DUNGWVNC 3:14 - Hawa Naga Bible 2001

¹⁴ Tishox rueq, “Ngaz kuex Ngaz rvtauk. ‘Ngaz rvtauk ngoz tueq kvmuingc jix waz rueq nuimshiq kox nuex ngaz tvkaz phuex,’ ngoz tueq Israel miqsaz muex jungx kuq shuiuz.

ASII LAKDAP Bible (BSI)

¹⁴ Shiikeawe raq nguto, “Ngi ka Ngi dongdii. Ümniiraq tsangshiq ma akha ngo ratlo: ‘Ngi ka Ngi dongdii nguta ngutlaqwe raq ngi ka namshiq phana tiikito.’

DUNGWVNC 3:14 Referencias Cruzadas

YOBA 11:7

Tishox yungc vloayc nuiyc luimc vkawc vhtvp htaz ruiy taq htenc kuex mnoz rueq humc lot toq haz?

Tvtsvmc 68:4

Tishox muex shix ngoyx shuinz, vpiq muingc kuex tvtsvmc shic maq tvtsvmc wuez shuinz; phuemx htauk nuex ngaungc jix waz tvkoc lvmx tvyoalc wuez shuinz. Vpiq muingc kuex Yehowa rvtueq, vpiq khaungkac nuex kokez wuez kuinz!

Tvtsvmc 90:2

Kuz vkanx htenc max tvdung sung shauk nuiyc mungkawx max dung jauz nuex phuex mnoz kuex vphaungc vyaungc Tishox rvtoq, vhtumx vguez pattup pat-sac Tishox muinz mnoz rvtoq.

DUNGWVNC 15:3

Yehowa kuex shvrvyx rvtueq; Yehowa kuex vpiq muingc rvtueq.

DUNGWVNC 23:21

Piq muex tvtsanc nganc vtueq, piq kvjaz phvnx shuinz. Piq muex nauk khawx lvlx kaz, yvmx khoc lac ngoz ruiux lec piq kuex ngaz rueq vtvkaz rvtueq, piq rueq kvkhoc khawc lvlc jix muex mvrax dawc kuq shuex rvmuq.

DUNGWVNC 3:13

Yuq muinz Moshe rueq, “Ngaz kuex Israel miqsaz kox nuex kaz vtueq tsuingshiq muex ngoc, ‘Nuimshiq jix vwaz tamx Tishox rueq ngaz kuex nuimshiq kox nuex tvkaz phuex,’ ngoz tueq jungx ruiux yuq, tsuingshiq rueq, ‘Piq muingc kuex yvmx khoc lac?’ ngoz tueq wiz ruiux, ngaz rueq yvmx khoc lac jungx shaungx?” ngoz tueq tvralc tueq.

DUNGWVNC 6:2

Tishox rueq Moshe muex ngoc, “Ngaz kuex Yehowa rvtauk.

DUNGWVNC 6:3

Abraham, Esak, Yaku muex ngaz kuex Tvphaungc Tvsuip Tishox rvtauk lvmz kvkhic kaz tauk, yuq muinz ngvy shauk pumz maq tsuingshiq muex ngvy vsawc muingc Yehowa rvtauk kuex tvtuiuz mauk.

ISAIA 42:8

“Ngaz vshiz dvyx Yehowa m-Tishox rvtauk. Ngvy ngauz vngax kuex vganc mruex tishox rueq muinz lvp shuex rvmuq; Ngaz rueq ngaz kuex yac yuimx htenc rulc vdvmz nuex tvtsvmc kvmc vkhangx kuex kuq shaungx rvmuq.

ISAIA 44:6

Israel kuex guimz lawc vtueq tvkhup wungx yaq Yehowa, Tvphaungc Tvsuip Yehowa rueq, vkhoc jungx tueq: “Ngaz kuex vphaungc waz nuiyc vtvsuip waz ngoz yaq Tishox rvtauk; ngaz maq lvy vtueq tishox vganc vguez.

