Hechos 9:2 - Kaxinawá Bíblia (BR)

² haska xinaĩ yuikĩ: “Damasco anu kashũ ha Bai Bena Jesuskiri hatu tapĩmaibu huni inũ aĩbu atxitã Jerusalém anu ẽ hatu iwekatsis ikaii, nenu hatu bitxinũ, iwananã. Haskakẽ mĩ kuxipaya kanũ, iwanã, ẽ mia yukai huaii. Ea kuxipa wakĩ Damasco mae ewapanua hanu nukunabu itxamisbu hiwe anu ẽ kakẽ hau shanẽ ibubũ ea merabewashanũbũ mĩ kuxipa hatu yunuwe, ẽ buairã”, aka: “Peki”, ishũ keneshũtã haya yunua

Kashinawa : Diosun Jesúswen taexun yuba bena yiniki

² jaska shinain yuikin: “Damasco anu kaxun ja Bai Bena Jesúskidi jatu tapinmaibu juni inun ainbu achitan Jerusalén anu en jatu iwekatsis ikaii, nenu jatu bichinun, iwananan. Jaskaken min kushipaya kanun, iwanan, en mia yukai juaii. Ea kushipa wakin Damasco maewan anua janu nukunabu ichamisbu jiwe anu en kaken jau xanen ibubun ea medabewaxanunbun min kushipa jatu yunuwe, en buaidan”, aka: “Peki”, ixun kenexuntan jaya yunua

Hechos 9:2 Referencias Cruzadas

Gênesis 14:15

hanua meshu merã hatu binushũ kushibirã hanu maniabu anu hikishũ hatu deteaibũ datepaepai hatiri betsabu kushibainaibu hatu txibãbaĩkĩ detekubaĩkĩ Hobá mae Damasco mae ewapa besuuri nortekiri hatu txibãkubaĩkĩ henetani

Mateus 10:17

Mã ẽ kakapekiri hatu yusĩawẽ taeshũ ikũwãbumã matu kupinũ, iwanã, hatũ mae shanẽ ibu anu matu iyushãkanikiki. Ha inũ, hatũ itxati hiwe anushũ ekiri mã hatu yusĩaĩbu betsabũ matu kuxa kuxa ashãkanikiki. Uĩrashãkãwẽ.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

Hechos 18:25

Jesus mekenãkiri unãmaimabu ikũwãkĩ haska Joãonẽ besti hatu naximani ha besti unãkĩ hawa dateama benima paẽwẽ yusĩkĩ haska Jesus hiwekũkaĩni mawa ana besteni shabakabi hatu yusĩayã

Hechos 19:23

ha hatu haska wakĩ Jesusũ Bai Benakiri hatu unãmaibũ hanua prata mane hushupa dami wanika hawẽ kena Demétriõ yushĩ hawẽ kena Diana hawẽ kẽwãti hiwe dami mixtĩ wamistũ habe dayaibũ pei itxapa bimisbuwẽ taeshũ Demétriõ Paulõ yusĩa bena abuama yurabu Éfeso anuabu hatu itimaska wakĩ

Hechos 19:9

hanua judeubu hatiri huĩti kuxikĩ Jesus mekenã Bai Bena ikũwãkatsi ikama dasibibũ nĩkaibũ hãtxa txakabukĩ txakabu yuiaibuwẽ taea hanua Paulo ana hatube itxama hatu henebaĩkĩ ikũwaĩbu tari hatu iyushũ Tiranõ escola anushũ hatu itxawashũ Jesuskiri yusĩ shaba tibi hatube hãtxanamekũkaĩkĩ

Hechos 24:14

Hakia haskakiri ekiri mia yuiaiburã, shabakabi mia yuinũ nĩkawe. Jesusũ Bai Bena nũ txibãyã: “Deuskiri kanekanikiki”, iwanã, nuku aki ikanikiki, haskamabiakenã. Jesus ikũwãkĩ nukũ shenipabũ Deus kẽwãpauni ẽ duawapakemiski, Moisés yusĩni inũ Deusũ hãtxa yuishunika betsabũri kenenibu dasibiri ikũwãkinã.

Hechos 24:22

Jesusũ Bai Benakiri unãhairakĩ Paulõ yuiai nĩkatã judeubu manamakĩ Félixsĩ hatu yuikĩ: —Hatiara comandante Lísias Jerusalém anua huaya ẽ ana matu unãtihairawashũshanai, matunaki. Manayukãwẽ— hatu waya

Hechos 26:10

Na haska akinã, Jerusalém anushũ ẽ aniki, Deusbe nukunabu hãtxashunika shanẽ ibubũ hatũ kuxipawẽ ea yunuaburã. Jesus ikũwaĩbu itxapa atxishũ bitxiti hiwe merã ẽ hatu mistukubainiki. Hanushũ hatu tenaĩbũ eã hatu nemama habiaskari xinãkĩ pesshũ ẽ hatu uĩs bestikubainiki.

Hechos 26:12

Deusbe nukunabu hãtxashunika shanẽ ibubũ haska nũ akai keska nũ anũ ea hatũ kuxipaya wakĩ yunuabu Damasco bai tanabaini ma ẽ kemaya

Hechos 6:9

hanua itxati hiwe hawẽ kena “Escravo Tsumawanibu Ana Tsumauma” hanu betsabu itxamisbu inũ, huni betsari mae Cirene anuabu inũ, mae ewapa Alexandria anuabu inũ, Cilícia mai pakea anuabu inũ, mai pakea Ásia anuabu habu Estêvãobe ha iki yuinameaya

Hechos 7:19

ha shanẽ ibu Faraó benatũ nukũ shenipabu parãkĩ hatu itxakawakĩ hatũ huni bake dama kaĩaĩbu hau tenãnũbũ hatu yunukĩ hatu putamakubainaya

Hechos 9:14

Hatu haska wakubaini Deusbe nukunabu hãtxashunika shanẽ ibubũ kuxipaya bexiãbukiaki. Nũ habũ mĩ kenawẽ taeshũ Deus yukaibu dasibi nukuri nenua atxitã Jerusalém anu nuku iyushũ bitxinũ ika huxiãkiaki— aka

Hechos 9:21

dasibibũ nĩkai e iki yuinamei: —Na huninã, Jerusalém anushũ ikũwaĩbu hatu itxakawamisshũ nenuri hushũ nũ habũ Jesusũ kenawẽ taeshũ nũ Deus yukaibu nukuri habiaskari wakĩ nuku atxishũ Jerusalém anu Deusbe nukunabu hãtxashunika shanẽ ibubu anu nuku iyunũ ika huxianã, ha hunirã, hamamẽ?— ikaibũ

2 Coríntios 11:32

Cristo ẽ ikũwãkĩ taewabirãxina ea haska wanibu ana matu yuinũ nĩkakãwẽ. Shanẽ ibuhaira Aretasĩ Damasco mae ewapa yunumistũ hawẽ soldadobu ea atximanũ, iwanã, ha mae hawẽ mixki kene sheshekaiã hanu kaĩbaĩti tibi anushũ ea hatu atximakatsi iniki.

Gálatas 1:17

Ha inũ, Jerusalém anu dikabi Jesusũ kuxipayabube dukũ ẽ hãtxai kayuama iniki. Hakia Damasco mae ewapa leste bari huaikiri Arábia mai pakea anu ẽ katanima haria Damasco anu ẽ ana txĩtũkiraniki.