Colosenses 1:23 - Kaxinawá Bíblia (BR)

²³ Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Kashinawa : Diosun Jesúswen taexun yuba bena yiniki

²³ Man jaskakatsi ikaidan, matu tibidan, Diosun kakapekidi ninkatan man ma Cristo ikunwani jenekin putai chintuanma juinti mestentan jaska man ikunwainbu manakakubainkanwen. Jaska Diosun jawen bakekidi jawen kakape yudabu mai pakea ichapa anuabun jau unanunbun yusinkin ea en Pablon en jatu medabewakubaunmiski.

Colosenses 1:23 Referencias Cruzadas

Ezequiel 18:26

Huni pepatũ hawẽ pepa henetã txakabukũkainairã, ibubis hawẽ shinã txakabuwẽ taea mawashanikiki, ẽ kupiarã.

Marcos 16:15

hatu yunukĩ: —Mai hirabi anu bukĩ Deusũ kakape ekiri dasibibu hatu yusĩkubaĩshãkãwẽ.

Lucas 22:32

Habiaskabiakẽ ea txibaĩ hau mĩ huĩti babuyamanũ eãri Epa Deus ma ẽ mia yukashũxinaki. Mia haska wa kanebiatã ana ea txibã taewakĩ ikũwaĩ betsabu hau txĩtũyamanũbũ hatu kuxipa wakĩ merabewakubaĩshãwẽ— aka

Lucas 6:48

Tsuãra mixki hiwe wakatsi ikĩ hene kesha mai basãkĩ uke merã mixkiki pesashũ ha mamaki mixki tsamabirãkĩ hiwe warã, ẽ yuiai akubaĩmisburã, ha hiwe wanika keskabu ishãkanikiki. Hanua bai matahairabirãkĩ hawẽ hiwe atxia ha hiwe mixkiki tsamiawẽ taea hawa takash iki tsibusketirumaki.

João 15:6

Ea haibuwama ewẽ petxiarã, hawẽ mebi bimiuma meshtetã putaima barĩ shana waxina itxawashũ kua keska wakĩ Deusũ txi anu hatu urẽshanikiki.

Hechos 1:17

Hamẽ Judasrã, ha dukũ Jesusũ nukube katushũ nukube daya inãriayama ikimaki.

Hechos 1:25

hau Judasĩ hawẽ txakabuwẽ taeshũ hawẽ kuxipa daya benutã hanu nuitapai kakẽ hau hawẽ daya kuxipa betsã binunã— atã

Hechos 1:8

Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

Hechos 14:22

mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã

Hechos 2:5

mai pakea betsa betsapa anua judeubu Jerusalém anu hiwei benibu hiweabũ habu pepakĩ Deusũ hãtxa txibãkĩ menekĩ heneisbuma

Hechos 20:24

Habiaskabiakẽ earã, ẽ hiweawẽ nui yauxiama ẽ daya Jesusũ ea yununiwẽ taeshũ Deus yurabuwẽ nuikĩ haska wakĩ hawenabu hatu wakatsis ikaikiri punu nukama benimai heneama ẽ hatu yusĩkĩ keyukatsis ikũkainaii.

Hechos 26:16

Beniriwe, ẽ mia anu hushukirã. Mia katutã haska mĩ ekiri dayakũkaini txanikũkaĩshanũ ẽ mia uĩmashu inũ txipu betsa ẽ mia uĩmashanairã.

Hechos 4:12

Ha inũ, hawa tsua betsawẽ nũ meketi hayamakiaki. Mai hirabi anushũ hawa huni betsawẽ Deusũ hawẽ nuku mekekĩ pashawati hayamarikiaki— hatu wa

Romanos 10:18

Hawara Deusũ hãtxa yuishunika Davĩ kenekĩ yusĩni matu ana yusĩnũ nĩkakãwẽ. “Yurabu mai hirabi anu manibaunabu Deusũ hãtxa yusĩmisbũ habũ hatu yusĩa ma habũ nĩka keyuabuki”, iniwẽ taeshũ Israelbũ dasibi ma nĩkakĩ keyunibu nũ unaiĩ.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

