Senhor Deus mikiri hãtxai yubakaniwẽ taearã, Senhor Deusunã, hawa shinã betsa wama ipakeshanikiki, eska hãtxaniwẽ taearã: “Miarã, minabu ebe hãtxashunika niti ikama mĩ ipakeshanaii, Melquisedeque ipauni keskairã.”
Hebreus 3:1 - Kaxinawá Bíblia (BR) Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ. Kashinawa : Diosun Jesúswen taexun yuba bena yiniki Nuku jaska wakubainaiwen taea en betsabu inun en puibuun, nun ikunwanxanunbun Diosun nuku kenakin katuniwen taea nun jawenabuki. Jaskaken Diosun jawen bake jawen kushipaya yununika wakin ja Diosbe nuku janchaxunika Xanen Ibu Jesucristo dasibi betsabu jatu binunidan, ja besti shinankubainkanwen. |
Senhor Deus mikiri hãtxai yubakaniwẽ taearã, Senhor Deusunã, hawa shinã betsa wama ipakeshanikiki, eska hãtxaniwẽ taearã: “Miarã, minabu ebe hãtxashunika niti ikama mĩ ipakeshanaii, Melquisedeque ipauni keskairã.”
Awa bene ana pubẽmawakĩ hawẽ hubu meshteabu ana pubẽma hatũ ibu unãti wamamisbuki. Ha inũ, jumentõ ha hiwe anu hanu ibuã ushãmis unãriamiski. Hakia Israel enabu wakĩ ẽ hatu katubiani ea unãbuma inũ ekiri daki shinã hayabumaki.”
Ẽ Israelĩ Senhor Deus Meribitũ dasibi dami wakĩ ẽ kushipawẽ ẽ akeakeni hau mai hirabi anu manibaũshũ uĩkĩ nĩkakĩ tapĩkĩ hau unãshanũbũ ẽ haska wakeakekubaĩshanaii”, iniki.
Hamẽ betsarã, tsuãra hawẽ txakabu betsa betsapa unãtã henekĩ shinã betsa watã txanima hiweyushanikiki, ẽ kupiamarã.
Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.
ana nuku yuikĩ: —Haska mã unãnumamẽ? Ẽ matu hushuãki. Datetima kuxipa ẽ matu baxishunaii. Haska inũ, haska ẽ Epa Deusũ ea nitxĩkĩ yununi keska wakĩ ẽ matu nitxĩkĩ yunuriaii— iwanã,
Tomé habis yuikĩ: —Ikis ea uĩriwe. Ẽ mekẽ shui mewe. Mekẽ sanãbaĩ ẽ haxi shui misturiyuwe. Ana ikũwãbuma keskama ẽ hiwea ea ikũwãwẽ— aka
Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:
Nũ judeuburã, oliveira hi kayabi keskabuki. Hakia hawẽ pũyã babu betsa meshtetã oliveira mebi betsa kuxipa haki tsamĩtã nea dasibi habias tatxanua hawẽ shuku hawẽ namibe husitã habias yumemis keska Abraãonẽ bababu Deusũ hatu watã Israelĩ baba betsabũ Deus txibãkĩ ikũwãbuma Deusũ oliveira pũyã meshtea keska wakĩ hatu danãtã maturi Deusũ hawenabu wakĩ Abraão matũ shenipabu keska matu wariakeakeikiki. Haskakẽ Deus hawenabu Israelbuwẽ nuikĩ hatu duawakubaĩshanai Deusũ Abraão yubani keska wakĩ mã Israelbuma matuburi Abraãonẽ bababu keska watã matuwẽ nuikĩ matu duawaikiki, oliveira kuxipaki tsamĩa haki nea keskawakinã.
