DUNGWVNC 3:6 - ASII LAKDAP Bible (BSI)

⁶ Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

Hawa Naga Bible 2001

⁶ Ngaz kuex mjix m-waz tamx Tishox, Abraham, Esak, Yaku Tishox rvtauk,” ngoz tueq jungx tueq. Kvkhoc rvtueq Moshe rueq vhtvlx kuex puingc gay tueq, yvmx rvtueq lac ngoz ruiux lec piq kuex Tishox muex hiz vtueq lawc khvmc muq.

DUNGWVNC 3:6 Referencias Cruzadas

RAPHA HIQWA LAK 12:1

Tatiwe raq Abram ma nguto, “Ümhiqshong, ümta ümwii ta-nyang seno thun, kiimaq ümwe jamkun kra baiqthü laq. Laüta Ngi raq ümniima mung ashi mitiichhi kuqha kiina laüholaq.

RAPHA HIQWA LAK 12:7

Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.

RAPHA HIQWA LAK 17:3

Kiimaq Abram raq manto tiichhi atheaphi ka hiq na bumtlii bumto. Kiimaq Shiikeawe raq nguto,

RAPHA HIQWA LAK 24:12

Apaiq raq akha achu jaüto, “Tatiwe, itijongwe Abraham Shiikeawe lei, ümchaü ranaiq ngi ma tiiong kuqlaq. Kiimaq itijongwe ma ümkiq kham kuqlaü kra tiikupi kuqlaq.

RAPHA HIQWA LAK 26:24

Kra rawa Tatiwe ka apaiq phana kito. Raüta akha nguto, “Ngi ka ümwe Abraham Shiikeawe. Ümniika naqhaikiq. Ngi ka ümniirai asi. Ngi raq ümniika mishman kang. Kiimaq ümniima ümsaü ümsetiim ka pahea mikuqha. Jamkhano ngukla Ngi raq ijaqshise Abraham ma kiqkham kuqkang.”

RAPHA HIQWA LAK 28:13

Kiimaq Tatiwe ka apaiq tho na achap raü chhito. Kiimaq apaiq raq nguto, “Ngi ka Tatiwe, Abraham Shiikeawe kiimaq Isak Shiikeawe. Ngi raq ara ümnaq kon rai tlaü mung arka ümniima kiimaq ümsaü ümsetiim ma mikuqha.

RAPHA HIQWA LAK 28:17

Kiimaq apaiq ka ahaisi riito. Kiimaq akha nguto, “Arka phiiptsi chang hiq ba! Arka Shiikeawe jam ba sham. Arka ramungtan na wawan chang kilamchong sham.”

RAPHA HIQWA LAK 31:42

Riita iwetiim Shiikeawe, Abraham Shiikeawe kiimaq Isak Shiikeawe ka ngi rai ahü nguraü ka, ümniiraq ngi ka jaqmii maq man niiphü mitiiwa baiq haü wa. Shatmaq Shiikeawe raq ngi chamchao ka chhito. Kiimaq ngi raq minshiiq kang kra chhito. Kiimaq ümwa rawa apaiq raq nanai liipan na kha ka phokuqto she.”

RAPHA HIQWA LAK 32:9

Kra raütiishe Jakob raq akha achu jaüto, “Iti Abraham Shiikeawe kiimaq iwe Isak Shiikeawe lei, ngi achu jaü ara tre laq! Tatiwe lei, ümniiraq ngi ka imung na kiimaq inok ita phana jangho laq nguta chonglaü ihata. Kiimaq ümniiraq ngi miitu phanrap lamlu ka ahea midi kuqha nguta ngulaü ihata.

1 HOKHVMX 18:36

Ranaiq shethung shekham bala honglu kewan akhing she saüto angu na, shammiwe Elija ka kra berong-wacha tho niishe chapto. Raüta akha achu jaüto “O Tatiwe lei, Abraham Shiikeawe, Isak Shiikeawe, kiimaq Jakob Shiikeawe lei, ümchaü akhing arjaq ümniika Israilnok Shiikeawe dea, kiimaq ngi arka ümjaqshi se dea nguta saqse tiichhikuq laq. Kiimaq ngi raq arthun klokang arka ümnaq aming miidea klokang nguta tiichhikuq laq.

