Efésios 2:10 - Kaxinawá Bíblia (BR)

¹⁰ Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Kashinawa : Diosun Jesúswen taexun yuba bena yiniki

¹⁰ Diosun jaska nukukidi shinankin jatun nuku damiwakinan, jawen bake Jesucristoki dasitan jawenabun jawen daya pepa inun jawen baii pepa chibankin axuin nun jiweyukubainxanunbun Diosun bebunkidi nuku katukin pewaniki.

Efésios 2:10 Referencias Cruzadas

Salmos 100:3

Senhor Deusrã, unãti wakãwẽ. Nukũ Deuski. Hatũ nuku dami wani nũ hawenabuki. Nukuburã, nũ hawẽ yurabuki, hanu basi pepa benemis anu hawẽ txashuwã mapua keskaburã.

Salmos 51:10

Ẽ Deusuũ, ana ẽ huĩti bena shũpĩ ea wakĩ ẽ yushĩ bena wakĩ ana ea txĩtũtimawawe.

Isaías 43:7

Dasibi enabu ẽ kenaya habũ ea duawakĩ yurabu ẽ kushipa hau uĩmashanũbũ hatu dami wakĩ ẽ bawanirã, ea anu ana hatu iwerikãwẽ’ ”, iwanã,

Isaías 44:21

“Mã Israel Jacó enabuũ, mã ẽ tsumabunã, ea shinãkãwẽ. Ẽ matu dami wani mã ẽ tsumabuki. Israelbuũ, ea hakimakĩ ea putayamakãwẽ.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Jeremias 31:33

Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.

Mateus 5:16

Bĩ txashamis keskai hawa huneama merabenaĩ hiwekubaĩshãkãwẽ, matũ hãtxa nĩkakĩ mã pepaibu xinãkĩ habũri hau Epa Deus kẽwãshanũbunã— iwanã,

João 3:21

Hakia tsuabũra Deusũ hãtxa shaba keska ea nĩkatã betsabu unãmakĩ hãtxa txanima yusĩkubaĩmisbũ habũ Deusũ xinaĩ keska txibãkĩ ea ikũwãmisbuki— aniki.

Hechos 9:31

Ha haskaibutiã ikũwaĩbu Judéia mai pakea anuabu inũ, Galiléia mai pakea anuabu inũ, Samaria mai pakea anuabu itxakawakĩ ana tsuã hatu meabuma unãnuma hawama hiwei hanua ikũwaĩbu kuxipai Deus kuxipaki meseaibũ hawẽ Yushĩ Pepatũ hatu merabewaya ana itxapabũ ikũwaĩ mirimabu hatuki dasikubaini hiwenibukiaki.

Hechos 9:36

Ha bari haskaitiã mae betsa txaima Jope anushũ aĩbu betsã Jesus ikũwaĩ hawẽ kena Tabita, Grego hãtxawẽ hawẽ kena Dorcasrã, aĩbu duapatũ hawauma nuitapaibu hatuwẽ dabanã ikĩ hatu merabewakubaĩmis

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Romanos 8:29

Hanua Deusũ bake nukũ Hutxi Kayabi Iuwa Jesus Cristo ha dukũ iniki. Hanua hawẽ betsabu mirima ishanaibu bebũkiri Deusũ unãkĩ kaĩriabuma Jesus Cristo keskakĩ nũ ha txibãshanũbũ bebũkiri Deusũ unãniki.

2 Coríntios 5:17

Hanushũ tsuabũra Cristo ikũwaĩ haki nukui dasiayarã, habũ xinã sheni Deusũ betsa waya hawara mekĩ txakabuwamis henetã hatũ Shanẽ Ibu Cristo txibãnũ ika yura bena keskabuki.

2 Coríntios 5:5

Deusũ nuku haki maewakatsi bebũkiri yubakatã hawẽ Yushĩ Pepa hawẽ unãti watã kanetima nuku inãni hawẽ taeshũ nũ bishanairã, nũ hayaki.

2 Coríntios 9:8

Ha inũ, merabewakĩ hamapai betsa betsapa yura betsabu ashũkĩ matũ hawara pashkashũ mã hatu merabewaya Deusũ matu duawakĩ akũhaira pawamakĩ matuna binumakĩ inãkĩ matu ashũtiruwẽ mã duanametirubuki.

Efésios 1:1

Ea ẽ Paulorã, Deusũ hawẽ xinãnẽ Jesus Cristõ hawẽ kuxipaya ea wakĩ ea katuniwẽ taeshũ tsuabura Éfeso mae ewapa anuabu Deusũ hawenabu meribi matu wani mã habũ ikũwaĩ Jesus Cristobe ketashamei mã haki dasia xinãkĩ ẽ hãtxa ẽ matu bumai uĩrakãwẽ.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Efésios 2:13

Uatiã Deuski mã kematiruma iniki. Hakia natiã Jesus Cristo mawakĩ hawẽ himi habawaniwẽ natiã txai mã ibiani mã ma ha dapiki.

