DUNGWVNC 18:11 - ASII LAKDAP Bible (BSI)

¹¹ Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

Hawa Naga Bible 2001

¹¹ Ejip miqsaz htenc rueq Israel miqsaz htenc muex kvkhoc wvlc guez waqguez ruez tueq nuex, vpiq rueq vkhoc shuimx wvnc tueq ningkhvnc nuex Yehowa kuex tishox htenc lotlaz htauk nuex pinhtumc vyungx yaungx yaq kuex majuiuc ngaz rueq tuiuz tauk shex,” ngoz tueq jungx tueq.

DUNGWVNC 18:11 Referencias Cruzadas

1 HOKHVMX 17:24

Kiijiishe kriinyung raq treto, “Ümchaü ngi raq sapkang she. Ümniika Shiikeawe maiqse dea. Kiimaq Tatiwe riika ümnübok miidea bomtlo!”

2 HOKHVMX 5:15

Kiimaq apaiq asengikong rai Elisha phana jang wanto. Raüta akha nguto, “Riita ümchaü kla ngi riimin, ara mangjong hiq niika laihin shiikea ka ahü, Israilnok Shiikeawe sitlaq kli dea nguta saptiikang. Arningkhan, shiilangwe lei, ngi raq kongphiq kuq tiikang arka tao laq.”

1 KAÜWA WERAÜ 16:25

Tatiwe ka jonghea kra ningkhan apaiq ka kai shreng chang; phra tiikea tarü thaq na apaiq kli shreng chang.

2 KAÜWA WERAÜ 2:5

Ngi raq Shomjam ashi ajongwiq kaü mihai ha nguta thapthi kang. Jamkhano ngukla naishiq Shiikeawe ka laihin tiikea phra thaq na ajong.

NEHEMIA 9:10

Ümniiraq Pharao khuthaq na, apaiq jaqthü wanti welabi khuthaq na, asengi mungmaiqse khuthaq na, awang chang jaqsham tiichhikuq wan laü. Jamkhano ngukla tsangshiq raq, ümsengi Israilnok ka pinthum, tiichamchao wanto nguta asap haü. Kra laüta ümkhushü tiijong laü ihata, kra ümkhushü jong ka ümchaü min asi.

NEHEMIA 9:16

Shatmaq naititiim ka ashkong she riiwanto. Kiimaq nilan miishe jawanto. Kiimaq ümniiraq aming akuq haü, lang wan mak she riito.

NEHEMIA 9:29

Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.

Tvtsvmc 119:21

Ümniiraq ashkong tamli maiqse ka ason riitlaü; ümnaq aming thun jintibi ma manson misilaq.

Tvtsvmc 135:5

Ngi raq asapha nashiq Tatiwe ka ajong, tisho kong wiitarü thaq na ajong.

Tvtsvmc 31:23

Tatiwe ka lungwii ronglaq, asengi awokhong na tsapkapkap maq sitibi raq. Tatiwe raq awokhong na tsapkapkap maq siti ka tiiwong kuqtlo, shatmaq kumrong kumraqti ka tsangshiq jaq maq kra khan khan mo tiihotlo.

Tvtsvmc 95:3

Jamkhano ngukla Tatiwe ka ajong pinthum Shiikeawe, apaiq ka tisho kong tarü thaq na ajong pinthum hokhamwe.

Tvtsvmc 97:9

Tati Ningkun Ajongwe lei, ümniika mangjong tlotli pengti; ümniika ahin tisho kong thaq na jonghea pinthum.

DUNGWVNC 1:10

Chiq nai re dong raüla tsangshiq ka nashiq ma chiqse rewenok rai mopong wan miraq. Raüta namung ara mikhat dam. Raüta namung arwa molaü wan miraq. Nashiq raq tsangshiq ka pahea pu wan mak chang miitu phanshira lamlu tiidong chang.”

DUNGWVNC 1:16

“Namnai raq Hibrunok nyungre ka nowüchhi na khrum kuqtlan akhing na, maiqwese la chii raüla, no ka atsea riibaiq ronglaq. Shatmaq jechakse la chii raüla, atra tiisi ronglaq.”

DUNGWVNC 1:22

Atiisup niishe hokhamwe raq asenginok tlotli ma aming ashi akha kuqto, “Hibrunok sere noshii setiim maiqwe sere chiitlaq kra doho lanta Nail Rai na baiqki rongkiq. Shatmaq jechaksere chiitlaq kriili atra misilaq.”

DUNGWVNC 10:3

Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.

DUNGWVNC 12:12

“Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.

DUNGWVNC 14:18

Riita ümtiikiiwa Ngi raq tsangshiq ka khat lata mitangha, kiitiikaq Ejip mungti raq Ngi ardea Tatiwe nguta misap.”

DUNGWVNC 14:8

Tatiwe raq hokhamwe ka wanshak shak tiija baiqto. Kiimaq apaiq raq Israilnok ka johoto, Israilnok ka tang wan tlii laü wanto.

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

DUNGWVNC 5:2

Kiijiishe hokhamwe tsangnai ma shiitep waito, “Tatiwe ka juwa? Ngi raq apaiq bom ka jaram taiwa? Lata Israilnok ka jaram tiiwa baiq wa? Ngi raq Tatiwe ka sap mang. Kiimaq ngi raq Israilnok kiimin tiiwa mang.”

DUNGWVNC 5:7

“Mungmaiqse jaqshamtibi ma kiitelong lo ma tsamkü shin ka naqkuq rongkiqshe. Tsangshiq maiqmii tiiki lanta tritki rongkiq.

DANIEL 4:37

“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

WEAWEA 33:4

Tsangshiq ka Tatiwe raq chhikhusetiim jiipbaiqtaq thun kra maa lap rea riito. Ara jiipbaiq raüta Tatiwe apaiq ka Ejip mung wa phra kong kriithaq na ningkun ajong rümtiwe nguta tiichhi kuqto.

Luke 1:51

Shiikong miilong maiqse tarü, tsangshiq raq jamlai jaqsham wa sürii wantaq, kra tiisham wan lap mak maq, apaiq ningkun ajong chongwai kii maq, pongpin riipin jobaiq wanto.

James 4:6

Maiqse ngarai sükha tsii ka henghea. Li jiimin, Shiikeawe kaphap mangchan tsii riiwe ka wiitarü ngarai ningkun thaq na aheng. Arkha maq tiina, Asii Bomtsi na, “Shiikeawe raq ra weahü maiqse ka romak. Shatmaq sobsob bombom maq siti miika, apaiq kaphap mangchan apa kuq tlo” nguta chong tlo.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”

1 SAMUEL 2:3

Shiikong miilong naq gisii rongkiq, Shiikong bomchong tsaq rong laq. Tatiwe ka phaqchi Shiikeawe, maiqse raq klotlaq lotli, kha kra apaiq raq photlo.