Colosenses 1:22 - Kaxinawá Bíblia (BR)

²² Hamẽ natianã, Deusũ bake Cristo ma huni hawẽ yurawẽ nuitapatã matu mawashũkĩ hawẽ mawawẽ Deus matu daewamashuniki. Haska matu wakinã, hawẽ besuuri hawa txakabuma inũ hawa mexu tsamiama inũ tsua txakabu matuki txanitiruma matu nitxĩkatsi iki matu ishuniki.

Kashinawa : Diosun Jesúswen taexun yuba bena yiniki

²² Jamen natianan, Diosun bake Cristo ma juni jawen yudawen nuitapatan matu mawaxunkin jawen mawawen Dios matu daewamaxuniki. Jaska matu wakinan, jawen besuudi jawa chakabuma inun jawa meshu tsamiama inun tsua chakabu matuki chanitiduma matu nichinkatsi iki matu ixuniki.

Colosenses 1:22 Referencias Cruzadas

Salmos 51:7

Ẽ txakabu mĩ ea txuka ẽ ana txakabu hayama ishanaii. Ẽ txakabu ea txukakĩ mĩ ea shũpĩ wanã, ha matsi tãki hushupamis ẽ binushanaii, hawa ana txakabu hayamairã.

Lucas 1:75

haska pepa kayabiwẽ bestiwẽ meribi pepatã nukũ hiwea hirabiwẽ mia bebũ nũ pe nikatsis ikaii, itã

Romanos 7:4

Mã ebetã Jesus txibaĩbu, ẽ betsabu inũ ẽ puibuũ, maturã, mã haska keskaki. Matu yuinũ nĩkakãwẽ. Deusũ bake mawa ana bestẽwani haki dasi mã habe mawani keskaburiki, ana hawẽ yunuti inũ nematiwẽ matu tsumamarã. Hakia hawenabukĩ hamapai Deusũ abuai hawẽ daya ashũkĩ mã benimawa bestikatsis ikaii.

2 Coríntios 11:2

Haska matukiri xinaĩ nui ẽ matu yauximisrã, ibubis ẽ yurawẽ matu yauxiama haska Deusũ matu abuai ea matu amamiski. Matu haska wakatsi ikĩ hawenabũ Cristo mã hawa heneyamashanũbũ ẽ haska matu yuiaii. Huni betsã hawẽ bake txipax tsuã pesariama huni betsa yubamis keska wakĩ eãri Cristokiri matu yusĩkinã, hawa txakabu hayama keska Cristo ẽ matu beismakatsis ikĩ ẽ matube yubakayamaki.

2 Coríntios 4:14

Ha inũ, Jesus mawa Deusũ bestẽwanishũ nukuri bestẽwãkĩ maturi bestẽwãriatã Deusũ ibubis nuku habis beismakĩ nuku iyushanai unãkĩ hawẽ hãtxa nukũri nũ yusĩkubainaii, hawa dateamarã.

2 Coríntios 5:18

Na haska Deusũ daya tibirã, Cristo hamebi hawẽ Epa daewakĩ hawẽ haibuaibu nuku wamaniki. Haskawẽ taea nũ daenamei haibunamenũbũ nuku katunishũ hawẽ kakape nuku yusĩmakubaũmiski.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Efésios 5:27

Cristo habũ nũ ikũwaĩbu pepahaira hawa detsis neama hawa tari txũpima ana hawa txakabu betsa tibi hayama nukũ hiwea sheni henetã pepa meribi besti haska hatũ besu uĩkatsis ikikiki.

Colosenses 1:28

Haska Cristokiri matuki txanikĩ matu yusĩkĩ nema pewakĩ dasibi matu unãnepa wakĩ haska Cristo bebũ mã pepa mapushanũbũ nũ matu yusĩmiski.

1 Tesalonicenses 4:7

Hakia nũ haska txakabui atimapakũkaĩmis Deusũ abuismaki. Haskawẽ taea nũ pepa bestikubainũbũ hawenabu wakĩ Deusũ nuku katuniki.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 10:10

Hanua Deusũ xinã besti txibaĩ bestiwai hawẽ yura Deus inaĩ nuku mawashũtã ana besteniki, ana betsatiã mawatimairã. Haska wakĩ Jesus Cristõ Deusunabu nuku wakĩ ma nuku meribi waniki.

Hebreus 10:20

Ha meribi dĩtu anu hanu besti wai hawenabu Deusbe hãtxashunika besti hikibiakubaĩmisbũ eskatiã Jesusũ ha tariwẽ bepunibu keska nuku bepẽshũkinã, hawẽ yurawẽ mawakĩ ha meribi dĩtu bepunibu bepeã keska waniki, hawẽ taea ha bai bena txibãkĩ hawẽ kai nũ Deusbe hãtxakubaĩshanũbũ nuku ashũkinã.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

2 Pedro 3:14

Ẽ betsabu inũ ẽ puibuũ, ẽ matuwẽ nui heneama ẽ matu yusĩkubainai eskakiri xinãkãwẽ. Hau dasibi mã hawa detsisma inũ hawa txakabu hayama inũ unãnuma mã hiwe bestikẽ hau Jesus Cristo matuki nukuyushanũ ẽ matu yusĩshu xinaĩ hakimama manakakubaĩshãkãwẽ.

Judas 1:24

Nukũ Epa Deus ha besti nukũ merabenã yushĩ dasibi kuxipa hayatũ matu kuxipa wakĩ matũ xinã txakabũ ana matu kanematiru nemashũkubainaya hawẽ bake shanẽ ibuhaira huaya yura dasibibu unãkĩ hatu kupiaitiã maturi ha bebũ hawa txakabu mã hayama hawẽ besuuri matu nitxĩtã benima pae matu inãyã mã benimahairashanaii. Haskakẽ nukũ Shanẽ Ibu Jesus Cristowẽ taeshũ Epa Deus duapa pepa inũ, hatũ besti kuxipa binu keyua inũ, yunuti kuxipa pae hayahaira iki taeni inũ natiã haya inũ ipashanai haya kẽwãkubainãkãwẽ, heneamarã. Haskakirã. Hatiki, ẽ hãtxarã. Judas