DUNGWVNC 18:12 - ASII LAKDAP Bible (BSI)

¹² Kiijiishe Jethro raq Shiikeawe ma wiipumtam- chaqtlii kechang thun kra nai laihin honglu kechang thun kriishe lan wanto. Kiimaq Aron nai Israilnok welabi kiimin tlotli apaiq raishe asii honglu ngam kra phaqsea wadam, kiimaq noqku lomdam apaiq rai wawan damto.

Hawa Naga Bible 2001

¹² Kvruex yimaq Jethro rueq Tishox muex jauk vtueq shomc nawk kuy juing nuiyc vganc shomc kuy juing htenc kuex lvmz laq tueq; Arun nuiyc Israel walaungx bix lotlaz kuex piq rulc vdvmz vsawc ngvmx kuex Tishox khaungkac nuex phuiuz svy kay kaz wuez tueq.

DUNGWVNC 18:12 Referencias Cruzadas

RAPHA HIQWA LAK 12:7

Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.

RAPHA HIQWA LAK 26:25

Kiimaq Isak raq kiijaq berong-wacha ashi haito. Raüta Tatiwe ka shomnoqto. Raüta apaiq raq apiitiip ka kiijaq teito. Kiimaq ajaqshisetiim raq kiijaq khappong ashi thuto.

RAPHA HIQWA LAK 26:30

Kiimaq Isak raq tsangshiq miitu phaqsea aheawiq klo kuqto. Kiimaq tsangshiq raq kra dung ka phaqsiqto.

RAPHA HIQWA LAK 31:54

Apaiq raq nyamse kaüshi tato. Kriika apaiq raq pum na honglu na takuqto. Kiimaq apaiq raq asengibi ka dung sea miitu heato. Tsangshiq raq phaq sea lot raütiishe tsangshiq ka kra pum niili kra rawa ka japto.

RAPHA HIQWA LAK 4:4

Kiitiikaq Abel raq apaiq sku kong phongwa apha shaq shaq ase anyung skuse ka lam wanto. Raüta tato. Raüta kriiwa ngam ahea pinthum ba ka lam raüta honglu na kuqto. Tatiwe ka Abel ma nai ahonglu kuqtaq kiima atsan ahea riito.

RAPHA HIQWA LAK 43:25

Kiimaq tsangshiq raq aho kongphiq thun kra ranaiq shethung na Joseph saüwa raüjaq ke ma nguta tiije shat thüto. Jamkhano ngukla tsangshiq ka apaiq rai dung sea chang miraq nguta tsangshiq ma bom ka achong wishe riito.

RAPHA HIQWA LAK 8:20

Nowaq raq berong-wacha ashi Tatiwe miitu haito. Raüta apaiq raq asii sii phan nyamse nai wushi kong kriiwa kaüshi shi lamto. Raüta wiipumtam-chaqtlii honglu na berong-wacha kiijaq chaqto.

2 SAMUEL 9:7

“Ümniika naqhaikiq,” nguta Dawit raq treto. “Ngi raq ümwe Jonathan mang na ümniima mangchan mitiichhikuqha. Ngi raq ümti Saul tachong hupsam wak ajam thun ka ümniima mijangkuq kang. Kiimaq ümniika ngi rai adam na phaqsea wan kilü tiidishat miraq.”

2 KAÜWA WERAÜ 30:22

Hejekia raq Lewinok ka tsangshiq raq mungmaiqse ka Tatiwe shomnoq na athuk atsomwiq maq shun shea wan kha na kai shomra siqto. Tsangshiq raq tsangtitiim Tatiwe Shiikeawe ma tiitsamkam honglu ka ramiishi na saüli kuqto.

YOBA 1:5

Riita kra poi akhing tek na, poi ka lot jai, napjai ranap na Job ka ranap chu maq tiidotlo. Raüta asetiim loweatek miitu Shiikeawe ma honglu thun takuqtlo. Kriika tsangshiq khum kra tiisii miitu takuqtlo. Apaiq raq akha jangwrapshe klotlo, jamkhano ngukla atsan na akha tiimatlo, jursap tsangshiq phong wa ashi ra raq hemak lam maq Shiikeawe man na ashut aphit mobom rai moraq miraq.

YOBA 42:11

Kiijiishe tlotli Job ma aphu anotiim thun kiimaq ashea nyungtiim thun kiimaq kongkhuji wa akongtitiim thun ka apaiq rai riihumwa wato kiimaq apaiq rai ajam maq phaqsea poi jonghea klo raüta phaqsiqto. Tsangshiq raq apaiq ma tsangshiq mangchan bom bomkuqto kiimaq Tatiwe raq apaiq ma ümtinkhan wa chamchao tiisaütaq kra miitu tsaido jido bomtsi chongkuqto. Tsangshiq tarü loweatek raq apaiq ma kampho wiijam kiimaq chaq jaqtop achhuq chhuq kuqto.

YOBA 42:8

Ümchaü min minsaü pongwetiim miishi kiimaq sku pongwetiim miishi hea wan lantea Job phana waronglaq. Lantea kriithun ka namshiq miitu honglu na kuq ronglaq. Raüla Job raq namshiq miitu achu mijaü kuq kiimaq ngi raq apaiq achu jaü ka mitre kuqha. Kiimaq namshiq raq jea ngaü phaq chang sitlaq kriiwa mitiiwong kuqha. Apaiq raq ngi miitu tengteng bom chongtaq kiikha namshiq raq chong man dea riilan.”

