DUNGWVNC 3:13 - ASII LAKDAP Bible (BSI)

¹³ Shatmaq Mosheq raq treto, “Riita ngi ka Israilnok phana kilata, tsangshiq ma, ‘Namtitiim Shiikeawe raq ngi ka namshiq phana tiikito,’ nguta nguha jaq tsangshiq raq ngi ma, ‘Riita Apaiq mang ka juwa?’ nguta miwai. Kra ngu raüjaq ngi raq tsangshiq ma jamkho michongha?”

Hawa Naga Bible 2001

¹³ Yuq muinz Moshe rueq, “Ngaz kuex Israel miqsaz kox nuex kaz vtueq tsuingshiq muex ngoc, ‘Nuimshiq jix vwaz tamx Tishox rueq ngaz kuex nuimshiq kox nuex tvkaz phuex,’ ngoz tueq jungx ruiux yuq, tsuingshiq rueq, ‘Piq muingc kuex yvmx khoc lac?’ ngoz tueq wiz ruiux, ngaz rueq yvmx khoc lac jungx shaungx?” ngoz tueq tvralc tueq.

DUNGWVNC 3:13 Referencias Cruzadas

RAPHA HIQWA LAK 32:29

Kiijiishe Jakob raq nguto, “Riita ümchaü min ümmang ka juwa chonglaq.” Shatmaq apaiq raq treto, “Ümniiraq imang ka jaram sap wa rotlaü?” Kra ngu raüta apaiq raq Jakob ka shiimanto.

DUNGWVNC 15:3

Tatiwe ka nolajong; apaiq mang ka Tatiwe.

DUNGWVNC 3:12

Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

DUNGWVNC 3:14

Shiikeawe raq nguto, “Ngi ka Ngi dongdii. Ümniiraq tsangshiq ma akha ngo ratlo: ‘Ngi ka Ngi dongdii nguta ngutlaqwe raq ngi ka namshiq phana tiikito.’

DUNGWVNC 3:15

Israilnok ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe raq ümniika tsangshiq phana tiikito nguta chonglaq. Arka pattup pat-sa miitu imang. Rawiichii maiqpat ümchuwa saü wantlaq kriiraq imang ka akha chong chang.

DUNGWVNC 7:16

Laüta hokhamwe ma akha ngulaq, Tatiwe, Hibrunok Shiikeawe raq ngi ka ümniima asenginok ka tiiwa laq, raüta tsangshiq raq apaiq ka kumtsaiphii rumnyangkhi wang na mishomnoq kilaq nguta tiichong kito. Shatmaq ümchaü niitaq ümniiraq kra bom chong ka taimaü li ngiimtlaü.

TAKSU LAK 30:4

Ramungtan phaqchi tsinti juwa? Jurwa rahai ka ajaqphi na, khon raüta shamti? Jurwa sammoktra chum ka, khea thum na thopti? Juwa hiq rai ra rai kra, chumtapti? kriiwe mang ka juwa? ümniiraq asap haü shea? ase mang juwa?

ISAIA 52:6

Jai na akhing misaü wan, kra akhing na namshiq raq Ngi ardea Shiikeawe nguta misap wan han. Kiimaq Ngi riidea namshiq ma arthun bomtsi ara chongkang nguta misap han.”

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 23:6

Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

Matthew 1:21

Apaiq raq ase ka maiqwe se michii. Kiimaq ümniiraq no ka Jesuq nguta mimang haü. Apaiq raq anok abin wiita tsangshiq ngarai mong wa michhii kuq wan.”

Matthew 1:23

Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

PHOWEBI 13:17

Manoa raq treto, “Ümmang ka juwa, nainai ma chongkuq laq. Ümbom chong ka kuwan raüjaq, naishiq raq ümniika shreng wan miitu.”

PHOWEBI 13:6

Kiijiishe maiqnyung ka tsangwe phana wato. Raüta tsangwe ma akha chongto, “Shiikeawe shammiwe iphana kito. Kiimaq apaiq sham ka pinthum maiqkii maiqnyii Shiikeawe rase sham ikha. Ngi raq apaiq ka ümba maq akiwa kriika waimang dea. Kiimaq apaiq raq ngi ma apaiq mang kiimin chong mak dea.