Hebreus 3:12 - Kaxinawá Bíblia (BR)

¹² Haskawẽ taea ẽ betsabu inũ ẽ puibuũ, matũ huĩtinĩ txakabu xinãkĩ ana ikũwãti kuxiwama txĩtũtã Hamebi Hiwemis Deus henebaĩkatsi ikama matu tibi ibubis mekekĩ xinã pewarikubaĩkãwẽ.

Kashinawa : Diosun Jesúswen taexun yuba bena yiniki

¹² Jaskawen taea en betsabu inun en puibuun, matun juintinin chakabu shinankin ana ikunwanti kushiwama chintuntan Jamebi Jiwemis Dios jenebainkatsi ikama matu tibi ibubis mekekin shinan pewadikubainkanwen.

Hebreus 3:12 Referencias Cruzadas

Gênesis 8:21

hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.

Provérbios 1:32

Hawara pepa betsa betsapa tapĩkatsi isbumawẽ taea habũ hawa unãma mawashãkanikiki. Hawa yusiã pepawẽ nuisbumawẽ taea unaĩsmapa mawai yamashãkanikiki.

Jeremias 18:12

habũ mia kemakĩ yuikĩ: ‘Hamẽ mĩ hãtxa txakawayamawe. Haska nũ betxipaiai keska ma nũ beyawani nũ hiwekatsis ikaii, txakabubiai hawa heneamarã’, mia washãkanikiki”, akĩ Senhor Deusũ ea yuiniki.

Jeremias 2:13

Israelĩ enabu ẽ hatu ibuwabiani itxapahairaki txakabui keshtunibuki. Ẽ hatũ hiwemati txatxa ũpash keskabiakẽ ea henebainibuki. Haskakĩ hatumebi mishki pukĩtã ũpash aruti keska wabia ibubis pesetã hani ana ũpash matati hayama keskai yushibubu kushipa hayama dami watã txibãkubainibuki.

Jeremias 7:24

Ẽ hatu haska wabiani ẽ haska betxipaiai akĩ ea benimawama ẽ hãtxa danãkĩ hatũ huĩti kushi watã ea nĩkama hatũ txakabu putama haska besti shinãkĩ akatsi iki hiwekubainibuki. Ea anu ana txĩtuĩ bekatsi ikama txakabu henekatsi ikama eki petxinibuki.

Mateus 16:16

Simão Pedrõ kemakĩ: —Miarã, Epa Deus hiweatũ bake mĩ nukũ mekenika Messias Cristoki— aka

Mateus 24:4

nuku yuikĩ: —Ẽ ka ẽ ana huriamakẽ eskai nuitapai taeshanaibu Deusũ yununi eskashãkanikiki. Shabakabi matu yuinũ nĩkakãwẽ. Ẽ kani ma ẽ hanu hua kemaya huni betsa betsapa beshũ yuikĩ: “Ẽ Deusũ Katua Messias Cristoki”, iwanã, yura itxapabu hatu parãshãkanikiki. Hau tsuabura haskariakirã matu parãyamashanũbũ uĩrashãkãwẽ. Ha inũ, yurabu nuitapai taeaitianã, nawabu nawa betsabube detenamei inũ tsakanameakeakeaibu mai patxa sakuakeakeaya bunihairai nuitapaibũ isĩ betsa betsapa teneakeakeshãkanikiki. Hakia tsakanameakeakeaibukiri bana nĩkai datei meseyamashãkãwẽ, na haskairã, isĩ betsa beai mekĩ mã uĩshanai keska bebũkiri shabakabi ẽ matu banabimairã.

Marcos 13:33

Haskakẽ tsuã hawa unãmawẽ taea matuburã, hawa txikixama pepakũkaini Deusbe hãtxakĩ ea manakĩ hatiãra haskashanai uĩrakubaĩshãkãwẽ.

