1 Pedro 2:12 - Kaxinawá Bíblia (BR)

¹² Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

Kashinawa : Diosun Jesúswen taexun yuba bena yiniki

¹² Jakia ikunwanbumabe man jiweadan, Dios kenwain jatu nashui ika jiwexun pepakin jatu uinmakubainkanwen. Man jaskaiwen taea man yuda chakabu ikai dabanen shinankin matu yuanbiamisxun matun pepa uinkin jabundi Jesucristo ikunwankin Dios kenwantidubuki, Diosun janu yudabu unanti wakin keyuxanaitianan.

1 Pedro 2:12 Referencias Cruzadas

Salmos 37:14

Tsuabura txakabubũ hatũ matxatu txaipa kenu bitã kasmai hatũ pia bitã huni keĩsbuma inũ nuitapaibu habũ shinã pewaibu hatu tsakakĩ tenãkatsis imisbuki.

Daniel 6:4

haska shinaĩ hãtxai unãtã Daniel danãkĩ: “Danielkiri mĩ shinainã, dayai peismaki”, iwanã, shanẽ ibuhaira yuikatsi ikĩ ha shanẽ ibu beshmas dabe inũ yununikabũ Daniel daya txakai benaibũ hakia Daniel huni pepawẽ taeshũ hawa yunu txakai betxiabumawẽ taeshũ shanẽ ibuhaira Dario Danielkiri hawa txakabu yuiabumabiakẽ

Mateus 10:25

Haskawẽ taea hawẽ tsumaburã, hatũ yusĩnã hãtxa txibaĩ hau habiaskari keska ikubainũbũwẽ. Habiaskariai dayarubu hatũ shanẽ ibũ yunua nĩkai hau hatũ shanẽ ibu keska iriakubainũbũwẽ. Haskakẽ ẽ matũ yusĩnã ea kenakĩ: “Yushĩ txakabu shanẽ ibu Belzebuki”, ea wamisbuwẽ taeshũ ẽ yusĩa mã txibãkubaĩmisbuwẽ taeshũ maturi kenakĩ: “Belzebũ enabuki”, akĩ matukiri yuikĩ txiteriashãkanikiki— iwanã,

Mateus 5:11

haki txiti ikaburi yuikĩ: —Ha inũ, tsuabũra mã ea txibaĩbuwẽ taeshũ matu usãkĩ itxakawakĩ matukiri txanitxakakĩ matu danaĩbu matũ benimapaketi xinaĩ mã benimapakeriashanaii.

Mateus 5:16

Bĩ txashamis keskai hawa huneama merabenaĩ hiwekubaĩshãkãwẽ, matũ hãtxa nĩkakĩ mã pepaibu xinãkĩ habũri hau Epa Deus kẽwãshanũbunã— iwanã,

Mateus 9:8

mapubaũshũ uĩ datekĩ yuikĩ: —Habaa! tsuã haska waismaki. Hakia Deus pepahairatũ na huni ma kayawashuki— iwanã, uĩkĩ Deus kẽwanibukiaki.

Lucas 1:68

“Ẽ Shanẽ Ibu pepa Israelbũ Deusuũ, mĩ ma minabu merabewakĩ hatu pekakĩ akawai huxiãwẽ taeshũ ẽ mia kẽwaiĩ.

Lucas 6:22

Ha inũ, matũ Hutxi Kayabi Iuwa tsuabũra mã ea txibaĩbuwẽ taeshũ habũ matuki ehẽ iki danaĩ matu itxakĩ hatũ itxati hiwe anu mã ana hikiyamanũ matu nemakĩ matu danaĩbũ mã benimakũkaĩshanaii.

João 13:31

hanua Judas kaĩkaĩkẽ Jesusũ nuku yuikĩ: —Ẽ hatũ Hutxi Kayabi Iuwa ẽ kuxipa hayaki, hawẽ taeshũ natiã Deusũ ea hatu unãmairã. Haskawẽ taeshũ Deusũ kuxipa ẽ hatu unãmaii. Ẽ hatũ Hutxi Kayabi Iuwa Deusũ hatu unãmaikiki, ẽwenã. Haskakẽ hau unãnũbũ manama hawaira akikiki— iwanã,

Hechos 15:14

Jesus ikũwaĩbu Deusũ hawenabu hatu wariakĩ merabewani hau nukube ikubaĩshanũbũ haska bebũkiri tatesmakĩ Deusũ judeubumari katuyama Simãonẽ ma nuku yuishuki.

