Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka
Êxodo 3:12 - Kaxinawá Bíblia (BR) Senhor Deusũ ana kemakĩ: —Ibubis mĩ hawaumabiakẽ mia merabewakĩ mia putama ẽ mibe ikũkaĩshanaii. Egito anua enabu iwei nenu na mati meribi anu mĩ ana hushũ minabubetã mĩ ea kẽwãyã parãma ẽ mia yunuima mĩ uĩshanaii— aka |
Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka
—Senhor Deusuũ, na mai ẽ ibu washanairã, mĩ ea hawawẽ unãti wamakĩ mestẽwãmai ẽ hawẽ unanunã?— aka
haskai nishũ shinãyã Senhor Deusũ Jacó yuikĩ: “Mĩ epã mae anu minabu anu ana kai txĩtũwẽ, mibe kakĩ ẽ mia merabewabukainairã”, aka
hanushũ Isaíasĩ shanẽ ibuhaira Ezequias yuikĩ: “Haska wakĩ Senhor Deusũ matu merabewashanai hawẽ unãmati Senhor Deusũ mia unãmaikiki. Na habia ano inũ ua ano ha katxu huaiki shekiwã trigo ibubis hukũtã bimiyatã kaniai tsekashũ mã piyukubaĩshanaii. Hakia ano dabe inũ besti taeaitiã hanu ibubis mã bana hukuĩ bimitã kaniai tsekashũ mã pikubaĩshanaii. Ha inũ, uva banatã hawẽ bimi tsekatã mã pikubaĩshanai.
Habiatiãri hawẽ kuka Reuel, hawẽ kena betsa Jetrorã, Midiã anu hiwea hawẽ txashuwã Moisĩ basi pimashũkubaini txaihaira kakũkaini hanu tsua hiweabuma anu hatu iyui kai hanu Deusbe hãtxati mati keyatapa hawẽ kena Horebe tenamã Moisés hikikẽ
datekĩ Moisĩ ana yuikĩ: —Mĩ ea haska wa Israelĩ enabu anu kashũ eã hatu yuikĩ: “Hatũ nukũ shenipabu mekekĩ duawapauni Deusũ matu anu ea yunushinaki”, ẽ hatu wabia ea yukakĩ: “Harakiri kenamẽ?” ea akabu Harakiri hatu yuishãpa?— aka
Senhor Deusũ yuikĩ: —Peki. Ea kayabis mibe kakĩ merabewakĩ ẽ mia unanuma mekekubaĩshanaii— aka
Hari hãtxama katãwẽ. Mia putama ẽ mibe kakĩ mĩ kesha inũ mĩ hana pewakĩ mĩ hãtxai ẽ mia pe hãtxamakubaĩshanaii, hari mĩ yuiaikirirã— abia
Hau mia ha hãtxashunũ haska dasibi mĩ hatu yuikatsi ikai mĩ betsa Arãobetã mĩ hatu yuiaya matu dabe ẽ merabewakubaĩshanaii, haska mã akai matu unãmakinã.
Haskawẽ taea hanu tsua hiweabuma anu shaba dabe inũ besti enabuya kashũ harishũ nukũ inabu tesẽshũ menukĩ keyukĩ nukũ mekenika Senhor Deus kẽwaĩ haska nuku yunushina keska ashunũ ika nũ kakatsis ikaii— aka
Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.
Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.
Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.
Haska ẽ mia yunuaiwẽ taearã, tsuki dateyamakũkaĩshãwẽ. Eanã, mia mekei mibe kakĩ ẽ mia merabewashanaii. Ea Senhor Deusũ txanima ẽ hãtxa ẽ mia inaiĩ”, iwanã,
Jacó enabu anua tsua parã hãtxa hayamaki. Israelĩ enabu anushũ txakabuaibu tsuã uĩsbumaki. Hatũ mekenika Senhor Deus hatube ikũkaĩmiski. Hatũ mae anushũ Senhor Deus kẽwãkĩ: ‘Nukũ Shanẽ Ibuhairaki’, akĩ ha yurabũ kẽwãmisbuki.
Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu
hanua Jesusũ tsumabu kaĩbaini bukĩ mae tibi anu yusĩkubaunaibũ nukũ Shanẽ Ibu Jesusũ hatu merabewakĩ hawẽ kuxipawẽ hawara unãti dami atimaska ikũ hatu uĩmakubainibukiaki. Marcos
Hanua habu Deusũ Yushĩ Pepatũ hatu kuxipa waya hatũ yusĩawẽ taeshũ Gregobu itxapabũ hatũ xinã sheni henetã hiwea bena nukũ Shanẽ Ibu Jesuskiri ikũwãnibukiaki.
Haskakẽ Deusũ haska xarabu nuku ashuniwẽ taeshũ haratubũra txakabuwakĩ nuku tenemaibu habu hawauma keskabuki, Deus kuxipahairatũ nuku mekekĩ binuhairawẽ taearã.
Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.
Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.
Senhor Deusũ nai tsuma kushipatũ hawẽ yura Gideão uĩmakĩ yuikĩ: —Huni mesema kushipatũ, Senhor Deusrã, mibeki!— aka
Senhor Deusũ ana kemakĩ yuikĩ: —Ẽ mia merabewakubainaiwẽ taeshũ huni bestitxai maema keska wakĩ Midiã nawabu dasibi mĩ hatu maemashanaii, matũ maiwã pakea anua hatu nitxĩkinã— aka
hanushũ Gideãonẽ ana yuikĩ: —Mĩ ea betxipaiairã, ea uĩma kayabiwe. Haska habia mĩ Senhor Deus ebe hãtxai ikimẽkainã, ea shabakabi unãti wamakĩ hawẽ unãmati dami ea washũwẽ— itã
Senhor Deusũ nai tsuma kushipatũ ha nami inũ misi mishki mamaki mãtxĩshuna hawẽ mestẽti hawẽrua debuwẽ timaya ha mishki anua txi here hi ikĩ menukĩ keyuaya hanua Senhor Deusũ nai tsuma kushipatũ hawẽ yura hunei inakainaya
haska hãtxaibu huneshũ nĩkatãwẽ. Haska hãtxaibu hatu nĩkatã hatu detenũ ika mĩ hanu shinã txãkãshanaii”, aka nĩkatã Midiã nawa hanu kesubaunabu dapi hawẽ dayaru Purabe Gideão kakũkainaya
Hakia habũ ana nuku yuikĩ: “Nuku anu mapekekãwẽ”, nuku akaibuwẽ taeshũ Senhor Deusũ nuku merabewaya nũ hatu maematiru unãtã hatu detenũ ika samama nũ hatu anu mapekekaĩtiruki— aka