Hebreus 13:5 - Kaxinawá Bíblia (BR)

⁵ Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Kashinawa : Diosun Jesúswen taexun yuba bena yiniki

⁵ Jaska inun, jawen mabu icha wanun ika peiwen kemuama jawada besti man jayawen benimakubainkanwen, Diosun nuku yubakin: “En matu putama inun en matu jenetaskama ixanaii”, iniwen taeadan.

Hebreus 13:5 Referencias Cruzadas

Gênesis 28:15

Mibe putanameama hanira mĩ kaya merabewakĩ ẽ mia mekekubaĩshanaii. Na mai pakea anu mĩ ana hiweshanũ ẽ mia ana nenu iweshanaii, txĩtũwãkinã. Ẽ mia yuishu ẽ mia ashũriama hakimama ẽ mia heneama ipakeshanaii— aka

Gênesis 30:31

—Hawa mĩ betxipaiai ẽ mia hawẽ pakairã— aka —Peiwẽ ea pakayamawe. Mĩ cabra inũ mĩ txashuwã itxawatã namakis nikaũkĩ katukĩ pakebaũkĩ keneya inũ meshupa inũ shiwaya ha ẽ katua mĩ ea yunua ena ishanai nũ unãtiruki. Hawẽ mĩ ea pakatiruki. Mĩ ea haska washuna mĩ inabu ẽ ana yumewakĩ mia itxapa washũtiruki.

Gênesis 31:5

hatu yuikĩ: —Matũ epã ea pewama ẽ uĩkubainaii. Ha dukũ eki benimaniki. Natiã ikis eki sinatai ẽ uiaiĩ. Hakia ẽ epã mekenika Deusũ ea merabewakubainikiki. Matu berubi dayashũtxakayamakĩ matũ epa ẽ duawakubaĩmiski. Hakia matũ epã ea itxakawakĩ ea pakakĩ bestikima maewa akeakekĩ ea parãkatsi ikaya Deusũ nemamiski. Labãonẽ ea yuikĩ: “Txashuwã bake keneya minaki”, ea wabianikẽ yushã dasibi keneya tashnikunainaibu hanua shinã betsa watã Labãonẽ ana ea yuikĩ: “Txashuwã bake shiwaya minaki”, ea wariaya yushã dasibi shiwaya tashniriakubainikiki. Haska wakĩ Deusũ matũ epã inabu ea mebĩmakĩ ea inãkubainikiki. Daka ẽ usha namaya txashuwã txutanameaibu ẽ uiãyã txashuwã bene shiwaya inũ keneya inũ meshupa bestibũ yushã txutaibũ Deusũ nai tsumã ea yuikĩ: “Jacóõ”, ea aka: “Ẽ nenuki”, ẽ wa: “Uiã, dasibi Labãonẽ mia itxakawai ẽ uĩmiski. Haskawẽ taeshũ bene shiwaya inũ keneya inũ meshupa bestibu ẽ bake bimakubainaii. Betel anushũ haska Deusũ ẽ mia yuini ẽ eaki. Habianushũri mishki unãti wakĩ benitã sheniwẽ dashu atã hanua mĩ ebe yubakaniki. Haskawẽ taea benitã na mae anua pashariwe. Haria mĩ kaini anu inũ kariwe”, ea wakĩ haska Deusũ ea yuishinaki— hatu wa

1 Reis 6:13

Mĩ haskaya Israelĩ enabube ẽ hiwekũkaĩshanaii. Enabu Israelĩ enaburã, ẽ hatu putama ikũkaĩshanaii”, aka

Salmos 37:25

Ẽ berunãtũ uini inũ natiã mestebukĩ ẽ uĩkubainairã, huni pepabu Senhor Deusũ henebainai ẽ uĩsmaki. Hanua hatũ bakeburi hawa ea iki daketapai mapuaibu ẽ hatu uĩsmahairaki.

Salmos 37:28

Senhor Deusũnã, hamapai pepabu betxipaimiski. Habu haki txiti ika txĩtuãbumarã, hawa hatu heneismaki. Hamẽ tsuabura txakabuburã, hatu yamawakẽ hatũ bababuri hayama washãkanikiki.

Êxodo 2:21

ha huni iweabu beya wakĩ Reuel inũ hawenabu Moisĩ hatu betxipai hatube hiwekũkainaya txipu aĩwãmakĩ Reuelĩ hawẽ aĩbu bake Zípora bimakẽ

Êxodo 20:17

Ha inũ, betsarã, yura betsã mae anu hawara haya uĩ hawẽ kemutaskayamashãkãwẽ, hawẽ hiwe inũ, hawẽ aĩ inũ, hawẽ huni tsuma dayaru inũ, hawẽ aĩbu tsuma dayaru inũ, hawẽ inabu inũ, hawẽ hamapai tibi haya uĩ hawẽ kemuamarã”, akĩ Senhor Deusũ hawẽ hãtxa hatu yuia

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 41:17

Enabu nuitapai hawa pei hayabumã ũpash benabiai ibubis betxiabumaki. Ũpash manui hatũ hana tashkai tetsusĩbiaibũ hakia ea Senhor Deusũ ẽ hatu amashanaii. Israelĩ mekenika Deus eanã, henekĩ ẽ hawa hatu putabainama ishanaii.

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Mateus 6:19

ana hatu yuikĩ: —Na mai anushũ huni itxapabu hiweshũ mabuwẽ kemukĩ itxawamisbuki. Hakia matunã, mabuwẽ kemukĩ itxawayamashãkãwẽ. Hawara bikĩ mã itxawa hawẽ masãnẽ pesa pesa akĩ inũ nakashã piriatiruki, matu benũkinã. Ha inũ, huni yumetsubũ matũ hiwe anu hikitã matũ mabu dasibi mã aru pewabiakẽ matu biãbaĩtirubuki.

Mateus 6:25

ana hatu yuikĩ: —Eska bestiwẽ taea matũmebi mã hamapaiwẽ dabanã imisbukiri matu yusĩnũ nĩkakãwẽ. Hiwe bestia pepakũkaĩnũ ika piti pi inũ tari sawenũ ika hawẽ dabanã iyamakubaĩshãkãwẽ. Hiwea hayairã, pitiwẽ besti nũ itirubumaki. Yura hayairã, tari sawe bestinũ ika nũ itirubumariki. Haskakẽ ha dabewẽ taea nũ hiwenũ Deusũ nuku hiwea inãma iniki.

Mateus 6:34

Haskakẽ mexukiri mĩ hawara washanaiwẽ dabanã iki dateyamakubaĩshãkãwẽ. Hakia shaba tibi hawãra mia itimaska wai tashnikũkaĩmis xinãkãwẽ— iwanã,

Marcos 7:22

Ha inũ, aĩyã inũ beneyabia betsabe txutanamemisbuki. Ha inũ, yura betsã mabuwẽ kemumisbuki. Ha inũ, txakabu betsa betsapa wamisbuki. Ha inũ, yura betsa parãmisbuki. Ha inũ, hatũ yurawẽ hawara pae tibi aki paeĩ txakabumisbuki. Ha inũ, yura betsa hawẽ hiwea keskama hatu uĩ huni betsa haska hayatirumawẽ nui hatuwẽ bika tenemisbuki. Ha inũ, txani txakabaũmisbuki. Ha inũ, ibubis xinaĩ keĩ: “Ẽ pepaki”, imisbuki. Ha inũ, yura betsawẽ nuikĩ duawakĩ merabewaisbumaki.

Lucas 3:14

hanushũri soldadobũri yukakĩ: —Nukukaĩ, yusĩnaã, xinã betsa watã mia unãmakatsirã, nũ haskashanai?— akabu Joãonẽ haburi yuikĩ: —Maturã, matũ xinãnẽ itxakanikakĩ hatũ hamapai mebĩyamakubaĩshãkãwẽ. Ha inũ, txani txakakĩ yura betsã pei parãtã mebĩyamakãwẽ. Hakia matũ daya pei besti bi benimakubaĩshãkãwẽ— hatu waya

Lucas 8:14

Ha inũ, heshe betsa musha anu niri ikarã, habũ Deusũ hãtxa abubiai hatũ hiweawẽ nui inũ mabu betsa betsapawẽ kemutxakayamai hayakatsis ikĩ hatũ hatu yabua Deusũ hãtxa nĩkabiai tapĩkatsi ikama unãshubira henekubaĩmisbuki, yurabu mibã bimiuma keskabuirã.

Romanos 1:29

Eska tibi matawaibuwẽ taeshunã, hawẽ atimapaiburã, txutanametxakaiburã, yauxiaiburã, ha pewẽ hiweama txakabuwẽ hiweairã, betsabu hatũ hawara hayawẽ hatuki sinataiburã, yura betsa tenaĩburã, detenameaiburã, txani txakabaunaiburã, beparameaiburã, yuãnanaĩburã, haskai hiweabuki.

1 Coríntios 5:11

Hakia hatiri mã eska hayabuwẽ taeshũ ẽ matu yui ikai nĩkakãwẽ. Tsuabura hãtxai: “Ẽ Jesus ikũwaĩ ẽ matũ betsaki”, ibiai haska hiweama txakabui txutanamebauni inũ, mabu tibiwẽ kemui inũ, yushĩ dami betsa bitã kẽwaĩbu inũ, yupukunaĩbu inũ paeĩ heneisbuma inũ, betsa parãtã yumetsumisbu ha haskai beparamemisburã, ana hatubetã piama daĩkubaĩkãwẽ, ana hatube mapuamarã.

1 Coríntios 6:10

Ha inũ, yumetsumisbu inũ, hawara betsana uĩ kemuhairamisbu inũ, paẽmisbu inũ, yupukunamisbu inũ, yura betsa parãtã yumetsumisbu inũ, yauxi inãnanãkatsi isbuma haburi beshtekeabumari nai anu Deusbe hiweama ishãkanikiki.

Efésios 5:3

Hanushũ ikũwãbumã hatu ati wakĩ hawa txakabuki dakeama yuikĩ hamapaiwẽ kemuhairakubaini hiwemisbuki. Hakia matuburã, ana hatu keska hiweama haska ikũwaĩ hiweti betsahaira hiwekĩ txutanamebaũmisbukiri ana xinaĩ hãtxama inũ txakabu atimapa tibi ana xinaĩ hãtxamari inũ kemu paekiri ana xinaĩ hãtxama haska Deusũ hawenabu uĩkatsi ikai keska besti txibaĩ hãtxakubaĩkãwẽ.

Efésios 5:5

Ha inũ, txanima tsuabura haska dakeama hamapai tibibe txutanamebaũmisbu inũ, hawara atimapa tibi amisburã, Cristo inũ Deus shanẽ ibuaya hatube hiwetirubumaki. Ha inũ, tsuabura hamapaiwẽ kemumisrã, dami yushĩ itsa washũ kẽwãmisbu keskawẽ taea ha haskamisbu Cristo inũ Deusbe hiwetirubumariki.

Deuteronômio 4:31

Dateyamakãwẽ. Matũ mekenika Senhor Deus nuikipahairatũ matu putama inũ matu yamawama ishanikiki. Haska matũ shenipabu yubanishũ hakimama matu ana mekekĩ heneama ikũkaĩshanikiki.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

1 Timóteo 3:3

Ha dikabi eska tibi meama xinãmisburã, paẽakiri xinaĩsbuma inũ, detenamekatsi ikĩ xinaĩsbuma inũ, mabu inũ peiwẽ kemuisbuma inũ, duapakatsis iki pepamisbu itirubuki.

Josué 1:5

Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.

Josué 7:21

Jericó nawabu nũ hatube detenameaitiã hatũ mabu uĩbaũkĩ Babilônia anua tari peyabukuti hawẽruahaira inũ, 200 prata pei heshe inũ, ouro ture pishta meio quilo binua betxishũ hawẽ kemukĩ bibaĩ ẽ tari hiwe merã mai pukĩtã ha dukũ pei heshe mãtxĩtã hanua ouro ture hanatã hamamaki peyabukutiwẽ atximashũ ẽ maiwashinaki— akaya

2 Pedro 2:14

Ha parananãmisbunã, hatũ kemu paewenã, aĩbu tibi ha abuai kasmai ha itxakawa bestikatsis ikai hatu amisburã, haskawẽ taea hatũ txakabu itxapa mataki, hawa henetirubumarã. Hatũ kemu paewẽ ikũwaĩ huĩti babubu parãkĩ hatu txakabuwamamisbuki. Hatu haska wamamisbu hatũ kemu pae heneisbumarã, habis ha hunibu Deusũ unãtã hatu kupishanikiki.

2 Pedro 2:3

Habunã, matũ pei itxapa binũ ishũ txani hãtxa yusĩkĩ matu parãkĩ itxakawashãkanikiki. Haskanũbariaibu ma bebũkiri Deusũ hatu kupini hawa betsa waismawẽ taeshũ tsuã Deus hatu daewashũtirumawẽ taeshũ Deusũ hatu kupikatsi manayuikiki.

Judas 1:11

Uĩa. Habu ikirã, Caim hawẽ betsa tenãni keska ha txibãkĩ txakabuwakanikiki. Haska inũ, huni betsa Balaão pei binũ ika kemui ini keskariakĩ Deusũ bai kayatapia benui yusĩnã betsabu parananaĩ peiwẽ kemuriakanikiki. Haska inũ, huni betsa Corã Deusũ yunua danaĩ benuni keskai ha parananãmisbu habu mawariai pemashãkanikiki.

1 Samuel 10:7

Haska mia wa kaimashũ mĩ hatũ hiwea merabewakatsi ikai, pepakĩ hatu ashũkubaĩshãwẽ, Deusũ mia merabewakubaĩshanikikirã.

1 Samuel 12:22

Senhor Deusũ matu hawenabu waniwẽ taeshũ hawẽ kena pepawẽ shinã betsa wama matu henebainamaki.