Lucas 24:44 - Kaxinawá Bíblia (BR)

⁴⁴ yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,

Kashinawa : Diosun Jesúswen taexun yuba bena yiniki

⁴⁴ yuikin: —“Moisin yusini jancha inun Diosun jancha yuixunika betsabun yusini jancha inun Davidin jawen nawakin kenwanti jancha Salmoswen Dios yubakaniki, jau dasibi jaskaxanunan”, iwanan, yuinibu en mawadiama matu anuxun jabiaskadi matu yusinkin dasibi ekidi na kenenibu bebunkidi en matu yuikubainimaki— iwanan,

Lucas 24:44 Referencias Cruzadas

Gênesis 14:18

Salém shanẽ ibu Melquisedeque Deus dasibi binu keyuabe hawenabu hãtxashunika hari hawẽ tsumabu kariakĩ misi inũ uva vinho bushũ Abrão inũ hawẽ haibuaibu hatu pimatã

Gênesis 22:18

Ẽ mia yunushina mĩ ea ashũshuwẽ taeshũ minabu katushũ hatuwẽ nawa betsa betsapa mae hirabi anu ẽ hatu duawakubaĩshanaii”, akĩ Senhor Deusũ ea mia yuimashuki— aka

Isaías 28:16

haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

Isaías 52:13

Senhor Deusũ ana hatu yuikĩ: “Ẽ tsumapã dasibi binukĩ keyuaya shanẽ ibuhaira wakĩ dasibi hatu binumatã ẽ tsaũshanaii.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Jeremias 23:5

txanima Senhor Deusũ mestẽwãkĩ ana yuikĩ: “Ha shaba betsatiã shanẽ ibu hunũbarikiki, Davĩ baba betsa shanẽ ibuhaira ẽ washanaii, hawẽ mai pakea anua hawẽ yunuti kushipawẽ unanepakĩ hatu yunukĩ parananãma pepas wakubaĩshanikiki.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Amós 9:11

Senhor Deusũ ana yuikĩ: “Davĩ enabũ mae nawabũ hatu babu watã di akĩ txakabuwanibu ana habianuri mishki di anibu benikĩ hatũ mae ẽ hatu kushipa washanai ma kemaikiki. Uatiã hiwenibu keska ana hiweshãkanikiki. Edom enabu hatiri tesheabu inũ yura shukuabu tibiki ẽ kena ẽ netani Israelĩ enabube hau ana dasinũbũ ẽ hatu kushipa washanaii”, itã hawẽ hãtxa Senhor Deusũ habias yuiai keska akĩ meneshanai yuinikiaki.

Números 21:8

nĩkatã Senhor Deusũ Moisés yuikĩ: —Ha dunũ hatũ hatu piai keska hatu dami washũtã txibu keyatapa mamaki hatu dũtãshũwẽ. Dunu paepahairatũ tsuara hatu pikĩ bisha isĩ tenei hushũ ha mane dunu uĩ mekei shushashãkanikiki— aka

Mateus 1:22

Haska Jesus kaĩtã bebũkiri haskanũbariai hawẽ hãtxa yuishunika Isaías Deusũ yuikĩ: “Uĩa. Hunĩ txutariama txipaxã bake bima huni bake kaĩyã kenakĩ: ‘Deus nukube hiweaki’, ashãkanikiki, Hebreu hãtxawẽ, ‘Emanuel’, wakinã”, aka nĩkatã kenenikẽ habias haska dasibi bebũkiri inũbariai txanini Deusũ shabakabi hatu unãmaniki, haska hawẽ hãtxa yuishunika kenemani keska menekinã.

Mateus 16:21

hanua Jerusalém anu ka haska washanaibu nuku yusĩkĩ taewakĩ: —Eki sinatakĩ ea itxakawakĩ judeu shanẽ ibubu inũ, Deusbe nukunabu hãtxashunikabu inũ, Deusũ hãtxa kenenibu yusĩnanãmisbũ ea danãkĩ itxakawakĩ ea hatu tenãmabu shaba dabe inũ bestitiã ẽ ana bestẽshanaii— akĩ

Mateus 26:54

Hakia Deusũ haska waya hawẽ hãtxa yuishunikabũ ekiri keneama iniburã, ea haska wabuma ikeãkanaii— iwanã,

Mateus 26:56

Eskawẽ taea mã ikaii. Deusũ hãtxa bebũkiri ekiri kenenibu haska yuiniwẽ taeshũ mã ea atxiaii— hatu waya hanua dasibi nũ hawẽ tsumabu datekĩ Jesus besti henebaini pashai nũ hunei keyubainaibũ

Lucas 22:37

Na eska ẽ matuki txaniairã, haska ea wakĩ binumama meneshanaibu Isaíasĩ kenekĩ yuikĩ: “Huni txakabu yuibaũshãkanikiki”, ani ikũ ekiri keneni dasibi betsa teshewama ea ashãkanikiki, ewẽ menekinã— hatu wa

Lucas 24:46

hatu yuikĩ: —Ekiri kenenibu matu yuinũ nĩkakãwẽ. Deusũ Katua Messias merabenã yumãtã mawa shaba dabe inũ besti kaya ana bestẽshanikiki.

