Êxodo 3:15 - Kaxinawá Bíblia (BR)

¹⁵ ana Moisés yuikĩ: —Eskakiri hatu yuikinã: “Matũ shenipabu Abraão inũ, Isaque inũ, Jacó hatũ habu mekekĩ duawapaunirã, Senhor Deusũ matu anu ea yunushinaki”, akĩ hatu yuitãshãwẽ. Na kena ‘Senhor Deus’ habias ikũkaĩshanikiki, ẽ kena hawa betsa maeamarã. Na ẽ kena Senhor Deus dasibitũ ea shinãtiruburã, henenakamaki— iwanã

Êxodo 3:15 Referencias Cruzadas

Gênesis 24:12

hau ea unãmanũ ishũ Abraão tsumapã Deusbe hãtxakĩ ea akĩ yuikĩ: —Ẽ tsuma Abraão mekenika Senhor Deusuũ, ẽ tsuma mĩ duawamis keska wakĩ eari merabewakĩ uĩmakĩ ea tapĩmawe. Uĩwẽ. Ũpash bana kini dapi ẽ nikẽ ũpash bi txipashbu ibirã ibiranaibu unãti wamakĩ txipash betsa ẽ yukakatsi ikaii: “Mĩ shumu buteshũ ũpash ea amawe!” ẽ aka ha txipash mĩ ma katua ebe hãtxai: “Awe, ũpashrã. Mĩ camelori ẽ mia amashunaii”, akĩ ea yuiai ẽ unãkatsis ikai ha txipash mĩ ea katushunairã, Isaque aĩ hau ishanunã. Haskawẽ taeshũ ẽ tsuma Abraão mĩ ana duawai ẽ unãkatsis ikaii— akaya

Êxodo 15:2

Hakiri ẽ kãtakũkainũ ea kushipa wakĩ Senhor Deusũ ea merabewamiski. Ẽ mekenika Deus kayabiki. Haskawẽ taeshũ heneama ẽ kẽhairawakubaĩshanaii. Ẽ epã mekenika Deus iniwẽ taeshũ hakiri hãtxa pepa besti ẽ hatu yuikubaĩshanaii.

Êxodo 15:3

Senhor Deus kushipahairatũ yurabu kushipabu hatu binumiski. Hawẽ kenarã, Senhor Deus hamebi hiweaki.

Êxodo 3:13

datekĩ Moisĩ ana yuikĩ: —Mĩ ea haska wa Israelĩ enabu anu kashũ eã hatu yuikĩ: “Hatũ nukũ shenipabu mekekĩ duawapauni Deusũ matu anu ea yunushinaki”, ẽ hatu wabia ea yukakĩ: “Harakiri kenamẽ?” ea akabu Harakiri hatu yuishãpa?— aka

Êxodo 3:6

ana yuikĩ: —Ẽ mĩ shenipabũ mekenika yushĩki. Abraão inũ, Isaque inũ, Jacó ea nĩkakubainiwẽ taeshũ duawakĩ ẽ hatu mekekubainiki— akaya Deus uĩ Moisĩ datekĩ hawẽ mekẽnẽ hawẽ besu atximakẽ

Êxodo 4:1

Moisĩ Senhor Deus ana yuikĩ: —Enabu ẽ hatu yuibia ea ikũwãma ea yuikĩ: ‘Nukũ mekenika Deus miki nukutã mibe hãtxamaki’, ea wakĩ ea yuishãkanikiki. Hatu haska washãpa?— aka

Êxodo 4:5

Senhor Deusũ ana yuikĩ: —Na ẽ mia haska wamashurã, mĩ hatu uĩmaya txanima ẽ miki nukutã mibe hãtxashu mia ikũwãshãkanikiki, earã, ẽ matũ shenipabũ Deuski, Abraão mekenikarã, Isaque mekenikarã, Jacó mekenikarã—

Êxodo 6:2

Moisĩ hau hawenabu yuinũ Deusũ ana Moisés yuikĩ: —Earã, ẽ matũ shanẽ ibu Senhor Deuski.

