Hechos 24:14 - Kaxinawá Bíblia (BR) Hakia haskakiri ekiri mia yuiaiburã, shabakabi mia yuinũ nĩkawe. Jesusũ Bai Bena nũ txibãyã: “Deuskiri kanekanikiki”, iwanã, nuku aki ikanikiki, haskamabiakenã. Jesus ikũwãkĩ nukũ shenipabũ Deus kẽwãpauni ẽ duawapakemiski, Moisés yusĩni inũ Deusũ hãtxa yuishunika betsabũri kenenibu dasibiri ikũwãkinã. Kashinawa : Diosun Jesúswen taexun yuba bena yiniki Jakia jaskakidi ekidi mia yuiaibudan, xabakabi mia yuinun ninkawe. Jesúsun Bai Bena nun chibanyan: “Dioskidi kanekanikiki”, iwanan, nuku aki ikanikiki, jaskamabiakenan. Jesús ikunwankin nukun xenipabun Dios kenwanpauni en duawapakemiski, Moisin yusini inun Diosun jancha yuixunika betsabundi kenenibu dasibidi ikunwankinan. |
ana Moisés yuikĩ: —Eskakiri hatu yuikinã: “Matũ shenipabu Abraão inũ, Isaque inũ, Jacó hatũ habu mekekĩ duawapaunirã, Senhor Deusũ matu anu ea yunushinaki”, akĩ hatu yuitãshãwẽ. Na kena ‘Senhor Deus’ habias ikũkaĩshanikiki, ẽ kena hawa betsa maeamarã. Na ẽ kena Senhor Deus dasibitũ ea shinãtiruburã, henenakamaki— iwanã
Samaria anua yushibubu dami tsuabũra mã yubamisbuki. Hanua tsuabura yubakai hãtxairã, Dã anu hiweabu matũ yushibũ hiweawẽ mã yubakamisbuki. Hanua Berseba anu yushibubu hiweabuwẽ mã yubakakubaĩmisbu mawai mã di ishanaii, ana haskatã mã benitirubumarã”, akĩ txanima hãtxa Senhor Deusũ ea yuishinaki.
Sião anua Senhor Deusũ yusiã tashni Jerusalém anu hawẽ hãtxa kaĩshanaiwẽ taea yurabu mirimahaira hanu hikitushitã yuikĩ: “Senhor Deusũ Mati Sião anu mapekenũ bekãwẽ, Jacó mekenika Senhor Deus kẽwãti Templo anurã. Harishũ hawẽ pe hiwekĩ shinãti nuku yusiã ha bai keska hawẽ yusiã hãtxa txibãkĩ tapĩ nũ maputiruki”, iki ma itxai keyua maniabũ
ana nuku yuikĩ: —Tsuabũra ea ikũwaĩ dakeama ea datã akĩ yurabu hatu yuikĩ: “Ẽ Jesusunaki”, iki eki hãtxakubaĩmisbu ẽ Epa Deus nai anuabe hãtxakĩ: “Harã, enabuki”, akĩ ẽ hatu yuishũshanaii.
ani ha dabe txibaĩ mã haki txiti imiswẽ taea dasibi Deusũ yunua Moisés keneni inũ Deusũ hãtxa yuishunikabũ kenenibu haki tsamia keskawẽ taea ha txibãkĩ dasibi mã xinãriatirubuki— atã
Haska inũ, betsarã, tsuara miwẽ nuikĩ hau mia merabewashanũbũ matũ dukũ haska xinãkĩ uĩmakĩ hatu merabewakubaĩshãkãwẽ, haska wai nuikipakĩ mã kaneamakirã. Habias xinãwẽ Deusũ hãtxa yuishunikabubetã Moisés hatu yusĩnirã, haki dasi watã na habias yununi hakimama xinaĩ mã hatube merabenãkũkaĩshanaii— iwanã,
Nukũ shenipabu hatu yubai hakiri habias mĩ hãtxa yuĩshunika meribi tibi mĩ hatu hãtxamapaunirã,
Jesusũ hatu yuikubaĩkĩ: —Hamẽ Naximanika João huriama matũ itxati hiwe tibi anushũ Moisés yusĩni inũ Deusũ hãtxa yuishunikabũ yusĩpauni yusĩkubaĩkĩ Joãoki tekiwanibuki. Hanushũ Joãonẽ kaka pepa Deus shanẽ ibushanaikiri txaniaya itxapabũ abuhairai hanu hikinũ ika nashukunibukiaki.
