ngi raq Jajon ma ratlaq thun ka asho awo michomche kuqha; ngi raq ase ano miitsan maiqse thun ka wok phetaktak midungha.

Tvtsvmc 145:15

Wiitsitsü phan wiita raq üm jaqlii raüta ranphantlo, kiimaq ümniiraq tsangshiq ramtsitlaq na tiiphaqsiqtlaü.

Tvtsvmc 146:7

Apaiq raq chamchao litkotti lop na kha photlo; kiimaq amang aleiti ma tü adung kuqsiqtlo. Tatiwe raq phaqtek na siti tiidong kuqtlo.

Tvtsvmc 147:14

Apaiq raq üm hiqshong hiqrai tiiwongshat rümtlo raüta ümniima ahea pinthum bunwong tiidong mankuq raüta rongboq tiiphaqsiqtlo.

DUNGWVNC 3:16

Kilaq. Laüta Israilnok welabi ka adam na triitamlaq. Laüta tsangshiq ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai sham riichhikito nguta chonglaq. Laüta tsangshiq ma Ngi ka tsangshiq phaniishe saüki kang kiimaq Ejip mungti raq tsangshiq ka jamkho haihiitlaq kriika chhikang she nguta chonglaq.

DUNGWVNC 4:31

Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.

TAKSU LAK 30:8

Inümaq arot bom, naq tiichongkiq; kiimaq ngi ka chiithehea min, naq tiijakiq miitsan hea min, naq tiijakiq. Ngi ma phaq nai sea, ümchuwa ratlaq kra, khaqkhaq kuq laq.

ISAIA 55:10

“Ibomtsi ka tsakhiiq ikha kiimaq rajun ikha, ra maq mangjong hiq na deatlo, raüta hiqraikhü na nyuktlo. Raüta tü atsam kra tiijongtlo, kiimaq tsamlai tiidongtlo kiimaq aphaq sea chang tü atsam tiidongtlo.

JEREMIA 29:10

“Tatiwe raq ngutlo, ‘Ümtiikiiwa namshiq ma Bebilon mung na wiiroq miishi siwan akhing kriishe thumjiiq, raüla, Ngi raq namshiq miitu tsantsii riimtiikang kriishe mitiichhi kuqha. Lata Ngi raq namshiq ka nammung niishe mitiijang shea wanha nguta kiqkham kuqkang kriishe mitiihong kuqha.

Yoel 2:19

Apaiq raq tsangshiq achu jaü treto. Tatiwe raq treto: “Ümchaü san ngi raq namshiq ma, püwong, kiimaq spiqtai, oliptsi tai pahea she, mishman kuqha. Namshiq ka chojong chise miishe, mishong nga wan han. Pongmungti raq nashiq tsaihai mak she miraq.

JEPHANIA 2:7

Juda mungti abung atiichong kriiti riishe, nam mung ka jiiwan raüta misi wan. Tsangshiq raq kiijaq tsang skukong mirüm wan. Raüta Ashkelon chela na jam thun kiijaq mikon. Tatiwe tsang Shiikeawe ka, tsangshiq rai adam sishat miraq. Raüta tsangshiq ka thongshi hali, arong awinnok ma mitiija wan.

Matthew 6:11

Ümchaü ranaiq miitu naishiq ma, dung kuq laq;

Luke 1:68

“Nashiq raq Israilnok Tati Shiikeawe ka shomnoq rong i! Apaiq ka asengi Israilnok kharü diike kai she saükito, tsangshiq ka ümchaü sanha lüsaü wase she.

Luke 19:44

Tsangshiq raq ümniika botkhulai rai she mishot baiq wan. Kiimaq chela mong na siti, maiq angu thun kriika, tiimiqchup she mithaü baiq! Ümniiraq ara ümnaq tsai lam riihum tlaü arka, Shiikeawe ka ümnaq tiichhiike kai saüki phaüta, ümniiraq kra akhing ka sap maü dea riilaü, kriikha miishe miqphaq wan tlaü!”

1 Timothy 6:8

Arkha maq, nashiq atra si miitu, na dü na khea asi, kiimaq nawokpo miitu, dungjada asi jiika hongrai jiiq.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

RUTHA 1:5

tsangnai siphu wenai Mahlon nai Chilion kiimin tsaiki nongto. Krai mren manti-nyung Naomi ka nanse nanjong, awese raq jamkho baiqthütaq kiikha, ase nai riimin hali anyung ka baiqthüto.

RUTHA 1:7

Kra kaisea walam thapthi wantaq krai mren she, apaiq ka tsangshiq sichang hiqshong kiiwa anam-nyung nai rai Juda mung na jang wan nong lam niishe awarai riito.

1 SAMUEL 2:21

Tatiwe raq Hanna ka shiimanto. Krai mren, apaiq raq asetiim ka maiqwesetiim wetsam kiimaq jechaksenai anai humto. Kiimaq nonose Samuel ka Tatiwe shiililii jaqsham na maiqla she jonglu wanto.