DUNGWVNC 3:7 - Hawa Naga Bible 2001

⁷ Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq,

ASII LAKDAP Bible (BSI)

⁷ Kiijiishe Tatiwe raq nguto, “Ngi raq Ejip mung na isenginok pinthum tiichamchao haihiitlaq kra chhikang she. Ngi raq tsangshiq ka maiq jaq khon mong na tsangti jongnok raq tiichamchaotlaq kriiwa tiichhii kuqlaq nguta hoq trangtlaq kra taikang she. Ngi raq tsangshiq chamchao thun ka kunli sapkang she.

DUNGWVNC 3:7 Referencias Cruzadas

RAPHA HIQWA LAK 16:11

Mnoz rueq msaz miqwaz saz lvp vtueq, vmuingc kuex Eshmael ngoz tueq muingc shuiux, yvmx khoc lac ngoz ruiux lec Yehowa rueq mnoz yonzyex khoar vtuiux kuex tay tueq.

RAPHA HIQWA LAK 18:21

Ngaz rueq tay vshaungx mvrax tvgurc yaq lvmx htenc kuex vyaq shuex vlvmx lac tuiuz lot tvkoc httoarc helc kaz taungx,” ngoz tueq jungx tueq.

RAPHA HIQWA LAK 21:17

Tishox rueq nox khoarc tay tueq, Tishox raungkamx waz rueq raungx maq Hagar muex ngoc, “Hagar lex, yvmx ngoz tueq lac rvwvl tvmaung laq shuiux? Nauk hiz kaz. Tishox rueq nox khoarc kuex tay tueq.

RAPHA HIQWA LAK 29:32

Mtanc httax muq nuex Lea kuex wvgvnz yaungx vtueq vsaz miqwaz saz jawx tueq. Piq rueq ngoc, “Yehowa rueq ngaz kuilc daz taungx vruex khiz kuq phuex, kvkhoc rvtueq itaungx waz rueq ngaz kuex lungwawx phuex,” ngoz vtueq nox kuex Ruben ngoz tueq muingc tueq.

RAPHA HIQWA LAK 31:12

‘Laban rueq mnoz muex guirguenz yaq htenc kuex ngaz rueq khiz tauk ningkhvnc nuex, lawc shuiuz, rvlaungx rvyaq khelx pung htenc kuex wuiyq tuimz, wuiyq baungx, wuiyq tsulc httaz tvkoc tvhungx htaungx tauk.

RAPHA HIQWA LAK 31:42

Mkhoc shoc maq ijix iwaz tamx rueq nawk palx wvnc tueq Tishox, Abraham nuiyc Esak Tishox kuex nuiyshiq rulc vdvmz rvmuq ngoz ruiux yuq, mnoz rueq ngaz kuex yauk httuiz sawx poalx tvyek khvmz phux. Yuq muinz Tishox rueq ngaz rvhumc wvnc tauk vhtemc vrvmc nuiyc hunnyec hvlc maq shuimx kaz tauk kuex khiz kuq vtueq, m-wvrx vpiq rueq khac phoc lvmx kuq phuex,” ngoz tueq jungx tueq.

2 SAMUEL 22:28

Vpiq rueq thuinz tvyomz jix kuex palc wvnc tueq, yuq muinz ngamc vngax jix kuex mnoz rueq tvyomz gay tueq.

2 HOKHVMX 13:4

Kvruex yimaq Jehoahaza rueq Yehowa kox wawc vjux thoz koq tueq, Israel miqsaz htenc Siria hokhvmx rueq mtanc khvnc lac guirguenz tuinghtuing yaq nguinx kuex Yehowa rueq khiz vtueq, piq vjux thoz bomc kuex tay kuq tueq.

2 HOKHVMX 20:5

piq muex ngoc, “Mjix m-waz Dawid Tishox ngaz, Yehowa rueq mnoz vjux thoz bomc kuex tay tauk, mmuik phic kuex khiz tauk. Ngaz rueq mnoz kuex nuiyq thuimx hvlwvl vyuq tvhvlc kuq ruiux, kvkaq Shomc Yuimx nuex mnoz kaz lot tuiux.

NEHEMIA 9:9

“Nuiyshiq jix vwaz tamx Ejip mungx nuex kuilc daz rvhumc yaq kuex mnoz rueq khiz toq; Svmuktvrax Yuix Shawx Jumx maq tsuingshiq muex romc kuy tvkoc guyc yaq kuex mnoz rueq tay toq.

Tvtsvmc 106:44

Yuq muinz tsuingshiq rueq guyc sez thoz koq tueq Yehowa rueq tay vtueq, tsuingshiq kuilc daz yaq kuex vpiq rueq rvwvl kuq tueq.

Tvtsvmc 12:6

Yehowa bomkhvmc htenc kuex tvluimc juing rvtueq; kvruex kuex wvr nuex lauk mvshix tvyuimx yoalx kuimphox sawx shauk ikhoc rvtueq.

Tvtsvmc 142:3

Ngaz kuex thuinbac vtueq vsumx khvmc tvkoc vyoalx shex nuex, ngaz rueq yvmx shuimc juing lac lvmx kuex vpiq rueq tuiuz yaq. Ngvy khuemc wvnc juing lvmx nuex ngvy ralx htenc rueq ngvy tvkoc bix tsvnc taq tueq.

Tvtsvmc 145:19

Vpiq muex tvtsanc nganc jix htenc muex rax yaq htenc kuex vpiq rueq kuq ruiux; tsuingshiq guyc sez yaq kvjaz kuex tay vtueq tsuingshiq muex palc kuq tueq.