Efésios 2:15

Deusũ Moisés yunua hawẽ hãtxa kenekĩ hawẽ yunuti inũ hawẽ nemati haska txibaĩ nũ danãnanãrabei hiweshũ xinaĩ nũ ibiakubaĩmisbũ ana nuku haska hiwemakatsi ikama natiã yura shuku dabe wama hawenabu bestitxai keska nuku waniki, yura bena nuku wakinã, nũ judeubu inũ mã judeubumarã. Haska wakĩ nuku unãnuma hiwetiwaniki.

Efésios 2:2

na mai anushũ yura txakabubũ akai txibaĩ yushĩ txakabu shanẽ ibũ shaba natukã anu nishũ hawẽ xinãnẽ hatu yunuaitũ habũ benimawai keskai xinãkĩ Deus nĩkakĩ txibãmarã.

Efésios 2:6

Haskakinã, nũ Jesus Cristo ikũwãkĩ txibaĩ ana mawabu keskama haki habe dasia nũ ma besteni keska mai anu nũ hiweyuabu nai anu ha dapi nũ ma tsauwa keskabuki.

Efésios 4:1

Nenu eska ẽ bika tenei hiweyushũ meairã, nukũ Shanẽ Ibũ ea yununi ẽ akubainaiwẽ taeshũ ea atxitã ea mekeimashũ ea heneabumakẽ hau mã ikũwaĩbu Deusũ matu kenani hiwei pepai haskakĩ mã unãkubainũbũ ẽ matu yunuai xinaĩrakubaĩkãwẽ.

Efésios 4:24

Matũ hiwea bena tari bena sawea keskakĩ matũ yushĩ bena wakĩ Deusũ matu damiwani hawẽ Yushĩ keskarikãwẽ. Haska txakabu pashkatã meribikũkaini mã hiwea pepaswẽ txanima hãtxa besti txibãkubaĩshanaii.

Filipenses 1:6

Eã ẽ matukiri xinãnã, haska Deusũ hawẽ daya matu anushũ taewanishũ haska abuai keska mã ikũwaĩ Jesusũ matu hiwemakubaĩkĩ niti akama matu pepa wakubaĩshanikiki, hanu Jesus Cristo txĩtũkiranaitianã.

Filipenses 2:13

Matũ hiwea mã ma Cristo inãniwẽ taeshũ xinã betsawẽ Deusũ matu benimawakĩ haska matuwẽ dayakĩ hawẽ xinã pepa tashnimaya haska abuai keska matu amakĩ merabewaya shabakabi ashũkubaĩkãwẽ.

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

Colosenses 3:10

Tari bena sawea keska wakĩ matũ hiwea mã ma benawaki. Matũ hiwea ma benawairã, haska Deusũ abumis keska hiweshũbaĩkãwẽ, hatũ matu damiwani keskairã. Haskakĩ itxapa mã hakiri unãshanaii.

1 Timóteo 2:10

Hakia aĩbuaibũ Deus ikũwaĩ benimawakinã, haska abuai nishũ dayashũkĩ hatu merabewakĩ pepa besti aki hawẽ dauwa itsai hau duapakubainũbũwẽ.

1 Timóteo 5:10

Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.

1 Timóteo 5:25

Habiaskari wakĩ merabenãkĩ pepawaibu bebũkiri unãmisbuki. Hakia betsabũ txakabuwakĩ hune abiaya atimas tapĩriamisbuki.

1 Timóteo 6:18

Haska inũ, hatũ hamapai mabu haya betsaburi pashkashũti xinãkĩ haska Deusũ abuai aki hau pepakubainũbũ hatu yunuriawe.

2 Timóteo 2:21

Ha mabu pepa ouro keskarã, tsuabũra txakabu henetã hawẽ Shanẽ Ibu pepakĩ dayashuni hawa txakabu husikĩ ana meama ha besti pepashunaiwẽ taeshũ hamapai daya pepa betsa betsapa hawẽ Shanẽ Ibu Jesusũ yunutiruki.

2 Timóteo 3:17

Haska yununiwẽ taeshũ habu Deusũ yunua hawẽ hãtxa yuishunikabu hawẽ hãtxawẽ unãnepakĩ pepahairakĩ Deus dayashũkĩ pepa betsa betsapa ashũtirubuki.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Tito 2:7

miãri mĩ hiweawẽ mĩ ikai keskai dasibibu hau pepa irianũbũ hatu yusĩkinã, hawa tsua beparanãma inũ, tatimama pe bestikĩ hatu ishũkĩ uĩmakubaĩwẽ.

Tito 3:1

Ikũwaĩbu hau eskakubainũbũ ẽ mia hatukiri xinãmaii. Habũ mae yunuaibu shanẽ ibubũ hatu hawakirira yunuabu hatu nĩkatã hau ashũkubainũbũwẽ. Hawa txikixama hamapai tibi hatu yunuabu: “Hamaki”, ikama hau ashũkubainũbũwẽ.

Tito 3:14

Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 10:24

Ha inũ, nũ habũ ikũwaĩburã, merabenaĩ abunamei pepai duanamekubainãkãwẽ.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

1 João 2:6

Ha inũ, tsuãra yuikĩ: “Ma Deuski dasia ẽ hiweaii”, ikirã, haska Jesus Cristo hiwekũkaini keskai hau iriakubainũbũwẽ.