Hechos 28:23 - Kaxinawá Bíblia (BR)

²³ hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya

Kashinawa : Diosun Jesúswen taexun yuba bena yiniki

²³ jawatianda ana ichaxanaibu xaba katutan: —Janu nuku axanwen— abainshinabu judio ichapabu janu Pablo jiwe anu ichai beabu Dios xanen ibuaikidi yusinkubainkin Moisés inun Diosun jancha yuixunika betsabundi kenenibuwen Diosun Mesías Jesúskidi Pablon jatu ikunwanmakatsis ikin badi chai jatu tanamakin jatu yusinbaiaya

Hechos 28:23 Referencias Cruzadas

Lucas 24:44

yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,

João 4:34

Jesusũ nuku ana yuikĩ: —Hatũ ea yununitũ xinã ẽ hayawẽ taea hawẽ daya keyui ẽ kuxipamiski, yani wa keskairã

Hechos 1:3

Hanua ma mawabiaxina besteĩmashũ hawẽ yura kayabi ana shabakabi hatu kayatiwamakĩ hau unãtihairawanũbũ shaba 40 dia hatu uĩmakĩ haskai Deus nuku shanẽ ibushũshanaikiri hatu hãtxa wakubainikiaki.

Hechos 18:28

Habu judeubũ Jesus ikũwãbuma hamakiri yuiaibu Deusũ hãtxa kenenibuwẽ hatu yusĩkĩ: “Deusũ Messias Shanẽ Ibu mã manahairamisrã, Jesuski”, akĩ dasibi itxabu besuubishũ judeu shanẽ ibubũ hatu yusĩmis ana nemakĩ danãtirubuma hatu wanikiaki, hatu shabakabi unãmakinã.

Hechos 18:4

hanua sábado huĩrukũti tibitiã hanu judeu itxamisbu hiwe anushũ Jesuskiri hatu yusĩkĩ hatu tapĩmakĩ ikũwãmai judeubu inũ Gregonawabube Paulo hãtxanamekũkainaya

Hechos 19:8

Hanushũ ushe dabe inũ besti nitxĩ hanu judeubu itxamisbu hiwe anu hikitãtani dateama shabakabi hatube hãtxanamekĩ hawẽ Messias Jesus nukũ mekenãwẽ taea Deus shanẽ ibushanaikiri Paulõ hatu ikũwãmakatsis ikũkaĩnaya

Hechos 23:11

ushaxini ana mexu betsatiã Paulo anu nukũ Shanẽ Ibu Jesus hushũ yuikĩ: —Pauloõ, dateama benimawe. Na Jerusalém anushũ ekiri ikũwãkĩ mĩ hatu yuixina keskari wakĩ Roma anushũ habiaskari ekiri hatu yuiritãshãwẽ— awani kakẽ

Hechos 24:14

Hakia haskakiri ekiri mia yuiaiburã, shabakabi mia yuinũ nĩkawe. Jesusũ Bai Bena nũ txibãyã: “Deuskiri kanekanikiki”, iwanã, nuku aki ikanikiki, haskamabiakenã. Jesus ikũwãkĩ nukũ shenipabũ Deus kẽwãpauni ẽ duawapakemiski, Moisés yusĩni inũ Deusũ hãtxa yuishunika betsabũri kenenibu dasibiri ikũwãkinã.

Hechos 26:6

Haskawẽ taeshũ ẽ haskarakẽ daki ea unãti watã kupikatsi haska nukũ shenipabu Deusũ yubani ikũwãkĩ ẽ manai ea aki ikanikiki. Hanushũ mawabu ana hatu bestẽwaĩ kai Deusũ nukũ shenipabu yubani ẽ ikũwaĩwẽ taeshũ ea kupikatsis ikanikiki.

Hechos 28:31

Tsuã hawa nemama Deus shanẽ ibushanaikiri shabakabi hatu yusĩkĩ Deusũ Messias Jesus Cristo mekenãkiri Paulõ hatu yusĩpakekubainiki, tsuã hawa bika tenemamarã. Teófiloõ, hatiski, Jesuskiri hawẽ tsuma kuxipayabu dayakubainibukiri hãtxarã. Lucas

Hechos 8:35

Filipẽ unãmakĩ Deusũ hãtxa dama yuishurã, hawẽ yusĩ taewakĩ kakape Jesuskiri Etíopianawa tapĩmakĩ nĩkamakubaina

Filemom 1:2

ha inũ, habu mibetã Jesus Cristo ikũwaĩbu mĩ hiwe anu itxamisbu anurã, nukũ pui Áfia inũ nukũ betsa Arquipo, nukubetã Jesus Cristokiri kakape yusĩkĩ bika tenemisbu anurã.

Filemom 1:22

Ha inũ, Deusbe hãtxakĩ mã ea yukashunaiwẽ taeshũ Deusũ hawawama hau hatu ea nitxĩmashanũ ikũwãkĩ ẽ manaii, dateamarã. Haska inũ, matu uĩ ka hanu ẽ iki kashanai anu ẽ ushati ea pewashũshãwẽ.