Ha inũ, haska hatukiri xinã pewatã txanima hatu ashũxinabuki. Eska xinãkinã, hawara hawẽ katuabu Israelbu Deusũ hatu yubani hatu inãkĩ Israelbumari inãkubainaiwẽ taeshũ Israelbumã hawara pepa Israelbu hatube manakunãkĩ Macedônia anuabu inũ Acaia anuabũ habuã habu mabuyabũ hatũ hamapai biti pei yauxiabuma pashkashũ Jerusalém anu nuitapaibu duawakĩ hatu inãkatsi hatu manakamabuki.
Haska bebũkiri nukũ shenipabu Deusũ yubaniwẽ taea haska Deus txani txakaisma haska yubai hãtxani haska xarabu Deus yubakani menei Cristo nũ Israelbu anu tashniniki, duawakĩ nuku merabewanũ ikarã.
Haska tibi nukukiri akinã, nũ judeubu bestima judeubumari Deus hatuwẽ nuikĩ hatu duawakatsi ikĩ bebũkiri haska tibi nuku dasibi katuniki.
Deusũ katua Corinto mae ewapanu mã hiweabu Jesus Cristo matu mawashũkĩ meribi wakĩ matu pepawaniwẽ taeshũ Deusũ haturi katua nukũ Shanẽ Ibu Jesus Cristo habũ txibãmisbu dasibibubetã mã ikũwaĩbu itxamisbu tibi anu ẽ matu kene bumai uĩbaũshãkãwẽ.
Nũ Jesus ikũwaĩbu nũ yura betsa betsapabia dasibibũ ha misi nũ pimisbuwẽ taearã, Jesus nuku mawashuni xinaĩ nũ habias yurabuki.
Haska inũ, nũ imis keskai bika hiwekĩ mã teneaibũ haska merabewai nukuwẽ nuikĩ nukũ huĩti nixma Cristõ nuku benimawamis keska wakĩ habiari matuwẽ nuikĩ matũ huĩti nixma benimawashanai matukiri dateama nũ manakubainaii.
Uatiã Deus yubakakĩ hunenirã, shabakabi matu yuinũ nĩkakãwẽ. Yurabu betsa betsapa tsuabũra Jesus Cristokiri kakape nĩkakĩ ikũwaĩbu Deusũ hiwekuĩa hatu inãkatsi ma hatu kenaikiki, habias yura inũ habias yubani Israelbube hawenabu ashanai keska wakinã.
Nenu eska ẽ bika tenei hiweyushũ meairã, nukũ Shanẽ Ibũ ea yununi ẽ akubainaiwẽ taeshũ ea atxitã ea mekeimashũ ea heneabumakẽ hau mã ikũwaĩbu Deusũ matu kenani hiwei pepai haskakĩ mã unãkubainũbũ ẽ matu yunuai xinaĩrakubaĩkãwẽ.
Maturã, habias yura matu wakatsis ikĩ Deusũ matu kenanishũ habias Yushĩ Pepa matu inãtã hawẽ kuxipawẽ habias hiwekuĩa matu manakamaikiki, Jesus mã ikũwaĩburã.
Haska Jesus Cristowẽ nuku Deusũ yubani haska nai anua haki nukukĩ haria bishanũ ika nĩkamas Jesus ẽ dayashũkũkainaii.
Epa Deus kẽwãkubaĩkãwẽ. Hatũ matu katunishũ ikũwaĩbu dasibibube nuku mekekubaĩkĩ nai anushũ hawara nukuki tanani nuku inãkuĩa hawẽ shabaki pesetã nũ bishãkanaii.
Hamẽ natianã, Deusũ bake Cristo ma huni hawẽ yurawẽ nuitapatã matu mawashũkĩ hawẽ mawawẽ Deus matu daewamashuniki. Haska matu wakinã, hawẽ besuuri hawa txakabuma inũ hawa mexu tsamiama inũ tsua txakabu matuki txanitiruma matu nitxĩkatsi iki matu ishuniki.
Haskakẽ Deusũ matu abukĩ hau hawenabu meribi tari mã inũbũ matu katunikenã, matũ xinã pepa kaĩmakinã, tari bena sawea keska wakubaĩkãwẽ, yura betsabuwẽ nuirã, pepairã, babutã keãmarã, duapairã, hĩ hĩ ikama manakairã.
