DUNGWVNC 3:15 - Hawa Naga Bible 2001

¹⁵ Israel miqsaz muex jungx kuq shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kuex tsuingshiq kox nuex tvkaz vphaungx. Vruex muingc kuex pattup pat-sac yaungx tuex; yix maq miqphvnx lotlaz miqpat ruip rawx rueq ngaz kuex gvl wuez phuex.

ASII LAKDAP Bible (BSI)

¹⁵ Israilnok ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe raq ümniika tsangshiq phana tiikito nguta chonglaq. Arka pattup pat-sa miitu imang. Rawiichii maiqpat ümchuwa saü wantlaq kriiraq imang ka akha chong chang.

DUNGWVNC 3:15 Referencias Cruzadas

RAPHA HIQWA LAK 24:12

Piq vjux thoz tueq kuex, “Majuiuc raungnuiyq ijiyungx waz Abraham Yehowa Tishox lex, ngaz kaz tauk lvmx vruex tvlvp luz kuq koq, ngvy jiyungx muex bomkhvmc kuq toq rulc rv-ngvlc m-yaungx wvnc kueq.

1 KAÜWA WERAÜ 16:16

Abraham rulc vpiq rueq vtaq bomkhvrc kvmuinz, Esak rulc vtaq bomkhvmc kvmuinz, mkaq muinz nauk lauk kaz.

1 KAÜWA WERAÜ 29:18

Nuiyshiq jix vwaz Abraham, Esak, nuiyc Yaku hez Yehowa Tishox lex, Mmiqsaz hez nuex kvkhoc lekuy tuiuz yaq thuinz vmungx kuex pattup tvhungc laungc vtueq, mnoz nuex tsuingshiq kuex mkaq muinz tvmtuing tvhttax shuiuz.

2 KAÜWA WERAÜ 28:9

Vmuingc Oded ngoz yaq Yehowa shvmmax waz kuex Samaria ghaqyungx nuex httax tueq. Piq kuex ghaqyungx nuex nyuip waungc juing baung nuex Yuda khoktep miqsaz htenc rulc vdvmz nuex yek waung tueq Israel nolaungx bix rulc piq rvhumc tueq, piq rueq, “Yehowa nuimshiq jix vwaz tamx Tishox kuex Yuda muex khaq vtueq tsuingshiq kuex tvtaungx gay kv-phuinx, yuq muinz majuiuc kuex nuimshiq rueq tsuingshiq kuex bac hvlc thvt gay tuit lvmz vpiq rueq tay tueq.

Tvtsvmc 102:12

Yuq muinz O Yehowa lex, mnoz kuex pattup hokhvmx rvtoq; pat vjat miq lotlaz rueq mnoz kuex rvwvl lvp wuez shuex.

Tvtsvmc 102:13

Mnoz kvtenc vtueq Zion muex menjenc kuq shuiux; piq muex menjenc kuy tvkoc vkhing httuiuc wvnc yaq shex; kvruex vkhing kuex majuiuc shex rvtueq.

Tvtsvmc 135:13

Yehowa lex, mnoz kuex Tishox rvtoq kuex mkaq muinz jungx wuez shuex; miq pat lotlaz rueq muinz mnoz muex rvwvl wuez shuex.

Tvtsvmc 30:4

Vpiq tvmtuing miqsaz lotlaz lex, Yehowa muex tvtsvmc shix wuez shuinz! Vsawc Waz rueq shuimx wvnc tueq kuex rvwvl vtueq, vpiq muex kejux vyungx ngoz wuez shuinz!

Tvtsvmc 30:5

Vpiq thuinkhvy kuex vlox dvyx rvtueq, vpiq vhvlx lvmx kuex rullungx wvlex tvkoc rvtueq. Raungwvrx nuex muik phic svrc ruiux muinz, raungnvp raungwuic wvnc ruiux yuq kokez thuinz hvlc juing lvp yaq.

Tvtsvmc 68:5

Vpiq vsawc Shomc Yuimx nuex httax yaq Tishox rueq, nojix sahez kuex tuimz guimz ruiux mvntix nyuiuz tamx kuex tvkhup wungx kuq yaq.

Tvtsvmc 72:17

Hokhvmx waz muingc kuex mkaq muinz lauk gay muq mruez shueq; piq muingc dung yaq kuex shalx ikhoc mphaungx ngaungx wvnc kueq. Hokhvmx waz muex Tishox rueq ruimruimx kuq yaq ikhoc miqphvnx lotlaz rueq muinz Tishox rueq tsuingshiq muex ruimruimc kuy tvkoc mthoz wuez shueq.

Tvtsvmc 72:19

Vpiq ngauz vngax muingc jungc kuex pattup tvtsvmc wuez shuinz! Vpiq ngauz vngax kuex mungkawx lotlaz nuex mmvrc wvnc kueq. Amen! Amen!

DUNGWVNC 15:2

Yehowa kuex ngvy kvwungx juing hungc vlaungc; vpiq kuex ngvy palc jix waz rvtueq. Vpiq kuex ngvy Tishox rvtueq, ngaz rueq vpiq kuex tvtsvmc shaungx, iwaz Tishox ningkhvnc nuex vpiq yungx luz yaq lvmz kuex ngaz rueq tvtsvmc shix taungx.

DUNGWVNC 15:3

Yehowa kuex shvrvyx rvtueq; Yehowa kuex vpiq muingc rvtueq.

DUNGWVNC 3:13

Yuq muinz Moshe rueq, “Ngaz kuex Israel miqsaz kox nuex kaz vtueq tsuingshiq muex ngoc, ‘Nuimshiq jix vwaz tamx Tishox rueq ngaz kuex nuimshiq kox nuex tvkaz phuex,’ ngoz tueq jungx ruiux yuq, tsuingshiq rueq, ‘Piq muingc kuex yvmx khoc lac?’ ngoz tueq wiz ruiux, ngaz rueq yvmx khoc lac jungx shaungx?” ngoz tueq tvralc tueq.

DUNGWVNC 3:6

Ngaz kuex mjix m-waz tamx Tishox, Abraham, Esak, Yaku Tishox rvtauk,” ngoz tueq jungx tueq. Kvkhoc rvtueq Moshe rueq vhtvlx kuex puingc gay tueq, yvmx rvtueq lac ngoz ruiux lec piq kuex Tishox muex hiz vtueq lawc khvmc muq.

DUNGWVNC 4:1

Moshe rueq Yehowa muex ngoc, “Mkhoc shoc maq Israel miqsaz kuex ngaz muex kvmx muq, ngaz rueq jungx ruiux muinz tay muq. Mnoz rueq Yehowa khiz toq ngoz shuiux kuex yaungx lot muq, ngoz laq ruiux yuq, ngaz rueq yvmx khoc lac rvshaungx?” ngoz tueq wiz tueq.

DUNGWVNC 4:5

Yehowa rueq, “Israel miqsaz khaungkac nuex kvkhoc ruez kuq shuiuz, kvkhoc ngoz ruiux jix mnoz kuex tsuingshiq jix vwaz tamx Tishox, Abraham, Esak nuiyc Yaku Tishox, Yehowa rulc rvhumc toq lvmz kuex tsuingshiq kvmx tuex,” ngoz tueq jungx tueq.

DUNGWVNC 6:2

Tishox rueq Moshe muex ngoc, “Ngaz kuex Yehowa rvtauk.

TAKSU LAK 18:10

Yehowa kuex phaungx hvlc pvrrawx ikhoc rvtueq, tsuingrux jix waz kuex kvyuq kaz vtueq kvwungx httax yaq.

ISAIA 26:8

Nuiyshiq kuex mthuinz roc lvmx phvnx vtueq mnoz muex tvluimc vphix; mnoz kuex nuiyshiq rueq raungc raq vshix lvmz lotlaz rvtueq.

ISAIA 42:8

“Ngaz vshiz dvyx Yehowa m-Tishox rvtauk. Ngvy ngauz vngax kuex vganc mruex tishox rueq muinz lvp shuex rvmuq; Ngaz rueq ngaz kuex yac yuimx htenc rulc vdvmz nuex tvtsvmc kvmc vkhangx kuex kuq shaungx rvmuq.

ISAIA 63:12

Vpiq pumz tvkoc pattup muingc dung wvnc laz juing, Moshe maq raz tueq vpiq luimc vkawc maq svmuktvrax yuix kuex tv-phvlc gay ruiux, yuix thuiuz hvlc maq vpiq miqsaz htenc shvlx wvnc tueq yauk shuimc yunghvlc shuimx wvnc tueq Yehowa kuex m-yuq lac?” ngoz tueq wiz wuez tueq. Yehowa rueq shvlc wvnc ningkhvnc nuex mvre vtsvy htenc kvpek kvhtuiuc muq ikhoc tsuingshiq kuex mkaq muinz kvhtuip rul wuez muq.

ISAIA 9:6

Naungshiq tvkoc nox vshiz jawx tueq shex! Naungshiq muex miqwaz saz kuq phuex! Vpiq rueq naungshiq kuex guimz phuex. Vpiq kuex, “Vwangc juing,” “Tharc jungc jix,” “Ngauz ngax Yunghvlc Tishox,” “Pattup Vwaz,” “Nomic Hokhvmx saz,” ngoz tueq muingc shuex.