Provérbios 18:10

Senhor Deusũ kushipa kayabi shinãtirã, mishki kushipa hiwe keyatapa wanibu hanu iruti keskaki. Tsuara pepabu hatũ mekenika Senhor Deus anu itxai buaibu hatu mekekubaĩmiski.

Isaías 42:8

Earã, ẽ Senhor Deuski, ẽ kena kayabirã. Hau tsuara betsã ẽ kushipa hawena keska wakĩ hau marias duawayamanũbũ ẽ hatu yunuismaki, hãtxa pepawẽ ea besti duawakatsi ikama dami yushĩ duawaibuwẽ taeshunã.

Isaías 63:12

Hatũ hawẽ kushipa pehairawẽ Moisés mekekubainirã, hanimẽ? Hawẽ taea hawẽ kena pepa hakimatimawakĩ Ianẽwã Tashipa nukunabu pashkashunirã, hanimẽ?’ ikaibũ

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Daniel 2:23

Mĩ ea unanepa wakĩ kushipa waniwẽ taeshũ ẽ shenipabũ mekenika Deus mĩ miarã, mia duawakĩ, benimawakĩ ẽ mia kẽwaiĩ. Haska natiã nũ mia yukashu ikis mĩ ea tapĩmashuki, hawara shanẽ ibũ shinãkĩ bika teneaikiri nuku unãmakinã”, atã

Miquéias 4:5

Haskabiashanaya ikis yura shukuabu betsa betsapabũ hatũ mekenika yushibu nĩkakĩ ha txibãkanikiki. Hamẽ nukubunã, nukũ mekenika Senhor Deusũ yusĩti hãtxa nĩkakĩ ha heneama nũ ha txibãkubainaii.

Malaquias 3:6

“Ea ẽ Senhor Deus maei ẽ hawa betsaismaki. Mã Jacó enabuwẽ taeshũ ẽ matu yamawakatsi ismaki.

Hechos 3:13

Nũ haskamaki. Matu yuinũ nĩkakãwẽ. Habias nukũ shenipabu Abraão inũ, Isaque inũ, Jacõ Deus kẽwãpaunibũ na huni ma shushawashuki. Ha inũ, hawẽ bake abuhairakĩ Deusũ nukuwẽ taeshũ kẽhairawabiamiskẽ danãkĩ matubu haki sinatakĩ atxishũ nawa shanẽ ibuhaira anu mã iyua hanushũ Pilatõs xinã pewatã tenãkatsi ikama nitxĩpanã mã nemaimaki.

Hechos 7:32

“Earã, ẽ matũ shenipabũ mekenika Deuski, Abraão inũ, Isaque inũ, Jacõ mekenika Deusrã”, akai nĩkai Moisés datei saki saki ikĩ hari uĩkatsi ikamakẽ

Deuteronômio 4:1

Txipu Moisĩ hatu ana yuikĩ: —Matũ shenipabũ mekenika Senhor Deusũ mai pepa matu ibuwamashanai anu hari hikikĩ ibuwatã mã hanu hiweshũ txibãkĩ hawẽ yunuti inũ hawẽ nemati yusini natiã ẽ matu ana yusiaĩ nĩkatã hakimama aki hawẽ hiwekubaĩshãkãwẽ, txĩtuãmarã.

Hebreus 11:16

Haskama ha mae pepahaira hawẽrua nũ haska uĩriama txakabuma nai anu Deusũ hatu yubayama xinaĩ habianus hiweyunibukiaki. Haskakẽ habu katuni Deusũ ma hatũ maewã pewashuniwẽ taea Deus hatuki dakeama hatu xinaĩ: “Ẽ hatũ merabenã Yushĩki”, imiski.

Hebreus 13:8

Ha inũ, Jesus Cristorã, hawa maei betsaisma habiaskaski, uatiã inũ, natiã ikai inũ, ipakeshanairã.