DUNGWVNC 3:6 - Hawa Naga Bible 2001

⁶ Ngaz kuex mjix m-waz tamx Tishox, Abraham, Esak, Yaku Tishox rvtauk,” ngoz tueq jungx tueq. Kvkhoc rvtueq Moshe rueq vhtvlx kuex puingc gay tueq, yvmx rvtueq lac ngoz ruiux lec piq kuex Tishox muex hiz vtueq lawc khvmc muq.

ASII LAKDAP Bible (BSI)

⁶ Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

DUNGWVNC 3:6 Referencias Cruzadas

RAPHA HIQWA LAK 12:1

Yehowa rueq Abram muex ngoc, “Mmungtan, mphvnx mmaq nuiyc m-waz yuimx kuex gay shec ruiux, ngaz rueq tvkhic phaungx mungx kvyuq kaz kuiuz.

RAPHA HIQWA LAK 12:7

Yehowa kuex Abram muex kvkhic kaz vtueq piq muex ngoc, “Vruex mungx kuex msuiuz msaz hez muex ngaz rueq kuq phaungx,” ngoz tueq jungx tueq. Kvkaq Abram rueq piq muex shvmx kvkhic kaz tueq Yehowa tvkoc kvruex baung kvyuq shomrawx tvhungx tueq.

RAPHA HIQWA LAK 17:3

Abram kuex vhtvlx ghaq nuex httuiuc laz bumx yaq nuex, Tishox rueq,

RAPHA HIQWA LAK 24:12

Piq vjux thoz tueq kuex, “Majuiuc raungnuiyq ijiyungx waz Abraham Yehowa Tishox lex, ngaz kaz tauk lvmx vruex tvlvp luz kuq koq, ngvy jiyungx muex bomkhvmc kuq toq rulc rv-ngvlc m-yaungx wvnc kueq.

RAPHA HIQWA LAK 26:24

Kvruex raungwvrx Yehowa kuex piq muex kvkhic kaz vtueq, “Ngaz kuex m-waz Abraham Tishox rvtauk. Nauk hiz kaz; ngaz kuex nuimshiq rulc vdvmz httax vtaungx. Ngaz rueq ngvy nvrc waz Abraham muex bomkhvmc taq tauk ningkhvnc nuex mnoz muex ruimruimx kuq phaungx, msuiuz msaz htenc muinz paung wvnc tuex,” ngoz tueq jungx tueq.

RAPHA HIQWA LAK 28:13

Kvkaq Yehowa kuex piq httoarc nuex jvp vtueq, “Ngaz kuex Abraham nuiyc Esak Yehowa Tishox rvtauk. Mnoz majuiuc woalc vtuiux baung kuex mnoz nuiyc msuiuz msaz htenc muex ngaz kuq phaungx.

RAPHA HIQWA LAK 28:17

Piq kuex hisungx vtueq, “Vruex baung kuex vhiz yaz juing Tishox yuimx raungmungx kaluix khoc vnauz rvtvnx!” ngoz tueq.

RAPHA HIQWA LAK 31:42

Mkhoc shoc maq ijix iwaz tamx rueq nawk palx wvnc tueq Tishox, Abraham nuiyc Esak Tishox kuex nuiyshiq rulc vdvmz rvmuq ngoz ruiux yuq, mnoz rueq ngaz kuex yauk httuiz sawx poalx tvyek khvmz phux. Yuq muinz Tishox rueq ngaz rvhumc wvnc tauk vhtemc vrvmc nuiyc hunnyec hvlc maq shuimx kaz tauk kuex khiz kuq vtueq, m-wvrx vpiq rueq khac phoc lvmx kuq phuex,” ngoz tueq jungx tueq.

RAPHA HIQWA LAK 32:9

Kvruex yimaq Yaku rueq vjux thoz tueq, “Ijix Abraham Tishox nuiyc iwaz Esak Tishox lex, ngaz muex tay kuq koq! Yehowa mnoz rueq ngoc mmungtan nuex nuiyc mtaungx nyuing sanox kox nuex yek waung kuiuz, ngaz rueq mnoz muex tvhvlc tvyoalc moalc kuq phaungx, ngoz tueq jungx phux.

1 HOKHVMX 18:36

Raungyac shomc nawk kuy jauz nuex shex, shvmmax Eliya kuex shomrawx hep nuex kvnvp kaz vtueq, “O Abraham, Esak, Yaku hez Tishox, Yehowa lex, mnoz kuex Israel Tishox rvtoq kvmuinz, ngaz kuex mnvrc waz rvtauk kvmuinz, mnoz rueq nvr phux bomc kvmaq vruex yauk shuimc htenc lotlaz shuimx vshaungx kvmuinz majuiuc dvyx hakhix tvdung tvkhic shuiuz.

1 HOKHVMX 19:13

Eliya rueq kvruex tvruingc kuex tay vtueq, piq htvlx phawc kuex piq khvy maq puingc ruiux lungshaung kvlc nuex jvp kaz tueq. Kvkaq tvruingc vshiz rueq piq muex ngoc, “Eliya lex, vruex yuq mnoz yvmx lac ruez vshuiux?” ngoz tueq wiz tueq.

NEHEMIA 9:9

“Nuiyshiq jix vwaz tamx Ejip mungx nuex kuilc daz rvhumc yaq kuex mnoz rueq khiz toq; Svmuktvrax Yuix Shawx Jumx maq tsuingshiq muex romc kuy tvkoc guyc yaq kuex mnoz rueq tay toq.

ESTHAR 3:4

tsuinghez rueq wvraungx nuiyq tek piq rueq map tvkoc htuiuz shuiuz tueq, yuq muinz tsuinghez kvjaz kuex piq rueq tay kuq muq. Piq rueq, “Ngaz kuex Yuda miqsaz vshiz rvtauk, ngaz rueq Haman kuex bumx vtueq nawk kuq lot mauk,” ngoz tueq. Kvkhoc rvtueq tsuinghez rueq kvruex lvmz kuex Haman muex jungx kuq koq tueq Mordekai honc vyaungc kuex Haman rueq nanx lot shuex shuex nanx lot muq lac kuex tuiuz roc tueq.

Tvtsvmc 132:2

Yehowa lex, Dawid rueq, “Yehowa shomc yuimx ngoz yaq, Yaku Tishox Tvphaungc Tvsuip waz tvkoc yuimx max guirx lot wawwawx ngvy yuimx nuex waung taungx rvmuq, ngaz nyec tvkuiyq shaungx rvmuq, kvtsoalx taungx rvmuq,” ngoz tueq mnoz muex piq rueq bomkhvrc nuiyc Yaku Tishox Tvphaungc Tvsuip waz muex piq rueq vtaq bomkhvmc kuex rvwvl shuiuz.

DUNGWVNC 15:2

Yehowa kuex ngvy kvwungx juing hungc vlaungc; vpiq kuex ngvy palc jix waz rvtueq. Vpiq kuex ngvy Tishox rvtueq, ngaz rueq vpiq kuex tvtsvmc shaungx, iwaz Tishox ningkhvnc nuex vpiq yungx luz yaq lvmz kuex ngaz rueq tvtsvmc shix taungx.

DUNGWVNC 29:45

Ngaz kuex Israel miqsaz rulc vdvmz httax vtueq, tsuingshiq Tishox muex yaungx taungx.

DUNGWVNC 3:16

Mnoz kaz vtueq Israel miqsaz walaungx bix kuex tvtuimx ruiux, tsuingshiq muex jungx shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kox nuex kvkhic kaz tueq lvmz tsuingshiq muex jungx shuiuz, ngaz tsuingshiq kox nuex kaz vtueq Ejip miqsaz rueq tsuingshiq muex ruez yaq kuex khiz tauk.

DUNGWVNC 33:20

Ngvy htvlx kuex mnoz rueq khiz shuiux rvmuq, yvmx khoc lac ngoz ruiux lec ngvy khic jix miq kuex washiz muinz thuiuzthuic tvraungx httax lot muq,

DUNGWVNC 4:5

Yehowa rueq, “Israel miqsaz khaungkac nuex kvkhoc ruez kuq shuiuz, kvkhoc ngoz ruiux jix mnoz kuex tsuingshiq jix vwaz tamx Tishox, Abraham, Esak nuiyc Yaku Tishox, Yehowa rulc rvhumc toq lvmz kuex tsuingshiq kvmx tuex,” ngoz tueq jungx tueq.

JEREMIA 24:7

Ngaz kuex Yehowa rvtauk lvmz tuiuz tvkoc, vtuiuz juing thuinz tsuingshiq muex ngaz rueq kuq shaungx. Kvkaq tsuingshiq thuinz vmungx lotlaz maq ngaz kox nuex yek wuez ruex ningkhvnc nuex, tsuingshiq kuex ngvy miqsaz yaungx ruiux, ngaz kuex tsuingshiq Tishox muex yaungx taungx.

JEREMIA 31:33

Israel miqsaz rulc taq shaungx bomkhvrc vnyalx kuex vkhoc rvtueq: Ngaz rueq tsuingshiq nyuing nuex ngvy tvrac kuex taq vtueq kvruex tsuingshiq thuinz vmungx nuex wuiyq taq shec shaungx. Ngaz kuex tsuingshiq Tishox muex yaungx ruiux tsuingshiq kuex ngvy miqsaz muex yaungx tuex.

JEREMIA 32:38

Kvmaq tsuingshiq kuex ngvy miqsaz yaungx vtueq, ngaz kuex tsuingshiq Tishox muex yaungx taungx.

EJEKIEL 11:20

Kvruex yimaq tsuingshiq rueq ngvy tvrac htenc kuex phvnx tvhungx shuex. Ngaz rueq vnvr bomc lotlaz kuex tvmtuing maq phvnx phuex. Tsuingshiq kuex ngvy miqsaz, ngaz kuex tsuingshiq Tishox muex yaungx taungx.

