1 Timóteo 5:10 - Kaxinawá Bíblia (BR)

¹⁰ Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.

Kashinawa : Diosun Jesúswen taexun yuba bena yiniki

¹⁰ Jatun bakebu ma pe yumewani inun, bai beaibu jatun jiwetan itan Jesucristonabu betsabu duawakin beya wakin jatun tae juchupaunibu natian jadi nuitapaya medabewakin pe besti dayakunkainiwen taexun Jesucristonabun ja pepabu besti jatukidi shinankin jau medabewakubainunbunwen.

1 Timóteo 5:10 Referencias Cruzadas

Gênesis 18:4

Mã haska betxipaiairã, mã hutxukinũ ũpash matu bishũtãpa? Haskatã ha hi utapã namã tsauyukãwẽ, huĩrukuinã.

Gênesis 19:2

hatu yukakĩ: —Mã huai?— hatu wa —Nũ huaii— akabu —Maturã, ẽ matu iyushũ beya wai ẽ hiwe anu beyukãwẽ— hatu wabaĩ —Ha hari ũpash tsaua hawẽ hutxikikãwẽ. Hanua ẽ hiwe anu ushashini bestẽtã penaya ana mã katiruki— hatu wa habũri yuikĩ: —Haskamaki. Hemaĩtĩ anu nũ ushaii— akabu

Gênesis 24:32

Abraão tsuma hatũ hiwe anu kai hikiaya Labão camelo kamakia hawẽ mabu buteshũtã hau pinũbũ basi arumis tsusĩ bishũtãshũ inãkĩ mãtxĩshũtã hanushũ Abraão tsuma inũ hawenabu hau hawẽ hutxukinũbũ ũpash hatu inã hutxukiaibũ

Gênesis 43:24

José hiwe ewapa anu hatu iyushũ ũpash hatu inã hutxukiaibũ hanushũ hatũ jumento hatu pimashunaya

Isaías 1:17

Pepa besti atikiri tapĩrikãwẽ! Tsua ana parãtima menã pepati hawaira benakãwẽ! Hatu itxakawaibu hatu merabewakãwẽ! Yunuti hãtxawẽ taeshũ bake ibuuma hatu itxakawama hatu merabewa bestikubaĩkãwẽ! Beneyabiani ana beneumabu hawẽ hiweawẽ bika teneai merabewai hãtxashũkubaĩkãwẽ!” itã

Mateus 25:17

ha unãnepa beshmas 2.000 inãbaĩxinari habiaskari dayashũkĩ ana 2.000 hawẽ shanẽ ibu bishũkubaĩkĩ itxawashunaya

Mateus 5:16

Bĩ txashamis keskai hawa huneama merabenaĩ hiwekubaĩshãkãwẽ, matũ hãtxa nĩkakĩ mã pepaibu xinãkĩ habũri hau Epa Deus kẽwãshanũbunã— iwanã,

Lucas 7:38

hune Jesusũ tae dapi dãti itã hawẽ txakabu xinaĩ huĩti nixmahaira hune kashakĩ hawẽ beũ hene besti Jesusũ tae petxiki tuis tuis ashũ hawẽ bu txaipawẽ hutekere atã hawẽ tae petsu petsu akĩ keyutã sheni henewẽ hawẽ tae txa akaya Jesusũ unãbiakĩ uĩyamakẽ

Lucas 7:44

Jesus nasauketã aĩbu uĩkĩ Simão yuikĩ: —Na aĩbũ ea duawairã, mĩ uĩaĩ?— iwanã —Mĩ hiwetã ẽ hikiai haska wamisbu keska wakĩ hutxukiti ũpash mĩ ea tsaũshunama ibiashukẽ na aĩbũ hawẽ beũwẽ ea hutxushũ hawẽ buwẽri ẽ tae ea hutekere ashuki.

Hechos 10:22

habũ Pedro yuikĩ: —Nukũ shanẽ ibu capitão hawẽ kena Cornéliõ nuku yunuxina mia anu nũ hushuki. Huni duapa pepatũ Deus kẽwãriamiski. Haskawẽ taeshũ judeubu dasibibũ abukĩ hakiri pe xinãmisbuki. Hanushũ hau mĩ hãtxa nĩkashanũ Deusũ nai tsuma betsã yunua nĩkaxĩshũ hawẽ hiwe anu mĩ kanũ mia kenaikiki— akabu

Hechos 22:12

Hanu ẽ hikixĩkẽ huni betsa hawẽ kena Ananiasĩ Moisés hãtxa pe txibãmis judeu betsabũ hanu hiweshũ kẽwãmisbu

Hechos 6:3

Haskakenã, ẽ betsabu inũ ẽ puibuũ, hau huni betsabũ piti matu pashkashũkĩ inãkĩ pewakubainũbũ sete huni xinãyã inũ unãnepabu Deusũ Yushĩ Pepatũ kuxipayabu hau habũ matu pashka pewashunũbũ benakĩ katushũ ha daya hatu yunukãwẽ.

