Apocalipse 19:10 - Kaxinawá Bíblia (BR)

¹⁰ kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

Kashinawa : Diosun Jesúswen taexun yuba bena yiniki

¹⁰ kenwanun ika jawen tae naman en danti itanaya ea nemakin yuikin: “Eki jaskayamawe. Mia inun Diosunabu betsabun Jesucristo chibankin jawen jancha yusinmisbu keska eandi Diosun jancha bunika en jawen tsumadiki. Jaskaken ea kenwanma Dios besti kenwanwen”, ea waxuki. Jaskadan, tsuabuda Jesúskidi kakape Yushin Pepatun xabakabi jatu shinanmaya jabu yusinanbu jakidi chanikin banabimabaunmisbuki.

Apocalipse 19:10 Referencias Cruzadas

Daniel 2:46

haska wa nĩkatã Daniel bebũ shanẽ ibuhaira Nabucodonosor dãti iki maiki beti itã hanushũ inãkuĩ inãtã sheni inĩti hau kuashunũbũ hawẽ tsumabu yunua haska yunua akĩ keyuaibũ

Mateus 4:10

ana nemakĩ Jesusũ yuikĩ: —Haska Deusũ hãtxa kenenibu ana nĩkawe: “Matũ mekenika yushĩ Deus besti duawakĩ kẽwãkubaĩshãkãwẽ, yushĩ betsaki meseamarã”, aniwẽ taeshũ ha mĩ haska yuiairã, ẽ mia akamaki. Satanásaã, kariwe— aka

Marcos 5:22

hanua hanu itxati hiwe mekemis shanẽ ibu betsa hawẽ kena Jairõ Jesus betxibirani hushũ dãti ishũ

Marcos 7:25

hanua judeubuma Siro-fenícianawa aĩbu hawẽ bake yushĩ txakabuya Jesuskiri txaniaibũ nĩkabirani Jesuski nukushũ dãti itã yuikĩ: —Ẽ aĩbu bake yushĩ txakabu hayaki. Ea kaĩmashuĩ kawe— aka

Lucas 1:19

nai tsumã yuikĩ: —Earã, ẽ Gabrielki, nai tsuma shanẽ iburã. Deus dayashuni ẽ hãtxashũmiski. Ẽ mibe hãtxanũ na kakape Deusũ ea yunushuki.

Lucas 24:44

yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,

João 5:39

Haskakẽ matunã, ha txibaĩ hiwei ikibi iti hãtxa kenenibu betxinũ, iwanã, Deusũ hãtxa yuishunikabũ kenenibu anua mã benakubaĩmiski. Hakia habias kenewẽ ekiri yuinibu uĩbiakinã,

Hechos 10:43

Haska inũ, uatiã habias Jesuskiri Deusũ hãtxa yuishunika dasibibũ bebũkiri hatu yusĩkĩ: “Deusũ Messias tsuabũra ikũwaĩbu hawẽ taeshũ habũ txakabu Deusũ hatu buashunũbarikiki”— akĩ

Hechos 13:27

Huĩrukũti sábado tibitiã hanu itxamisbu anushũ Deusũ hãtxa yuishunikabũ kenenibu hatu yuimisbu inũ habuã hatu yuibiamisbũ hawa tapiãma Jerusalém anuabu inũ hatũ shanẽ ibubũ xinãkĩ hawa unãma Jesus hau tenãnũbũ, iwanã, danãnibuki, haska hawẽ hãtxa yuishunikabũ bebũkiri yuini keska wakĩ menekinã.

2 Coríntios 8:7

Matunã, ikũwãkĩ betsabu mã hatu binumiski, Cristõ kakape ikũwãkĩ inũ, Deusũ hãtxa shabakabi unãkĩ inũ, shabakabi unãnepakĩ inũ, hamapai Deus mã ashũtiru akĩ inũ, haska merabewati nuku anua nui mã tapĩmiswẽ taea ikũwaĩbu betsa mã hatukiri xinaĩnã matũ nuikipa uĩmakĩ Jerusalém anuabu nuitapaibu hatu merabehairawakãwẽ, betsabũ akima binumakinã.

