Êxodo 3:16 - Kaxinawá Bíblia (BR)

¹⁶ —Ẽ mia haska wa kashũ Israelĩ enabu shanẽ ibubu itxawatã hatu yuikĩ: “Senhor Deusũ matũ shenipabu Abraão inũ, Isaque inũ, Jacó mekekĩ duawapaunitũ ea betxitã matukiri shinãkĩ Egito anushũ matu itxakawa txakayamaibu matu uĩmis shũ ea yuishinaki.

Êxodo 3:16 Referencias Cruzadas

Gênesis 21:1

Senhor Deusũ Abraão yubaimashũ Sara shinãkĩ hatu merabewaya hanushũ Abraão mestebuhairabiatũ hawẽ aĩ Sara txutakĩ bakewaima haska Deusũ yubakĩ yuima keska Sara huni bake bimaima kaiã Abraão kenakĩ: “Isaqueki”, ashĩshũ 8 shabatiã hawẽ hina kubitxi bikĩ meshtenikiaki, haska Deusũ yunuima txibãkinã.

Gênesis 48:15

Israelĩ José dukũ pepawẽ duawakĩ eska wanikiaki. —Ẽ shenipabu Abraão inũ Isaque txibãkubainitũ ha Deusũri ẽ tashnini anua ea mekemis habiatũri txakabu betsa betsapa ea binumamistũ na berunã dabe hau hatu duawakĩ pe hatu hiwemakubaĩshanũwẽ, hau habuwẽ ẽ kena inũ ẽ shenipabu Abraão inũ Isaque kena hau hakimama shinãpakeshanũbunã. Hau Deusũ hatu pa wapashanũwẽ, bake mirima hatu wamakinã. Hau mai hirabi anu hiwei yura mirima habus hau ipashanũbũwẽ— akaya

Gênesis 50:24

Hanushũ José hawẽ betsabu yuikĩ: “Mawakĩ ẽ ma matu shunukatsis ikaii. Ẽ haskabiaya Deusũ matu merabewakĩ Egito anua matunabu tashnimabaĩkĩ hanu nukũ shenipabu Abraão inũ Isaque inũ Jacó ha mai Deusũ hatu yubani anu matunabu iyushanikiki”, iwanã,

Salmos 33:18

Hakia tsuabũra haki mesei inũ hakiri pe hãtxakĩ nũ yuimis Deus nukuwẽ nuimis nũ ikũwaĩbu nuku putama nuku mekekubaĩmiski,

Salmos 8:4

Hanushũ hunibukiri shinãkĩ: Nũ hawa watirumahairabiakẽ nukukiri hakimama mĩ nukuwẽ nuimiski.

Êxodo 1:8

txipu Egito shanẽ ibuhaira Faraó bena shanẽ ibui taekĩ haska José hawenabu merabewapauni unãmatũ shanẽ ibũ hawenabu hatu yuikĩ:

Êxodo 13:19

hatũ shenipabu shanẽ ibu José mawa hawẽ yura maiwama hawẽ shau bau merã naneshũ dĩtu merã hawenabũ arunibu Moisĩ hatu bumaya haska José hatu yubakĩ: “Nukunabu pakubaĩshanaibu Deusũ hatu ana shinãkĩ iyuaya nenua ẽ shau hau bushanũbũwẽ”, hatu aniwẽ taeshũ hawẽ shau bau merã nanenishũ buaibũ

Êxodo 15:14

Haska mĩ amis nĩkai nawa betsa betsapabu datehairashãkanikiki. Filisteu nawabu datei saki saki ikaibũ

Êxodo 17:5

Senhor Deusũ Moisés kemakĩ: —Minabu itxapa bashiyubaini kakĩ Israelĩ enabu shanẽ ibu betsabube besti mia dukũ bebukaĩ ha Egito anushũ mĩ mestẽti hiwẽ ha ianẽwã mĩ hawẽ bekushima bukĩ tsumabaini kashũ ha Mati Horebe anushũ ẽ mia manai nikẽ ha mishkipãwã mĩ mestẽtiwẽ kushashãwẽ. Mĩ hawẽ kusha ũpash tuei habashanikiki, minabũ hau akubaĩnũbunã— aka Moisĩ hatu iyui kakĩ Israelĩ enabu shanẽ ibubũ berubi ha mishkipãwã hawẽ mestẽtiwẽ Moisĩ kusha hawaira ũpash tuei ishtxunikiaki.

