Hechos 19:9 - Kaxinawá Bíblia (BR)

⁹ hanua judeubu hatiri huĩti kuxikĩ Jesus mekenã Bai Bena ikũwãkatsi ikama dasibibũ nĩkaibũ hãtxa txakabukĩ txakabu yuiaibuwẽ taea hanua Paulo ana hatube itxama hatu henebaĩkĩ ikũwaĩbu tari hatu iyushũ Tiranõ escola anushũ hatu itxawashũ Jesuskiri yusĩ shaba tibi hatube hãtxanamekũkaĩkĩ

Kashinawa : Diosun Jesúswen taexun yuba bena yiniki

⁹ janua judiobu jatidi juinti kushikin Jesús mekenan Bai Bena ikunwankatsi ikama dasibibun ninkaibun jancha chakabukin chakabu yuiaibuwen taea janua Pablo ana jatube ichama jatu jenebainkin ikunwainbu tadi jatu iyuxun Tiranon escuela anuxun jatu ichawaxun Jesúskidi yusiin xaba tibi jatube janchanamekunkainkin

Hechos 19:9 Referencias Cruzadas

Provérbios 8:34

Earã, ẽ bepẽmanaki. Tsuabura ea anu hushũ dasibi ẽ yusiã bari tibi ea nĩkakubaini txĩtuãma ẽ hatu mekea haya habũ ea nĩkai benimakubaĩshãkanikiki.

Isaías 8:14

Earã, matuwẽ taea ẽ eskaki. Ẽ matũ itxati hiwe meribi keskaki. Hakia Israelĩ bakebũ shanẽ ibu dabe ẽ mishki daka haki huti itirubu keskaki. Eki huti ika keskatã ea danaĩ ha shanẽ ibu dabe hatunabube di ishãkanikiki. Jerusalém merã hiweaburã, ẽ birũ keska anu hikitã haburi harakiri kaĩtima nuitapashãkanikiki.

Jeremias 7:26

Hakia matubũ ea nĩkakatsi ikama ẽ haska matu yunuai txibãkĩ ea ashuãma huĩti kushihairatã txakabuwakĩ matũ shenipabu mã binuhairaii”, iwanã,

Mateus 15:14

Hau xinã inũbũwẽ. Huni bekũmã huni betsa habe bekũ iyupai harakiri iyuai unãma habia dabe mikĩ maebaĩ di irabemisbuki. Ha beparameaibu haska keskabuki, habũ tsua merabewatirumarã. Haskakẽ hawa hatu yuiyamakãwẽ— nuku wa

Mateus 16:4

Nukunabu na habiatiã hiweaburã, mã txakabuki. Hamapai Deus anua unãti tsuã atiruma uĩkatsi mã ea yukabiamisrã, Deusũ Jonas bakawã sheamabiaxĩshũ ana hiwemakĩ kaĩmanirã, haska keska besti Deusũ matu uĩmakĩ matu ashũriashanikiki. Xinãkãwẽ— hatu watã henebaini

Mateus 26:55

mapuabu uĩkĩ hatu yuikĩ: —Uatiã shaba tibi Templo hemaĩtĩ anushũ ẽ matu yusĩkubainai mã ea shabakabi atxiama ikubaĩxinabuki. Haskai natiã mexu merã yumetsu atximisbu xinaĩ hawẽ deteti nupe txaipaya inũ hawẽ kuxati hiya mã bekãshumẽ?

Hechos 11:26

Sauloki nukutã Antioquia anu iyui habe hari kaimashũ hatu yusĩkĩ ano bestitxai nitxĩkĩ yura itxapabu kaka pepa Jesus Cristokiri hatu yusĩkubainaibũ ha mae anushũ nawabũ Jesus ikũwaĩbu hatukiri xinãkĩ kenakĩ: “Naburã, habũ Cristo txibaĩbuki”, iwanã, hatu kena taewanibukiaki, nawã hãtxawẽ kenakinã, “Cristãos”, hatu wakinã.

Hechos 14:4

Icônio anu hiweabu yurabu pashkatã hatiritũ judeubũ hãtxa nĩkakĩ Jesusũ kuxipayabu Paulo inũ Barnabé danaĩbũ betsabu hatiritũri habũ hatu nĩkakĩ ikũwaĩbũ

Hechos 17:4

hanushũ judeubu hatiritũ inũ Gregonawabũ Deus kẽwãmisbu itxapabu inũ aĩbuaibu pepa hakiri pe xinãmisbu mirimabũri Jesus ikũwãkĩ Paulo inũ Silaski dasiaibũ

Hechos 19:23

ha hatu haska wakĩ Jesusũ Bai Benakiri hatu unãmaibũ hanua prata mane hushupa dami wanika hawẽ kena Demétriõ yushĩ hawẽ kena Diana hawẽ kẽwãti hiwe dami mixtĩ wamistũ habe dayaibũ pei itxapa bimisbuwẽ taeshũ Demétriõ Paulõ yusĩa bena abuama yurabu Éfeso anuabu hatu itimaska wakĩ

Hechos 19:30

hanua dasibi ma itxabu anu Paulo naxui ikaĩ hatu hãtxa wai kapanã ikũwaĩbũ hari nitxiãma nemabu

Hechos 20:31

Haskawẽ taeshũ ano dabe inũ besti matube hiweyushũ mã kaneai tibi ẽ matu meshtamakubaĩkĩ matu yusĩkubaĩkĩ bariri inũ mexu merã matuya kashabetanã ẽ matu haska wani hakimayamakãwẽ. Eskatianã, hanũ ibubis beru mestẽwãrikãwẽ.