Marcos 13:9

Hakia matu dukũ taewakĩ betsabũ matu kupinũ, iwanã, hatũ mae shanẽ ibu anu matu iyushãkanikiki. Ha inũ, itxati hiwe anushũ ekiri mã hatu yusĩaĩbu betsabũ matu kuxa kuxa ashãkanikiki. Uĩrashãkãwẽ. Hakia ẽ kakape ikũwãkĩ mã ea txibaĩbuwẽ taeshũ tsuabũra matu atxishũ shanẽ ibu kuxipabu anu matu iyuabu hawara mã yuitiru Deusũ Yushĩ Pepatũ matu yuimashanikiki. Haskakẽ hawa dateama: “Harakiri yuishãpa?” ikĩ bebũkiri xinãyamashãkãwẽ, hawẽ Yushĩ Pepatũ matu haska merabewaya ẽ yusĩakiri shanẽ ibu betsa betsapabuki mã txanishanairã. Ẽ ana huriamakẽ ikũ yurabu maniakeakeabu dasibibu tsuabũra ẽ kakapekiri ea ikũwãkĩ hatu yusĩbaũshãkanikiki.

Lucas 21:8

Jesusũ hatu yuikĩ: —Ẽ ana huriamakẽ haskai nuitapai taeshanaibu Deusũ yuini eskashãkanikiki. Shabakabi matu yuinũ nĩkakãwẽ. Ma ẽ hanu hua kemaya huni betsabu beshũ yuikĩ: “Ẽ Deusũ Messias Cristoki. Ea nĩkakãwẽ”, ikaibũ betsabũri yuikĩ: “Cristo dama huikiki. Matu uĩmanũ ea txibãkãwẽ”, iwanã, yuiaibu hatu nĩkayamashãkãwẽ, hau matu parãyamanũbunã.

Romanos 11:21

Txanima Deusũ Israelbu dukũ katubianishũ hatu danãniki. Mã habu keskarikẽ matu habiaskari wakĩ danãtiruki. Xinaĩrakubaĩkãwẽ.

1 Coríntios 10:12

Hatu haska waniwẽ taeshũ tsuabũra: “Jesus txibãkĩ duawai ẽ txĩtuãmaki”, iki keãma mestẽtã hau uĩrakubainũbũwẽ, txakabu tibi huayarã.

Colosenses 2:8

Huni betsabũ hatũ yusĩa beya betsawẽ matu unãnepa wapai matu hatu txibãmakatsis ikaibu hatũ yusĩa pe itsa kayatapiamaki. Uĩrakãwẽ, tsuabũra Cristõ yusĩa danãkĩ hakiri xinaĩ hãtxashunabumakirã. Hakia habu ikirã, na mai anushũ yushĩ kuxipabũ yunuai txibãkĩ yusĩa betsã ani hawẽ yusĩnanaĩ kanenibu txibãkĩ matu amakatsis ikubaĩkanikiki, haska habu yusĩnanãkinã.

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

Hebreus 10:31

Txanima hawara tibi txakabui ikaiburã, mese beshmaski. Hamẽ Deus Hiweatũ hatu kupiai tibi ishanairã, mese mepakekubaĩshãkanikiki, hau haki besti datekubainũbũwẽ.

Hebreus 10:38

Tsuabura pepabunã, haska ẽ yubakai xinãkĩ ikũwaĩ hawẽ hiweshãkanikiki. Hamẽ tsuabũra ha ẽ yubakai ikũwãkĩ mestẽwãkatsi ikama txĩtuaĩburã, ẽ ana habuwẽ benimama ishanaii”, aka nĩkashũ nuku keneshuniki.

Hebreus 12:15

Tsuabura Deusũ inãkuĩ pepa danãma hau hayai keyunũbũwẽ. Hamẽ haskama tsuara mã huĩti sinayarã, sika tatxa paepa keskatũ hatu daũkĩ akawakĩ yurabu mã hatu danãmatiruki. Uĩrakubaĩkãwẽ.

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.

Hebreus 3:10

Ha yurabũ ea haska waibu hatuki sinatakĩ hatu yuikĩ: ‘Ẽ xinã abukĩ unãti wakatsi ikama danãkĩ hatũ huĩti pepariabumã hatũmebi benui mapuabuki’, iki

Hebreus 3:19

Txanima Deusũ hãtxa ikũwãkĩ txibãkatsi ikama habu hikiabuma inibu haska hatukiri nũ unaiĩ.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.