Apocalipse 19:10 - Kashinawa : Diosun Jesúswen taexun yuba bena yiniki

¹⁰ kenwanun ika jawen tae naman en danti itanaya ea nemakin yuikin: “Eki jaskayamawe. Mia inun Diosunabu betsabun Jesucristo chibankin jawen jancha yusinmisbu keska eandi Diosun jancha bunika en jawen tsumadiki. Jaskaken ea kenwanma Dios besti kenwanwen”, ea waxuki. Jaskadan, tsuabuda Jesúskidi kakape Yushin Pepatun xabakabi jatu shinanmaya jabu yusinanbu jakidi chanikin banabimabaunmisbuki.

Kaxinawá Bíblia (BR)

¹⁰ kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

Apocalipse 19:10 Referencias Cruzadas

Mateus 4:10

ana nemakin Jesúsun yuikin: —Jaska Diosun jancha kenenibu ana ninkawe: “Matun mekenika yushin Dios besti duawakin kenwankubainxankanwen, yushin betsaki meseamadan”, aniwen taexun ja min jaska yuiaidan, en mia akamaki. Satanásaan, kadiwe— aka

Marcos 5:22

janua janu ichati jiwe mekemis xanen ibu betsa jawen kena Jairon Jesús bechibidani juxun danti ixun

Marcos 7:25

janua judiobuma Sirofenicianawa ainbu jawen bake yushin chakabuya Jesúskidi chaniaibun ninkabidani Jesúski nukuxun danti itan yuikin: —En ainbu bake yushin chakabu jayaki. Ea kainmaxuin kawe— aka

Lucas 1:19

nai tsuman yuikin: —Eadan, en Gabrielki, nai tsuma xanen ibudan. Diosbe beisinain en janchamiski. En mibe janchanun na kakape Diosun ea yunuxuki.

Lucas 24:44

yuikin: —“Moisin yusini jancha inun Diosun jancha yuixunika betsabun yusini jancha inun Davidin jawen nawakin kenwanti jancha Salmoswen Dios yubakaniki, jau dasibi jaskaxanunan”, iwanan, yuinibu en mawadiama matu anuxun jabiaskadi matu yusinkin dasibi ekidi na kenenibu bebunkidi en matu yuikubainimaki— iwanan,

João 5:39

Jaskaken matunan, ja chibain jiwei ikibi iti jancha kenenibu bechinun, iwanan, Diosun jancha yuixunikabun kenenibu anua man benakubainmiski. Jakia jabias kenewen ekidi yuinibu uinbiakinan,

Hechos 10:43

Jaska inun, uatian jabias Jesúskidi Diosun jancha yuixunika dasibibun bebunkidi jatu yusinkin: “Diosun Mesías tsuabunda ikunwainbu jawen taexun jabun chakabu Diosun jatu buaxununbadikiki”— akin

Hechos 13:27

Juindukunti sábado tibitian janu ichamisbu anuxun Diosun jancha yuixunikabun kenenibu jatu yuimisbu inun jabuan jatu yuibiamisbun jawa tapianma Jerusalén anuabu inun jatun xanen ibubun shinankin jawa unanma Jesús jau tenanunbun, iwanan, dananibuki, jaska jawen jancha yuixunikabun bebunkidi yuini keska wakin menekinan.

2 Coríntios 8:7

Matunan, ikunwankin betsabu man jatu binumiski, Criston kakape ikunwankin inun, Diosun jancha xabakabi unankin inun, xabakabi unanepakin inun, jamapai Dios man axuntidu akin inun, jaska medabewati nuku anua nui man tapinmiswen taea ikunwainbu betsa man jatukidi shinainan matun nuikipa uinmakin Jerusalén anuabu nuitapaibu jatu medabejaidawakanwen, betsabun akima binumakinan.

Efésios 5:15

Jaskaken matun jiweadan, uindakanwen. Jawada man akai chibain pe bestikubainkanwen, unainsmapamadan, jakia unanepaidan.

Efésios 5:33

Jabiaskadi wakin jaska juni tibitun jawen yuda ibubis mekemis keska wakin jau jawen ain pe mekekin duawakubainunbunwen. Jaska inun, jatun ainin jawen benen yunuai jau ninkaxunkubainunbunwen.