JEKERIA 8:8

tsuingshiq kuex Yerusalem nuex tvhttaz tvkoc shaldungc shalx nyuip nuex httax yaq kvwawc tvyez shvlx wvnc yek shaungx. Tsuingshiq kuex ngvy miqsaz muex yaungx vtueq, ngaz kuex tsuingshiq Tishox muex yaungx ruiux tsuingshiq kuex tvmtuing nuiyc tvrac vlvmz maq guimz shaungx.

Matthew 17:6

Vsangac hez rueq kvruex tay vtueq pinhtumc hiyaz vtueq, tsuinghez htvlx kuex ghaq nuex bumx kaz wuez tueq.

Matthew 22:32

‘Ngaz kuex Abraham Tishox, Esak Tishox, Yaku Tishox rvtauk,’ ngoz tueq jungx tueq.”

Mark 12:26

Majuiuc vthueyc jix yuing kvtenc wvnc tuex lvmx nuex seng vtueq, Tishox rueq Moshe muex, ‘Ngaz kuex Abraham Tishox, Esak Tishox, Yaku Tishox rvtauk,’ ngoz tueq Moshe luik nuex httax yaq wvrluic thuiyc yaq rumbuq lvmz wuiyq shec tueq kuex nuimshiq rueq wvl muit doc haz?

Luke 20:37

Moshe rueq vthueyc kay wuez jix htenc yuing kvtenc wvnc tueq lvmx raungshuex raung hakhix tvkhic yaq. Wvrluic dung yaq rumruix lvmz wuiyq shec tueq nuex, piq rueq Taungjix muex, ‘Abraham Tishox, Esak Tishox, Yaku Tishox,’ ngoz tueq jungx tueq.

Luke 5:8

Kvruex Simon Peter rueq khiz vtueq Yesu yaz phaungx nuex bumx ruiux, “Taungjix lex, ngvy kox wawc kvyenc wvnc kuiuz!” Ngaz kuex mvrax vhttax miqsaz rvtauk! ngoz tueq.

Acts 7:32

‘Ngaz kuex mjix m-waz Tishox, Abraham, Esak, Yaku hez Tishox rvtauk,’ ngoz tueq. Moshe kuex hiz kvkhuirc vtueq vlawc muinz lawc khvmc lot muq.

Acts 7:34

Ejip mungx nuex httax yaq ngvy miqsaz htenc tvkuilc daz guirguenz yaq kuex ngaz rueq khiz vshaungx, tsuingshiq kvbot nyanx yaq thuic bomc muinz ngaz rueq tay tauk, kvkhoc rvtueq tsuingshiq palc daungc wvnc tvkoc ngaz httuiuc kaz tauk, majuiuc waung kuiuz, mnoz kuex Ejip mungx nuex ngaz rueq nvr tvkaz nyix,’ ngoz tueq jungx tueq.

TRI CHONGKE 6:3

Israel miqsaz lex, tay wuez vtueq phvnx wuez shuinz! Kvkhoc ruez ruiux yuq Yehowa naungshiq jix vwaz tamx Tishox bomkhvmc httax yaq rulc rv-ngvlc nuimshiq lotlaz rungwanx wvnc vtueq hungc vlaungc httaz hvlc miqphvnx muex yaungx wvnc ruiux, ghaq vbur phuiuz vsvy juing paunghvlc mungtan nuex httax ngaungc wuez lvp tuinx.

Hebrews 11:16

Yuq muinz tsuingshiq rueq kvruex mungx htauk nuex muinz vhvlx raungx mungtan kuex rvnphvnx wuez yaq. Kvkhoc rvtueq Tishox kuex tsuingshiq Tishox ngoz tueq gvl yaq kvmac yvlc sac muq, yvmx khoc lac ngoz ruiux lec vpiq rueq tsuingshiq httaz juing ghaqyungx vshiz tvhungx shec tueq.

Hebrews 12:21

Kvkhoc kvkhic yaq lvmx wvlex kuex vhiz kawc yawc juing ningkhvnc nuex Moshe rueq, “Ngaz kuex kawc yawc kvkhuirc hiyaz vtaungx,” ngoz tueq.

Revelation 1:17

Kvruex waz kuex khiz vtueq ngaz kuex vmaungx ikhoc vpiq yaz phaungx nuex rul wvnc tauk. Vpiq rueq ngvy htauk nuex yaukkeq kox yauk kuex tvdaungc vtueq, “Nauk hiz kaz! Ngaz kuex Vphaungc nuiyc Tvsuip waz rvtauk.

PHOWEBI 13:22

Manoa rueq vtaungx nyuiuz muex ngoc, “Naungnueyc rueq Tishox kuex khiz gay tiq ningkhvnc nuex vsuing thueyc tix,” ngoz tueq jungx tueq.