Tvtsvmc 22:24

Vpiq rueq htemc vrvmc miqsaz kuex gay shec muq; tsuingshiq kuilc daz kuex yix tvnungx nuex shung kuq muq, vpiq muinz kvroz kaz wvnc muq, yuq muinz romc kuy tvkoc tsuingshiq rueq gvl koq tueq vpiq rueq tvralc tueq.”

Tvtsvmc 34:4

Ngaz rueq Yehowa kox wawc vjux thoz koq tueq vpiq rueq tvralc kuq phuex; vpiq rueq ngvy kvhiz juing lotlaz wawc ngaz tvdung wvnc phuex.

Tvtsvmc 34:6

Htemc vrvmc rvhumc jix miq htenc rueq vpiq gvl koq tueq vpiq rueq tvralc tueq; vpiq rueq tsuingshiq kuilc daz yaq lotlaz wawc tsuingshiq kuex palc wvnc tueq.

Tvtsvmc 35:22

Yuq muinz O Yehowa lex, mnoz rueq vruex lvmx htenc kuex khiz toq shex. Kvkhoc rvtueq Yehowa lex, suinglix lix nauk httax kaz; ngvy hep vyuq httax kuiuz!

Tvtsvmc 9:14

kvkaq Yerusalem miqsaz htenc htumc nuex ngaz kvtenc jvp vtueq, ngaz rueq mnoz muex tvtsvmc kvmc vphaungx phvnx htenc kuex jungx kuq shaungx. Mnoz rueq ngaz palc daungc wvnc phux ningkhvnc nuex kokez lvp vtaungx.

DUNGWVNC 1:11

Kvkhoc rvtueq Ejip miqsaz rueq tsuingshiq htauk nuex dax yauk shuimc lawc jix kuex thvl taq vtueq, vgvrx vtsvrx yauk shuimc nuiyc tsuingshiq thuinz htenc kuex tvnulx tawk gay tueq. Israel miqsaz htenc rueq hokhvmx tvkoc taungx vwawx tvy juing baung Pithom nuiyc Ramese ghaqyungx kuex Israel miqsaz muex tvguirc tueq.

DUNGWVNC 1:8

Kvruex yimaq Yosep lvmz raungluingx muinz tuiuz muq, hokhvmx nyalx washiz, Ejip mungx nuex duiz tueq.

DUNGWVNC 22:23

Nuimshiq rueq tsuingshiq muex guirguenc kuy ningkhvnc nuex, tsuingshiq muex romc kuy tvkoc ngaz kox wawc thoz ruiux yuq, Ngaz, Yehowa rueq tay kuq shaungx;

DUNGWVNC 33:13

Kvkhoc raungc raq vphux lvmz kuex ngaz rueq tuiuz tvkoc mlvmz kuex tvkhic kuq koq. Vruex miqphvnx kuex mnoz rueq vthvl wvnc rvtueq lvmz kuex tvmaung shuiuz,” ngoz tueq jungx tueq.

DUNGWVNC 5:10

Dax muex tvkuiux raz kuy jix hez nuiyc Israel walaungx bix kuex Israel miqsaz kox nuex kaz vtueq, “Hokhvmx waz rueq nuimshiq muex tsvmkuiz kuex kuq muq shex ngoz wuex.

DUNGWVNC 5:6

Kvruex raungnuiyq kvkaq dvyx hokhvmx waz rueq yauk shuimc nvrc jix Ejip miqsaz nuiyc Israel miqsaz yauk shuimc shunshvlc jix hez muex ngoc:

ISAIA 63:9

tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,

WEAWEA 20:16

nuiyshiq rueq Yehowa kox wawc romc lawc kuy thoz koq tueq, vpiq rueq tay kuq ruiux raungkamx waz tvkaz vtueq nuiyshiq kuex Ejip mungx wawc tvdung shvlx laq phuex. Majuiuc nuiyshiq kuex m-ghaq ruiyx nuex httax yaq Kadesh ghaq nuex httuiuc kaz tiq.

Acts 7:34

Ejip mungx nuex httax yaq ngvy miqsaz htenc tvkuilc daz guirguenz yaq kuex ngaz rueq khiz vshaungx, tsuingshiq kvbot nyanx yaq thuic bomc muinz ngaz rueq tay tauk, kvkhoc rvtueq tsuingshiq palc daungc wvnc tvkoc ngaz httuiuc kaz tauk, majuiuc waung kuiuz, mnoz kuex Ejip mungx nuex ngaz rueq nvr tvkaz nyix,’ ngoz tueq jungx tueq.

Hebrews 4:15

Naungshiq Shomc Wayungx kuex naungshiq hungc vlaungc nulx jix muex menjenc kuq muq waz rvmuq. Naungshiq vkhoc lvmx ruip saz laulawc rvhumc wvnc tueq, yuq muinz mvrax vguez Shomc Wayungx naungshiq rueq lvp wvnc tiq.

1 SAMUEL 9:16

“Invp raungnuiyq vtanc jauz Benjamin phvnx wawc miq washiz kuex mnoz kox nuex ngaz rueq tvkaz phaungx; ngvy miqsaz Israel kuex guimz lawc jix waz muex tvyaungc vtueq, piq kuex ruimruimc puiz tix maq shvy kuq shuiuz, kvkaq piq rueq tsuingshiq kuex Philistin miqsaz yauk wawc tvkhup wungx kuq shuex. Ngvy miqsaz htenc rvhumc yaq kuilc daz kuex ngaz rueq khiz tauk, tsuingshiq muex romc kuy tvkoc tsuingshiq rueq guyc thoz yaq kvmuinz tay tauk shex,” ngoz tueq jungx tueq.