Filipenses 3:3

Jaska nun yunu kayabiaibudan, nun nukuki, nun jabun Dios ken kayabi waibudan. Jesucriston ma nuku pewaxuniwen taexun Diosun Yushin Pepatun nuku kushipa wakin medabewaya jawada nukunmebi nukun yuda anua jina kubichi bemakisa nun mextemis keskawen nun kentidubumaki.

1 Tesalonicenses 5:15

Ja inun, yuda betsan matu chakabuwaibu ana jatube manakunama man pepakatsis ikaidan, jaska chakabu juai tenetan pepakin ikunwain betsabube medabenankin man akai keska wakin mai jidabi anuabu yudabu axundiakin jatu medabewakubainkanwen.

Hebreus 1:14

Ja inun, Diosun jawenabu kayabi jabun jiwea ikibi ika bitan nun paxaxanaibu nuku yaushikin jawen nai tsumabun jau nuku mekekubainunbun Epa Diosun jatu yunukubainmiski. Dasibi Diosun nai tsumabudan, yushinki, jabun Diosun daya axunmisbudan.

Hebreus 12:25

Ja inun, Mati Sinaí anuxun Diosun jawen yunua jatu yuibia ninkama jawen kupiti paxama inibuki. Ikis nai anuxun Diosun jawen bakebetan nuku yusiain jaskanibu keskakin nun ninkama nukudi nun jaskatan paxatidubumawen taexun jawada Diosun nuku unanmai jaki pechitan dananma uindakubainankanwen.

1 João 5:10

Tsuanda Diosun bake ikunwainan, jamebi jawen juinti medan ja kaka jaya yuimakin xabakabi wamaikiki. Jakia tsuanda Dios ikunwanmatunan: “Diosdan, chaniki”, ikin jatu shinanmamiski, ja chanichakakinan, Dios ibubis jawen bakekidi chanini ikunwanmadan.

1 João 5:21

En bake keskabuun, yushin dami kenwanmisbu beyanu ja dapi buyamakubainkanwen. Jatiski, en janchadan. Juan

Apocalipse 1:1

Ja dukun Diosun Jesucristo ixanai unanmaniki. Januxun eadi samama jawaida jaskaxanai ea en jawen tsuma Juan unanmakatsis ikin jawen nai tsuma Jesucriston yunua ea uinmashinaki, na jaska inunbadiai dasibi nun jawen tsumabun tapintan jatu yusinkubainxanun ea unanmakinan.

Apocalipse 1:9

Ea en matun betsa Juanan, matu keska Jesúski dasia Diosbe xanen ibuibe nia betsa betsapa tenei chintuanma Jesúsun kushipawen en binukubainaii. Ja inun, Diosun kakape yusinkin Jesúsun nuku mekekatsis ikai xabakabi en jatu yuikubainaiwen taexun na natukan jawen kena Patmos anu ea nichianbu

Apocalipse 12:11

Jabu nukun betsabun Satanás maemakinan, Jesús Diosun chaxuwan bake jabu mawaxunkin jawen jimi jabaniwen taea inun jawen kakape jancha chanikin jawa dateama jatun jiwea benutiduma unankubainmisxun jabu mawawen dateisbuman Satanás ma maemadiabuki.

Apocalipse 12:17

jaskaya yushibu xeanan ainbuki ana sinatajaidakin ana jawawen jaska watima jawen bababu texebun Diosun jancha chibankin Jesús ikunwankubainaibu tenanun ika

Apocalipse 14:7

jui kushipawen yuikin: “Diosun nai inun mai inun ianenwan inun unpax chacha tibi damiwanitun yuda dasibi unanti watan na jabiatian jatu kupikin taewaikiki. Jaskaken menan jaki danti itan Dioski datekin kenwandikanwen”, ikainaya

Apocalipse 15:4

Mia besti medibi jiwea min kaneisma unankin yudabu betsa betsapa dasibibun mia yui mesewai datebetanan duawakin mia kenwanxankanikiki, min pepawen kaneama min akubainmiswen taexunan”, akaibun

Apocalipse 19:9

Januxun nai tsuman ana ea yuikin: “Diosun jancha kayabi en mia yuiai ninkatan kenediwe, eskadan. Chaxuwan bake keskatun jawenabu nai anu jabe jiwemanun, iwanan, jatu ichawaxun jabetan pidan, benimachakayamaxankanikiki”, ea jaska yuiaya

Apocalipse 4:10

ja 24 mekenikabun kenwandiakin danti ixun xanen ibujaidawakin jabun jatun oro mane maiti mabikitan inankin jawen tae naman manchintan yuikin: