João 17:3 - Kaxinawá Bíblia (BR)

³ Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

Kashinawa : Diosun Jesúswen taexun yuba bena yiniki

³ Min mia besti Dioski, chanimadan. Jesucristo Mesías min yununidan, en ea bestiki. Nuku unantan na jiwekuinyanwen jiwexankanikiki, ikibi ikidan.

João 17:3 Referencias Cruzadas

Provérbios 8:35

Tsuãra ea benai eki nukutanã, hatũ hiwea kayabi bishãkanikiki, haska Senhor Deusũ betxipaimis txibãmiswẽ taeshunã.

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Marcos 9:37

—Ea duawanũ, iwanã, na bakeixta keska wakĩ tsuara ẽ kenaya huairã, ikĩ ea akawakĩ mã duawatiruki. Habiaskari wakĩ ea besti duawama hatũ ea yununi Deusri habũ duawashãkanikiki— hatu waya

Lucas 9:48

hatu yuikĩ: —Ea duawanũ, iwanã, na bakeixta keska wakĩ tsuara ẽ kenaya huairã, ikĩ ea akawakĩ mã duawatiruki. Habiaskari wakĩ ea besti duawama hatũ ea yununi Deusri habũ duawashãkanikiki. Haskakẽ tsuara hawa xinãma keãma dasibibu merabewakĩ ha kẽmisbu hatu binushãkanikiki— hatu waya

João 10:36

Deusũ ea meribi washũ yurabu anu ea yununirã, eã yuikĩ: “Ẽ Deusũ bakeki”, ẽ ikaiwẽ taeshũ: “Mĩ Deus itxaii”, ikĩ ea txitekĩ mã kaneaii.

João 11:42

Ẽ mia yuka nĩkatã mĩ ea merabewakubaĩmiski. Mĩ ea yununirã, na ebe mapubaunabũ hau ea uĩkĩ ikũwanũbũ shabakabi ẽ mia yukaii— itã,

João 14:26

Hakia hawẽ Yushĩ Pepa matũ Mekenã Bena ẽ kenaya ẽ Epa Deusũ yunua hushũ haska ẽ matu yusĩkubaĩmis dasibi ẽ matu yuiai ana shabakabi matu xinãmakubaĩshanikiki.

João 17:18

Haska inũ, na mai anu mia unãbuma anu mĩ ea yununi keska wakĩ ẽ haibuaibu habiaskari wakĩ na mai anuari ẽ hatu yunuriaii, hau mikiri hatu yusĩkubaĩshanũbunã.

João 17:21

Haskai mia inũ ea dasia nũ bestitxai keska hiwea haburi nukuki dasiabu habiaskari wakĩ mĩ hatu merabewashanũ ẽ mia hatu yukashunaii. Mĩ hatu haska wa habu shukushũ ea ikũwaĩbu mai hirabi anu mĩ ea yununi unãtirubuki.

João 17:23

Mia inũ ea nũ dasinikẽ habuberi ẽ dasiaya habu yura bestitxai keska hau ishanũbũ ẽ mia hatu yukashunaii. Haskaibu mai hirabi anuabũ hatu uĩkĩ mĩ ea yununi inũ haska wakĩ mĩ ea abumis haburi mĩ aburiairã, habũ unãtirubuki— iwanã,

João 17:25

—Epaã, mĩ kaneismaki. Mai hirabi anu yura hiweabũ mia unãbumabiakẽ eã, ẽ mia unaiĩ. Na ebe mapuabũ mĩ ea yununi unãkanikiki.

João 3:17

Hanushũ hau ewẽ taeshũ yurabu hatu kupishanũ, iwanã, Deusũ ea hawẽ bake bestitxai ea tashnimama iniki. Hakia Deus daewakĩ hau ewẽ dabanã matũ txakabu buashũkubaĩshanũ, iwanã, Deusũ ea hawẽ bake bestitxai tashnimaniki.

João 3:34

Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski.

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

João 6:57

Haska inũ, Epa Deus hiwei ikibi ikatũ ea yununiwẽ taea hawẽ kuxipawẽ ẽ hiwekũkainaii. Habiaskariai tsuabũra ea pi ẽ kuxipawẽ hiwekubaĩshãkanikiki.

