Hechos 22:14 - Kaxinawá Bíblia (BR)

¹⁴ ana ea yuikĩ: “Ha nukũ Deus nukũ shenipabũ kẽwãpaunibu habiatũri mia katunishũ mia unãkĩ hau hawẽ xinãwẽ hawẽ bake pepa Jesus mĩ uĩnũ hawẽ huiwẽ mia hãtxa waxinaki.

Kashinawa : Diosun Jesúswen taexun yuba bena yiniki

¹⁴ ana ea yuikin: “Ja nukun Dios nukun xenipabun kenwanpaunibu jabiatundi mia katunixun mia unankin jau jawen shinanwen jawen bake pepa Jesús min uinun jawen juiwen mia jancha washinaki.

Hechos 22:14 Referencias Cruzadas

Esdras 7:27

Eskawẽ taeshũ Esdrasĩ Deus kẽwãkĩ yuikĩ: “Nukũ shenipabũ mekenika Senhor Deusuũ, mĩ pepahairaki. Jerusalém anu mĩ kẽwãti hiwe ana atimapa uĩkatsi ikama hau pewanũbũ Pérsia nawa shanẽ ibuhairatũ shinã mĩ pe shinãma hatu yunua akimabuki.

Êxodo 15:2

Hakiri ẽ kãtakũkainũ ea kushipa wakĩ Senhor Deusũ ea merabewamiski. Ẽ mekenika Deus kayabiki. Haskawẽ taeshũ heneama ẽ kẽhairawakubaĩshanaii. Ẽ epã mekenika Deus iniwẽ taeshũ hakiri hãtxa pepa besti ẽ hatu yuikubaĩshanaii.

Jeremias 1:5

“Mĩ ibubũ mia bikĩ naneriama bebũkiri ẽ mia katuniki. Minabu shukuabu tibi hiwebaunabu anu ẽ hãtxa ea yuishunika mĩ ikũkaĩshanũ mĩ kaĩriama eã mia meribi wakĩ ẽ mia pashkaniki”, ea wa

Daniel 2:23

Mĩ ea unanepa wakĩ kushipa waniwẽ taeshũ ẽ shenipabũ mekenika Deus mĩ miarã, mia duawakĩ, benimawakĩ ẽ mia kẽwaiĩ. Haska natiã nũ mia yukashu ikis mĩ ea tapĩmashuki, hawara shanẽ ibũ shinãkĩ bika teneaikiri nuku unãmakinã”, atã

João 15:16

Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

Hechos 13:17

Habias Yavé Deusũ nukũ shenipabu katunishũ habiatũri Egito anu hatu iwenishũ nawabu keska hiwemakĩ harishũ hatu pahairawa hanu hiwekubainaibũ hanushũ hawẽ kuxipawẽri nawabu nematã ha mai anua hatu tsekabirãkĩ

Hechos 22:15

Haskawẽ taeshũ mianã, hawara uĩkĩ mĩ nĩkaxina yurabu mai hirabi anu hiweabu mĩ hatuki txanikũkaĩshanaii”, iwanã,

Hechos 22:18

Jesus ẽ uĩayã ea yuikĩ: “Nenushũ mĩ ekiri hatu yusĩayã mia nĩkama ishãkanikiki. Haskakẽ menã hawaira Jerusalém anua tashnirikaĩtãwẽ”, ea wa

Hechos 24:14

Hakia haskakiri ekiri mia yuiaiburã, shabakabi mia yuinũ nĩkawe. Jesusũ Bai Bena nũ txibãyã: “Deuskiri kanekanikiki”, iwanã, nuku aki ikanikiki, haskamabiakenã. Jesus ikũwãkĩ nukũ shenipabũ Deus kẽwãpauni ẽ duawapakemiski, Moisés yusĩni inũ Deusũ hãtxa yuishunika betsabũri kenenibu dasibiri ikũwãkinã.

Hechos 26:16

Beniriwe, ẽ mia anu hushukirã. Mia katutã haska mĩ ekiri dayakũkaini txanikũkaĩshanũ ẽ mia uĩmashu inũ txipu betsa ẽ mia uĩmashanairã.

Hechos 5:30

ana hãtxa txitxibaĩkĩ yuikĩ: —Jesus cruzki mã hatu mastamashũ hatu tenãmabia ha habias Deus nukũ shenipabũ kẽwãpaunibu habiatũri tenãbu nuku bestẽwãshuĩmaki.

Hechos 7:52

Haska inũ, Deusũ Katua pepa hushanai Deusũ hãtxa yuishunikabũ bebũkiri hakiri txanibiakubainaibũ hawa nĩkakatsi ikama matũ shenipabũ hatu dasibi danãkĩ hatu itxakawakĩ detekubainibuki, hatu tenãkinã. Hanua natiã Deusũ Katua huni hawa kaneisma hakiri matu yuĩnibu ma nuku anu huni xinãma nawabu atximatã mã ha huni pepa Jesus hatu tenãmariaimaki.