Haskakẽ nukũ Shanẽ Ibũ ea kuxipa waniwẽ taeshũ matu yununũ ikũwaĩbu dasibibu itxati tibi anushũ na kene ẽ matu bumakĩ yunuai shabakabi hatu yuishũkubaĩkãwẽ.
Haskawẽ taea Deusbe hãtxakĩ matukiri yukakĩ nũ heneismaki. Deusũ matu kenakĩ katunishũ pepabu matu wakatsis ikaikiri matu yukashũkinã, mã ikũwaĩwẽ taeshũ hawẽ kuxipawẽ hamapai pepa akĩ betsabube merabenamei mã hiwekubainũbũ ẽ matu ea ashũkubainaii.
Kakapekiri datã akĩ nũ matu yusĩayã Deusũ matu ikũwãmaniki, hau nukũ Shanẽ Ibu Jesus Cristõ kuxipaki dasitã mã hawenabu ikubaĩshanũbunã.
Haska mĩ hiwea ikibi ika bibiatã mĩ benutiruma Deusũ mia inãkatsi mia kenakĩ katuniwẽ taeshũ haska mĩ ikũwaĩ mĩ ma itxabu anua shabakabi txanini hatu unãmakubaĩwẽ, Jesus Cristo txibaĩ txĩtuãma dasibi Deusũ mia yunumis dateama xinãkĩ akubaĩkinã.
Ha inũ, hatũ tsumapã Jesus Cristo ikũwãyã habetã ikũwãriairã, hawẽ betsa keskai hau haki mesekubainũbũwẽ. Uatiã imisbu keskama hau dayai peshũkĩ hatu binumakubainũbũwẽ, hatũ tsumapã hatu dayashũbiamisbu habetã ikũwaĩnã, betsa nuikipa keskaya hau haki txiti ikubainũbũwẽ. Na haska tibi yusĩkĩ hatu tapĩmakubaĩwẽ.
Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.
Na haska tibikiri ẽ mia yuiai xinãkubaĩwẽ. Mĩ haska waya nukũ Shanẽ Ibũ mia merabewakĩ dasibi mia tapĩmashanikiki.
Ẽ betsabu inũ ẽ puibuũ, haskawẽ taea Jesus Cristo nuku mawashũkĩ hawẽ himi habawaniwẽ taearã, natiã hawa dateama Deusbe hãtxanũ ika hawẽ dĩtu meribi anu hikiai keskatã nũ haki ma kematirubuki.
Habias mestẽwãtã xinã betsa betsapa wai txĩtuãma haska nũ ikũwãkĩ yuiai besti manakakubainãkãwẽ. Txanima Deus yubakanishũ nuku ashũshanikiki, kaneamarã.
Ẽ betsabu inũ ẽ puibuũ, ẽ kene txaipamawẽ ẽ matu merabewakĩ benimawakatsis ikai hawa eki sinatama xinã pewatã uĩrakubaĩkãwẽ.
Dasibibũ nũ Deus abukĩ txibaĩburã, nukũ Epa Deus meribitũ nuku hawẽ bakebu wakĩ nuku meribi wamiski. Haskawẽ taea hawẽ bake Jesus Cristo nukuki dakeama nuku kenakĩ: “Ẽ betsabuki”, ikĩ nukukiri yuimiski.
Hawẽ betsabu inũ hawẽ puibu keskatã hatũ yura bitã Deus dayashuni ha bebunua hawenabu hãtxashunika binua inũ ika hawẽ yura Deus inaĩ mawai hawa txĩtuãma pepa duapa iniki, yurabu Deus hatuki sinatamis hatu merabewakĩ hatũ txakabu buashunũ ikarã.