1 HOKHVMX 19:13

Riita ümtiikiiwa Elija raq kra maiqbom ka taitaq, apaiq raq atheaphi ka asamtongjong kaü samtlaq kriimaq pangto. Raüta kinphai na dongkito. Raüta kra longshaki kiijaq chapkito. Kiijiishe maiqbom ashi raq apaiq ma akha nguto, “Elija, ümniika arjaq jamlai wa riitlaü?”

NEHEMIA 9:9

“Ümniiraq naititiim ka Ejip mung na, jamkho chamchao wantaq kra achhi haü kata. Ümniiraq khamshii chumjong mong maq, tsangshiq hoqsii wantaq kra tre kuq laü ihata.

ESTHAR 3:4

Tsangshiq raq wranaiqtek kra lam ka chong kiijiimin, apaiq riika taimak dongdii. “Ngi ka Jehudi phan. Ngi raq Haman ka jamkho minoq ha!” nguta apaiq raq tsangshiq bom ka treto. Kra riikiitiishe Haman raq Mordekai hon atsii thü tlaq kra mininlot sha ninlot mak wa, sap miitu, tsangshiq raq Haman ma tiitai kuqto. Jamkhano ngukla, tsangshiq ma apaiq ka Jehudi phan nguta chongto.

Tvtsvmc 132:2

Tsan na tiitsanglaq, Tatiwe lei, apaiq raq kiqkham kuqtaq ira, apaiq raq ümniima sinkhamtaq ira, Ajong Pinthum Jakob Shiikeawe

DUNGWVNC 15:2

Tatiwe ka ningkun aheng ngi tiiwongti; apaiq raq ngi khupwongto. Apaiq ka ngi Shiikeawe, kiimaq ngi raq apaiq mitiitsamha, iwe ma Shiikeawe, kiimaq ngi raq apaiq jonglu mishiha.

DUNGWVNC 29:45

Ngi ka Israilnok phong na misi damha. Kiimaq Ngi ka tsangshiq Shiikeawe ma mirha.

DUNGWVNC 3:16

Kilaq. Laüta Israilnok welabi ka adam na triitamlaq. Laüta tsangshiq ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai sham riichhikito nguta chonglaq. Laüta tsangshiq ma Ngi ka tsangshiq phaniishe saüki kang kiimaq Ejip mungti raq tsangshiq ka jamkho haihiitlaq kriika chhikang she nguta chonglaq.

DUNGWVNC 33:20

Ngi raq ümniima itheaphi ka tiichhi kuq mang. Jamkhano ngukla jurmin itheaphi na liilot mak. Kiimaq chhi raüta atra silot mak.

DUNGWVNC 4:5

Kiimaq Tatiwe raq nguto, “Ara klo laüta Israilnok ma Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai riihum kito dea nguta saqse tiichhi kuqlaq.”

JEREMIA 24:7

Ngi raq tsangshiq tsan mong na Ngi ardea Tatiwe nguta sap wan miitu roriitsii mithii kuqha. Kra riihajiila tsangshiq ka isengi ma mija wan. Kiimaq Ngi ka tsangshiq Shiikeawe ma mija wanha. Jamkhano ngukla tsangshiq ka tsangshiq tsan nai tsü wiita kuq raüta Ngi wokhong na hali mijang wan nong.

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

JEREMIA 32:38

Kiitiikaq tsangshiq ka isenginok she miraq. Kiimaq Ngi ka tsangshiq Shiikeawe she mijaha.

EJEKIEL 11:20

Kiijiishetiq tsangshiq raq itri raütu thun ka mirüm wan kiimaq Ngi raq akuqha aming thun ka tsapkapkap miishe milang wan. Tsangshiq ka isengi miraq. Kiimaq Ngi ka tsang Shiikeawe mijaha.

JEKERIA 8:8

Lata raq tsangshiq ka shedong mung maq riita shenyap mung na saüli atsuq wan kiiwa Jerusalem chela niishe mitiisi wan ha. Tsangshiq ka isengi ma mija. Kiimaq ngi ka tsangshiq Shiikeawe ma mija ha. Lata ngi raq tsangshiq ka tsapkapkap miishe kiimaq tingting tri sham lata mirüm wan ha.

