1 João 1:2 - Kaxinawá Bíblia (BR)

² Ha hiwearã, hamebi hawa huneama ikũkainai nukũ uĩnishũ hakiri shabakabi txanikĩ hawẽ kaka matukiri hiwea ikibi ika haya nũ matu yuikubainaii. Hawẽ Epabe dasia nuku shabakabi uĩmakubainai nukubũ nũ uĩkubainiki.

Kashinawa : Diosun Jesúswen taexun yuba bena yiniki

² Ja jiweadan, jamebi jawa juneama ikunkainai nukun uinixun jakidi xabakabi chanikin jawen kaka matukidi jiwea ikibi ika jaya nun matu yuikubainaii. Jawen Epabe dasia nuku xabakabi uinmakubainai nukubun nun uinkubainiki.

1 João 1:2 Referencias Cruzadas

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

João 1:4

Haska inũ, hawẽ Xinaĩ Hãtxati shaba keskatũ txanima hãtxa hiwekuĩakiri hatu xinãmai

João 10:28

Eki txiti ikabu benuama ẽ hatu hiwekuĩmakubaĩshanaii. Parãshũ tsuã hatu ea mebiãma ishanikiki.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 15:27

Ha inũ, maturi ẽ tashnikiranai anua tapĩ mã ebe ikũkirãxinarã, mã ekiri hãtxai txaninikaburiki— iwanã,

João 16:28

Hamẽ ẽ Epa Deusũ besuuria kaĩkirani na mai anu yurabube hiwenũ ika ẽ huni haska ea yununi menetã natiã ana hawẽri kakĩ na yurabu ẽ henebainaii— nuku waya

João 17:3

Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

João 17:5

Epaã, eskatianã, mai nũ damiwariama mĩ besuũbia ẽ shanẽ ibui taeaitiã ẽ txashakapa hawẽrua hayani keska habias ea inãshãwẽ.

João 19:35

hakia bebũkiri Deusũ hãtxa keneni anu yuikĩ: “Hawẽ shau tekeama ishãkanikiki”, anibu inũ, kene betsa anushũ yuikĩ: “Tsuara txatxiabu hawenabũ uĩshãkanikiki”, iwanã, keneniburã, unãmabia habiaskari keneni menekĩ arianibuki. Matũri mã ikũwãshanũbũ hawara ibubis ẽ uĩni ẽ matu yuiaii. Ẽ uĩniwẽ taea ẽ hãtxa txanimaki.

João 21:14

haskai mawaxina ana bestẽkaĩxĩshũ nukuki dabe inũ bestiki nukukĩ Jesusũ nuku uĩmaniki.

João 3:13

Haska inũ, Deuskiri unãtanũ ika Deus anu tsua inatirumaki. Hakia earã, matũ Hutxi Kayabi Iuwatũ matu unãmai Deus anua hua ẽ tashniniki.

João 7:29

Hakia eã ibubis hatũ ea yununi anua ẽ tashnikiraniwẽ taeshũ ẽ ha unaiĩ— hatu wa

Hechos 1:22

Joãonẽ Jesus naximai uĩtã ikũwãbiranibu inũ nai anu Jesus inai habũ uĩxinabu hau habu betsa nukuki dasitã hari hau haska Jesus mawa bestẽkainima hau nukube hakiri txanikũkaĩshanũ betsa katunãkãwẽ— Pedrõ hatu watã

Hechos 10:41

ana yura itxapabu hatu uĩmama hatibu Deusũ bebũkiri ma nuku katuni besti ana nukuki nukutã nuku uĩmayamaki, mawa ana bestẽxinakiri nũ hatukiri txanikubaĩshanũbunã. Ha Jesus mawa ana bestẽkaĩxina hiwearã, ana habetã pikĩ nũ habetã nushukubaĩyamaki.

Hechos 2:32

Hamẽ Deusũ haskakiri hãtxamanirã, ha Jesus mawa bestẽwãxina txanima ibubis dasibibũ nũ uĩkubaĩxina nũ unãkanaii.

Hechos 3:15

Haska wakĩ hatũ nuku hiwekuĩmashanai mã hatu tenãmabia mawa Deusũ ana nuku bestẽwãshuĩma nukubũ uĩkubainimashũ nũ unaiĩ.