Haskawẽ taea ẽ betsabu inũ ẽ puibuũ, matũ huĩtinĩ txakabu xinãkĩ ana ikũwãti kuxiwama txĩtũtã Hamebi Hiwemis Deus henebaĩkatsi ikama matu tibi ibubis mekekĩ xinã pewarikubaĩkãwẽ.
Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.
Nai anu haskai buaibu ha dukũtũ bai wai nuku bai bepẽshuni tsua bebui hikiriama ha nukũ Deusbe hãtxashunika binua ipakeshanai Melquisedeque dayapauni keska nuku ishuĩ kaniki.
Hanua Jesus Deusbe nuku hãtxashunika binua nũ haska keskariai hiwetiru ha hawa txakabu hayama inũ hawa detsis hayama meribi pepa besti haska yurabu txakabukĩ Deus sinatamamisbu keskama pepakĩ keyu hatu binutã naiuri pepahairai hauri nuku hiwei kashuniki.
Ha inũ, Deusũ Moisés yusĩni hãtxa txibaĩ pepakatsi ibiai Deusbe hatunabu hãtxashunikabũ kanemisbuki. Hanushũ Deusũ hawẽ yunuti inũ hawẽ nemati yunu keyunishũ hawẽ bake yubakĩ katukĩ nukunabu Deusbe hãtxashunika binua pepahaira hau ipakeshanũ hakiri yubakatã katuniki.
Hakia Cristo na mai anu ma iwãniki. Eskatiã harã, nukũ Shanẽ Ibu Deusbe nuku hãtxashunika binuhaira haska Deusũ yuba bena nuku inãniwẽ nuku mekekubainikiki. Hanu Cristo hikinirã, na mai anushũ hunibũ hiwe wani keska anu hikiama hakia haskarara ma hari Deusũ pewashuni anu hikitã haria nuku Deusbe hãtxashuni hawa apaunibu keska wama hatu binua pehaira kaneisma nuku ishũkũkainikiki.
Tsuabura Deusũ hatu katunibu habũ hiwekuĩa ikibi ika bishanaibu Deusũ hatu yubani haska Jesus Cristõ pewanũ ika dasibibu mawashũtã unuri Deuski inũ yurabuki hãtxashunikai dasitã, haskatã Deusũ yuba bena pewakĩ hawẽ taeshũ nukũ txakabu nuku buashuniki, ha dukũ yubani hãtxa txibãma nũ kanei nũ txakabukubaĩmisbu nuku pewairã.
Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.
Habiaskariai ẽ shenipabu aĩbu pepabũ Deus ikũwãkĩ hatũ mabu hawẽrua saweawẽ hawẽruama hakia hatũ benẽ hãtxa nĩkai hawẽruapaunibukiaki.
Nukũ Shanẽ Ibu Cristo nuku yumãshunai ẽ uĩniwẽ taeshũ natiã habuã mae tibi anushũ Cristo ikũwaĩbu matu mekenikabu ẽ matu hatu yusĩ pewakatsis ikai ea nĩkakãwẽ. Eari Cristo ikũwaĩbu ẽ hatũ mekenãriki, habu keskarirã. Ha inũ, Cristo shanẽ ibuhairai hukĩ hawẽ kuxipa nuku uĩmaya eari ẽ hatube benimatxakayamashanaii.
Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.
Ha kakape nukubũ uĩkĩ nũ nĩkanirã, Epa Deus inũ hawẽ bake Jesus Cristobe nũ hatube dasia keskariai maturi mã nukube dasirianũbũ nũ matuki txanikũkainaii.
Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,
txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã
haskaya hui betsa kaĩ txani: “Nai anuabu inũ, mã Deusunabu meribibu inũ, mã hawẽ hãtxa yuishunikabu inũ, mã Jesusũ kuxipayaburã, Deusũ na mae ewapa txakabuhaira kupikĩ matuwẽ dabanã shũska sinatakĩ ashanaiwẽ taea maturã, benimai xinã txãkãkubaĩshãkãwẽ”, ikai nĩkatã ẽ matu keneshunaii.