Hanua hawẽ besu txasha txasha ikai uĩ haki dateaibuwẽ taea hawẽ tari tuashwẽ beyabukukũkainikiaki, hanu Senhor Deusbe hãtxamatianã, hanu Senhor Deusbe hãtxai kaitiã pekatãtanirã.
Mateus 5:16 - Kaxinawá Bíblia (BR) Bĩ txashamis keskai hawa huneama merabenaĩ hiwekubaĩshãkãwẽ, matũ hãtxa nĩkakĩ mã pepaibu xinãkĩ habũri hau Epa Deus kẽwãshanũbunã— iwanã, Kashinawa : Diosun Jesúswen taexun yuba bena yiniki Bin chaxamis keskai jawa juneama medabenain jiwekubainxankanwen, matun jancha ninkakin man pepaibu shinankin jabundi jau Epa Dios kenwanxanunbunan— iwanan, |
Hanua hawẽ besu txasha txasha ikai uĩ haki dateaibuwẽ taea hawẽ tari tuashwẽ beyabukukũkainikiaki, hanu Senhor Deusbe hãtxamatianã, hanu Senhor Deusbe hãtxai kaitiã pekatãtanirã.
Huni pepabu hawẽ hiwea hawẽruai penai shabai taeitiã bari kaĩkirani bari mananãbi daka txasha txasha itxakayamai keskai ana pehairakubaĩmisbuki.
Mã haska wakĩ samakekĩ ea uĩmakubainaiburã, matũ akarã, penai shaba txashamis keska ẽ matu washanaii. Hamapai bika mã teneai hawaira mã shushashanaii, dete bui keskairã. Kaneama mã pepa wamisrã, mia bebũ tashniaya ẽ kushipa pepawẽ matu mekeshũ ẽ matu unãmakubaĩshanaii.
Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.
Ha inũ, “Deusũ hãtxa ẽ txibãhairai uĩkĩ dasibibũ hau ea kẽwãnũbũ”, ika tari txaipa dauya panã panãyã sawetã Deusũ hãtxa kene bitxi bau pixtaki nanea bitxiwẽ neshea betũku anu sawekĩ netãtã pũti anuri netãriatã hau ea uĩnũbũ ika hatu kẽwãmai mapumisbuki.
Ha inũ, mai anu hiweabu binu keyua nai anu merabenã Yushĩ Epa Deus bestitxai hiwea mã hayawẽ taeshũ huni betsa Deus itsa wakĩ: “Epaã”, akĩ kenayamakubaĩshãkãwẽ.
Hakia haska matũ Epa nai anuatũ yura pepabu inũ yura txakabubuwẽ nuikĩ hatu bari txashamashũmis inũ ui imashũmis keska wakĩ maturi yura dasibibuwẽ nuikĩ mã hatu merabewakubainaiwẽ taeshũ habũ uĩkĩ mã Deusũ bakebu unãshãkanikiki.
—Matu samakeirã, besu atimapatã iyamakubaĩkãwẽ, habu beparamei kẽmisbu samakei amua mapumisbu keskamarã. Habu beparamei kẽmisbu hatũ besu atimapa uĩkĩ ma samakeaibu hau ea unãnũbũ ika haska mapumisbuki. Txanima yurabũ uĩkĩ hatu kẽwaĩbu hawẽ besti hatũ manakuti bimisbuki.
Eska watiki, dayuikinã: —Nukũ Epa nai anuatuũ, mĩ kena meribirã, mia duawakĩ hau mia kẽwãkubainũbũwẽ.
mapubaũshũ uĩ datekĩ yuikĩ: —Habaa! tsuã haska waismaki. Hakia Deus pepahairatũ na huni ma kayawashuki— iwanã, uĩkĩ Deus kẽwanibukiaki.
Jesusũ hatu yuikĩ: —Deusbe hãtxakĩ yuikinã eska watiki: ‘Epaã, mĩ kena meribirã, mia duawakĩ hau mia kẽwãkubainũbũwẽ. Nai anua shanẽ ibukĩ mĩ yunua haska txibãmisbu keska wakĩ nenushũri nũ mia txibãkatsis ikaibu mĩ xinã besti nuku txibãmakĩ nuku merabewakubaĩwẽ.