Hechos 24:13

Haskawẽ taeshũ ha hunibũ mia haskakiri yuiaibuwẽ taeshũ hatũ hãtxa kayabi hawa hayamaki.

Hechos 25:7

iweabu Jerusalém anua bexiã judeu shanẽ ibubũ kebaũshũ hawẽ yusĩa betsa betsapakiri Paulo txitebiakĩ hawẽ haska watima kayakiri Festo yuiaibũ

Hechos 28:22

Na haska yusĩa bena mĩ ikũwaĩ mae tibi anushũ abuama danãmisbu nũ nĩkabiamis haskara mĩ xinaĩ nũ nĩkakatsi ikaii— aka

Romanos 12:17

Ha inũ, yura betsabũ matu itxakawabu ana hatube manakunãyamakubaĩkãwẽ. Ha inũ, hawara pepa yura betsabũ abukĩ matu yunuabu txibãkĩ mã haskari akairã, hatu bebũshũ shabakabi ashũkĩ uĩmakubaĩkãwẽ.

Romanos 13:13

Haska inũ, hawara txakabu hune ana akama nukũ hiwea shabakabi hatu uĩmai pe besti hiwenãkãwẽ, eska tibi ana akamarã, piti pepa kemutapa itxawatã pitxakayamamarã. Haska inũ, ana paẽyamanãkãwẽ. Kemui ana txutanamebaũyamanãkãwẽ. Hamapai txakabu abui kemui hawẽtxaĩs hakiribis ayamakubainãkãwẽ. Ha inũ, hawarakiri ana txitenamei ha iyamanãkãwẽ. Ha inũ, hawara yura betsa haya uĩ haki sinayamariakubainãkãwẽ.

Romanos 14:18

Ma haska hiwekĩ Cristo duawakĩ hawẽ Epa Deus benimawaya yurabũri matu uĩkĩ kẽwãtirubuki.

Romanos 15:9

Haska nukukiri bestima mã Israelbumawẽri taea Cristo tashnirianiki. Haskakiraniwẽ taeshũ mã Israelbumã Deus duapahaira mã kẽwãriakubaĩtirubuki. Haska bebũkiri Deusũ hãtxa yuishunika Davi hariri nawai kenekĩ: “Haskawẽ taeshũ nawa shukua betsa tibibũ mia kẽwaĩbũ hatubetã mia xinãkĩ kẽwãkĩ hui kuxipawẽ nawati pepawẽ ẽ mia kẽwãkubaĩshanaii”, iyamakẽ

1 Coríntios 14:25

Hatũ xinã txakabu hunea shabakabi wamakĩ Deusũ hatu unãmaya ana hawawẽ haskatima datei Deus kẽwãnũ ika dãti iki beutã yuikĩ: “Txanima Deus matuki dasia hiweaki”, ishãkanikiki.

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

2 Coríntios 13:7

Nukukiri xinãkĩ unãti wakĩ hatibũra nukũ yusĩa mã abuamabiakẽ haska nukukiri mã xinaĩ nũ hawẽ nuiamaki. Hakia mã pe besti hiwenũbũ nũ matuwẽ nuikũkainaii. Haska mã hiweabu hau hawa txakabũ matu atxiyamanũ Deusũ kuxipa nũ matu yukashũkubainaii.

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

Efésios 4:22

Haskawẽ taeshũ matubunã, matũ hiwea sheni shabakabi yuikĩ txiterikãwẽ. Haska uatiã txakabui hiwekũkaĩkĩ txakabu betsa betsapawẽ kemukĩ ibubis parananaĩ mã ikũkainairã, putai beshterikãwẽ.

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

Filipenses 4:8

Ẽ betsabu inũ ẽ puibuũ, kenekĩ ẽ ma matu keyushunai ea nĩkairakãwẽ. Eska tibi pepa xinãkãwẽ. Dasibi hãtxa kayabi inũ, dasibiwẽ pepa wai nũ haki mesetiru inũ, dasibi nũ kanetiruma inũ, dasibi pepas inũ, dasibi hawẽ nũ xinã txãkãtiru inũ, dasibibu tsuara hawẽ pepawẽ kẽwãmisbu inũ, haska tibi hatukiri xinã kayabikubaĩkãwẽ, haskakĩ Deus benimawakinã.

1 Timóteo 2:2

Deusũ yusĩa pepa txibaĩ unãnuma benimai hiweshũ hawama pepa besti hawa dakeama nũ hiweyukubainũbũ shanẽ ibubu inũ yununikabu haska tibikiri hatu yukashũkubainãkãwẽ, hau Deusũ nukukiri hatu pe xinãmanunã.

1 Timóteo 4:12

Mĩ berunã huni ewariamabiatũ mĩ hatu yusĩaĩ hau mia danãyamanũbũ pe bestikũkaĩwẽ. Ha inũ, mĩ hãtxa pe tashnimakĩ duapai hatuwẽ nuikĩ Jesus Cristõ yusĩa ikũhairawakĩ mĩ ikũwaĩ hatu uĩmawe, hau haskariakĩ yura betsã ikũwãtã hiweriakubainũbũ ikũwaĩbu hatu yusĩkubaĩwẽ.

1 Timóteo 5:10

Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.

Hebreus 13:18

Ha inũ, Jesusũ hãtxa yusĩkĩ nũ pe txibãmis unãkĩ dasibi pe hiwekĩ nũ hatu pe uĩmakubainũbũ Deus dayuikĩ nukukiri ea ashũkubaĩkãwẽ.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Santiago 3:13

Eskai unãnepa kayabi mã hiwetiru matu yuinũ nĩkairakãwẽ. Txanima matubu hatiribũ Deusũ hãtxa unãhairakĩ mã nĩkahairakubainaibunã, kaneama yurabu matũ xinã pe hatu uĩmai pehaira hiwekubaĩkãwẽ. Mã haska hiweabu hawara pe mã akubaĩmis xinãkĩ ana yuiama duapa bestikĩ haska Deusũ xinãwẽ babutã unãnepahairakĩ shabakabi yura betsabu mã hatu uĩmatirubuki.

1 Pedro 2:15

Eska Deusũ matukiri abukĩ xinaĩkiki. Mã pe besti wai hatu uĩmakubaĩkãwẽ, habũ matu yuaĩbu inũ hãtxa unãmabia unaĩsmapai matukiri sinatai hãtxa txakabumisbu hau beshtekei ana matukiri hãtxayamanũbunã.

1 Pedro 3:16

babutã keãma hatu pewẽ hãtxa wakinã. Hawa matũ hiweakiri xinaĩ mã bika teneamakẽ haska mã Cristo ikũwaĩ xinã txakabuma matu unãtã ha habũ hãtxa txakabuwẽ matu yuaĩ hãtxa txakabumisbu ibubis hatũ hãtxawẽ daketirubuki.

1 Pedro 4:11

Haska inũ, tsuãra yusĩkatsis ikinã, Deusũ matu yusĩmis keska besti hau hatu yusĩkubainũbũwẽ, ibubis hatũ hãtxawẽ akamarã. Ha inũ, tsuãra yura betsabu merabewakatsis ikĩ haska Deusũ matu kuxipa inãmis hatu uĩmakĩ hau hatu merabewakubainũbũwẽ. Hawara betsa betsapawẽ merabenãkĩ mã akubainairã, hawẽ Deus hatu kẽwãmakubaĩkãwẽ, Jesus Cristowẽ taeshunã. Mã hatu haska wakubainairã, Jesus Cristo shanẽ ibumis dasibi kuxipa pepa hawenaki, ikibi ini hawẽ kuxipa paepa heneismarã. Haskakirã.

2 Pedro 3:11

Haska dasibi Deusũ yamawashanai mã unaĩwẽ taea natiã mã hiweyuarã, haska Deusũ abuai keska aki meribi pepai hiwepakekãwẽ.