Romanos 5:5

Haska nũ manakatiru Deus nukuwẽ nuimis nuku unãmakĩ hawẽ Yushĩ Pepa nuku inã hawẽ taeshũ Deus ikũwãkĩ txibãkubaĩkĩ haska nuku yubani manai hamẽ nũ manakamaki. Haska xarabuwẽ taeshũ hamapai bika nũ teneairã, hawẽ taeshũ Deus nũ kẽwãkubainaii.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

1 Coríntios 3:5

Nũ haskarawẽ taeshũ mã nukukiri xinaĩ ikai? Tsuamẽ, Apolorã? Tsuamẽ, Paulorã? Mã haska nukukiri xinaĩnã? Nuku daberã, nũ Jesusũ dayaru bestiki. Haskawẽ taeshũ hawẽ daya nũ ashuãyã nukuwẽ taeshũ mã ikũwãniki, haska nukũ Shanẽ Ibũ nuku yununiwenã.

2 Coríntios 10:1

Haska bestibu mã ekiri hãtxamis ẽ Paulõ ẽ matu yuiai ea nĩkairakãwẽ. Matu anushũ betsabũ yuikĩ: “Paulo nukube hiwea hãtxahairaisma yunuama unãshubira nuku hãtxa wabiamis txaikeshũ nuku keneshũkĩ hãtxa kuxipawẽ yunukĩ nuku ha amiski”, iwanã, mã ea yuãbiamisbũ haska duapakĩ ẽ xinãmis matu yuinũ nĩkairakãwẽ. Haska mã yuibiaya hãtxa kuxipawẽ ẽ matu kũyã atirubia haska duapakĩ unãshubira Cristõ yurabu yusĩkubaini keska wakĩ hãtxa shãkamawẽ yuikĩ matu kũyã akatsi ikama matu anu ẽ ana kakẽ habũ ea shenĩkamisbu ẽ hatube hãtxakatsi ikamaki. Hatũ xinã betsa wamakĩ hau ana hamakiri xinãtxakayamanũbũ hatu meshtãmakãwẽ.

2 Coríntios 11:23

Ha inũ, habũ yuikĩ: “Nũ Cristõ tsumabuki”, iki Cristo dayashunaiburã, ẽ iriakũkainaii, Cristo dayashũkĩ hatũ daya binumahairairã. Mã eki hãtxai mã ea tatimawabianũ eã ẽ hatu binumiski. Ha inũ, Deusũ kakape ẽ yusĩayã itxapaki ea bitximisbuwẽ eã ẽ hatu binuhairaki. Ha inũ, hatikira ea kuxanibu tsuabũra tanatirubumawẽ taeshũ ẽ hatu binuhairaki. Ha inũ, ẽ mawakeãkũkainiwẽ ẽ hatu binuhairariaki. Ẽ haska tibi memis ẽ matuki txaniairã, earã, ẽ tatimamẽ? Ẽ tatimamaki.

2 Coríntios 3:6

Jesus Cristo mawaiwẽ Deusũ hawẽ nuku yuba bena wai maewakinã, ana hakiri kenewẽ akama iniki. Hakia ha binumakĩ hawẽ Yushĩ Pepawẽ aniki. Haskawẽ taeshũ tsuabura Deusũ hawẽ taeshũ nuku tapĩma nũ hawẽ dayarubu besti nuku wamiski. Hamẽ Moisés Deusũ yusĩkĩ hawẽ yunuti inũ hawẽ nemati inãkinã, tsuãra ha yuba meneamakẽ hawẽ hatu kupikatsi amaniki. Hakia Deusũ Yushĩ Pepatunã, nuku haska wama ha binumakĩ hawẽ yuba benawẽ nuku hiwea inãkubainikiki, nũ habe hiwepakeshanũbunã.

2 Coríntios 4:1

Haskakẽ Deus nukuwẽ dabanã ikĩ hawẽ yuba benakiri nũ yusĩnũ ishũ nuku yununiwẽ taea hawẽ babui punu nukai nũ beshtekeisbumaki.

