Gênesis 15:1 - Kaxinawá Bíblia (BR)

¹ Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Gênesis 15:1 Referencias Cruzadas

Gênesis 15:2

Abrãori yuikĩ: —Senhor Deusuũ, ea merabewakĩ hawa mĩ ea inãtirumẽ, ea benimawakinã? Ẽ aĩ kayabi anua huni bake mĩ ea inaĩsma ẽ hawa hayamaki. Haskakenã, ẽ tsumabu mekenika Eliézer hawẽ mae Damasco anua enabumabiatũ ẽ mawakẽ ena dasibi ibu washaniraka, shanẽ ibukinã— iwanã,

Gênesis 15:4

ana Senhor Deusũ kemakĩ: —Haskamaki. Mariastũ mĩ hamapai ibu wama ishanikiki. Hakia huni bake mĩ bawa kaiã ewatã hatũ dasibi ibuai shanẽ ibushanikiki— iwanã,

Gênesis 21:17

hanua hawẽ bakẽ hui Deusũ nĩkaya nai anushũ Deusũ nai tsumã Agar kenakĩ yuikĩ: “Agarĩ, mĩ haskai ikai? Mĩ bake ni utapã namã daka kashai Deusũ nĩkashuki. Miarã, dateyamawe, mã mawamakirã.

Gênesis 22:1

Bari betsatiã Deusũ Abraão: “Haska ea ikũwãmismẽkaĩ?” unãti wanũ ishũ, Abraão kenakĩ yuikĩ: —Abraãonẽ— aka —Ẽ nenuki. Ea yuiwe— aka

Gênesis 22:20

Hatiãra tsuãra Abraão yuikĩ: —Mĩ betsa Naor bake itxapa ma hayaki. Hawẽ aĩ Milca 8 huni bakeyaki, hawẽ bake iyuarã, Uz inũ, ha katxu Buz inũ, Quemuel inũ, Quésede inũ, Hazo inũ, Pildas inũ, Jidlafe inũ, Betuelrã. Hatiki, hawẽ huni bakebũ kenarã— anikiaki. Ha inũ, hawẽ nãtakea aĩ bikĩ pakatã bini aĩbu betsa Reumárã, 4 huni bake hayarianikiaki, Teba inũ, Gaã inũ, Taás inũ, Maacárã. Hatikiaki, hawẽ huni bakebũ kenarã. Txipu Naor bake betsa Quemuelĩ huni bake betsa bawani hawẽ kena Arã inikiaki. Ha inũ, Naor huni bake betsa Betuelĩ aĩbu bake betsa bawanirã, hawẽ kena Rebeca inikiaki.

Gênesis 26:24

meshu merã Senhor Deus haki nukushũ Isaque yuikĩ: —Dateyamawe. Ẽ mĩ epa Abraão mekenika Deuski. Hawara ẽ yunua Abraão txibãkĩ akubainiki. Haskawẽ taeshũ haibuwakĩ ẽ mia duawariashanaii, minabu itxapa mia pa washũkinã— atã kakẽ

2 Reis 1:15

hanushũ Senhor Deusũ nai tsuma kushipatũ Elias yunukĩ: —Dateama habe kashũ uĩtãwẽ— aka Elias benitã Capitãobe butukaini shanẽ ibuhaira Acazias uĩ kashũ

Salmos 115:10

Deusbe nukunabu hãtxashunikabuũ, Senhor Deuski txiti ikĩ ikũwãkãwẽ! Hatunã, nuku merabewakĩ nuku mekekubainikiki.

Salmos 27:1

Senhor Deus ẽ shaba keska hatũ ea mekemiswẽ taea ana hamapai betsaki ẽ dateamaki. Ẽ hiwea Deusũ ea keshekubaĩmiswẽ taea ana tsuki ẽ dateamaki.

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Salmos 84:9

Deusuũ, nukũ shanẽ ibuhaira wakĩ mĩ katuni, nukũ mekenikarã, mĩ pepawẽ duawakubaĩwẽ.

