DUNGWVNC 18:10 - Hawa Naga Bible 2001

¹⁰ “Ejip miqsaz nuiyc hokhvmx waz yauk wawc nuimshiq palc wvnc jix Yehowa muex tvtsvmc wuez shuinz! Dax yaungx yaq wawc piq miqsaz palc wvnc jix Yehowa muex tvtsvmc wuez shuinz!

ASII LAKDAP Bible (BSI)

¹⁰ Kiimaq akha nguto, “Tatiwe li tiitsam i, apaiq raq ümniika hokhamwe jaq wa nai Ejip mungti jaq wa tiichhiito! Tatiwe li tiitsam i, jurwa asenginok ka dikong wa tiichhii wantaq!

DUNGWVNC 18:10 Referencias Cruzadas

RAPHA HIQWA LAK 14:20

Mnoz muex ralx yaungc jix htenc tvtaungx kuy jix Johvlc Pinhtumc Tishox ngauz vngax kuex mtvtsvmc wuez shueq!” ngoz kuq tueq. Abram rueq muinz piq rueq vlvp wvnc yek hup vsvmx lotlaz wawc mvnz rokshiz wawc mvnshiz kuex Melkhizedek muex kuq tueq.

RAPHA HIQWA LAK 24:27

Piq rueq, “Ngvy jiyungx waz Abraham muex menjenc kuq vtueq, tvmtuing maq vpiq bomkhvmc rulc rv-ngvlc tvhungx kuy jix Yehowa Tishox muex kejux yunghvlc. Yehowa rueq ngaz kuex jiyungx waz piq taungnyuing sanox kox nuex rvkhauk laz tvhttuiuc kuq phuex,” ngoz tueq jungx tueq.

2 SAMUEL 18:28

Ahimaza kuex hokhvmx waz rulc gvnhttuingc haz ngoz tueq rvbomc ruiux, hokhvmx waz khaungkac nuex ghaq kvyuq bumx vtueq, piq rueq, “Taungjix hokhvmx waz muex tvgap gawx jix hez kuex mnoz muex lekuq vtueq tvtaungx gay jix Yehowa m-Tishox muex kejux yunghvlc!” ngoz tueq jungx tueq.

1 HOKHVMX 8:15

Piq rueq, “Yehowa Israel Tishox muex tvtsvmc wuez shuinz! Iwaz Dawid muex vpiq rueq taq tueq bomkhvmc kuex tvhungx muex vpiq rueq jungx tueq kuex,

1 HOKHVMX 8:56

“Vpiq rueq bomkhvmc taq tueq rulc rv-ngvlc vpiq miqsaz htenc muex nomic kuy jix Yehowa muex tvtsvmc wuez shuinz. Vpiq nvrc waz Moshe maq raz tueq kuq shec tueq vganc bomkhvmc htenc lotlaz kuex vpiq rueq tvhungx wvnc tueq.

Tvtsvmc 41:13

Yehowa Israel Tishox muex tvtsvmc wuez shuinz! Majuiuc vmaq pattup pat-sac vpiq muex tvtsvmc wuez shuinz! Amen! Amen!

Luke 1:68

“Taungjix Israel Tishox muex tvtsvmc wuez ix! Vpiq miqsaz Israel muex romc kuy httuiuc kaz vtueq tsuingshiq kuex palc tvdung wvnc tueq.

Ephesians 1:3

Naungshiq Taungjix Yesu Christu Waz Tishox muex kejux vyungx ngoz kuq ix! Yvmx khoc lac ngoz ruiux lec naungshiq kuex Christu rulc vshiz dvyx yaungc ningkhvnc nuex vpiq rueq raungmungx htauk wawc siyac nuex seng yaq ruimrix kejux phvnx ruip kuex kuq phuex.

1 Thessalonians 3:9

Majuiuc kuex nuimshiq ningkhvnc nuex naungshiq Tishox muex kejux vyungx ngoz vshix. Nuimshiq ningkhvnc nuex vpiq khaungkac nuex nuiyshiq rueq lvp wvnc tiq kokez juing lvmz laung nuex nuiyshiq rueq vpiq muex kejux rvwvlc tvtsvmc vshix.

1 Peter 1:3

Naungshiq rueq naungshiq Taungjix Yesu Christu Waz Tishox muex kejux vyungx ngoz ix! Yvmx khoc lac ngoz ruiux lec vpiq menjenc yunghvlc maq Yesu Christu kuex vthueyc wawc tvyuing tvtenc wvnc khuec nuex vpiq rueq naungshiq muex rullungx vnyalx kuq vtueq naungshiq nuex vtvraungx httax yaq thuinz tvluimc juing kuex tvmvrc kuq phuex.

1 SAMUEL 15:6

Piq rueq Keni miqsaz muex bomc shuit bomc tvtay tueq kuex, Israel miqsaz htenc Ejip mungx maq kaz wvnc tueq nuex nuimshiq jix vwaz tamx rueq tsuingshiq muex menjenc kuq wvnc tueq ningkhvnc nuex, “Amalek miqsaz htenc rulc nongx nuex nuimshiq kuex thvt gay muq tvkoc tsuingshiq kox kvwawc dung kaz wvnc kuinz,” ngoz tueq. Kvkhoc rvtueq Keni miqsaz htenc muinz dung kaz wvnc wuez tueq.

1 SAMUEL 25:32

Dawid rueq piq muex ngoc, “Majuiuc raungnuiyq ngaz rulc rvhumc tvkoc mnoz tvkay jix Yehowa Israel Tishox muex tvtsvmc kvmc wuez ix!