Hechos 22:4

Uatianã, Deus dayashunũ, iwanã, tsuabũra Bai Bena Jesuskiri ikũwaĩbu hatu tenãnũ, iwanã, hunibu inũ aĩbuaibu atxishũ bitxiti hiwe anu hatu yunukĩ ẽ hatu itxakahaira wakĩ ẽ hatu nuitapa waniki.

Hechos 24:21

Hakia Sinédrio shanẽ ibũ hatũ besuuri nishũ hãtxa kuxipawẽ hatu yuikĩ: “Mawabu ana bestẽshanaibu ẽ ikũwaĩwẽ taeshũ natiã mã ea unãti waii”, akĩ Jerusalém anushũ ẽ hatu yuixinawẽ taea eki sinatai ikanimẽkaĩ. Hatu yukawe— aka

Hechos 28:22

Na haska yusĩa bena mĩ ikũwaĩ mae tibi anushũ abuama danãmisbu nũ nĩkabiamis haskara mĩ xinaĩ nũ nĩkakatsi ikaii— aka

Hechos 7:51

Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

Hechos 9:2

haska xinaĩ yuikĩ: “Damasco anu kashũ ha Bai Bena Jesuskiri hatu tapĩmaibu huni inũ aĩbu atxitã Jerusalém anu ẽ hatu iwekatsis ikaii, nenu hatu bitxinũ, iwananã. Haskakẽ mĩ kuxipaya kanũ, iwanã, ẽ mia yukai huaii. Ea kuxipa wakĩ Damasco mae ewapanua hanu nukunabu itxamisbu hiwe anu ẽ kakẽ hau shanẽ ibubũ ea merabewashanũbũ mĩ kuxipa hatu yunuwe, ẽ buairã”, aka: “Peki”, ishũ keneshũtã haya yunua

Romanos 11:7

Haskakẽ Israelbu pepatirubu mirimabũ tapĩpaibiabu kanei huĩti kuxikĩ unãbuma Deusũ hãtxa hawẽ hiwekaĩti biama inibuki. Haskabiaibũ hatiri Deusũ katuabũ habũ hatũ hiwea binibuki.

Romanos 9:18

kenenirã, yura betsabu Faraó ani keska wakĩ habu ha keskabuwẽ nuiama Deusũ hatu besu kuxi wakĩ huĩti nĩkaisma wakatsis ikĩ hatu haska wamiski. Hanua haraturawẽ Deus nuikatsis iki hatuwẽ nuimiski, abukinã.

1 Coríntios 16:9

Éfeso anushũ Jesuskiri kakape yuii ẽ dayai itxapabũ ea nemai eki sinatabiaibũ Deusũ hãtxa betsabu ẽ yusĩkubainaya itxapabũri ea nĩkakanikiki.

1 Timóteo 6:5

yura betsa betsapabube hatũ yusĩa hãtxa kayabi unãbumabe kemanamei heneisma inũ haska ikũwãkĩ yusĩaĩwẽ taeshũ pei itxapa bitikiri xinãkanikiki. Hatu uĩrakubaĩwẽ.

2 Timóteo 1:15

Haska inũ, mĩ ma unaiĩ. Ásia mai pakea anuabũ Jesus ikũwaĩbu dasibi eki dakei eki petxitã ana ea merabewabumaki, Fígelo inũ Hermógenes dikabitunã.

2 Timóteo 3:5

Hatũ keshawẽ bemakis shabakabi Deus kẽwãbiakĩ hawa hawẽ hiweawẽ pepakĩ uĩmama Deusũ kuxipaki dakekĩ kẽwã kayabiama danãshãkanikiki. Haska keskaburã, hatube ketashameama hatu dũkekubaĩwẽ.

2 Timóteo 4:2

Eska ẽ mia xinãshunairã, Deusũ hãtxa hatu tapĩmakĩ hawa heneama bari tibi benuama akubaĩwẽ, hanu nĩkakatsis ikĩ nĩka pewaibutiã inũ hanu nĩkakatsi ismabia inũ hanu bika teneaibutianã. Haska wakĩ hatu ikũwãmakĩ hatũ txakabu hatu henemakĩ hatu benimawakĩ hatu yusĩ hĩ hĩ ikama akubaĩwẽ.

Hebreus 3:13

Haskama matuburã, haska Deusũ hãtxa natiã txaniaya natiã besti matũ xinã mã hawaira pewatirubuki. Haskawẽ taea manama benimarabe bestinãkãwẽ, bari tibirã, hau tsuã taska betsa matu parãyamanũbũ inũ txakabũ matu meshtea txĩtuĩ matũ huĩti mã kuxiyamanũbunã.

2 Pedro 2:12

Ha hunibu parananãmisburã, hawa nĩkati kayabi hayabumaki, yuinakapã xinãyã keskaburã. Yuinakarã, txanima hawẽ nĩkatinĩs hiweabuki, tsuãra atxishũ deteshũ pimisbu inũ pisbumarã. Ha parananãmisbu haska keskabuki. Deusũ bai kayatapiakiri unã pewamabia hakiri hãtxatxakamisbuki. Hakia haskabu mawairã, yuinaka deteabu imis keskashãkanikiki.

2 Pedro 2:2

Hatũ hiwea kemu pae hamapai txakabuwẽ ikaibu yura itxapabũ hatu txibaĩ Jesus Cristõ bai txanimabiakẽ hawẽ taea ikũwaĩbu yuaĩ hãtxa txakabukanikiki.

Judas 1:10

hawara unãkĩ nĩkabuma ha parananãmisbu yupukunãkubaĩmisbuki. Haska hatũ xinãnã, yuinakapã xinãyã keskabuki. Hatũ xinã txakabuwẽ taearã, hatũmebi hatũ kupiti bikanikiki.