DUNGWVNC 3:15 - ASII LAKDAP Bible (BSI)

¹⁵ Israilnok ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe raq ümniika tsangshiq phana tiikito nguta chonglaq. Arka pattup pat-sa miitu imang. Rawiichii maiqpat ümchuwa saü wantlaq kriiraq imang ka akha chong chang.

Hawa Naga Bible 2001

¹⁵ Israel miqsaz muex jungx kuq shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kuex tsuingshiq kox nuex tvkaz vphaungx. Vruex muingc kuex pattup pat-sac yaungx tuex; yix maq miqphvnx lotlaz miqpat ruip rawx rueq ngaz kuex gvl wuez phuex.

DUNGWVNC 3:15 Referencias Cruzadas

RAPHA HIQWA LAK 24:12

Apaiq raq akha achu jaüto, “Tatiwe, itijongwe Abraham Shiikeawe lei, ümchaü ranaiq ngi ma tiiong kuqlaq. Kiimaq itijongwe ma ümkiq kham kuqlaü kra tiikupi kuqlaq.

1 KAÜWA WERAÜ 16:16

Apaiq raq Abraham rai tongshongto, apaiq raq Isak ma kiqkham kuqto.

1 KAÜWA WERAÜ 29:18

Naititiim Abraham, Isak, kiimaq Jakob Tati Shiikeawe lei, ümsenginok tsan nai mongjii na ümniima shomnoq wan tsan atsii ümchaü riimtlaq arka pattup pat-sa phataqtaq maq thü wan laq. Laüta tsangshiq ka wranaiq she ümwokhong na tsapsaü kap se maq shongnga wan miituli riim laq.

2 KAÜWA WERAÜ 28:9

Maiq weshi amang min Oded, apaiq ka Tatiwe Shammiwe ka Samaria chela na sito. Apaiq raq Israilnok phenlabi Juda mungti shumwikong tsuq wan raüta rejang awarai chela na asaü wan she kra lam na riihumto. Raüta apaiq raq akha nguto, “Tatiwe namtitiim Shiikeawe ka Juda mungti ma atsankhiq riito. Kriikha na apaiq raq tsangshiq ka namshiq ma tiitangto. Shatmaq ümchaü ka namshiq raq tsangshiq ka abi pinthum tiinamtok jiipbaiq lan kra kha ka apaiq raq taito she.

Tvtsvmc 102:12

Shatmaq, O Tatiwe lei, ümniika pattup pat-sa hokham; maiqpat kunli raq ümniika tsan na tiitsangshat miraq.

Tvtsvmc 102:13

Ümniika chap laüta Jajon ma tiihang mangchan mitiitsi haü; kriinyung ma tiihang mangchan tiitsi rahiq saütoshe; ümchaü ka kra akhing ka saüto.

Tvtsvmc 135:13

Tatiwe lei, ümniika wranaiqshe Shiikeawe nguta chiiriim raüta michong; maiqpat wiita raq ümniika tsan na mitiitsang wan.

Tvtsvmc 30:4

Tatiwe tiitsam shinge ronglaq, apaiq wokhong na tsapkapkap maq siti lei! Tsan na tiitsang ronglaq Asii We raq jamlai jaq wa shamkuqtaq kra, lantea apaiq ma kechutum ronglaq!

Tvtsvmc 30:5

Atsankhiq ka alose miituli, apaiq thuktsom ka rilung wiilü miitu. Makphai ka rawa na misa sham, shatmaq rawü wan raüla chochi she misaü.

Tvtsvmc 68:5

Shiikeawe, apaiq asii Shomjam na sitiwe raq, jechisere rümtlo kiimaq manti nyungre tiiwongkuqtlo.

Tvtsvmc 72:17

Hokhamwe mang ka ümtiikiimin laqmak she mirlaq; rashe ümkhiiwa thumkimak phan sitlaq kiikha apaiq mangchong kra misilaq. Shiikeawe raq hokhamwe shiimantaq kiikha tsang mung thun kiimin mishman laq nguta tsangshiq raq Shiikeawe jaq wa achu mijaülaq.

Tvtsvmc 72:19

Apaiq mang chhainyii jonglu kra pattup pat-sa tiitsam ronglaq! Apaiq khushü liliim raq mangjong hiq raikhü ka wiita mililiimlaq. Amen! Amen!

DUNGWVNC 15:2

Tatiwe ka ningkun aheng ngi tiiwongti; apaiq raq ngi khupwongto. Apaiq ka ngi Shiikeawe, kiimaq ngi raq apaiq mitiitsamha, iwe ma Shiikeawe, kiimaq ngi raq apaiq jonglu mishiha.

DUNGWVNC 15:3

Tatiwe ka nolajong; apaiq mang ka Tatiwe.

DUNGWVNC 3:13

Shatmaq Mosheq raq treto, “Riita ngi ka Israilnok phana kilata, tsangshiq ma, ‘Namtitiim Shiikeawe raq ngi ka namshiq phana tiikito,’ nguta nguha jaq tsangshiq raq ngi ma, ‘Riita Apaiq mang ka juwa?’ nguta miwai. Kra ngu raüjaq ngi raq tsangshiq ma jamkho michongha?”

