1 Timóteo 6:12 - Kaxinawá Bíblia (BR)

¹² Haska mĩ hiwea ikibi ika bibiatã mĩ benutiruma Deusũ mia inãkatsi mia kenakĩ katuniwẽ taeshũ haska mĩ ikũwaĩ mĩ ma itxabu anua shabakabi txanini hatu unãmakubaĩwẽ, Jesus Cristo txibaĩ txĩtuãma dasibi Deusũ mia yunumis dateama xinãkĩ akubaĩkinã.

Kashinawa : Diosun Jesúswen taexun yuba bena yiniki

¹² Jaska min jiwea ikibi ika bibiatan min benutiduma Diosun mia inankatsi mia kenakin katuniwen taexun jaska min ikunwain min ma ichabu anua xabakabi chanini jatu unanmakubainwen, Jesucristo chibain chintuanma dasibi Diosun mia yunumis dateama shinankin akubainkinan.

1 Timóteo 6:12 Referencias Cruzadas

Salmos 63:8

Ẽ hiwea hirabirã, ẽ miki dasiaki. Mĩ ea haska wawẽ taeshũ mĩ mekẽ yusiuriawẽ ea tsuma mestẽwãtã mĩ ea putaismaki.

Provérbios 3:18

Tsuãra unanepa hãtxa tapĩtã txibaĩ hawẽ hiwetirubuki, pe mekei benimakũkainirã.

Isaías 44:5

Hanushũ betsã yuikinã: ‘Earã, ẽ Senhor Deusunaki’, ikaya betsã hamebi yuikĩ: ‘Ẽ Jacó baba betsaki’, ikaya betsã hawẽ mekẽ anu kenekĩ netãkĩ: ‘Earã, ẽ Senhor Deusuna kayabi ẽ hawẽ yuraki’, akĩ hawẽ kena ana txitxikĩ Israelĩ kenayabi netãriashanikiki.

2 Coríntios 6:7

Ha inũ, Deusũ kuxipa nuku merã nũ hayawẽ taea kaka txanima nũ yuimiski. Habias Deusũ kuxipa pepawẽ unãmakĩ nũ hatu atximamiski. Ha inũ, habiawẽri hakiri txakabu yuibiaibũ nũ hatu nemamiski.

Filipenses 1:30

Haskakẽ ea inũ maturã, nũ bika tenekanaii. Haska uatiã ẽ ikai mã uĩnirã, na habiatiãri Cristo dayashũkĩ hamapai bika betsa betsapa ẽ tenekubainai mã ekiri nĩkakubainaii.

Colosenses 3:15

Hakia Cristõ unãnuma matu hiwemayarã, ha matũ huĩti uke merã shanẽ ibu wamakãwẽ. Matu haska wakatsi ikĩ Deusũ ma matu katunishũ habias yura matu wakatsis ikikiki. Dasibi ma hatũ matu ashuni xinãkĩ kẽwãkubaĩkãwẽ.

2 Tesalonicenses 2:14

Kakapekiri datã akĩ nũ matu yusĩayã Deusũ matu ikũwãmaniki, hau nukũ Shanẽ Ibu Jesus Cristõ kuxipaki dasitã mã hawenabu ikubaĩshanũbunã.

1 Timóteo 1:18

Timóteoõ, ebetã Jesus Cristo dayashuni mĩ ẽ bake keskaki. Ea nĩkawe. Jesus Cristo ikũwaĩ haki dakeama txakabu nemakĩ txanima hãtxa mĩ hatu yusĩpakẽnũ Deusũ hatu yunua Jesus Cristo ikũwaĩbu yusĩnã mekenikabũ mia katunibuki. Habiaskari xinãkĩ eãri ẽ mia yunuaii, mĩ kaneama ishanai unaĩnã. Hakia yura betsabu hatiritũ Jesus Cristo ikũwãkĩ taewabianishũ txakabu metã ma txĩtuãbuki, hanushũ kupishanai anu buirã.

1 Timóteo 4:14

Ha inũ, mĩ mae anushũ Jesus Cristonabu mekenikabũ mia mamepishũ Deus mia yukashunabu hawẽ Yushĩ Pepa mia yunua mia kuxipa wanirã, unãnumas hamakiri hãtxama haska Deusũ mia merabewani hakiri besti hãtxai dayakũkaĩwẽ, kaneamarã.

1 Timóteo 6:13

Deusũ dasibi damiwakĩ hiwea hatu inãkĩ keyumis inũ nukũ Shanẽ Ibu Jesus Cristõ haska shabakabi huni dateama Romano shanẽ ibu Pôncio Pilatoski txanikĩ ma yuinitũ natiã nuku uĩaĩbũ mia merabewakĩ ẽ mia yunuaii.

1 Timóteo 6:19

Haska wakubaĩmiswẽ taeshũ Deus hatuwẽ benimakĩ hatũ duapa pepawẽ bari hawẽ heneaitiã Deusũ hatu manakushanai txanima hiwekuĩa kayabi bi haki nukunũbarikanikiki.

2 Timóteo 1:9

Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.

2 Timóteo 2:2

Itxapabu ẽ hatu yusĩkubaunai mĩ nĩkakĩ tapĩmisshũ akai keskari mĩ hatu tapĩmairã, ha hunibu pe hiwekĩ ikũhairawai txĩtuãma hatu uĩmai duapakũkaĩkĩ yurabu yusĩkĩ hatu merabewatirubu hatu katutã hau habiaskari yusĩkubainũbũ hatu yunukubaĩwẽ.

2 Timóteo 4:7

Earã, Jesus Cristõ soldado pepa detenamekĩ hatu binumis keskakĩ habũ ea itxakawaibu ẽ binuaii. Kuxibaĩkĩ hatu maemakatsis imisbu keskakĩ haska ewẽ Deus yubakani hawa txĩtuãma ẽ ma ishuãki. Ikũwanishũ hawẽ kakapekiri yusĩ bikabiakĩ ẽ hawa heneama ikũkainaii.

Hebreus 13:23

Ha inũ, nukũ betsa Timóteo bitxiti hiwe anua ma tashnimaxinabu ẽ matu unãmaii. Hawairakirã eki nukuaya habe kashũ ẽ matu betximai kashanaii.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

Hebreus 6:18

Haska Deus yubakamis yubanametã maewai txani txakaismawẽ taea hawẽ nukuwẽ nuishanai nũ haki irushanũbũ ha ikũwãkĩ manakanãkãwẽ, nuku ashũshanikikirã, hawẽ taea yubakaniwenã.

1 Pedro 3:9

Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

1 João 2:25

Haska Jesus Cristõ ma nuku yubabaini nũ ma haya hawẽ taea hiwei ikibi ika nũ ipashanaii.

Judas 1:3

Ẽ betsabu inũ ẽ puibuũ, matuwẽ nuikĩ haska Jesus Cristõ matu inũ ea nuku pashawakatsi hãtxanikiri matu keneshũkatsi ibiakĩ ha akama eskaibukiri hatu uĩkĩ habukiri xinãkĩ Deusũ kakape nũ matu Deusunabuwakĩ yusĩni habũ betsa wakĩ matu bika tenemakĩ inũ yura betsabu hau hatu parãyamarianũbũ mã hatu nemakubainũ haskakiri keneshũ ẽ matu bumai uĩrakãwẽ.

Apocalipse 3:3

Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.