DUNGWVNC 3:14 - ASII LAKDAP Bible (BSI)

¹⁴ Shiikeawe raq nguto, “Ngi ka Ngi dongdii. Ümniiraq tsangshiq ma akha ngo ratlo: ‘Ngi ka Ngi dongdii nguta ngutlaqwe raq ngi ka namshiq phana tiikito.’

Hawa Naga Bible 2001

¹⁴ Tishox rueq, “Ngaz kuex Ngaz rvtauk. ‘Ngaz rvtauk ngoz tueq kvmuingc jix waz rueq nuimshiq kox nuex ngaz tvkaz phuex,’ ngoz tueq Israel miqsaz muex jungx kuq shuiuz.

DUNGWVNC 3:14 Referencias Cruzadas

YOBA 11:7

Ümniiraq Shiikeawe jonglu nai Shiikeawe ningkun heng kiima hiqrai michum kuqlot haü shea?

Tvtsvmc 68:4

Shiikeawe ma shinge ronglaq, apaiq mang tiitsam shi ronglaq; phumda thaq na ngatiwe kaichang lam tiije ronglaq. Apaiq mang ka Tatiwe— apaiq rai mantut na chochi ronglaq!

Tvtsvmc 90:2

Ümniiraq kin thun mitiiqhaüshaq niiphü riimakla mangjonghiq ka mitiiqhaüshaq niiphü, ümniika pattup pat-sa miiphü Shiikeawe dongdii, kiimaq pattup thummak Shiikeaweli mirhaü.

DUNGWVNC 15:3

Tatiwe ka nolajong; apaiq mang ka Tatiwe.

DUNGWVNC 23:21

Apaiq bom ka tiitsang tailaq. Laüta apaiq wokhong na silaq. Akiq ka naqkhiikiq. Jamkhano ngukla apaiq ka Ngi raq atiikiha. Kiimaq apaiq raq akiq khiiti ka tiijoq mak miraq.

DUNGWVNC 3:13

Shatmaq Mosheq raq treto, “Riita ngi ka Israilnok phana kilata, tsangshiq ma, ‘Namtitiim Shiikeawe raq ngi ka namshiq phana tiikito,’ nguta nguha jaq tsangshiq raq ngi ma, ‘Riita Apaiq mang ka juwa?’ nguta miwai. Kra ngu raüjaq ngi raq tsangshiq ma jamkho michongha?”

DUNGWVNC 6:2

Shiikeawe raq Mosheq rai riibomto. Raüta akha nguto, “Ngi ka Tatiwe.

DUNGWVNC 6:3

Ngi ka Abraham phana, Isak phana, kiimaq Jakob phana Ningkun Ajong Shiikeawe heshap maq riihumki kang. Shatmaq Ngi raq tsangshiq ma imang asii Tatiwe kra chonglatiika tiisap kuq mang dea.

ISAIA 42:8

“Ngi lamlamli üm Tatiwe üm Shiikeawe. Ngi khushü ka tisho ahinti ma riishake maimak; Ngi raq sumla phra thun ma Ngi shomra ka pheakuq mang.

ISAIA 44:6

Tatiwe, Israilnok rümti kiimaq tiiwongti, Ajong Pinthum Tatiwe raq akha nguttlo: “Ngi ka atiiphati, kiimaq atiisupti, Shiikeawe ka Ngi arli dongdii; ahin tisho ka ahü, Ngi sitiikang arli dongdii.

Matthew 18:20

Ara jamkhano chongtiikang ngukla, ümbano i mang na maiq ka wenai lo wetsam lo nga tlaq, kiijaq tsangshiq rai ngi min lom damshat mirha.”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

John 8:24

Ara chong tiikang arningkhan tiina, namshiq ka namshiq maiqmii ngarai kho na dea lantli mitsai han nguta chongkuq tiipha ara. Namshiq raq ngi ka, ‘Ngi Santla Ngi,’ nguta tiichong tlaq we kriidea nguta kam man wiiwii, namshiq ka maiqmii ngarai mong niili mitsai han.”

John 8:28

Kriikha miishe, apaiq riili tsangshiq ma bomtsi ka akha tru chongkuq nongto, “Namshiq raq ümtiikiiwa, Maiq Se ka pumsongkham na mitübaiq han, kra ranaiqtiq namshiq raq ngi arka, ‘Ngi Santla Ngi,’ ngutliiwe kriidea ngutiishe misap han. Kra akhing niitiq ümchaü ngi raq namshiq ma ümchuwa jaqsham kuq tiikang arka, i tsiitsii maq asham ha riimak, shatmaq i We aming maq siisaq li dea sham tiikang nguta mitak han.

John 8:58

Kiijiishe, Jesuq raq tsangshiq bom ka treto, “Ngi raq chongtiikang arka tengteng: Abraham ka michii shaq niiphü, ngi ka asi dongdii riikang.”

2 Corinthians 1:20

Apaiq ka Shiikeawe kiqkham ümchuwa sitlaq kra tiiku wanti “Tengto Dea” nguta tre bomtsi. Arkha miitiina, nashiq raq Jesuq Khristo mang na “Amen” nguta Shiikeawe tiishomra tiikai.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

Revelation 1:17

Ngi raq apaiq ka chhi lata, apaiq khaki na bumtlii, ama ikha bumkikang. Apaiq raq ajaq, jaqtsi nü ka, i dü na sham raüta bomto, “Ümniika naqhaikiq! Ngi ahata Atiiphati kiimaq Atiisupti.

Revelation 1:4

Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,

Revelation 1:8

“Ngi ahata atiipha kiimaq atiisup” nguta Tati Shiikea Ajong we raq chongtlo. Apaiq ka ümchaü min asi, man niimin asi, kiimaq apaiq ka jai maq saüho tlaq we.

Revelation 4:8

Kra chongtiikai ngamkaü blai wiita dü niika kaüshi khum niili arakong ka trokrok. Kiimaq kra arakong thun ka, akii niimin, among niimin, amakpo siisaq tiidiimshat. Ranaiq rawa tsaq mak phan maq, tsangshiq raq akha Shiikeawe ka shomnoq shitlo: “Asii, asii, asii Tati Ajong Shiikeawe ka asii. Apaiq ka man na min asi, ümchaü min asi kiimaq jai na saühoti we.”