DUNGWVNC 3:6

Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

DUNGWVNC 4:1

Kiijiishe Mosheq raq Tatiwe bom ka akha treto, “Shatmaq Israilnok raq ngi ma kam mak kiimaq ngi raq chong tiikang kra taimak raüha. Tsangshiq raq ngi nang nga ümniika ngi rai riihumki maü dea nguta nguraüha?”

DUNGWVNC 4:5

Kiimaq Tatiwe raq nguto, “Ara klo laüta Israilnok ma Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai riihum kito dea nguta saqse tiichhi kuqlaq.”

DUNGWVNC 6:2

Shiikeawe raq Mosheq rai riibomto. Raüta akha nguto, “Ngi ka Tatiwe.

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

ISAIA 26:8

Naishiq ka ümniiraq athithi kriili phantiikai, laita naishiq rantsii ka ümniima thütiikai, naishiq miika ümniikli ratlo.

ISAIA 42:8

“Ngi lamlamli üm Tatiwe üm Shiikeawe. Ngi khushü ka tisho ahinti ma riishake maimak; Ngi raq sumla phra thun ma Ngi shomra ka pheakuq mang.

ISAIA 63:12

Tatiwe ka ümchaü ümbano, man na apaiq ningkun jonghea maq Mosheq lümaq jaqsham jonghea sham wantaq ira, khamjong chum ka atiikho riibaiq raüta, lam tankuq wantaq raüta, asenginok ka kham jong chum mong maq shea wantaq, raüta apaiq mangchong tsa pattup pat-sa miitu tiijong wantaq irwe ira?” Tatiwe raq shunshea wan kha maq, tsangshiq ka rum na siti kumrang kong ikha tsang kiimwiiq ka tiithaptha mak riito.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 33:2

Tatiwe, hiq tiiqtiwe, jurwa tiiq lo raüta hiq ka ashong chang ba na shongtiwe raq ngi ma akha chongto, Apaiq mang ka Tatiwe kriiraq nguto,

DANIEL 2:23

Ngi raq ümnaq tiitsam tiikang, kiimaq shreng tiikang, ititiim Shiikeawe lei. Ümniiraq ngi ma anyan phaqchi kuqlaü, kiimaq ningkun kuqlaü; ümniiraq ngi achujaü trekuq laü, kiimaq hokhamwe ma jamlai chong chang wa, kra naishiq ma tiichhikuq laü.”

Hosea 12:5

Ahata Tati Ajong Shiikeawe Apaiq. Apaiq mang ka Tati Apaiq mang miili Tati nguta shomnoq wan chang.

Hosea 12:6

Riita ümchaü min Jakob saüsetiim lei, Apaiq puk na nyap wan nong ronglaq. Lanta apaiq ma kamtsantsii thü ronglaq. Apaiq ka namshiq Shiikeawe. Lanta apaiq ka tsapkapkap miishe shomnoq ronglaq. Lanta tsankhun tsanmin maq, Shiikeawe ma namshiq rilung lam ka, tiishunshea lantea siwan ronglaq.

Mikha 4:5

Maiq phan aphantek raq, maiqmiimii phra mang chong raüta miphan wan. Shatmaq nashiq riika, nashiq Tati Shiikeawe mang chong laita, pattup pat-sa misi wan rong i.

MALAKI 3:6

“Ngi ka Tatiwe. Kiimaq ngi ka klai mang phan. Arningkhan namshiq Jakob saüse phan ka thumli ka thumki mandea.

Matthew 22:32

‘Ngi ka Abraham Shiikeawe, Isak Shiikeawe kiimaq Jakob Shiikeawe.’ Krai mren, Apaiq ka maiqse amati sitlaq kra Shiikeawe ka riimak. Maiq atrati siwan tlaq kra Shiikeawe.”

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

Acts 7:32

‘Ngi ahata ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.’ Kra bom ka ta raüta, Mosheq ka akiinyii ahai, atiikhai rokshrok riito. Apaiq raq kra liikham mak riito.

TRI CHONGKE 1:11

Riita Tatiwe namtitiim Shiikeawe raq, namshiq ka ahing amunli dea mitiipuchi kuq wanlaq. Kiimaq apaiq raq kiqkham kuq taq kra phan phan chiithe lüwanok ma mitiija kuqlaq!

TRI CHONGKE 1:35

‘Ara abi ashut maiq pat namshiq phong arwa, Ngi raq namtitiim ma hiqpo hiqwin mung ashi mikuqha nguta kiqkham kuq kang kiijaq weshi ra dongdii min saü wan lu man she mirhan.

TRI CHONGKE 4:1

Kiitiikaq Mosheq raq Israilnok ma nguto, “Ümchaü ngi raq namshiq ma shrinkuq tiikang thungtri raütu thun ara wiita lang ronglaq. Kra riihanla namshiq ahea mishong nga wan kiimaq Tatiwe, namtitiim Shiikeawe raq namshiq ma kuqtlaq mung ka milap wan han lanta misiq wan han.

Hebrews 11:16

Kra rii na, tsangshiq ka ramungtan na tsangshiq miitu hiqshong rahai, athuk atsom thü tlaq kiijaq saü tlo hai jiilei nguta maklii khamthii maq siwanto. Krai mren, Shiikeawe raq tsangshiq ka apaiq sengibi ma tiija wan dam miitu Shiikeawe ka jeasi mak. Kiimaq krai mren, Shiikeawe raq tsangshiq miitu tsangshiq siwan chang hiqshong rahai chela ashi tei kuqto.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.