Efésios 5:15

Haskakẽ matũ hiwearã, uĩrakãwẽ. Hawara mã akai txibaĩ pe bestikubaĩkãwẽ, unaĩsmapamarã, hakia unãnepairã.

Efésios 5:33

Habiaskari wakĩ haska huni tibitũ hawẽ yura ibubis mekemis keska wakĩ hau hawẽ aĩ pe mekekĩ duawakubainũbũwẽ. Haska inũ, hatũ aĩnĩ hawẽ benẽ yunuai hau nĩkashũkubainũbũwẽ.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

1 Tesalonicenses 5:15

Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

1 João 5:10

Tsuãra Deusũ bake ikũwaĩnã, hamebi hawẽ huĩti merã ha kaka haya yuimakĩ shabakabi wamaikiki. Hakia tsuãra Deus ikũwãmatunã: “Deusrã, txaniki”, ikĩ hatu xinãmamiski, ha txanitxakakinã, Deus ibubis hawẽ bakekiri txanini ikũwãmarã.

1 João 5:21

Ẽ bake keskabuũ, yushĩ dami kẽwãmisbu beyanu ha dapi ana buyamakubaĩkãwẽ. Hatiski, ẽ hãtxarã. João

Apocalipse 1:1

Ha dukũ Deusũ Jesus Cristo ishanai unãmaniki. Hanushũ eari samama hawaira haskashanai ea ẽ hawẽ tsuma João unãmakatsis ikĩ hawẽ nai tsuma Jesus Cristõ yunua ea uĩmaxinaki, na haska inũbariai dasibi nũ hawẽ tsumabũ tapĩtã hatu yusĩkubaĩshanũ ea unãmakinã.

Apocalipse 1:9

Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu

Apocalipse 12:11

Habu nukũ betsabũ Satanás maemakinã, Jesus Deusũ txashuwã bake habu mawashũkĩ hawẽ himi habaniwẽ taea inũ hawẽ kakape hãtxa txanikĩ hawa dateama hatũ hiwea benutiruma unãkubaĩmisshũ habu mawawẽ dateisbumã Satanás ma maemariabuki.

Apocalipse 12:17

haskaya yuxibu sheanã aĩbuki ana sinatahairakĩ ana hawawẽ haska watima hawẽ bababu teshebũ Deusũ hãtxa txibãkĩ Jesus ikũwãkubainaibu tenãnũ ika

Apocalipse 14:7

hui kuxipawẽ yuikĩ: “Deusũ nai inũ mai inũ iãnẽwã inũ ũpash txatxa tibi damiwanitũ yura dasibi unãti watã na habiatiã hatu kupikĩ taewaikiki. Haskakẽ menã haki dãti itã Deuski datekĩ kẽwãrikãwẽ”, ikainaya

Apocalipse 15:4

Mia besti meribi hiwea mĩ kaneisma unãkĩ yurabu betsa betsapa dasibibũ mia yui mesewai datebetanã duawakĩ mia kẽwãshãkanikiki, mĩ pepawẽ kaneama mĩ akubaĩmiswẽ taeshunã”, akaibũ

Apocalipse 19:9

Hanushũ nai tsumã ana ea yuikĩ: “Deusũ hãtxa kayabi ẽ mia yuiai nĩkatã keneriwe, eskarã. Txashuwã bakẽ hawenabu nai anu habe hiwemanũ, iwanã, hatu itxawashũ habetã pirã, benimatxakayamashãkanikiki”, ea haska yuiaya

Apocalipse 4:10

ha 24 mekenikabũ kẽwãriakĩ dãti ishũ shanẽ ibuhairawakĩ habũ hatũ ouro mane maiti mabikitã inãkĩ hawẽ tae namã mãtxĩtã yuikĩ: