Mateus 28 - Kaxinawá Bíblia (BR)

Jesus maiwaxinabu bestẽkainikiaki, na hãtxarã

¹ Hanua ma sábado huĩrukũti binukainaya penai taeaya domingotiã Maria Madalena inũ Maria betsa maiwaxinabu anu bushũ

² uĩaĩbũ mai patxa sakuaya habiatiãri Deusũ nai tsuma maiwati tãpe anu butushũ mixkiwẽ bepuxinabu bepẽtã hamamaki tsauwa

³ hawẽ yura kana bakai keska txashai hawẽ tari hushupahaira hushu pũte pũte ikai

⁴ soldadobũ uĩ datei saki saki iki tĩ ika mawa keska tsistibaĩbaina maniabũ

⁵ hanushũ nai tsumã aĩbu dabe beabu yuikĩ: —Jesus mastaxinabu mã benai hua ẽ unaiĩ. Dateyamakãwẽ.

⁶ Haska bebũkiri matu yuixina keskai ma bestẽkainaki. Ana nenumaki. Hanu datãxinabu hikishũ uĩ

⁷ bekãwẽ. Uĩbaini bushũ hawaira na hãtxa hawẽ tsumabuki txanikĩ: “Jesus mawaxinarã, ma bestẽkainaki. Matu bebũkiri Galiléia anu kashuĩkiki. Haria matube ana itxai benai kaikiki. Hari bushũ uĩritãkãwẽ”, akĩ hawẽ tsumabu hatu yuiritãkãwẽ. Haska bestiki, hãtxa ẽ matu beshuãnã— hatu wa

Aĩbu dabeki Jesus nukui taenikiaki, na hãtxarã

⁸ aĩbu dabe maiwati tãpe anua uĩtã datei tashnibaini benimatxakayamai kuxibaini hawẽ tsumabu yui buaibũ

⁹ Jesus hatuki nukui hatu betxãkametã hatu hãtxa wa aĩbu dabe haki nukushũ Jesus kẽwaĩ dãti ishũ hawẽ tae hutsũrabeabu

¹⁰ Jesusũ hatu yuikĩ: —Dateyamakãwẽ. Ẽ betsabu hau Galiléia anu bunũbũ ea hatu yuishũritãkãwẽ. Harishũ habũri ea uĩ bukanikiki— hatu wa

Shanẽ ibubũ hamakiri txaniti soldadobu hatu yununibukiaki, na hãtxarã

¹¹ aĩbu dabe buaibũ Jesus maiwaxinabu soldadobũ kesheabu hatiri Jerusalém anu bushũ haska uĩkãshu Deusbe nukunabu hãtxashunika shanẽ ibubuki txaniaibũ

¹² hanua habu shanẽ ibu betsabube hãtxai bua haska wakĩ yurã kaiã parãtirubu yubakatã soldadobu pei mirima inãkĩ

¹³ hatu yuikĩ: —Hari mã hatu yuikubaĩtanũ matu yuinũ nĩkakãwẽ: “Mexu merã nũ ushakẽ hawẽ tsumabu beshũ hawẽ yura yumetsubainabuki”,

¹⁴ mã ikaya Pilatõs haska nĩkatã hau matu kupiyamashanũ nuku nũ habe hãtxakĩ nũ matu yui pewashũshanaii— hatu wa

¹⁵ hanushũ soldadobũ pei bitã haska hatu yuishukiri habu txaniakeakenibu na habiatiãri judeubũ habiaskari hatu yuikubaĩmisbuki.

Hawẽ daya Jesusũ hatu yununikiaki, na hãtxarã

¹⁶ Hanua nũ hawẽ 11 tsumabu Galiléia anu mati betsa anu haska Jesusũ nuku yunuxina anu kashũ

¹⁷ Jesus betxitã ikũwaĩ ha bebũ dãti itã kẽwaĩbũ hatiritũ xinã txãkãma kẽwãma huĩti kuxikĩ kẽwãbumakẽ

¹⁸ Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

¹⁹ Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

²⁰ Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu