Hebreus 2:17 - Kaxinawá Bíblia (BR)

¹⁷ Hawẽ betsabu inũ hawẽ puibu keskatã hatũ yura bitã Deus dayashuni ha bebunua hawenabu hãtxashunika binua inũ ika hawẽ yura Deus inaĩ mawai hawa txĩtuãma pepa duapa iniki, yurabu Deus hatuki sinatamis hatu merabewakĩ hatũ txakabu buashunũ ikarã.

Kashinawa : Diosun Jesúswen taexun yuba bena yiniki

¹⁷ Jawen betsabu inun jawen puibu keskatan jatun yuda bitan Dios dayaxuni ja bebunua jawenabu janchaxunika binua inun ika jawen yuda Dios inain mawai jawa chintuanma pepa duapa iniki, yudabu Dios jatuki sinatamis jatu medabewakin jatun chakabu buaxunun ikadan.

Hebreus 2:17 Referencias Cruzadas

Isaías 11:5

Tari saweaki hawẽ nanesheketi sawekĩ mestẽwã keska wakĩ yunuti kushipa pepa inũ hãtxa txanima sawekĩ akawashanikiki.

Romanos 15:17

Haskakẽ Jesus Cristõ daya ẽ bini ẽ ashũmiswẽ taea haska Deusũ ea yununi txĩtuãma ẽ akubaĩmiswẽ taea txani txakama ẽ kẽtiruki.

Romanos 5:10

Haska inũ, Deus dasibi yurabuki sinataya nũ habe haibunameriamabiakẽ hawẽ Epa daewakĩ nukũ kupiti nuku bishuĩ Cristo nuku mawashũkĩ nukũ txakabu bua keyukĩ ana xinãtima watã pepa keskabu nuku waniki. Hawẽ bake hiwekũkaĩkĩ txanima nuku mekeshanikiki, nũ ma Deusũ haibuaibukenã.

Efésios 2:16

Cristo hamebi haska nuku dasi wakatsi meneirã, nũ ha shuku dabe sinatai nũ danãnanãrabei hiwemis Cristo cruzkia mawakĩ Deus nukuki sinatai nuku ha dabe daewashuniki, nũ judeubu inũ mã judeubumarã. Nuku haska wakĩ nuku yura bestitxai keska waniki.

Colosenses 1:21

Maturã, uatiã hawa unãma matũ xinãnẽ matũ huĩtinĩ txakabu abukĩ akirã, txaihaira hiwea keskashũ Deus mã sinatamapaunibuki.

Hebreus 10:21

Natianã, nukũ Deusbe nuku hãtxashunika kayabi Deus bebũ ma niaki.

Hebreus 2:11

Dasibibũ nũ Deus abukĩ txibaĩburã, nukũ Epa Deus meribitũ nuku hawẽ bakebu wakĩ nuku meribi wamiski. Haskawẽ taea hawẽ bake Jesus Cristo nukuki dakeama nuku kenakĩ: “Ẽ betsabuki”, ikĩ nukukiri yuimiski.

Hebreus 2:14

Hatũ ibubũ hatu bake bikĩ habias nami inũ himi haya wamiski. Haska keskariai Jesus damiriatã tashninũ ika yurabũ nami inũ himi keska biniki. Haska bitã hawẽ hatu tenãmis kuxipa diabo Satanás haya maemakĩ binũtã hatu meshpamanũ ika hawẽ yurawẽ Jesus yurabu mawashuniki.

Hebreus 2:16

Haskawẽ taea txanima nai tsumabu merabewanũ ika huama hakia Abraãonẽ Deus ikũwãpauni keska hawẽ bababu merabewanũ ika Deusũ bake huniki.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.

Hebreus 3:2

Deusũ nukũ shenipabu shanẽ ibu Moisés hawara yunua kaneama txibãkĩ Deusunabu mekekubainikiaki. Hanua Jesusri katunishũ hawẽ daya yunua Jesusũri kaneama txibãkĩ hawenabu kayabi nuku mekeriakubainikiki, Moisés binukinã.

Hebreus 3:5

Hamẽ dasibi Deusũ ani txipu nũ nĩkashanai Deusũ enabu hawẽ hãtxa Moisés hatu yuishuni txibãbianirã, hawẽ tsuma besti iniki.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

Hebreus 4:15

Haska hiwea bika tenei nũ yumãkũkaĩmis keskai nukũ Deusbe nuku hãtxashunika binua na mai anua hiweria nuku itsai hamapai tibi mei bika teneriai yumãkũkainiki. Haskabiai hawa txakabu mekĩ kaneama iniki.

Hebreus 5:1

Haska inũ, hawenabu txakabukubaĩmisbuwẽ taea Deus hatuki sinatai habuã hatu daewashũkĩ merabewakĩ txashuwã tesẽshũ hau hatu kua keyupakeshũshanũbũ dasibi Deusbe hawenabu hãtxashunika shanẽ ibu tibi hunibu anua Deusũ katumiski, Moisés betsa Arão katuni keska wakinã.

Hebreus 5:10

Hawẽ bake haska yubani keska watã Melquisedeque keskari wakĩ hawenabu Deusbe hãtxashunika shanẽ ibu binua hau niti ikama ipakeshanũ Deusũ ha uĩkĩ katunishũ yununiki.

Hebreus 5:2

Hamẽ yura betsa imis keskai Deusbe judeubu hãtxashunika shanẽ ibu tibitũ ibubis mekei peama kanemisbuwẽ taea haska xinaĩ hatuwẽ nuiriatirubuki, unãriabuma inũ txakabuwakĩ kaneaibuwenã.

Hebreus 5:5

Habiaskari wakĩ Cristo ibubis katukui nuku hãtxashunika binua ibubis ikama iniki. Hakia Deusũ duawakĩ yuikĩ: “Mĩ ẽ bakerã, natiã ẽ hiwea mia inãkĩ ẽ mia yunuaii”, aniki.

Hebreus 6:20

Nai anu haskai buaibu ha dukũtũ bai wai nuku bai bepẽshuni tsua bebui hikiriama ha nukũ Deusbe hãtxashunika binua ipakeshanai Melquisedeque dayapauni keska nuku ishuĩ kaniki.

Hebreus 7:26

Hanua Jesus Deusbe nuku hãtxashunika binua nũ haska keskariai hiwetiru ha hawa txakabu hayama inũ hawa detsis hayama meribi pepa besti haska yurabu txakabukĩ Deus sinatamamisbu keskama pepakĩ keyu hatu binutã naiuri pepahairai hauri nuku hiwei kashuniki.

Hebreus 7:28

Ha inũ, Deusũ Moisés yusĩni hãtxa txibaĩ pepakatsi ibiai Deusbe hatunabu hãtxashunikabũ kanemisbuki. Hanushũ Deusũ hawẽ yunuti inũ hawẽ nemati yunu keyunishũ hawẽ bake yubakĩ katukĩ nukunabu Deusbe hãtxashunika binua pepahaira hau ipakeshanũ hakiri yubakatã katuniki.

Hebreus 8:1

Nũ haska hakiri hãtxairã, nuku Deusbe hãtxashunika binua nũ ha xinã kaya wairã, nai anu hawẽ ibu Deusũ tsauti yusiuri nuku tsaushunaki.

Hebreus 8:3

Ha inũ, Deusbe hawenabu hãtxashunika tibirã, Deusũ hatu katukubaĩmiski, hau habũ hatu merabewakĩ hawẽ Deus daewati yuinaka inãkuĩaĩbu hau habũ kuashũkubainũbunã. Hakia Jesus Cristo nuku hãtxashunika inũ ikarã, hawẽ yurawẽ hawẽ hiwea yauxiama hawẽ Ibu Deus nuku daewashunũ ika nuku mawashuniki.

Hebreus 9:11

Hakia Cristo na mai anu ma iwãniki. Eskatiã harã, nukũ Shanẽ Ibu Deusbe nuku hãtxashunika binuhaira haska Deusũ yuba bena nuku inãniwẽ nuku mekekubainikiki. Hanu Cristo hikinirã, na mai anushũ hunibũ hiwe wani keska anu hikiama hakia haskarara ma hari Deusũ pewashuni anu hikitã haria nuku Deusbe hãtxashuni hawa apaunibu keska wama hatu binua pehaira kaneisma nuku ishũkũkainikiki.