Haskai duapanãkĩ Deusũ kuxipa mã hatu kẽwãmairã, bimi itxapayai keskakĩ txanima ẽ tsumabu kayabi shabakabi mã ishãkanaii.
Ha bari haskaitiã mae betsa txaima Jope anushũ aĩbu betsã Jesus ikũwaĩ hawẽ kena Tabita, Grego hãtxawẽ hawẽ kena Dorcasrã, aĩbu duapatũ hawauma nuitapaibu hatuwẽ dabanã ikĩ hatu merabewakubaĩmis
Hatũ xinã txakabu hunea shabakabi wamakĩ Deusũ hatu unãmaya ana hawawẽ haskatima datei Deus kẽwãnũ ika dãti iki beutã yuikĩ: “Txanima Deus matuki dasia hiweaki”, ishãkanikiki.
Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.
Ha inũ, uatianã, nukũ Shanẽ Ibu unãkĩ ikũwãriama txakabui mexu merã ika keska mã hiwenibuki. Hamẽ eskatianã, Cristo ikũwaĩ haki dasitã matũ xinã maewatã mã betsahairawa mã ma shabaki pesea keska hiweabuki. Haska mã ma tapiã xinaĩ pe hiwekubaĩkãwẽ.
Hakia aĩbuaibũ Deus ikũwaĩ benimawakinã, haska abuai nishũ dayashũkĩ hatu merabewakĩ pepa besti aki hawẽ dauwa itsai hau duapakubainũbũwẽ.
Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.
Habiaskari wakĩ merabenãkĩ pepawaibu bebũkiri unãmisbuki. Hakia betsabũ txakabuwakĩ hune abiaya atimas tapĩriamisbuki.
Haska inũ, hatũ hamapai mabu haya betsaburi pashkashũti xinãkĩ haska Deusũ abuai aki hau pepakubainũbũ hatu yunuriawe.
Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.
miãri mĩ hiweawẽ mĩ ikai keskai dasibibu hau pepa irianũbũ hatu yusĩkinã, hawa tsua beparanãma inũ, tatimama pe bestikĩ hatu ishũkĩ uĩmakubaĩwẽ.
Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.
Hakia hanushũ nukũ mekenã Deus dasibi mai anuabu nukuwẽ nuikĩ nuku abukĩ hawẽ pepa nuku unãmaniki.
Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.
Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.
Aĩbu beneyabuũ, maturi yuinũ nĩkairakãwẽ. Matũ benẽ matu yunua nĩkatã habebis yununamei hẽ iyamama ashũkubaĩkãwẽ. Haskakĩ hatiritũ matũ benẽ Deusũ hãtxa ikũwãriama duawai mã pepakũkainai matu uĩkubaĩmiswẽ taeshũ hãtxawẽsma mã pepawamiswẽ matũ bene bestibu Jesus mã ikũwãmatiruki,
babutã keãma hatu pewẽ hãtxa wakinã. Hawa matũ hiweakiri xinaĩ mã bika teneamakẽ haska mã Cristo ikũwaĩ xinã txakabuma matu unãtã ha habũ hãtxa txakabuwẽ matu yuaĩ hãtxa txakabumisbu ibubis hatũ hãtxawẽ daketirubuki.
Haska inũ, tsuãra yusĩkatsis ikinã, Deusũ matu yusĩmis keska besti hau hatu yusĩkubainũbũwẽ, ibubis hatũ hãtxawẽ akamarã. Ha inũ, tsuãra yura betsabu merabewakatsis ikĩ haska Deusũ matu kuxipa inãmis hatu uĩmakĩ hau hatu merabewakubainũbũwẽ. Hawara betsa betsapawẽ merabenãkĩ mã akubainairã, hawẽ Deus hatu kẽwãmakubaĩkãwẽ, Jesus Cristowẽ taeshunã. Mã hatu haska wakubainairã, Jesus Cristo shanẽ ibumis dasibi kuxipa pepa hawenaki, ikibi ini hawẽ kuxipa paepa heneismarã. Haskakirã.
Ha inũ, mã Cristokiri yusĩkubainaibuwẽ taeshũ haska abuama tsuabura matuki sinatai ha ikaibuwẽ taea mã ma Deusũ pepa haya hawẽ benimakubaĩkãwẽ, Deusũ Yushĩ Pepatũ matu merãshũ matu henebainama hawẽ kuxipa matu uĩmakubainikikirã.