Salmos 91:4

Takarã hawẽ bake mekekĩ nushamis keska wakĩ mĩ nuku mekekĩ nusha nũ dateismaki. Shinã betsa wama nuku putama mĩ nuku mekekubaĩmiski, hawẽ pia nemati keskawenã.

Êxodo 14:13

Moisĩ hawenabu hatu kemakĩ: —Datei babuama mesteĩ huĩti kushitã manakãwẽ. Haska hatu maemakĩ Senhor Deusũ matu merabewai samama mã uĩshanaii, ha yurabu matube bei matuki kemariabuma ana mã hatu uiãma ishanaii.

Provérbios 11:18

Hunibu dayatxakamisbu manakukinã, parã bestishãkanikiki, hawa pe inãmarã. Hakia tsuara parananãma pepa wakubaĩmisburã, hawẽ manakuti pepa inãshãkanikiki.

Isaías 35:4

Datebu hatu yuikinã: “Ana dateama benimarikãwẽ! Na habia matu dapiki, matũ Deusũ matu piskumakatsirã. Matu meketã matuki sinataibũ haska betxipaimisbu keska habũ txakabumiswẽ hatu kupikĩ tenemashanikiki.”

Isaías 40:10

Uiã. Shanẽ Ibu hawẽ kushipaya hawẽ pe yunutiwẽ hatu pe mekei ma huikiki. Hawenabu merabewakĩ hatu piskumatã hatũ manakuti pepa hatu inãshanikiki.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 41:14

Senhor Deusũ hawẽ hãtxa mestẽwãkĩ yuikĩ: “Jacó enabu Israelbuũ, ha mã tesheishtani mã babubiarã, hawa dateyamakãwẽ, ẽ matu merabewairã. Earã, Israelĩ Deus meribirã, ẽ matũ piskumanikaki.

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

Isaías 43:5

Dateyamakãwẽ, ẽ matube niakirã. Matunabu ana itxawakĩ nenuma bari huaikiria inũ bari kaikiria hatu iwekĩ ẽ txĩtũwãshanaii.

Isaías 44:2

Ea ẽ matũ damiwakĩ bawanika Senhor Deusũnã, mã kaĩriama matu pe ewawakĩ ẽ matu merabewakubainiki. Jacó enabu Jesurum nĩkaisma mishtĩbuũ, ẽ matu katuni, mã ẽ tsumaburã, dateyamakãwẽ.

Isaías 44:8

Ẽ haskakẽ benimai dateyamakãwẽ! Nenumahairatiã yui ea ẽ txaninirã, matubunã, mã unaiĩ. Mã haska ekiri txanitirubuki. Deus kayabi betsa hayamẽ, mã unanã? Hayamahairaki. Hanu pashati betsa ẽ uĩsma ẽ hawa unãmaki.”

Ezequiel 1:1

Ha shaba 5 inũ, ushe 4 inũ, ano 30tiã Babilônia anu Nabucodonosorĩ enabũ hatu iwenibube ea Ezequiel ẽ hiwea shaba betsatiã hene hawẽ kena Quebar kesha anu ẽ nikẽ nai bepemanakainai anua nama keskakĩ Deus ẽ uiniki.

Ezequiel 3:4

Hanushũ ea ana yuikĩ: “Kashũ haska Israelĩ enabu ẽ hatu haska yuikatsis ikai ea hatu yuishũkubaĩwẽ.

Números 12:6

Senhor Deusũ ana harishũ hatu yuikĩ: “Eska ẽ matu yuiai ea nĩka pewakãwẽ. Matu anua ẽ hãtxa ea yuishunika katutã usha namai inũ betsa watã haska ishanai bebũkiri ẽ matu unãmamiski.

Números 24:4

Nishi pae atã uiã keska shabakabi ẽ uĩshuki. Deus kushipahaira dasibi binuatũ ea hãtxa inã nama keskawẽ ẽ ma uiãki.

Mateus 28:5

hanushũ nai tsumã aĩbu dabe beabu yuikĩ: —Jesus mastaxinabu mã benai hua ẽ unaiĩ. Dateyamakãwẽ.