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Hechos 9:17

nĩkabaini Ananias kai hanu Saulo ika anu hikikaĩ mamepitã yuikĩ: —Sauloõ, Jesus ikũwaĩ ma mĩ nukũ betsaki. Mĩ bai tanabiranai habias Shanẽ Ibu Jesus miki nukuxinatũ hau mĩ beru mĩ ana uĩ pewanũ inũ hawẽ Yushĩ Pepatũ hau mia atxitã kuxipa wanũ mia anu Jesusũ ea yunushuki— akaya

Romanos 1:1

Mã Jesus Cristo ikũwaĩbu Roma anuabu ẽ Paulo hawẽ tsumapã mã haskaramẽkaĩ? ishũ ẽ matu kene bumai uĩrakãwẽ. Hawẽ kakape ẽ txaniakeakeshanũ habistũ hawẽ kuxipaya ea wakĩ Deusũ ea meribi watã ea yununiki.

1 Coríntios 11:23

Jesus nuku mawashuni xinãmatikiri nukũ Shanẽ Ibũ ea yusĩni ẽ maturi yusĩtani unãbiakĩ mã akĩ pewamawẽ taea ẽ matu kẽwãmaki. Ana matu yuinũ nĩkakãwẽ. Habias mexutiãri Judasĩ Jesus hatu atximakatsi ikaya hatubetã pikĩ Jesusũ misi bitã tsumashũ

1 Coríntios 15:3

Haska dukũ eã unãkĩ tapĩnishũ ẽ matu yusĩtanirã, eskaki, nĩkairakãwẽ. Haska Deusũ hãtxa yuishunikabũ kene tibiwẽ yuini keskai yusĩkĩ: “Nukũ txakabu buanũ ika Messias Cristo mawashanikiki”, inibu haska kenenibu meneni keska nũ matu yusĩkubaĩtaniki.

1 Coríntios 15:8

Hanushũ Jesus ikũwaĩbu itxakawakĩ ẽ hatu mesewakĩ itimaska wakubainaiwẽ taea ẽ atimapa txakabubia Damascokiri ẽ kaya hawẽ henei eki nukui Jesus tashnitã ea uĩmarianiki. Ẽ bake atimapa kaĩyã kaũma hiwemis keska ẽ ikaya hawẽ kuxipaya betsa tsuabũra ea kenatirumabiakẽ ẽ hawẽ tsuma betsabu kuxipaya keska Jesusũ ea wani hatu keskabia ẽ xinãnã, ẽ beshmaski.

1 Coríntios 9:1

Hamẽ enakiriri matu yuinũ nĩkakãwẽ. Damasco baiwẽ ẽ kai Jesus hanu eki nukutã ea uĩmaxĩshũ nukũ Shanẽ Ibũ hawẽ tsuma kuxipaya betsa ea wakĩ ea yununiwẽ taeshũ tsuã ea yunuamawẽ taea haska matu anu ẽ dayai kashũ nukũ Shanẽ Ibũ daya ẽ matu uĩmakĩ Deusũ kaka pepa matu yusĩkubaũkĩ mã Corinto anuabu Jesus ẽ matu ikũwãmaniwẽ taeshũ ẽ Jesusũ kuxipaya betsabu keska habias daya ẽ hayabiakẽ matũ mã ea danãtirubumaki.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Gálatas 1:12

Hakia hunibũ katutã ea yusĩabumabiakẽ Jesus Cristo bestitũ ibubis hawẽ meketi shabakabi ea unãmaniki.

Gálatas 1:15

Hamẽ judeubumari hau Deusũ hatu kupiyamashanũ nukũ mekenã Messiaskiri eã ẽ hatu yusĩkubaũshanũ ẽ kaĩriamabiakẽ bebũkiri Deusũ ea katuniki. Hanua hawẽ pepawẽ ewẽ nuikĩ ma ẽ huni ewa ea unãmakĩ ana shabakabi ea katushũ hawẽ bakẽ daya ẽ ashũkubaĩshanũ ea kenashũ hawẽ bake ea unãmaniki. Hanushũ hawẽ merabewati hãtxa hau tsuãra ea yusĩnũ yura betsa ẽ hawa yukama iniki.

2 Timóteo 1:1

Ea ẽ Paulorã, Deusũ haska xinaĩwẽ Jesus Cristõ kuxipaya ea wakinã, hawẽ yunuawẽ ea aniki. Haska wakinã, hamẽ ea akama hakia haska bebũkiri Deus yubakani hawẽ hiwea keyuisma ikibi ikakiri haska xinãkubaĩmis haska hayawẽ taeshũ Jesus Cristo ea katumaniki.

Tito 1:1

Titoõ, ẽ mia kene bumai uĩrawe. Ea ẽ Paulorã, Deusũ hawẽ tsuma ea wakĩ Jesus Cristõ kuxipaya ea waniki. Habiatũri ea yunukĩ tsuabura hakiri txanima hãtxa nũ hatu ikũwãmashanai habu Deusũ katuni habũ hau tapĩkĩ hau unãti wakubaĩwashanũbũ haska besti txibãtikiri ẽ mia yuiaii.

1 Pedro 2:22

Xinãkãwẽ, Cristorã, matu eskashunikirã. Tsua betsa parãtaskama inũ hawara Deusũ nemani inũ yununi kanekĩ hawa txakabuwamahaira matu ishuniki.

1 João 2:1

Ẽ bake keskabuũ, Deusũ hãtxa txibãkĩ mã ana txakabuwayamanũbũ ẽ matu keneshũ bumai nĩkakãwẽ. Mã haskabia tsuãra kanekĩ mã txakabu meayarã, nukũ hãtxashunika Jesus Cristo hawẽ Epa bebũ nia nũ hayaki, hatũ hawa kanenimatũ nuku merabewairã.