Matthew 17:6

Kra rawang win wa maiq bom kra tai raüta, ajaqshisetiim ka pinthum tsaihü jihü phiipto. Kiimaq tsanghai sitsi ma hiq na bum- rang she weki wito.

Matthew 22:32

‘Ngi ka Abraham Shiikeawe, Isak Shiikeawe kiimaq Jakob Shiikeawe.’ Krai mren, Apaiq ka maiqse amati sitlaq kra Shiikeawe ka riimak. Maiq atrati siwan tlaq kra Shiikeawe.”

Mark 12:26

Riita, maiqse ka ama wa tiidong wan lam bomtsi chongtlaq kra rii we ka, Mosheq raq awaiq thü lakdap na, sangphii rü ka wa na alü rai nguta chongtlaq lakjaq ba kra, namshiq raq phat man sha riitlan? Phat tlan. Kiijaq Shiikeawe raq Mosheq ma, ‘Ngi ka Abraham Shiikeawe, Isak Shiikeawe kiimaq Jakob Shiikeawe,’ nguta chongtlo.

Luke 20:37

Kiimaq, Mosheq raq maiqse ka ama wa adong mirwan nguta, tsangriri hea maq tiichhikuq wanto. Arka alürai sangphii tam nguta bom chong tlaq lakdap jaq ba kiijaq, apaiq raq Tatiwe ka, ‘Abraham Shiikeawe, Isak Shiikeawe, kiimaq Jakob Shiikeawe,’ nguta chongtlo.

Luke 5:8

Simon Petar raq, kra chhi raüta, Jesuq jichong na bumki raütiishe, “Tatiwe le, ümniika i tho wa tiijin tlo laq! Ngi arka ngarai maiq!” nguta Jesuq ma chongto.

Acts 7:32

‘Ngi ahata ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.’ Kra bom ka ta raüta, Mosheq ka akiinyii ahai, atiikhai rokshrok riito. Apaiq raq kra liikham mak riito.

Acts 7:34

Ngi raq I saü I setiim Ejip mung na riitsi tsaitsiiq chamchao tlaq kra chhi kang she. Ngi raq tsangshiq hosii trang kra tai kang she. Kiimaq, ngi ka ümchaü tsangshiq ka shumraü kharü mong wa dokdaa kai kikang. Wara, ümchaü Ngi raq ümniika Ejip mung na tiikipha.’

TRI CHONGKE 6:3

Israilnok lei, kriithun tri bomchong ka tiitsang tai ronglaq, kiimaq aming thun wokhong na sironglaq! Kra riihantiq namshiq ka khusang rakhong maq mishong nga han. Kiimaq namshiq ka maiq mung jonghea ajong ala phan ma mijahan. Lanta kra hiqpo hiq win mung kiijaq mishong nga han. Tatiwe, natitiim Shiikeawe raq jamkho akiq kham kuqtaq kra phan phan kiikha mishong nga wan han.

Hebrews 11:16

Kra rii na, tsangshiq ka ramungtan na tsangshiq miitu hiqshong rahai, athuk atsom thü tlaq kiijaq saü tlo hai jiilei nguta maklii khamthii maq siwanto. Krai mren, Shiikeawe raq tsangshiq ka apaiq sengibi ma tiija wan dam miitu Shiikeawe ka jeasi mak. Kiimaq krai mren, Shiikeawe raq tsangshiq miitu tsangshiq siwan chang hiqshong rahai chela ashi tei kuqto.

Hebrews 12:21

Kiijaq, Shiikeawe raq jamlai wa tiichhikuqtaq thun kriika, mak maq jang nai liilot mai chang henghea riito. Maiqphiip maiqjiip. Kriikha maq, Mosheq raq, “Ngi ha akii anyii rai nai aphiip ajiip rai la tli she, kiinyii raiho kang!” nguta bomto.

Revelation 1:17

Ngi raq apaiq ka chhi lata, apaiq khaki na bumtlii, ama ikha bumkikang. Apaiq raq ajaq, jaqtsi nü ka, i dü na sham raüta bomto, “Ümniika naqhaikiq! Ngi ahata Atiiphati kiimaq Atiisupti.

PHOWEBI 13:22

Manoa raq tsangnyung ma chongto, “Nanai ka atsai she mir i. Jamkhano ngukla nanai raq Shiikeawe chhikai!”