2 Coríntios 6:1

Ha dikabi yura tibi Deusũ yuikĩ: “Ẽ tsuara nĩkakatsis ikaya mĩ ea kenaya mĩ hãtxa nĩkatã ha shaba ikaitiã ẽ mia mekekĩ merabewashanaii”, ikaya nĩkatã Isaíasĩ keneniki. Haska shabakabi ẽ matu xinãmai nĩkakãwẽ. Natianã, Deusũ matu nĩkakatsis ikikiki. Ha inũ, natiã matu mekekatsis iriaikiki. Haskakẽ mã Deusbe dayakĩ ashũmis matu yununũ nĩkakãwẽ. Hamẽmẽs Deusbe haibunamei beparameama ikũ kayabi Deusũ hawẽ pepa ma matu uĩmaki. Danãyamakãwẽ. Haskawẽ taea nukurã, nũ Deusũ daya ashũkĩ merabewai dayashunikabuki.

Gálatas 4:11

Mã haskawẽ taea hamẽ dayakĩ ẽ matu merabewama ikimamẽkaĩ? ika ẽ dateaii.

Gálatas 5:5

Hanua nukunã, Jesuski dasitã nũ ikũwaĩwẽ taeshũ Deusũ Yushĩ Pepatũ nuku merabewaya Deus kaneismatũ nukũ txakabu nuku buashuniwẽ pepai nũ habe hiwekuĩshanai hawa teama nũ manayukubainaii.

Gálatas 5:7

Haskakẽ hãtxa kayabi mã nĩkahairakubainaya parãkĩ tsuabũ ha hãtxa txanima mã txibãyamanũbũ matu nemakubaĩkanimẽkaĩ?

Gálatas 6:9

Haskakẽ pepakũkaĩkĩ heneyamanãkãwẽ. Hatiara Deusũ hanu kupiaitiã merabenãkĩ pepawakubaĩkĩ nũ heneamakẽ Deusũ duawakĩ pepawẽri nuku kupishanikiki.

Efésios 1:18

Deus matu yukashũkinã, Deusũ hau matũ xinã hunemawatã shabakabi nĩkamakĩ manakamanũ inũ, hau tsuabura hawenabu kayabi katutã hawẽ pepawẽ duahairawakĩ matu unãmashanũ ẽ matu yukashũmiski.

Efésios 2:21

Habu dasibitũ nũ Cristo ikũwaĩburã, mixki hiwe wakĩ benibaĩmisbu keskaki. Mixki tibi tsamabaĩmisbu keska wakĩ nukũ Shanẽ Ibuki yura betsa betsapabube husiakeakekaĩkĩ Templo meribi nũ hiwe wakeakekanaii.

Efésios 3:17

Ha dikabi Cristo matube hiwea mã hayarã, hawẽ nui kayabiwẽ matu mestẽwãma mã hawẽ ikũwaĩnã, ha matũ huĩti merã xinãkĩ hau mã txibãkubainũbũ ẽ matu yukashũriamiski.

Efésios 4:16

Hanua Cristo nukũ Shanẽ Ibuwẽ taea dasibi ikũwaĩbu nuku dasiwa nuinamekĩ, ikũwaĩbu tibitũ daya betsa Deus ashuaĩbu inũ ikũwaĩbu dasibi merabewakĩ Cristowẽ taeshũ nukunabu dasibi mã hatu kuxipa wakubainaii, nukũ pabu tibi ewai nũ kuxipamis keskakinã.

Deuteronômio 4:19

Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.

Colosenses 1:25

Ha inũ, Deusũ hãtxarã, dasibi hiwebaunabu ẽ hatu yuikubaũshanũ ea katutã ea yununi haskawẽ taea mã Cristo ikũwaĩbu matuwẽ nuikĩ ẽ matu merabewakubaĩshanũ Deusũ hawẽ tsuma ea matu washuniki.

Colosenses 2:7

Haska matu yusĩmisbu txibãkĩ bari tibi heneama ana uke merã ikũhairawakubaĩkĩ Cristokiri tapiĩ ewakaĩkĩ matu pepawaikiri Deus kẽwãkubaĩkãwẽ.

1 Tesalonicenses 3:3

Ha inũ, habũ nuku itxakawabiaibũ Deusũ nuku hatube hiwemai mã unaĩwẽ taea hamapai bika xarabu mei yumãbiai hawa dateyamakãwẽ.