Hechos 5:32

Na haskarã, Deusũ haska waima nukũ besti nũ unaiĩ. Ha dikabi Deusũ Yushĩ Pepatũ unãriaikiki, haska habũ nũ txibaĩbu Deusũ nuku inaĩmarã— hatu wabu

Romanos 8:3

Deusũ Moisés yunukĩ hawẽ hãtxa kenemanirã, yurabu hatũ xinã babuwẽ taeshũ haska washũ txibãtirubumakẽ haska bebũkiri yubani yurabu babubu hau hatũ txakabu hatu buashuni mawayunũ, iwanã, hawẽ bake yura babu nukuna keska bimatã Deusũ yununiki. Jesus haskakiranishũ hawẽ mawa kayabimati Satanásã kuxipa mebĩkĩ Deusũ bakẽ maemaniki.

Gálatas 4:4

Deus yubakakĩ hanu hawẽ bake yunutiwani menekĩ Deusũ hawẽ bake yunua hua aĩbukia kaĩtã Moisés yusĩniwẽ yumetã hatũ Moisés yusĩni txibãkĩ ha yurabu hawẽ mekeaibu hatũ kupiti nuku bishuãyã txanima kayabi Deusũ bakebu benimai nũ pepashanũbũ hawẽ bake shabakabi dami watã tashnimaniki.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

2 Timóteo 1:10

Hanushũ txanima Deusũ hawẽ nuikipa nuku unãmakinã, hawẽ bake Jesus Cristo nukũ mekenãwãkĩ mawawẽ dasibibu nũ datemis hatũ maemakĩ nuku binushuniki. Ha kakape hakiri hiwea hãtxa yuikĩ datã ati xara ana huneama wakĩ shabakã tashnimakĩ shabakabi waniki.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

1 Pedro 5:1

Nukũ Shanẽ Ibu Cristo nuku yumãshunai ẽ uĩniwẽ taeshũ natiã habuã mae tibi anushũ Cristo ikũwaĩbu matu mekenikabu ẽ matu hatu yusĩ pewakatsis ikai ea nĩkakãwẽ. Eari Cristo ikũwaĩbu ẽ hatũ mekenãriki, habu keskarirã. Ha inũ, Cristo shanẽ ibuhairai hukĩ hawẽ kuxipa nuku uĩmaya eari ẽ hatube benimatxakayamashanaii.

1 João 1:1

Ẽ betsabu inũ ẽ puibuũ, ẽ matu kene bumai uĩrakãwẽ. Mai damiwariama Cristo hiweni natiã hiwea mã nĩkakubainairã, haskarã, nukũ dukũ hawẽ daya tateskĩ taewabainai nukubũ nũ nĩka taewabainiki. Hanushũ nukũ beruwẽ daiskĩ mekĩ hatũ nuku hiwekuĩmamis ha hãtxa hiwea haya nũ beiskubainiki.

1 João 2:25

Haska Jesus Cristõ ma nuku yubabaini nũ ma haya hawẽ taea hiwei ikibi ika nũ ipashanaii.

1 João 3:5

Yurabũ txakabu buanũ ika Jesus Cristo na mai anu tashnitã Deusũ yunua kanei txakabuwama inirã, mã unaiĩ.

1 João 3:8

Hakia tsuãra txakabu akubainaiburã, Satanás txibãkĩ akanikiki. Bebũkiri Satanásã Deus nĩkama hatũ dukũtũ hakiri txakabuwanishũ hatũ hatu amakubainikiki. Haskawẽ taea Satanásã haska hatu amakubaĩmis yamawakĩ keyunũ ika Deusũ bake tashniniki.

1 João 4:14

Txanima Epa Deusũ hawẽ bake hau yurabu mai hirabi anu hatu mekekubaĩshanũ yununi nukubũ uĩnishũ nũ shabakabi hakiri txanikũkaĩmiski.

1 João 4:2

Haskakiri hãtxaibu mã unãtiruburã, habu Deusũ Yushĩ Pepa hayarã, habũ ikũwãkĩ yuikĩ: “Jesus Cristo tashnirã, yura kayabi bitã kainiki”, ikaibu Deusũ Yushĩ Pepa haya mã unãtirubuki.

1 João 5:11

Ha inũ, Deus txani: “Hiwea ikibi ika ẽ matu inãshanaii”, inirã, ha hiwearã, hawẽ bake anu hayaki.

1 João 5:13

Jesus Deusũ bake mã ikũwaĩbu na yusĩa ẽ matu keneshunaii, Deusbe mã hiwei ikibi ika mã ma haya mã unãnũbunã.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.