JEREMIA 33:2

Ghaq kuex tvhungx vtueq tvdung sung ruiux rvkhauk laz baung nuex tv-ngaungc tvy jix Yehowa rueq ngaz muex jungx phuex. Vpiq muingc kuex Yehowa ngoz yaq waz rueq ngoc,

DANIEL 2:23

Ijix iwaz Tishox lec, ngaz rueq mnoz muex tvtsvmc kvmc vtueq tvtsanc vphaungx. Mnoz rueq ngaz muex taksux tharc nuiyc hungc vlaungc kuq vphux; mnoz rueq ngvy vjux thoz kuex tvralc vphux nuiyc hokhvmx waz muex yvmx khoc jungc juing lac kuex tvkhic vphux.”

Hosea 12:5

Vruex Yehowa kuex Tvphaungc Tvsuip Tishox rvtueq, vpiq muingc kuex nawk palx rvhumc yaq Yehowa rvtueq.

Hosea 12:6

Kvkhoc rvtueq majuiuc Yaku suiuz vsaz phvnx lex, nuimshiq Tishox muex tvluimc vtueq vpiq kox nuex yek kuinz. Tvmtuing httax vtueq tsuingrux maq phvnx shuinz, nuimshiq Tishox rueq shuimx shuex phvnx kuex thuinz vluz maq bvmc shuinz.

Mikha 4:5

Miq phvnx ruip rawx rueq miqmac tishox muex nawk palx vtueq phvnx wuez yaq, yuq muinz naungshiq kuex Yehowa naungshiq Tishox muex pattup nawk palx vtueq phvnx shix.

MALAKI 3:6

“Ngaz kuex Yehowa rvtauk, ngaz kuex kvlayc kaz taungx rvmuq. Kvkhoc rvtueq Yaku suiuz vsaz phvnx htenc lex, nuimshiq kuex dup suik momaq wvnc vtuinx rvmuq.

Matthew 22:32

‘Ngaz kuex Abraham Tishox, Esak Tishox, Yaku Tishox rvtauk,’ ngoz tueq jungx tueq.”

Acts 3:13

Abraham nuiyc Esak, Yaku hez Tishox ngoz yaq, naungshiq jix vwaz hez Tishox rueq vpiq nvrc waz Yesu muex ngauz vngax tvdung kuq tueq. Yuq muinz nuimshiq rueq vpiq kuex vrangx vpangx vhttax jix muex lekuq gay ruiux, Pilat rueq doc muinz vpiq kuex tvdungc gay tvkoc htvp htaz kv-phuinx tueq, nuimshiq rueq Pilat htumc nuex vpiq kuex tvdux gay tuit.

Acts 7:32

‘Ngaz kuex mjix m-waz Tishox, Abraham, Esak, Yaku hez Tishox rvtauk,’ ngoz tueq. Moshe kuex hiz kvkhuirc vtueq vlawc muinz lawc khvmc lot muq.

TRI CHONGKE 1:11

Yehowa nuimshiq jix vwaz tamx Tishox rueq bomkhvmc taq rulc rv-ngvlc nuimshiq kuex lauk vhingc vmunc htenc dvyx muinz rvmuq, tvpux paung vtueq mtvrungx wanx kuq kv-phuinx!

TRI CHONGKE 1:35

Vpiq rueq, ‘Vruex layx bac jix miq vwawc nuimshiq vshiz muinz nuimshiq jix vwaz tamx muex kuq phaungx ngoz tueq bomkhvmc vkuq, ghaq bur hvlc rungwanx yaq mungtan nuex nyuip lvp tuinx rvmuq.

TRI CHONGKE 4:1

Kvruex yimaq Moshe rueq miq htenc muex ngoc, “Nuimshiq muex ngaz rueq tvluing kuq vphaungx tvrac htenc kuex phvnx ruiux yuq, nuimshiq rullungx tvraungx httax vtueq Yehowa nuimshiq jix vwaz tamx Tishox rueq kuq shuex mungx kuex lvp wvnc wuez shuinx.

Hebrews 11:16

Yuq muinz tsuingshiq rueq kvruex mungx htauk nuex muinz vhvlx raungx mungtan kuex rvnphvnx wuez yaq. Kvkhoc rvtueq Tishox kuex tsuingshiq Tishox ngoz tueq gvl yaq kvmac yvlc sac muq, yvmx khoc lac ngoz ruiux lec vpiq rueq tsuingshiq httaz juing ghaqyungx vshiz tvhungx shec tueq.

Hebrews 13:8

Yesu Christu kuex m-yac raungnuiyq, majuiuc raungnuiyq, yix wawc pat vjat mkaq muinz rv-ngvlc dvyx httaz yaq.