Lucas 24:27 - Kaxinawá Bíblia (BR)

²⁷ Deusũ Moisés yusĩa keneniwẽ hatu yusĩ taewakĩ Deusũ hãtxa yuishunikabu dasibibũ yusĩa hãtxawẽri Jesusũ hatu yusĩkĩ hatu unãmakubainaya

Kashinawa : Diosun Jesúswen taexun yuba bena yiniki

²⁷ Diosun Moisés yusian keneniwen jatu yusin taewakin Diosun jancha yuixunikabu dasibibun yusian janchawendi Jesúsun jatu yusinkin jatu unanmakubainaya

Lucas 24:27 Referencias Cruzadas

Gênesis 12:3

Hanushũ tsuãra mia pepawaya ẽ haturi pepawashanaii. Hakia tsuãra mia txakabuwakĩ yupuwaya hatu kupikĩ ẽtseri ẽ hatu mia yupushũkubaĩshanaii, manakukinã. Ha inũ, miwẽ taeshũ nawa betsa betsapa mai hirabi anu shukua hiwebaunabu dasibi ẽ hatu pepawariashanaii”, aka

Gênesis 22:18

Ẽ mia yunushina mĩ ea ashũshuwẽ taeshũ minabu katushũ hatuwẽ nawa betsa betsapa mae hirabi anu ẽ hatu duawakubaĩshanaii”, akĩ Senhor Deusũ ea mia yuimashuki— aka

Isaías 1:23

Haska inũ, matũ shanẽ ibuburã, sinatapa yumetsubũ haibuaibuki. Ana pei mais hatu pewashũkatsi ikama hatu parãkĩ hatũ peiwẽ besti hatu itxakawakubaĩkanikiki. daketapai ea inãkuĩwẽ ika ea ikĩ bena bestikubaĩkanikiki. Bake ibuumabu hatu pe merabewati shinãbiai habũ hatu uĩs bestikanikiki. Ha inũ, aĩbu beneyabiani beneumabukiri habũ hatu merabewai pe hãtxashũkatsi ikama hatuki petxiabuki.

Isaías 50:6

Hau ea kakush kakush anũbũ ẽ petxi ẽ hatu inãkĩ yunumiski. Ẽ keshni ea tseka tseka akaibu ẽ hawa hatu nemaismaki. Habũ ea itxakawakĩ eki kemu mitxuaibũ ẽ besu hunei ẽ hawa tinĩsmaki.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 8:17

Senhor Deusũ hawẽ hãtxa Jacó enabukiri hunebiaya eanã, ikũwaĩ ẽ haki txiti ikaii.

Isaías 9:1

Galiléia mai pakea anu Zebulom maewã inũ Naftalĩ maewã anu ha dapi nawabũ Deus ikũwãbuma hiweabu, Hene Jordão kesha ukeri inũ Ianẽwã Mediterráneo kesha betsauri nawabu hiweabu Deusũ ha dukũ hatu itxakawabiapaunishũ ana betsatiã Deus habuwẽ nuikĩ hatu duahairawashanikiki.

Miquéias 5:6

Habũ Assíria nawabu hatũ shenipabu Ninrode ini anua nupe txaipa kenuhairawẽ hatu nitxĩkubaĩkĩ detekĩ keyushãkanikiki, nukũ mai pakea atxi keyunũ ika beimabu Assíria nawabu nuku hatu nemashũkinã.

Miquéias 7:20

Haska nukũ shenipabu Abraão inũ Jacóbe mĩ yubakani keska wakĩ, Senhor Deusuũ, merabewakĩ nukuwẽ nuikĩ mĩ yubakani hãtxa nuku hakimawayamakubaĩshãwẽ.

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Lucas 24:25

hanua Jesusbe hãtxai unãriabuma Jesusũ hatu yuikĩ: —Deusũ hãtxa yuishunikabũ merabenã Messias Cristokiri kenenibu unãbiakĩ unãshubira ikũ beshmas wakĩ xinã pewariama mã kaneaii.

Lucas 24:44

yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,

João 1:45

Filipẽ hawẽ haibu Natanael benakĩ hawẽ hiwe anu kashũ yuikĩ: —Baa, mia yuinũ, ea nĩkawe. Hakiri Moisés inũ Deusũ hãtxa yuishunikabũ keneniburã, nũ ma haki nukuxinaki, Josẽ bake Jesusrã. Hawẽ mae Nazaréki— aka

João 12:41

Hanushũ Isaíasĩ namai keskakĩ Jesusũ kuxipa uĩtã hakiri txanikĩ hatu keneshuniki.

João 5:37

Ha inũ, Deus mã uĩyama inũ hawẽ hui mã nĩkaismabiakẽ habiatũri ea yununitũ ea unãkĩ hawẽ hãtxa hatu kenemani anushũ ekiri hatu yuini mã uĩkubaĩmiski.

João 5:39

Haskakẽ matunã, ha txibaĩ hiwei ikibi iti hãtxa kenenibu betxinũ, iwanã, Deusũ hãtxa yuishunikabũ kenenibu anua mã benakubaĩmiski. Hakia habias kenewẽ ekiri yuinibu uĩbiakinã,

Hechos 10:43

Haska inũ, uatiã habias Jesuskiri Deusũ hãtxa yuishunika dasibibũ bebũkiri hatu yusĩkĩ: “Deusũ Messias tsuabũra ikũwaĩbu hawẽ taeshũ habũ txakabu Deusũ hatu buashunũbarikiki”— akĩ

Hechos 3:18

Ha mã haska waimakirirã, bebũkiri Deusũ hawẽ hãtxa yuishunika dasibibu hakiri txanikĩ nukunabu yuikĩ: “Hawẽ Messiasrã, nuitapatã mawashanikiki”, anirã, haska yuini keska wakĩ Deusũ ma hatu menemaimaki.

Hechos 3:22

Hanua Moisésri hakiri nukũ shenipabu hatu yuiriakĩ: “Hawẽ hãtxa yuishunika ea keska matu anua matũ Yavé Deusũ kaĩmashanikiki. Haska matu yunuai nĩkatã txibãkubaĩshãkãwẽ.

Hechos 3:24

Moisés besti haska hakiri txaniama hakia hawẽ hãtxa yuishunika tibi Deusũ hatu yuimakĩ Samuelwẽ taewakĩ haska Deusũ hawẽ bake yunushanaikiri yusĩ haburi txanikubainibuki.

Hechos 7:37

Hanushũ habias Moisés Israelbu hatu yuikĩ: “Hawẽ hãtxa ẽ matu yusĩnũ Deusũ ea katuni keska wakĩ habia matunabu anuari Deus yuishunika betsa kuxipa ea keska matu anu yunushanikiki”, anikiaki.

Hechos 8:35

Filipẽ unãmakĩ Deusũ hãtxa dama yuishurã, hawẽ yusĩ taewakĩ kakape Jesuskiri Etíopianawa tapĩmakĩ nĩkamakubaina

Deuteronômio 18:15

Matũ mekenika Senhor Deusũ hawẽ hãtxa yuishunika betsa ea keska katutã matunabu anua matu tashnimashũshanikiki. Deusũ matu haska washunaya hawẽ hãtxa nĩkakubaĩshãkãwẽ.

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.