Matthew 18:20

Yvmx khoc lac ngoz ruiux lec miq wanueyc wathuimx rueq ngvy muingc ruingc vtueq rvtuimx ruiux kuex, kvruex yuq tsuinghez hvlwvl nuex ngaz muinz lomx vtaungx rvtueq,” ngoz tueq.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

John 8:24

Kvkhoc rvtueq nuimshiq kuex miqmac mvrax nuex thueyc tuinx ngoz tueq ngaz rueq jungx vphaungx, ‘Ngaz kuex ngaz ngoz vshaungx waz rvtauk,’ kuex nuimshiq kvmluimx muit ngoz ruiux yuq nuimshiq miqmac mvrax nuex dvyx thueyc tuinx,” ngoz tueq.

John 8:28

Kvkhoc rvtueq Yesu rueq, “Nuimshiq rueq Miq Saz vruex raungx nuex tsomz gay ruiux jix, ‘Ngaz kuex ngaz ngoz vshaungx waz rvtauk,’ kvmuinz, ngaz kuex ngvy vrangx vpangx maq yvmx muinz shuimx mauk, Iwaz rueq ngaz muex tvluing kuq yaq kvrulc rv-ngvlc dvyx jungx vshaungx lvmz kuex nuimshiq rueq tuiuz wvnc shuinx.

John 8:58

Yesu rueq, “Ngaz rueq nuimshiq muex vsuing jungx kuq ix, Abraham max jawx nuex phuex ngaz vhttax rvtauk,” ngoz tueq tvralc tueq.

2 Corinthians 1:20

vpiq kuex Tishox bomkhvmc lotlaz tvkoc, “Rvtueq” ngoz tueq tvkhic kuy jix waz rvtueq. Kvkhoc rvtueq naungshiq rueq Tishox ngauz vngax tvdungc tvkoc Yesu Christu nuex “Amen” ngoz vshix rvtueq.

Hebrews 13:8

Yesu Christu kuex m-yac raungnuiyq, majuiuc raungnuiyq, yix wawc pat vjat mkaq muinz rv-ngvlc dvyx httaz yaq.

Revelation 1:17

Kvruex waz kuex khiz vtueq ngaz kuex vmaungx ikhoc vpiq yaz phaungx nuex rul wvnc tauk. Vpiq rueq ngvy htauk nuex yaukkeq kox yauk kuex tvdaungc vtueq, “Nauk hiz kaz! Ngaz kuex Vphaungc nuiyc Tvsuip waz rvtauk.

Revelation 1:4

Ngaz Yohan rueq Asia mungx hong nuex httaz jix phungc mvshix muex luik wuiyq tvwvnc vphaungx. Majuiuc pat, mvnnuex pat, yix maq pat nuex muinz httax hvt dvyx httax yaq Tishox kox wawc muinz, vpiq hoc daungraungc khaungkac nuex httax yaq siyac mvshix kox wawc muinz,

Revelation 1:8

Majuiuc pat, mvnnuex pat, yix maq pat nuex muinz httax hvt dvyx httax yaq Tvphaungc Tvsuip Taungjix Tishox rueq, “Ngaz kuex vphaungc nuiyc vtvsuip rvtauk,” ngoz tueq jungx tueq.

Revelation 4:8

Kvruex ngvmx saz bvlic vtaungx nuex vraungx tvruk phok httax yaq, tsuingshiq shauk gvnz vmungx vtsec lotlaz nuex vmuik poz mvrc yaq. Tsuingshiq kuex raungnuiyq raungwvrx thauk muq maq: “Mvnnuex pat, majuiuc pat, yix maq pat httuiuc wvnc yaq nuex httax ruq httax yaq, Tvphaungc Tvsuip Taungjix Tishox kuex vsawc, vsawc, vsawc rvtueq,” ngoz tueq jungx yaq.