DUNGWVNC 18:13

Kriimaq napjai ranaiq na Mosheq ka mungmaiqse liipan wa khü akha thun kra phoke ngong thun ngato. Apaiq ka kha phoke ranap chu maq riita ratiiwali mosiqto.

DUNGWVNC 2:20

“Apaiq ka ümbano?” nguta apaiq raq asetiim ma waito. “Namshiq raq apaiq ka kiijiili jamto baiqthü lan? Kironglaq. Lanta apaiq ka ana nashiq rai dung misiq walaq heaki rongkiq.”

DUNGWVNC 20:24

Ngi miitu ka hiq maq berong-wacha ashi klo ronglaq. Lanta kriijaq namshiq sku nai minsaü ka wiipumtam chaqtlii honglu thun nai rintii-honglu thun kra kuq ronglaq. Ngi raq ümriiba wa pong na namshiq raq Ngi shomnoq wan miitu tseathütiikang kiijaq Ngi ka shomnoq ronglaq. Kiijaq Ngi ka namshiq phana kilata mishman kuqkang.

DUNGWVNC 24:11

Shiikeawe raq ara Israilnok mung welabi ka tiimitsi mak riito. Tsangshiq raq Shiikeawe ka chhito. Kiimaq kra raütiishe tsangshiq ka kiijaq adam na nga raüta phaqsea khamnyang kloto.

DUNGWVNC 24:5

Raütiishe apaiq raq jerobi wiijam ka tiiwato. Kiimaq tsangshiq raq Tatiwe ma honglu thun ataakuq kra wa na chaqto. Kiimaq minsaü wiijam thun ka rintii-honglu na takuqto.

DUNGWVNC 3:1

Ranaiqshi Mosheq ka ahuchhiwe Jethro, Midian mungti ramwe skukong nai chhechhi kong kra riimrea riito. Apaiq raq nyamse kong ka rumnyangkhi kumtsaiphii wang kiina tsuqhoto. Raüta asii Sinai pumji kiina saükito.

DUNGWVNC 33:7

Ümtiikiiwa Israilnok raq tsangshiq piitiip ka tei wantlaq, Mosheq raq asii Tombutiip kra piitiip phai na phanshi asha puq na tei wan lili riitlo. Kra tiip ka Tatiwe asi Tombutiip ngutlo. Kiimaq ümriiti riiwa Tatiwe rai bom riiwaiso rotlaq, kriiti ka kra tiip na kitlo.

DANIEL 10:3

Ngi raq asum atsu phaq nai sea ka inü na thii mang. Kiimaq ngam min phaq mang, che min nyang mang. Kiimaq liipan tsam kra mithum shaq wiiwii, ikhu kiimin thai mang maq sikang.

WEAWEA 10:29

Kiimaq Mosheq raq anangwe Midian phan Jethro se Hobab ma akha nguto, “Naishiq ka Tatiwe raq naishiq ma mikuq kang nguta kiqkham kuqta mung kiina laü wan she. Apaiq raq Israilnok ka pinthum aphe arongnok ma mitiijaha nguta kiqkham kuqto. Kra ningkhan, ümniimin naishiq rai li wa i. Kiimaq naishiq ümkhiiwa chiithe jawan tiikai kra ümniirai riiphea, riinyin laita misi rong i.”

Luke 14:1

Jangshi hali Asii Niitiitsak ranaiq na, Jesuq ka Phorisi we maiqla weshi jam na dungsea wa wawanto. Kiijaq jamtati bi nai akongtibi raq, Jesuq raq jamlai phan jaq wa sham jiiq nguta kai shri ra liishat riito.

Luke 14:15

Kriijaq phaqsea lomdam ngatlaq phong wa, maiq weshi raq ara bom shiiton kra tai raüta, apaiq raq, “Shiikeawe Mungtan na phaqsea poi ajong klo wan tlaq kiijaq lom wan damtibi ma pinthum kechu jonghea miraq!” nguta Jesuq bom ka treto.

1 Corinthians 10:18

Israilnok jaqsham ka liirong i ta. Tsangshiq phong wa ümriiti riiwa aluchiim na hongluke ngamsaü ngiqse kra ta wan dam tlaq, tsangshiq riika, Shiikeawe ma honglu kuq tlaq kiiwa phaqsiq damtlo.

1 Corinthians 10:21

Namshiq riika Tatiwe khap wiimin nyang. Kiimaq thawe khap wiimin nyang ka raa mak. Namshiq raq Tatiwe tsampin wiimin phaqsiq, kiimahali, thawe tsampin wiimin phaqsiq ka raa mak.

1 Corinthians 10:31

Ahea na. Kriika riikhaqli ngutlaü. Ümniiraq dungsiq laü lo, phanrap ka Shiikeawe khushü tiijong miitu li phaqsiq ronglaq.

TRI CHONGKE 12:7

Kiijaq, Tatiwe namshiq Shiikeawe rai mantut na, namshiq ma shiiman ketiwe man na, namshiq nai nam jamtitiim tarü raq adam na ngalanta namshiq minshiiq wanlan tsingo thun kra phaqsiq lanta chojong chise polo wan ronglaq.

TRI CHONGKE 27:7

Kiimaq kiijaq namshiq raq honglu ka takuq lanta rintii-honglu ngam kra phaq chang. Kiimaq Tatiwe nam Shiikeawe rai mantut na khoqriiq shishiiq maq sironglaq.