Hebreus 7:28 - Kaxinawá Bíblia (BR)

²⁸ Ha inũ, Deusũ Moisés yusĩni hãtxa txibaĩ pepakatsi ibiai Deusbe hatunabu hãtxashunikabũ kanemisbuki. Hanushũ Deusũ hawẽ yunuti inũ hawẽ nemati yunu keyunishũ hawẽ bake yubakĩ katukĩ nukunabu Deusbe hãtxashunika binua pepahaira hau ipakeshanũ hakiri yubakatã katuniki.

Kashinawa : Diosun Jesúswen taexun yuba bena yiniki

²⁸ Ja inun, Diosun Moisés yusini jancha chibain pepakatsi ibiai Diosbe jatunabu janchaxunikabun kanemisbuki. Januxun Diosun jawen yunuti inun jawen nemati yunu keyunixun jawen bake yubakin katukin nukunabu Diosbe janchaxunika binua pepajaida jau ipakexanun jakidi yubakatan katuniki.

Hebreus 7:28 Referencias Cruzadas

Salmos 110:4

Senhor Deus mikiri hãtxai yubakaniwẽ taearã, Senhor Deusunã, hawa shinã betsa wama ipakeshanikiki, eska hãtxaniwẽ taearã: “Miarã, minabu ebe hãtxashunika niti ikama mĩ ipakeshanaii, Melquisedeque ipauni keskairã.”

Lucas 13:32

Jesusũ hatu yuikĩ: —Uĩa. Ikis inũ mexukiri yushĩ betsa betsapa kaĩmakĩ isĩ teneaibu shushawakĩ ẽ yusĩkubainaii. Haska watã ua betsatiã ẽ daya ẽ keyushanairã, ẽ haskayukũkainaii. Kashũ ha kamã inu keska paranã yuiritãkãwẽ— iwanã,

João 19:30

tsu akĩ keyutã hui kuxipawẽ Jesusũ yuikĩ: —Dasibi ẽ ma keyuaki— itã bekua tiniã mawakĩ hawẽ Yushĩ ibu anu nitxĩniki.

Hebreus 1:2

Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.

Hebreus 2:10

Deusũ dasibi damiwakinã, hawena aniki, hawẽ kuxipawenã. Haska abuai keska dasibi hawẽ bakebu hawẽ kuxipayari hau habe hiweshanũbũ haska xinãkĩ Deusũ hawẽ bake Jesus Cristo nuitapawakĩ dasibi menemakĩ nukũ mekenika nuku washuniki.

Hebreus 2:17

Hawẽ betsabu inũ hawẽ puibu keskatã hatũ yura bitã Deus dayashuni ha bebunua hawenabu hãtxashunika binua inũ ika hawẽ yura Deus inaĩ mawai hawa txĩtuãma pepa duapa iniki, yurabu Deus hatuki sinatamis hatu merabewakĩ hatũ txakabu buashunũ ikarã.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

Hebreus 5:5

Habiaskari wakĩ Cristo ibubis katukui nuku hãtxashunika binua ibubis ikama iniki. Hakia Deusũ duawakĩ yuikĩ: “Mĩ ẽ bakerã, natiã ẽ hiwea mia inãkĩ ẽ mia yunuaii”, aniki.

Hebreus 7:21

Hamẽ nukũ Shanẽ Ibu katukinã, hawẽ yuba kanetima waniki. Hakiri tana yubakaikiri Davi hakiri hãtxakĩ kenekĩ: “Deusũ hawẽ bake katukĩ hakiri yuikĩ: ‘Miarã, ebe minabu hãtxashunika mĩ ipakeshanaii, niti ikamarã’, akĩ yubakĩ Deusũ ma yui hãtxashu ana hawẽ xinã betsa wama ishanikiki”, akĩ nuku keneshuniki.

Hebreus 7:24

Hakia Jesus ana mawatirumawẽ taea ha besti Deusbe nuku hãtxashũkũkainaya betsã haska washũ hawẽ daya mebĩtirumaki.

Hebreus 7:3

Ha inũ, betsarã, nukunabu Deusbe nuku hãtxashunikakiri hatu unãkĩ hatũ epa inũ hatũ ewa inũ hatũ shenipabukiri unãkĩ nũ hatu tanakubaĩmiski. Hakia Melquisedeque betsahairakiaki, tsuã unãmarã. Hawenabukiri tsuã unãma inũ, hawẽ kaĩyãkiri tsua hakiri hãtxaisma inũ, mawani tsuã unãmakiaki. Hakia Deusũ bake keskai hawenabu Deusbe hãtxashunika ipakeriaikiaki, heneamarã.