Biblia Todo Logo
La Biblia Online
- Anuncios -




DUNGWVNC 18:11 - Hawa Naga Bible 2001

11 Ejip miqsaz htenc rueq Israel miqsaz htenc muex kvkhoc wvlc guez waqguez ruez tueq nuex, vpiq rueq vkhoc shuimx wvnc tueq ningkhvnc nuex Yehowa kuex tishox htenc lotlaz htauk nuex pinhtumc vyungx yaungx yaq kuex majuiuc ngaz rueq tuiuz tauk shex,” ngoz tueq jungx tueq.

Ver Capítulo Copiar

ASII LAKDAP Bible (BSI)

11 Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

Ver Capítulo Copiar




DUNGWVNC 18:11
30 Referencias Cruzadas  

Piq rueq muinz, “Mnoz kuex Tishox miq waz rvtoq nuiyc Yehowa kuex mnoz maq vsuingc suing bomkhvmc httax yaq kuex majuiuc ngaz rueq tuiuz tauk shex!” ngoz tueq tvralc tueq.


Piq kuex vmiq hez lotlaz rulc vdvmz Elisha kox nuex yek waung vtueq, “Majuiuc kuex Israel Tishox maq lvy vtueq vganc tishox vguez kuex ngaz rueq tuiux tauk shex; kvkhoc rvtueq jiyungx waz lex, kejux maq ngaz rueq yauk noalc kuq vphaungx kuex thoz koq,” ngoz tueq jungx tueq.


Yehowa kuex yungc loayc hvlc ningkhvnc nuex pinhtumc tvtsvmc juing rvtueq; vpiq kuex tishox htenc htauk nuex muinz jvnc vtueq tvtsanc nganc mvy yaq.


Nuiyshiq Tishox kuex vganc tishox htauk nuex muinz pinhtumc vyungx ningkhvnc nuex yunghvlc shomc yuimx vshiz guirc tvkoc ngaz rueq dvnc vshaungx.


Mnoz rueq Hokhvmx waz muex muinz, piq miq vyungx vlaungx bix nuiyc mungx miqsaz htenc rueq mmiqsaz htenc kuex tuinghtuing ningkhvnc nuex, tsuingshiq muex mnoz rueq vkawc yawc vwangc juing htenc kuex tvkhic vtueq murx tvgurc toq. Mnoz kuex majuiuc raungnuiyq nuex httuiuc laz muingc dung yaq kuex rvhumc vtuiux.


Yuq muinz nuiyshiq jix vwaz tamx kuex ngamc yungc ruiux, khux tsanc vtueq mnoz rueq nvrc bomc kuex phvnx muq tvlvlc gay tueq.


Mnoz rueq tvtharc vshuiux kuex phvnc tvkoc tsuingshiq muex honc tvsvmz kuq toq, mtvrac kuex phvnx ruiux yuq miqmac thuiuzthuic tvraungx juing lvmx rvtueq, yuq muinz tsuingshiq kuex ngamc boq vtueq mtvrac htenc kuex tvdux gay tueq. Tsuingshiq kuex pinhtumc khux tvtsanc vtueq kvjaz kuex tvlvlc wuez tueq.


Mnoz rueq ngamc vngax jix muex tvhonc tvtharc vshuiux; mnoz rueq nvrc bomc htenc phvnx muq jix kuex vhttonc vngoc rvhumc yaq.


Naungshiq Yehowa kuex yunghvlc rvtueq, tishox htenc lotlaz htauk nuex muinz yungc hvlc kuex ngaz rueq tuiuz yaq.


Vpiq muex tvmtuing httaz jix miq lotlaz lex, Yehowa muex lungwawx wuez shuinz. Yehowa rueq tvmtuing miqsaz kuex tvkhup wungx kuq yaq, yuq muinz ngamc ngax jix htenc kuex tsuingshiq rueq lvp aungx yaq rulc rv-ngvlc murx tvgurc kuq yaq.


Yvmx khoc lac ngoz ruiux lec Yehowa kuex hungc vlaungc httaz hvlc Tishox, tishox lotlaz htauk nuex guimz yaq hungc vlaungc mvrx yaq hokhvmx waz rvtueq.


Tvphaungc Tvsuip Yehowa lex, mungkawx lotlaz guimz lawc jix waz mnoz rvtoq; mnoz kuex tishox htenc lotlaz htauk nuex muinz yunghvlc rvtoq.


Mkhoc shoc maq ralx dung ruiux yuq tsuingshiq kuex naungshiq muex ralx yaungc jix nuk kox nuex kvromc vtueq, naungshiq kuex khvt gay ruiux mungtan wawc kaz wvnc wuez tuex. Tsuingshiq miq kuex vruex htauk vyuq lvy vtueq paung wvnc muq juing, vhvlx lvmx maq naungshiq rueq lvmx shishiz maq tuingshaung wuez ix,” ngoz tueq jungx tueq.


