Apocalipse 17:14 - Kaxinawá Bíblia (BR)

¹⁴ txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã

Kashinawa : Diosun Jesúswen taexun yuba bena yiniki

¹⁴ chaxuwan bakebe detenamexankanikiki. Jakia chaxuwan bake Jesucristo dasibi xanen ibubu inun dasibi yununikabu binukin keyumiswen taexun jabu Diosun katuxun jatu kenani chintuainsbumabetan ja 10 xanen ibubu maemaxankanikiki, nukun Xanen Ibu Jesucristobetanan”, ea watan

Apocalipse 17:14 Referencias Cruzadas

Salmos 110:5

Senhor Deusunã, mĩ yusiurishũ mia merabewaikiki. Hanu sinatahairakauanaitianã, shanẽ ibuhairabu kupikĩ hatu yamawashanikiki.

Jeremias 1:15

Ea Senhor Deusũ txanima ẽ haska washanai ẽ mia yuiaii. Nortekiria shanẽ ibu betsa betsapa dasibibu hawẽ detenamenikabuya ẽ hatu kenashanaii. Mae tibi anu shanẽ ibubu bea Jerusalém hikiti shui tibi bebũ inũ Judá mai pakea mae bekesh tibi mishkiwẽ kenebaunibu keshebaũshũ hatu yunukĩ hatũ shanẽ ibu tibi tsauti anu tsaubaũshãkanikiki.

Jeremias 1:19

Mia mekei ẽ mibe kakũkaĩshanaiwẽ taeshũ habũ mia nĩkama miki sinatabiakĩ mia hawa binumama ishãkanikiki. Ea Senhor Deusũ txanima ẽ hãtxa ẽ mia inaiĩ.”

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Daniel 2:47

Nabucodonosorĩ Daniel yuikĩ: —Na nama hunea tsuã atiruma ẽ mia hawa unãmakĩ yuiamabia mĩ ea tapĩmashũwẽ taea txanimahaira matũ mekenika Deus kushipakũkaĩkĩ yushibubu dasibi binuhairaikiki. Shanẽ ibubu dasibibũ shanẽ iburiki, hawara hunea hãtxa unãmamisrã— atã

Mateus 22:14

Deus shanẽ ibuaitianã, habiaskari washanikiki. Itxapabu Deusũ hatu kenabiapakeaya itxapamatũ nĩkatã ikũwaĩbu ha hawenawakĩ hatu katumiski— hatu waya

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

João 15:16

Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

Romanos 1:6

Hari mã Roma anua hiweabũ Jesus Cristo mã ikũwaĩburã, matu dikabiwẽ Deus nuikĩ katunishũ hawenabu meribi matu waikiki. Mã haska hiweabuwẽ taeshũ nukũ Epa Deus inũ nukũ Shanẽ Ibu Jesus Cristõ duawakĩ hau unãnuma matu hiwemakubainũbũwẽ.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

Romanos 8:37

Hakia hamapai txakabu betsa betsapa haratutũra nuku bikawabiaya Jesus Cristõ nuku abuaiwẽ taeshũ hamapai txakabu tibi nũ binuhairakubainaii.

1 Coríntios 15:24

Hanua dasibi pewakĩ keyunũ ika Cristo Shanẽ Ibuhaira hushũ dasibi hatũ kuxipa tibi hatu mebĩkĩ shanẽ ibu betsabu mitanumabu wakĩ dasibi yununika kuxipabu yamawakĩ dasibi yushĩ yamawakĩ dasibi hawẽ haibuaibuma maemakĩ yamawakĩ keyutã atimas hawẽ yurabu mawamis keyu maematã Cristo ana Shanẽ Ibuama henetã Epa Deus besti yunua ha bestitũ dasibi mekei Shanẽ Ibushanikiki.

1 Timóteo 6:15

Hanushũ Deus dasibi binu keyuatũ hatũ besti pepa meke keyua hatũ yununika shanẽ ibubu dasibi inũ shanẽ ibu beshmasbu dasibiri binu keyuatũ hanu nukũ Shanẽ Ibu ana nuku anu tashnimakatsis ikĩ ma hanu yubakani meneaya nitxĩshanikiki.

2 Timóteo 2:4

Uĩwẽ. Txanima soldado unãnepatũ hawẽ shanẽ ibũ yunua besti dayashũkatsi hawa hamebi hawẽ xinãnẽ abuai atirumaki, hawẽ shanẽ ibu besti benimawanũ ikarã.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 11:7

Hakia Deusũ hãtxa kakape hatu yunua yusĩkĩ keyuaibũ hawara atimapa pubenepa mai kini keyatapahaira anua mapekekirã hatube atxinamekĩ hatu maemakĩ tenãyã

Apocalipse 16:14

Ha yushĩ tibirã, hawẽ yushĩ txakabuwẽ dayakĩ dami atimaska betsa betsapa hatu washũkĩ shanẽ ibubu dasibi mai hirabi anua hatu tashnibirã hatũ soldadobuya detenamemanũ, iwanã, hatu itxa wakẽ hanushũ Deus kuxipa binuatũ hanu akaitiã hatu maemakĩ yamawashanikiki.

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.

Apocalipse 2:13

Hanu Satanás shanẽ ibui tsauwa anu mã hiweabu ẽ unaiĩ. Ha inũ, Antipas ẽ hãtxa yuishunika txĩtuãma matũ mae anushũ tenãbianibũ ha xinaĩ maturi txĩtuãma eki hawa dakeama yurabuki txanikĩ ẽ yusĩa ikũwãkĩ mã txibãkubainai ẽ unãriaii.

Apocalipse 3:21

Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.