Mateus 8:26

bestẽtã hatu yuikĩ: —Haskai mã dateai? Mã ea ikũ kayabiwariamamẽ?— itã benikawã niwẽwã inũ iãnẽwã buspu tsaubiranai nemakĩ: —Nesewe. Peswe— aka niwe maĩ neseaya iãnẽwãri betxuruni maiãyã

Lucas 1:13

hanushũ nai tsumã yuikĩ: —Zacariasiĩ, dateyamawe. Hawara mĩ yukai nĩkamisshũ Deusũ mia ashũshanikiki. Mĩ aĩ Isabel yushabubiatũ bake bima huni bake kaĩshanikiki. Kaĩyaĩtiã mĩ benimaya minaburi benimashãkanikiki. Kenakinã: “Joãoki”, ashãwẽ. Hanushũ minabu Israelbu txakabubiakubainaibũ João kaĩnishũ hatu yusĩkĩ nukũ merabenã yushĩ Deuskiri yura itxapabu txibãmaya benimahairashãkanikiki. Nanei taea Deusũ Yushĩ Pepatũ kuxipa wakubaĩkĩ heneama uva hene vinho inũ hene paepa tibi akama mĩ bakẽ Deus benimawakĩ minabu Yavé Deus anu ana hatu txĩtũwãshanikiki, hatu txibãmakinã.

Lucas 1:30

nai tsumã ana yuikĩ: —Mariaã, ewẽ dateyamawe. Miwẽ dabanã Deus benimahairaiwẽ taeshũ huni bake mia bimakĩ miki naneshanikiki. Txipu kaĩyã kenakĩ: “Jesuski”, ashãwẽ.

Lucas 12:32

Jesusũ hawẽ tsumabu yusĩkubaĩkĩ yuikĩ: —Ẽ matu mekeawẽ taea mã ẽ txashuwã keskabuki. Ha inũ, mã ikũwaĩbu itxapamabiakẽ matũ Epa Deusũ hawenabu matu watã habe matu hiwemakubaĩshanikiki. Haskawẽ taea hawawẽ dateyamakãwẽ.

Hechos 10:22

habũ Pedro yuikĩ: —Nukũ shanẽ ibu capitão hawẽ kena Cornéliõ nuku yunuxina mia anu nũ hushuki. Huni duapa pepatũ Deus kẽwãriamiski. Haskawẽ taeshũ judeubu dasibibũ abukĩ hakiri pe xinãmisbuki. Hanushũ hau mĩ hãtxa nĩkashanũ Deusũ nai tsuma betsã yunua nĩkaxĩshũ hawẽ hiwe anu mĩ kanũ mia kenaikiki— akabu

Hebreus 1:1

Hãtxa pepa ẽ matu bumai uĩkĩ nĩkairakãwẽ. Ha dukunã, nukũ shenipabube Deus hãtxairã, hawẽ hãtxa yuishunika tibiwẽ hawẽ hãtxa hatu yuimakĩ hawẽtxaĩs hatu yusĩkĩ betsa tibiwẽ tashnimakĩ hatu yuikubainiki.

Apocalipse 1:17

Haska uĩ hawẽ tae namã mawa keskai tsistikaĩ ẽ tĩ ika daka hawẽ mekẽ yusiuri ea mekĩ yuikĩ: “Dateyamawe. Earã, ea dukũ ẽ hiweni inũ ẽ hawẽ henea debesekeaki.

Rute 2:12

Hau Deusũ mia manakunũwẽ. Enabu mĩ duawakubiranimawẽ taeshũ Israelĩ enabu mekenika Senhor Deusũ hãtxa mĩ txibãkatsi ikairã, hau mia pepawakubaĩriashanũwẽ— aka

1 Samuel 15:10

hanushũ Samuel Senhor Deusũ hãtxa wakĩ:

1 Samuel 9:9

(Nukũ shenipabu hiweatiã Israelĩ enabũ Deus yukakatsi ikĩ yuikĩ: “Unãhaira uinũ kawe”, abiapaunibũ ikis unãhaira hãtxa betsawẽ kenakĩ: “Deusũ hãtxa yuishunikaki”, amisbuki.)