“Hebre nyuiuz tamx muex nox tvjawc kuq ruiux yuq, miqwaz saz jawx ruiux kuex vthvy rvgay shuinz; yuq muinz yalxjuik saz ngoz ruiux kuex vtvraungx taq shuinz,” ngoz tueq jungx tueq.


Kvkhoc ningkhvnc nuex hokhvmx rueq, “Hebre nyuiuz tamx rueq vjawx miqwaz saz vngoz htenc kuex Sinai yuix yungx kvyuq tuip gay rax, yalxjuik sahez kvdvyx vtvraungx tvy rax,” ngoz tueq piq miq muex bomc tvdvy kuq tueq.


Moshe nuiyc Arun kuex hokhvmx waz kox nuex kaz vtueq piq muex jungx tueq, “Hebre miqsaz htenc Yehowa Tishox rueq ngoc, ‘Mnoz rueq ngvy kvjaz kuex mtanc nuex httuiuc laz lac tvlvlc phux? Ngaz muex nawk palx kuy kay tvkoc ngvy miqsaz htenc kuex tvkaz shuiuz.


“Kvruex raungwvrx ngaz kuex Ejip mungx kvmaq lvy wvnc vtueq, pekhux miqwaz sahez nuiyc nyvmx saz jawc khux vlaz htenc kuex thvt gay ruiux, Ejip mungx wawc tishox lotlaz muex murx tvgurc shaungx, ngaz kuex Yehowa rvtauk.


Ngaz rueq tsuingshiq kuex taungx gay ningkhvnc nuex, ngaz kuex Yehowa ngoz tueq Ejip miqsaz rueq tuiuz wuez shuex,” ngoz tueq jungx tueq.


Yehowa rueq hokhvmx waz khux tvtsanc kuy ningkhvnc nuex piq rueq Israel miqsaz yix nuex yurc tueq, Israel miqsaz muinz hungc yungx laungc saz kaz wvnc wuez tueq.


“Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?


Hokhvmx waz rueq, “Yehowa ngoz yaq kuex ukhaq lac? Yvmx ngoz tueq lac ngaz rueq piq kvjaz kuex tay kuq vtueq Israel miqsaz kuex tvkaz shaungx? Ngaz rueq kvruex Yehowa kuex tuiuz mauk; Israel miqsaz kvmuinz tvkaz lot mauk,” ngoz tueq tvralc tueq.


“Vruex miq htenc rueq ghaqlung shoay tvkoc tsvmkuiz kuex nauk kuq kaz shex. Tsuingshiq miqmac rueq mthuiyx wuez shueq.


“Majuiuc kuex, ngaz, Nebukhadnezar rueq, raungmungx Hokhvmx waz ngauz vngax kuex tvtsanc nganc, tvtsvmc kvmc vshaungx. Vpiq rueq shuimx wvnc tueq phvnx ruip saz kuex vlvmx nuiyc tsuingrux yaq ningkhvnc nuex vpiq rueq ngamc vngax maq shuimc vkay jix ukhaq muinz tvruinc rvgay yaq,” ngoz tueq.


Ekvkaq Ejip miqsaz kuex Yehowa rueq thvt gay tueq miqwaz pekhux htenc kuex shuz luip wuez yaq. Ekvkhoc murx tvgurc ningkhvnc nuex Yehowa kuex Ejip phvnx tishox htenc htauk nuex muinz luimc vkawc yungx yaq lvmz tvkhic kuq tueq.


Piq yauk phumz raungkawx hungc vlaungc kuex tvkhic kuq vtueq, ngamc ngax jix htenc tsuingshiq thuinz maq kvmungx yaq rulc nongx tvpanc yanc gay shuex.


Yuq muinz naungshiq muex Tishox rueq vkuq kejux kuex pinhtumc hungc vlaungc yunghvlc. Rumvrc luik nuex, “Tishox rueq kvsomc parc ngamc ngax jix waz muex tuingshaung kuq gay ruiux, thuinz tv-nyenc jix muex kejux kuq yaq,” ngoz tueq jungx shec tueq.


Ekvrulc rv-ngvlc nuimshiq nosaz rulx rueq nyuiuz waz miqlaungx bix kvjaz kuex tay wuez shuinz. Nuimshiq vdvmz dvmz juiux kax tvkoc nuimshiq lotlaz thuinz vnyenz ngoz yaq marrarc kuex svmx wuez shuinz; yvmx khoc lac ngoz ruiux lec Rumvrc luik nuex, “Tishox rueq ngamc vngax jix muex tuingshaung kuq gay yaq, yuq muinz thuinz vnyenz jix htenc muex kejux kuq vtueq htvlx phawc tvlvp yaq,” ngoz tueq jungx tueq.


Nuimshiq kvsomc parc guyc vtuinx kuex thauk wuez kuinz; nuimshiq ngamc ngax kvjaz htenc kuex tvsuingx shuinz. Yehowa kuex vtuiuz waz Tishox rvtueq, miq htenc rueq shuimx kaz yaq lotlaz kuex vpiq rueq phox yaq.


Síguenos en:

Anuncios


Anuncios


¡Síguenos en WhatsApp! Síguenos