1 João 1:3 - Kaxinawá Bíblia (BR)

³ Ha kakape nukubũ uĩkĩ nũ nĩkanirã, Epa Deus inũ hawẽ bake Jesus Cristobe nũ hatube dasia keskariai maturi mã nukube dasirianũbũ nũ matuki txanikũkainaii.

Kashinawa : Diosun Jesúswen taexun yuba bena yiniki

³ Ja kakape nukubun uinkin nun ninkanidan, Epa Dios inun jawen bake Jesucristobe nun jatube dasia keskadiai matudi man nukube dasidianunbun nun matuki chanikunkainaii.

1 João 1:3 Referencias Cruzadas

Salmos 2:7

Senhor Deusũ haska wani ekiri shinaĩ matu yuinũ nĩkakãwẽ: “Ẽ hawẽ Katua ea yuikĩ: ‘Mĩ ẽ bakerã, natiã ẽ hiwea mia inãkĩ ẽ mia yunuaii.

Salmos 22:22

Mĩ kushipakiri ẽ betsabu ẽ hatu hãtxa washanaii. Itxabu anushũ duawakĩ ẽ mia kẽwãshanaii.

João 17:11

Natianã, ma mia anu ẽ mibe iki kaii. Na mai anu ẽ ana hatube hiwekũkainamaki. Hakia enaburã, na mai anu hatube hiweyukubaĩkanikiki. Haskawẽ taeshũ Epa meribi pepa bestituũ, mĩ kena kuxipawẽ ea hatu mekeshũshãwẽ, ha kena kuxipa mĩ ea inãniwenã, nũ pashkama keskariai hau haburi pashkamari iriakubaĩshanũbunã.

João 17:21

Haskai mia inũ ea dasia nũ bestitxai keska hiwea haburi nukuki dasiabu habiaskari wakĩ mĩ hatu merabewashanũ ẽ mia hatu yukashunaii. Mĩ hatu haska wa habu shukushũ ea ikũwaĩbu mai hirabi anu mĩ ea yununi unãtirubuki.

João 17:25

—Epaã, mĩ kaneismaki. Mai hirabi anu yura hiweabũ mia unãbumabiakẽ eã, ẽ mia unaiĩ. Na ebe mapuabũ mĩ ea yununi unãkanikiki.

João 17:3

Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

João 19:35

hakia bebũkiri Deusũ hãtxa keneni anu yuikĩ: “Hawẽ shau tekeama ishãkanikiki”, anibu inũ, kene betsa anushũ yuikĩ: “Tsuara txatxiabu hawenabũ uĩshãkanikiki”, iwanã, keneniburã, unãmabia habiaskari keneni menekĩ arianibuki. Matũri mã ikũwãshanũbũ hawara ibubis ẽ uĩni ẽ matu yuiaii. Ẽ uĩniwẽ taea ẽ hãtxa txanimaki.

Hechos 13:32

Na habias kaka pepa bexĩshũ nũ matu yuiairã, Deusũ nukũ shenipabu yubanirã,

Hechos 13:41

‘Matunã, uĩrakãwẽ. Deusũ atimaska betsa betsapa akubainikiri matuki txanibiaibũ nĩkabiakĩ danaĩ Deuski kashei shetxakakĩ mã ikũwãkatsi ikamaki’, atã nuku keneshunibuki— hatu watã

Hechos 2:42

Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

Hechos 4:20

Eskawẽ taea nũ ikai matu yuinũ nĩkakãwẽ. Hawara uĩkĩ nũ nĩkakubiranima hakimama hatu yusĩkĩ nũ henetirumaki— hatu wabu

Romanos 15:27

Ha inũ, haska hatukiri xinã pewatã txanima hatu ashũxinabuki. Eska xinãkinã, hawara hawẽ katuabu Israelbu Deusũ hatu yubani hatu inãkĩ Israelbumari inãkubainaiwẽ taeshũ Israelbumã hawara pepa Israelbu hatube manakunãkĩ Macedônia anuabu inũ Acaia anuabũ habuã habu mabuyabũ hatũ hamapai biti pei yauxiabuma pashkashũ Jerusalém anu nuitapaibu duawakĩ hatu inãkatsi hatu manakamabuki.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

1 Coríntios 1:9

Ha inũ, Deusũ bake nukũ Shanẽ Ibu Jesus Cristobe mã hiwekubaĩshanũbũ Deusũ matu katunitũ duawakĩ hawa matu hakimakĩ henebainama ishanikiki, haska yubakani amis betsa wakĩ kaneismawẽ taearã.

1 Coríntios 15:1

Ẽ betsabu inũ ẽ puibuũ, Deusũ kakape Jesuskiri ẽ matu yusĩayã nĩkakĩ xinãtxakayamakĩ unãshubira abukĩ Jesus mã ikũwãnishũ txibãkĩ xinãkubaini txĩtuãma mã kuxipakũkainaya ha kakapewẽ Deusũ matu mekeawẽ taea mestẽtã mã hamẽ ikũwãma ini unãkĩ matu ana yuinũ nĩkairakãwẽ.