Abraãonẽ ana yuikĩ: “Moisés yusĩa inũ Deusũ hãtxa yuishunikabũ yusĩa kenenibu minabu hayawẽ taeshũ hatũ yusĩa hau tapĩnũbũwẽ”, aka
Deusũ Moisés yusĩa keneniwẽ hatu yusĩ taewakĩ Deusũ hãtxa yuishunikabu dasibibũ yusĩa hãtxawẽri Jesusũ hatu yusĩkĩ hatu unãmakubainaya
yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,
Filipẽ hawẽ haibu Natanael benakĩ hawẽ hiwe anu kashũ yuikĩ: —Baa, mia yuinũ, ea nĩkawe. Hakiri Moisés inũ Deusũ hãtxa yuishunikabũ keneniburã, nũ ma haki nukuxinaki, Josẽ bake Jesusrã. Hawẽ mae Nazaréki— aka
Haska inũ, uatiã habias Jesuskiri Deusũ hãtxa yuishunika dasibibũ bebũkiri hatu yusĩkĩ: “Deusũ Messias tsuabũra ikũwaĩbu hawẽ taeshũ habũ txakabu Deusũ hatu buashunũbarikiki”— akĩ
hanushũ Moisés keneni inũ Deusũ hãtxa yuishunikabũ kenenibu una anua yusĩkĩ hatu yui menetã habũ yusĩmisbu shanẽ ibubũ Paulo inũ Barnabé yuikĩ: —Ẽ betsabuũ, mã hawa nuku yusĩtanũ ika huxiãmẽkaĩ? Nukunabube benimawakĩ ikis nuku yuirikãwẽ— hatu wa
hatu haska yuiaibũ judeu shuku betsa fariseubũ Moisés hãtxa txibãhairabiamisbũ ma hatiribũ Jesus ikũwãkĩ txibaĩbu betsa benikawã hatu yuikĩ: —Mã haskakiri hatu yuiairã, nawabu Jesus mã hatu ikũwãmaiburã, haska Deusũ Abraão yununi keska hau hatũ hina kubitxi binũbũ hatu yunukãwẽ. Ha inũ, Moisés nukũ shenipabu yununi beya hau txibãrianũbũ hatu yunuriakubaĩkãwẽ— hatu wa
ha hatu haska wakĩ Jesusũ Bai Benakiri hatu unãmaibũ hanua prata mane hushupa dami wanika hawẽ kena Demétriõ yushĩ hawẽ kena Diana hawẽ kẽwãti hiwe dami mixtĩ wamistũ habe dayaibũ pei itxapa bimisbuwẽ taeshũ Demétriõ Paulõ yusĩa bena abuama yurabu Éfeso anuabu hatu itimaska wakĩ
hanua judeubu hatiri huĩti kuxikĩ Jesus mekenã Bai Bena ikũwãkatsi ikama dasibibũ nĩkaibũ hãtxa txakabukĩ txakabu yuiaibuwẽ taea hanua Paulo ana hatube itxama hatu henebaĩkĩ ikũwaĩbu tari hatu iyushũ Tiranõ escola anushũ hatu itxawashũ Jesuskiri yusĩ shaba tibi hatube hãtxanamekũkaĩkĩ
ana ea yuikĩ: “Ha nukũ Deus nukũ shenipabũ kẽwãpaunibu habiatũri mia katunishũ mia unãkĩ hau hawẽ xinãwẽ hawẽ bake pepa Jesus mĩ uĩnũ hawẽ huiwẽ mia hãtxa waxinaki.
Jesusũ Bai Benakiri unãhairakĩ Paulõ yuiai nĩkatã judeubu manamakĩ Félixsĩ hatu yuikĩ: —Hatiara comandante Lísias Jerusalém anua huaya ẽ ana matu unãtihairawashũshanai, matunaki. Manayukãwẽ— hatu waya
Na huni Paulorã, txanimahaira hakiri pemahaira nũ uĩaiĩ. Jesus Nazaré anuatũ yusĩa txibaĩbu hatu bebũshũkĩ mai hirabi anua judeubu manibaunabu bikawakĩ hatu yusĩ txakakĩ pashkakĩ hatu itimaska wakubaĩmiskiaki.
hanushũ hãtseri Paulõ hawa txakabuwama ikimakiri unãmakĩ Festo yuikĩ: —Ẽ hawa txakabu hayamakiri ena mia yuinũ nĩkawe. Deusũ nukũ shenipabu yusĩni txibãkĩ ẽ kaneama inũ, Jerusalém anushũ Templo ẽ hawa txakabuwama inũ, Romano shanẽ ibuhaira Césarki ẽ hawa hakiri txakabu yuismariki— ikaya
Haskakẽ Deusũ ea merabewaya hawa xinã betsa wama shanẽ ibubu inũ shanẽ ibuma hatuki txani Moisés inũ Deusũ hãtxa yuishunika betsabũ haska bebũkiri kenenibu ishanai
Agripakiri besushũ yuikĩ: —Shanẽ ibu Agripaã, Deusũ hãtxa yuishunikabũ keneni haskakiri ẽ mia yuiairã, mĩ ikũwaĩ? Ẽ xinãnã, mĩ ikũwaiĩ— aka
Dasibi judeubũ ea unã keyukanikiki, ẽ hatube hiwekũkaunirã, ẽ mae anuabu inũ hanua ẽ yumeni Jerusalém anuabunã.