Lucas 9:22

ana hawẽ tsumabu hatu yusĩkĩ yuikĩ: —Deusũ bake matũ Hutxi Kayabi Iuwarã, eki sinatakĩ ea itxakawakĩ nukũ shanẽ ibubu inũ Deusbe nukunabu hãtxashunika shanẽ ibubu inũ yusĩnanãmisbũ ea danãkĩ ea hatu tenãmabu mawa shaba dabe inũ besti kaya ẽ ana bestẽshanaii— hatu watã

Lucas 9:44

—Eska ẽ matu yuiai nĩkatã hakimayamashãkãwẽ. Ea ẽ matũ Hutxi Kayabi Iuwarã, tsuãra ea hatu atximashanikiki— hatu waya

João 3:14

Haska inũ, Deusũ nukũ shenipabu yusĩkĩ unãti wamanikiri mia xinãmanũ nĩkawe. Hanu tsua hiweabuma anu Moisés hatu iyuima hanus nukũ shenipabu hiweakeakeakĩ hawẽ hãtxa nĩkabumakẽ Deusũ hatu kupinũ, iwanã, dunu mirima itxawashũ hatu pima isĩ teneaibũ Deusũ Moisés yunua mane damiwakĩ dunu itsa washũ hiki netãshũ nitxiã tsuãra uĩkĩ ikũwaĩ shushanibuki. Habiaskari wakĩ Deusũ ea yubani keyukĩ hiki matũ Hutxi Kayabi Iuwa ea mastãshũ ea benitã ea nitxĩshãkanikiki. Haskawẽ taeshũ tsuabũra ea ikũwãkĩ xinaĩ ebe hiweshãkanikiki, niti ikamarã— iwanã,

João 5:39

Haskakẽ matunã, ha txibaĩ hiwei ikibi iti hãtxa kenenibu betxinũ, iwanã, Deusũ hãtxa yuishunikabũ kenenibu anua mã benakubaĩmiski. Hakia habias kenewẽ ekiri yuinibu uĩbiakinã,

João 5:46

Ha inũ, Moisés ekiri keneniwẽ taeshũ Moisés hãtxa ikũwãkĩ mã ea ikũwãriakeanaii.

Hechos 13:33

nuku ma ashuĩmaki, nũ hawẽ bababu anurã. Haska bebũkiri hawẽ xinãmati wakĩ shanẽ ibuhaira bena Deusũ katua tibi hau shanẽ ibui taenũ hawenabũ yunua hawẽ tsauti anu ainikubainibuki. Haska keskari wakĩ Deusũ hawẽ bake kayabi katua huni Salmos 2 anua yuiai keska wakĩ yuikĩ: “Mĩ ẽ bakerã, natiã ẽ hiwea mia inãkĩ ẽ mia yunuaii”, anirã, nuku ma ashuĩmaki.

Hechos 13:40

Haska Deusũ hãtxa yuishunikabũ kenenibu keskai ibubis matũ txakabuwẽ mã Deus kupimatiruki. Uĩrakãwẽ, haska kenenibu keska wakĩ:

Hechos 2:27

Mawabu hanu dasibi bumisbu anu ka mĩ meribi mĩ tsumapã yura maiwati tãpe anu hau dakai txapuyamashanũ mĩ nemashanaii.

Hechos 3:18

Ha mã haska waimakirirã, bebũkiri Deusũ hawẽ hãtxa yuishunika dasibibu hakiri txanikĩ nukunabu yuikĩ: “Hawẽ Messiasrã, nuitapatã mawashanikiki”, anirã, haska yuini keska wakĩ Deusũ ma hatu menemaimaki.

Hechos 7:37

Hanushũ habias Moisés Israelbu hatu yuikĩ: “Hawẽ hãtxa ẽ matu yusĩnũ Deusũ ea katuni keska wakĩ habia matunabu anuari Deus yuishunika betsa kuxipa ea keska matu anu yunushanikiki”, anikiaki.

Hebreus 10:1

Hanua Deusũ hatu yubani Moisés hatu yusĩpauni hawẽ yubati bena haska hawẽ besu tashnimashanai hawẽ bemakia unãmati besti iniki, haskaira mawaira kuxipa ha kayabimarã. Haskakẽ Deusũ hãtxa Moisés yusĩniwenã, tsuabura dasibi pepatirumawẽ taea bari tibi habias daya txashuwã bene inũ ina awa bene tesẽshũ kuakĩ keyushũpakebiakĩ Deusbe nukunabu hãtxashunika shanẽ ibu binuatũ nukunabũ hatũ xinã hatu betsa wamakĩ dasibi hatu pewakĩ keyushũtirubuma ikubiranibuki.

Hebreus 3:5

Hamẽ dasibi Deusũ ani txipu nũ nĩkashanai Deusũ enabu hawẽ hãtxa Moisés hatu yuishuni txibãbianirã, hawẽ tsuma besti iniki.

Hebreus 7:1

Melquisedequekiri ana matu yuinũ nĩkakãwẽ. Ha Melquisedequerã, Salém shanẽ ibu inũ nukũ Deus binuabe hawenabu hãtxashunika inikiaki. Nukũ shenipabu Abraão shanẽ ibu betsabube detenamekĩ hatu maematã hawara yumetsubaĩxinabu hatu deteshũ mebĩtãkĩ beaya Salém mae shanẽ ibu Melquisedeque kaĩkaĩ haki nukushũ Deusũ Abraão hau duawapakeshanũ Melquisedequeĩ Deus yukashunikiaki.

Hebreus 9:8

Na haska wakubainiburã, natiã Deusũ Yushĩ Pepatũ ha haska wakubiranibu keska shabakãshũ kẽwãkubiranibu nuku unãmaikiki. Habiaskariai ha bai txibaĩ Deuski nukuti meribihaira anu tsua hikiama ipaunibuki, Jesus Cristõ nuku bepẽshũriamawẽ taearã.

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.