Hechos 9:36

Ha bari haskaitiã mae betsa txaima Jope anushũ aĩbu betsã Jesus ikũwaĩ hawẽ kena Tabita, Grego hãtxawẽ hawẽ kena Dorcasrã, aĩbu duapatũ hawauma nuitapaibu hatuwẽ dabanã ikĩ hatu merabewakubaĩmis

Hechos 9:39

hanua Pedro iyuabu hatube kai hikitanaya hanua Pedro ana uke merã iyukĩ hanu yura mawa datãbu anu hikimaibũ ha aĩbu beneuma nuitapaibũ keshebauna kashakĩ Dorcas hiweshũ hatu batxi washũmis Pedro uĩmai ana kashatxakayamaibũ

Romanos 12:13

Ha inũ, matubetã ikũwaĩ betsabu mabu yupaibu hawara mã haya pashkashũkĩ hatu merabewakubaĩkãwẽ. Ha inũ, ikũwaĩ betsabu haniara matuki bai beabu matũ hiwe anu ishũ pimatã hatu ushãkubaĩshãkãwẽ.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

1 Timóteo 2:10

Hakia aĩbuaibũ Deus ikũwaĩ benimawakinã, haska abuai nishũ dayashũkĩ hatu merabewakĩ pepa besti aki hawẽ dauwa itsai hau duapakubainũbũwẽ.

1 Timóteo 3:2

Na eska yunua daya birã, hau eska tibi ikubainũbũwẽ. Duapa hakiri txakabu yuisbuma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ hãtxa kayabi binumakĩ kaneama pe xinãkĩ akubaĩmisbu inũ, haki kasheisbuma inũ, bai mapuabu hatu itã hatu ushãmisbu inũ, yusĩnanaĩ pekũkaĩmisbu itirubuki.

1 Timóteo 3:7

Ha inũ, ikũwãbumã ha huni pepa hawẽ xinã unãtã hakiri pe xinãmisbu besti uĩkubaĩkĩ mekenika katutiki, Satanásã parãkĩ hatu atxia hawaira kanekĩ hau hatu uĩmatxakayamashanunã.

1 Timóteo 5:16

Hanushũ yushabu beneuma nuitapai enayakenã, hau hawenabũ merabewakubainũbũwẽ, ikũwaĩbukiri xinãkĩ hatu bika wamamarã. Hakia ikũwaĩbu itxashũ yushabu betsabu enauma besti merabewatirubuki, hatũ piti inũ hatũ mabu hawa hayamakẽ hatukiri xinãkinã.

1 Timóteo 5:25

Habiaskari wakĩ merabenãkĩ pepawaibu bebũkiri unãmisbuki. Hakia betsabũ txakabuwakĩ hune abiaya atimas tapĩriamisbuki.

1 Timóteo 6:18

Haska inũ, hatũ hamapai mabu haya betsaburi pashkashũti xinãkĩ haska Deusũ abuai aki hau pepakubainũbũ hatu yunuriawe.

2 Timóteo 1:5

Ha dukũ mĩ txitxi Lóide inũ mĩ ewa Eunicẽ Jesus Cristo ikũwãni txĩtuĩsbuma keska habias xinã miãri mĩ ikũhairawakĩ mĩ xinã mĩ betsa watiruma ẽ unaiĩ.

2 Timóteo 2:21

Ha mabu pepa ouro keskarã, tsuabũra txakabu henetã hawẽ Shanẽ Ibu pepakĩ dayashuni hawa txakabu husikĩ ana meama ha besti pepashunaiwẽ taeshũ hamapai daya pepa betsa betsapa hawẽ Shanẽ Ibu Jesusũ yunutiruki.

2 Timóteo 3:15

Mĩ bakeixta Deusũ hãtxa pepa meribi mia yusĩkĩ mia tapĩmakĩ hawẽ besti pashati Jesus Cristokiri mia unãmabu nĩkakĩ mĩ ikũwãnirã, xinaĩrawe.

2 Timóteo 3:17

Haska yununiwẽ taeshũ habu Deusũ yunua hawẽ hãtxa yuishunikabu hawẽ hãtxawẽ unãnepakĩ pepahairakĩ Deus dayashũkĩ pepa betsa betsapa ashũtirubuki.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Tito 2:7

miãri mĩ hiweawẽ mĩ ikai keskai dasibibu hau pepa irianũbũ hatu yusĩkinã, hawa tsua beparanãma inũ, tatimama pe bestikĩ hatu ishũkĩ uĩmakubaĩwẽ.

Tito 3:1

Ikũwaĩbu hau eskakubainũbũ ẽ mia hatukiri xinãmaii. Habũ mae yunuaibu shanẽ ibubũ hatu hawakirira yunuabu hatu nĩkatã hau ashũkubainũbũwẽ. Hawa txikixama hamapai tibi hatu yunuabu: “Hamaki”, ikama hau ashũkubainũbũwẽ.

Tito 3:14

Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 10:24

Ha inũ, nũ habũ ikũwaĩburã, merabenaĩ abunamei pepai duanamekubainãkãwẽ.

Hebreus 13:2

Haska besti xinãkĩ hamapai pepa hakimama matuki bai beaibu itã hatu duawakĩ pimakubaĩshãkãwẽ. Habiaskari wakĩ ikũwaĩbu betsabũ Deusũ nai tsumabu hawa unãma hatu pimakĩ ushãpaunibukiaki.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

1 Pedro 4:9

Tsuara nia matũ hiwe anu mapekeaibu hatuki dakekenaĩ hãtxa txakabuwama hatube beyanamekubaĩkãwẽ.

3 João 1:12

Dasibibũ: “Haska kaka tashnimakãwẽ”, ika ẽ ikairã, Demétrio bestikiria hãtxa tashnia ẽ nĩkaii, hawẽ kaka txanimarã. Haska hakiri kaka kaĩayã nukũri hakiri hãtxakĩ habiaskari nũ xinaiĩ. Nuku nũ parananaĩ hãtxaisma mĩ unaiĩ.