Êxodo 2:25

Israelĩ enabu nuitapaibu uĩkĩ merabewanũ ishũ hatu ana haibuwakĩ taewabainikiaki.

Êxodo 24:11

Deusũ hatu kupiama Deus uĩbetanã pikĩ nushukĩ kẽwãkĩ keyutã Moisésbe ana butuaibũ

Êxodo 3:2

hi mashu hamebi menui hawẽ here anua Senhor Deusũ hãtxa bunika Moisésbe hãtxanũ ika butua hi mashu anu txi herehairabiai hawa hi menuama metakara ibestiaya betxishũ

Êxodo 3:6

ana yuikĩ: —Ẽ mĩ shenipabũ mekenika yushĩki. Abraão inũ, Isaque inũ, Jacó ea nĩkakubainiwẽ taeshũ duawakĩ ẽ hatu mekekubainiki— akaya Deus uĩ Moisĩ datekĩ hawẽ mekẽnẽ hawẽ besu atximakẽ

Êxodo 4:1

Moisĩ Senhor Deus ana yuikĩ: —Enabu ẽ hatu yuibia ea ikũwãma ea yuikĩ: ‘Nukũ mekenika Deus miki nukutã mibe hãtxamaki’, ea wakĩ ea yuishãkanikiki. Hatu haska washãpa?— aka

Êxodo 4:29

haskabaini bui hikishĩshũ Moisés inũ Arão kashũ Israelĩ enabu shanẽ ibubu itxawashũ

Êxodo 4:31

ha dami hatu haska washuna hawenabũ uĩ txanima ikũwãkĩ Egito nawabũ hatu itxakawamisbu Senhor Deusũ uĩmis unãtã Israelĩ enabu dãti itã beti ishũ Senhor Deus kẽwanibukiaki.

Êxodo 4:5

Senhor Deusũ ana yuikĩ: —Na ẽ mia haska wamashurã, mĩ hatu uĩmaya txanima ẽ miki nukutã mibe hãtxashu mia ikũwãshãkanikiki, earã, ẽ matũ shenipabũ Deuski, Abraão mekenikarã, Isaque mekenikarã, Jacó mekenikarã—

Mateus 26:3

habiatiãri Deusbe nukunabu hãtxashunika shanẽ ibubu inũ judeu mae shanẽ ibu betsabu bui Deusbe nukunabu hãtxashunika shanẽ ibuhaira Caifásĩ hiwe anu dasitã itxa

Lucas 1:68

“Ẽ Shanẽ Ibu pepa Israelbũ Deusuũ, mĩ ma minabu merabewakĩ hatu pekakĩ akawai huxiãwẽ taeshũ ẽ mia kẽwaiĩ.

Hechos 11:30

Judéia anushũ ikũwaĩbu mekenikabu hau pei hatu habũ inãtanũbũ Antioquia anushũ ikũwaĩbũ Barnabé inũ Saulo katutã yununibukiaki.

Hechos 15:14

Jesus ikũwaĩbu Deusũ hawenabu hatu wariakĩ merabewani hau nukube ikubaĩshanũbũ haska bebũkiri tatesmakĩ Deusũ judeubumari katuyama Simãonẽ ma nuku yuishuki.

Hechos 20:17

Éfeso anua ikũwaĩbu mekenikabu hau Mileto anu bea hau habe hãtxai benũbũ Paulõ hawẽ hãtxa hatu keneshũ bumakẽ

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

1 Pedro 5:1

Nukũ Shanẽ Ibu Cristo nuku yumãshunai ẽ uĩniwẽ taeshũ natiã habuã mae tibi anushũ Cristo ikũwaĩbu matu mekenikabu ẽ matu hatu yusĩ pewakatsis ikai ea nĩkakãwẽ. Eari Cristo ikũwaĩbu ẽ hatũ mekenãriki, habu keskarirã. Ha inũ, Cristo shanẽ ibuhairai hukĩ hawẽ kuxipa nuku uĩmaya eari ẽ hatube benimatxakayamashanaii.

Rute 1:6

hawẽ mae Belém anu Senhor Deusũ yunu ma hatu ana pawashunima Moabe anushũ Noemi bana nĩkatã