João 7:29

Hakia eã ibubis hatũ ea yununi anua ẽ tashnikiraniwẽ taeshũ ẽ ha unaiĩ— hatu wa

João 8:19

—Mĩ Epa mikiri txaniai nũ nĩkanũ, hani mĩ Eparã?— akabu Jesusũ hatu kemakĩ: —Matunã, mã ea unãmaki. Ẽ Epa mã unãmariki. Ea unãkĩ ẽ Epari mã unãkeanaii— akĩ

1 Coríntios 15:34

Matu dakewanũ, iwanã, na haska ẽ matu yuaii. Yurabu Deusũ bestẽwãshanai betsabũ ikũwãma kanekanikiki. Matubu niti itã hatũ hãtxa ana nĩkai txakabuwama matũ xinã bestẽwãtã pe besti Deuskiri xinãkubaĩkãwẽ.

1 Coríntios 8:4

Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.

Filipenses 3:10

Haskakĩ Cristo ana ẽ unãhairakatsis ikaii. Haska inũ, hawẽ Epa Deusũ mawabu ana bestẽwãti kuxipa ẽ hayakatsis iriaii. Haska inũ, ana haki dasihairanũ ika ha nuitapawanibu keska eari dateama mei mawakĩ ẽ txibãkatsis ikaii.

Filipenses 3:8

Haska tibi hayai ẽ hawẽ kuxipa biakũkaini natiã ẽ uĩanã, hamẽki. Jesus Cristo ẽ mekenã wakĩ ẽ unaĩnã, hawenarã, binuhairaki, ẽ Shanẽ Ibu kayabirã. Haskakẽ Cristowẽ taeshũ dasibi hamapai eanua txakabu ẽ benu keyuniki. Haska wakinã, ẽ hiwea sheni txaka keska wakĩ henetã hanua haki maei ẽ hawẽ yuraniki,

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.

2 Pedro 1:2

Deus inũ nukũ Shanẽ Ibu Jesus haibuwakĩ mã hatu unãhairaya unãnuma matu hiwemakĩ matu duawatxakayamai bikubaĩkãwẽ.

2 Pedro 1:3

Deus kuxipa paepatũ haska hatũ abuai keska hawẽ hiwekĩ nũ hakiri xinãkubainũbũ nuku inãki, Jesus Cristo nũ ikũwãyã Deusũ nuku kenatã hawẽ daya pepa nũ hayashanũbũ hawẽ kuxipa meribiwẽ nuku katukinã.

2 Pedro 1:8

Mã haska tibi haya mã hawẽ ewairã, txanima nukũ Shanẽ Ibu Jesus Cristo unãkĩ mã hamẽ haibuwamaki. Ha inũ, matũ hiwearã, hamẽmari ishanikiki.

1 João 1:2

Ha hiwearã, hamebi hawa huneama ikũkainai nukũ uĩnishũ hakiri shabakabi txanikĩ hawẽ kaka matukiri hiwea ikibi ika haya nũ matu yuikubainaii. Hawẽ Epabe dasia nuku shabakabi uĩmakubainai nukubũ nũ uĩkubainiki.

1 João 1:3

Ha kakape nukubũ uĩkĩ nũ nĩkanirã, Epa Deus inũ hawẽ bake Jesus Cristobe nũ hatube dasia keskariai maturi mã nukube dasirianũbũ nũ matuki txanikũkainaii.

1 João 2:23

Haska inũ, tsuabura Deusũ bake danaĩ haki dakeirã, hawẽ Epa Deuskiri dakeriaikiki. Ha inũ, tsuabura dakeyamakaĩ hakiri hãtxai peii: “Ẽ Jesus ikũwaiĩ”, ikĩ hawẽ Epakiri shabakabi wariaikiki.

1 João 4:6

Hakia nukurã, nũ Jesusũ kuxipayaburã, nũ Deusũ bakebuki. Nũ yusĩayã habũ Deus unãkĩ nuku nĩkaibũ habũ Deus unãbumã nuku nĩkaisbumaki. Ha haskaburã, haratura txanima Yushĩ Pepa haya inũ haratura paranã yushĩ hayabu nũ unãtirubuki.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.