Haskawẽ taeshũ ẽ haskarakẽ daki ea unãti watã kupikatsi haska nukũ shenipabu Deusũ yubani ikũwãkĩ ẽ manai ea aki ikanikiki. Hanushũ mawabu ana hatu bestẽwaĩ kai Deusũ nukũ shenipabu yubani ẽ ikũwaĩwẽ taeshũ ea kupikatsis ikanikiki.
Na haska yusĩa bena mĩ ikũwaĩ mae tibi anushũ abuama danãmisbu nũ nĩkabiamis haskara mĩ xinaĩ nũ nĩkakatsi ikaii— aka
hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya
Nũ haskamaki. Matu yuinũ nĩkakãwẽ. Habias nukũ shenipabu Abraão inũ, Isaque inũ, Jacõ Deus kẽwãpaunibũ na huni ma shushawashuki. Ha inũ, hawẽ bake abuhairakĩ Deusũ nukuwẽ taeshũ kẽhairawabiamiskẽ danãkĩ matubu haki sinatakĩ atxishũ nawa shanẽ ibuhaira anu mã iyua hanushũ Pilatõs xinã pewatã tenãkatsi ikama nitxĩpanã mã nemaimaki.
ana hãtxa txitxibaĩkĩ yuikĩ: —Jesus cruzki mã hatu mastamashũ hatu tenãmabia ha habias Deus nukũ shenipabũ kẽwãpaunibu habiatũri tenãbu nuku bestẽwãshuĩmaki.
“Earã, ẽ matũ shenipabũ mekenika Deuski, Abraão inũ, Isaque inũ, Jacõ mekenika Deusrã”, akai nĩkai Moisés datei saki saki ikĩ hari uĩkatsi ikamakẽ
haska xinaĩ yuikĩ: “Damasco anu kashũ ha Bai Bena Jesuskiri hatu tapĩmaibu huni inũ aĩbu atxitã Jerusalém anu ẽ hatu iwekatsis ikaii, nenu hatu bitxinũ, iwananã. Haskakẽ mĩ kuxipaya kanũ, iwanã, ẽ mia yukai huaii. Ea kuxipa wakĩ Damasco mae ewapanua hanu nukunabu itxamisbu hiwe anu ẽ kakẽ hau shanẽ ibubũ ea merabewashanũbũ mĩ kuxipa hatu yunuwe, ẽ buairã”, aka: “Peki”, ishũ keneshũtã haya yunua
Haska inũ, Deus besti duawanũ, iwanã, hawẽ bakewẽ nukũ txakabu Deusũ nuku buashũkatsis ikai hawẽ bakekiri dasibi ẽ kuxipawẽ hatuki txanikũkauni matu hakimama matu ea ashũkĩ Deus ẽ yukakubaĩmis Deusũ unaĩkiki.
Eska wakĩ Deusũ yurabu pepawamis shabakabi hatu uĩmani matu yusĩnũ nĩkakãwẽ. Judeubu inũ judeubumarã, tsuabũra Jesus Cristo ikũwaĩ nukũ txakabu hatũ nuku buashunikẽ: “Haska Deusũ bebũkiri yubani tsuabũra nũ ikũwaĩbu besti txakabu hayama pepabuki”, ikĩ Deusũ nukukiri pe xinãmiski. Haskakiri Deusũ hãtxa Moisés keneni inũ Deusũ hãtxa yuishunikabũ keneniburã, habiaska dabes xinã hakiri kenenibu kaneama ini uĩtirubuki.
Haska inũ, yushĩ txakabu kẽwãkĩ hawẽ kuxipawẽ daunãnãkinã, yurabu hãtxaibu hatu nemakinã, kũyã ikirã, hawenabuwẽ nuiamarã, hawara betsa hayawẽ taeshũ hatu binũkatsis ikĩ danãkinã, yura betsabuki hawaira sinatakinã, hatuki ha ikĩ hatu sa akĩ keyukinã, ibubis hawara pepa bikĩ xinã betsa betsapa wai hiweabuki.
Punu nuka huĩti nixma mĩ baxikuimakẽ mia xinãkĩ hanu ẽ Deusbe hãtxaitiã bariri inũ mexu tibi mia hakimama mikiri Deus kẽwãkĩ ẽ mia yukashũkubaĩmiski, eã Deus duawakinã. Haska ẽ xinã hawa txakabumakiri ea xinãmaya ẽ akubainaii, haska nukũ shenipabũ Deus ikũwãkĩ apaunibu keskari wakinã.
Tsuãra Jesus Cristo ikũwaĩbu hatu itimaska wakĩ hatu pashkakatsi ikaibu merabewanũ, iwanã, kenatã mĩ yuia nĩkamakẽ ana ha katxu kenatã mĩ yuia nĩkamarikẽ hanushũ hau ana matube itxayamashanũ nematã hatu nitxĩwẽ.
kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.