1 Tesalonicenses 3:5

Matukiria kaka nĩkakatsis ibiai tsua yukatima matu xinaĩ: “Satanásã hatu parã ma txĩtũxinabumẽkaĩ ika datei hamẽ nũ hatu yusĩmamẽkaĩ”, ikĩ eã ẽ ana manatiruma matu anu Timóteo ẽ nitxĩmaki, haskamẽ mã ikũwãkubainai hau nukuki txanikĩ nuku banabimayushanunã.

1 Tesalonicenses 5:8

Hakia nukuburã, nũ ma mexua anua shabaki tashnia keskabu nũ ikũwãkĩ pewakubaĩmiswẽ taea nukũ Shanẽ Ibu ana hushanai hawa hakimama manakubainãkãwẽ. Nũ habubetã ikũwaĩ betsabube duapai abunamei merabenãkĩ nukũ Epa Deus ha bestiki txiti ikubainãkãwẽ. Nũ haskaiburã, Romano soldadobũ hawẽ yura hunenũ, iwanã, mane tari manãkiria sawemis keskai hawaki dateama nũ pe mekea hiwetirubuki. Haskai hawa dateama nukũ Shanẽ Ibu manakĩ hatũ besti nuku mekeshanai nũ manaii. Haskakĩ hau soldadobu tsuã hatu deteyamanũbũ hatũ bushka mekekĩ hunekĩ mane maiti sawemisbu keskai nukuri dateama pe mekea nũ hiwetirubuki.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

1 Timóteo 1:12

Nukũ Shanẽ Ibu Jesus Cristõ ekiri pe xinãkĩ ẽ txĩtũtiruma xinãkĩ ea duawakĩ hawẽ daya ea yununiwẽ taeshũ txanima hatũ ea kuxipa wa ẽ kẽwãkubainaii.

1 Timóteo 2:7

Haskawẽ taeshũ Deusũ ea katutã hawẽ kakape yuishunika ea wakĩ Jesus Cristõ kuxipaya ea watã judeubuma anu na yusĩa Jesus Cristokiri txanima ẽ ha ikũwaĩ ẽ txanikauanũ ea yununiki. Na haska mia yuikinã, txani txakakĩ ẽ mia yuiamaki.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Tito 3:7

Nukũmebi nũ Deus hawa pepa ashũtirumabiakẽ duapa nukuwẽ nuikĩ nukũ txakabu nuku buashũtã hawẽ pepawẽ hawẽ hiwekuĩti nũ bishanai nũ hawẽ manakanũ hawẽ Yushĩ Pepa nukuki dasiwaniki.

Hebreus 10:38

Tsuabura pepabunã, haska ẽ yubakai xinãkĩ ikũwaĩ hawẽ hiweshãkanikiki. Hamẽ tsuabũra ha ẽ yubakai ikũwãkĩ mestẽwãkatsi ikama txĩtuaĩburã, ẽ ana habuwẽ benimama ishanaii”, aka nĩkashũ nuku keneshuniki.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

Hebreus 6:19

Na haska ikũwãkĩ nũ manakaiburã, nukũ yushĩ nũ ma mestẽwãbuki, hawẽ shashu tsumakĩ mai betãti shãkama putakĩ mestẽwãkĩ mai pus amamisbu keska wakinã. Nukũ xinã haska mestẽwãwẽ taea Jesusũ ma nuku pewashuni anu hawa dateama nukũ Deus meribi anu nũ kematiruki.

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

1 Pedro 1:5

Matũ xinãwẽ mã Deusũ kakape ikũwãkubainaiwẽ taea Deusũ hawẽ kuxipa paewẽ matu mekekubaĩkĩ haska yubakani hanu bari hawẽ heneaitiã haska matu pewashuni mã unãkubaĩmis ibubis hanu haki nukukĩ mã uĩshãkanaii.

1 João 2:27

Hakia txanima Deusũ Yushĩ Pepa Jesus Cristõ matu inãkĩ ma matu meribi wani hatũ besti hawẽ yusĩa txanima hawa matu parãma yusĩkĩ matu merabewakubainaya ha parananãmisbũ hatũ hãtxawẽ matu yusĩtirubu hayamaki. Haskawẽ taea mã ma Jesus Cristoki dasiaburã, haska Deusũ Yushĩ Pepatũ besti matu yusĩaĩ betsa wakĩ heneyamakubaĩkãwẽ.

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.