Efésios 3:6

Uatiã Deus yubakakĩ hunenirã, shabakabi matu yuinũ nĩkakãwẽ. Yurabu betsa betsapa tsuabũra Jesus Cristokiri kakape nĩkakĩ ikũwaĩbu Deusũ hiwekuĩa hatu inãkatsi ma hatu kenaikiki, habias yura inũ habias yubani Israelbube hawenabu ashanai keska wakinã.

Filipenses 1:7

Txanima eã ẽ matukiri pe xinaĩnã, matuwẽ nuikĩ ẽ matu abuhairaii. Maturi dasibi mã ewẽ nuiaya Deusũ matuwẽ ea duawaikiki. Natiã ea bitximabu keska nia shanẽ ibubu bebũ hawa hatũ yunutikiri ẽ hãtxaisma eska besti yui ẽ txakabuisma pekiri hãtxai Deusũ kakape Jesus Cristokiri hatu unãmakĩ hakiri shabakabi ẽ txanikũkainaya mã ea merabewai ebetã teneai keskakubaĩkanaii.

Filipenses 2:1

Cristõ hawẽ kuxipa matu inãkinã, hawẽ xinã txãkãkaĩti matu inãniki. Mã nui haya matũ betsabu ha xinãwẽ matu yunua mã hatu daewatiruki. Tsuara mã Cristoki dasiarã, habias Yushĩ mã haya ikũwaĩ betsabuwẽ hatuya nui mã kashakũkaĩtirubuki.

Filipenses 3:10

Haskakĩ Cristo ana ẽ unãhairakatsis ikaii. Haska inũ, hawẽ Epa Deusũ mawabu ana bestẽwãti kuxipa ẽ hayakatsis iriaii. Haska inũ, ana haki dasihairanũ ika ha nuitapawanibu keska eari dateama mei mawakĩ ẽ txibãkatsis ikaii.

Colosenses 1:13

Uatiã nũ Deus unãma mexu txakabũ nuku tsumabiakẽ Deusũ nuku putamaniki, hawẽ bake ha abuaitũ hawẽ shanẽ anu nuku iyukinã.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

1 Timóteo 6:2

Ha inũ, hatũ tsumapã Jesus Cristo ikũwãyã habetã ikũwãriairã, hawẽ betsa keskai hau haki mesekubainũbũwẽ. Uatiã imisbu keskama hau dayai peshũkĩ hatu binumakubainũbũwẽ, hatũ tsumapã hatu dayashũbiamisbu habetã ikũwaĩnã, betsa nuikipa keskaya hau haki txiti ikubainũbũwẽ. Na haska tibi yusĩkĩ hatu tapĩmakubaĩwẽ.

Hebreus 2:12

Deusũ hãtxa yuishunikatũ Deusũ Messias tashnimashanaikiri yuikĩ: “Ẽ betsabu inũ ẽ puibu anushũ mĩ ẽ Deus mia kẽwãkĩ mikiri nawakĩ ẽ hatu unãmakubaĩshanaii”, iniki.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

1 Pedro 5:1

Nukũ Shanẽ Ibu Cristo nuku yumãshunai ẽ uĩniwẽ taeshũ natiã habuã mae tibi anushũ Cristo ikũwaĩbu matu mekenikabu ẽ matu hatu yusĩ pewakatsis ikai ea nĩkakãwẽ. Eari Cristo ikũwaĩbu ẽ hatũ mekenãriki, habu keskarirã. Ha inũ, Cristo shanẽ ibuhairai hukĩ hawẽ kuxipa nuku uĩmaya eari ẽ hatube benimatxakayamashanaii.

2 Pedro 1:16

Nukũ Shanẽ Ibu Jesus Cristo kuxipahairai ana hushanaikiri shabakabi matu yusĩkĩ hawẽ beparãti miyui hawẽrua nũ matu yuiama iniki. Hakia nukũ Shanẽ Ibu kuxipai txashahairai ibubis nukũ beruwẽ uĩnishũ matu parãma nũ matu yuiniki.

1 João 1:1

Ẽ betsabu inũ ẽ puibuũ, ẽ matu kene bumai uĩrakãwẽ. Mai damiwariama Cristo hiweni natiã hiwea mã nĩkakubainairã, haskarã, nukũ dukũ hawẽ daya tateskĩ taewabainai nukubũ nũ nĩka taewabainiki. Hanushũ nukũ beruwẽ daiskĩ mekĩ hatũ nuku hiwekuĩmamis ha hãtxa hiwea haya nũ beiskubainiki.

1 João 1:5

Deus dasibi shaba keska pepahairaki, hawa parananãti txakabu hayamarã. Jesus Cristõ na kaka pepa haskakiri nuku yusĩaĩ nũ nĩkani hanushũ habiasri yusĩ nũ matuki txanikũkainaii.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.