Gênesis 31:3 - Kaxinawá Bíblia (BR)

³ haskai nishũ shinãyã Senhor Deusũ Jacó yuikĩ: “Mĩ epã mae anu minabu anu ana kai txĩtũwẽ, mibe kakĩ ẽ mia merabewabukainairã”, aka

Gênesis 31:3 Referencias Cruzadas

Gênesis 13:15

Ha mai hirabi mĩ uiaĩ inãkĩ ẽ mia ibu wamashanaii, mina inũ minabu paiburã.

Gênesis 21:22

Habiatiãri Gerar nawa shanẽ ibu Abimeleque hawẽ detenamenikabu shanẽ ibu betsa Ficolbe Abraão anu hushũ yuikĩ: —Mĩ Deusũ haibuki. Dasibi mĩ akai Deusũ mia merabewakubaĩmiski.

Gênesis 26:24

meshu merã Senhor Deus haki nukushũ Isaque yuikĩ: —Dateyamawe. Ẽ mĩ epa Abraão mekenika Deuski. Hawara ẽ yunua Abraão txibãkĩ akubainiki. Haskawẽ taeshũ haibuwakĩ ẽ mia duawariashanaii, minabu itxapa mia pa washũkinã— atã kakẽ

Gênesis 28:15

Mibe putanameama hanira mĩ kaya merabewakĩ ẽ mia mekekubaĩshanaii. Na mai pakea anu mĩ ana hiweshanũ ẽ mia ana nenu iweshanaii, txĩtũwãkinã. Ẽ mia yuishu ẽ mia ashũriama hakimama ẽ mia heneama ipakeshanaii— aka

Gênesis 30:25

Hanua Raquel hawẽ bake José kaĩmakẽ Jacó hawẽ kuka Labão yuikĩ: —Ea heneriwe, nitxĩkinã, ẽ mae anu ẽ epa hiwea anu ẽ kakatsi ikairã. Ẽ mia pe dayashũkũkaĩmiswẽ taeshũ ẽ aĩ dabe inũ ẽ bakebube ea yunukĩ ea nitxĩriwe. Haskarara ẽ mia dayashũmis mĩ unãhairaii. Haskawẽ taeshũ ea nemayamawe, ẽ kaĩkainairã— aka

Gênesis 31:2

Labão uĩkĩ Jacó shinãkĩ: “Ea ana uĩ pewamaki, eki sinatai ẽ uiaiĩ, ha dukũ benimai taeni keskamarã”, ikĩ

Gênesis 31:4

Jacó hawẽ aĩ dabe hau benũbũ hawẽ tsuma yunua hatu yuishũtana hanua hatũ hiwe anua Raquel inũ Léia hanu txashuwã mekei dayai anu bui Jacóki nukuabu

Gênesis 32:9

hanua bika tenei Deusbe hãtxakĩ: “Senhor Deusuũ, mĩ ẽ hutxi Abraão Deus mekenika mĩ ikũkainiki. Mĩ ẽ epa Isaque Deus mekenika mĩ iriakũkainaii. Haskawẽ taeshũ ea yuikĩ: ‘Mĩ mae anu ana kawe. Minabu anu ana kawe. Mĩ hari ka harishũ ẽ mia duawashanaii’, akĩ mĩ ea yubaimaki. Txanima mĩ ea duawaii. Nenua kairã, ẽ mestẽti bestiya ẽ kaniki, na Hene Jordão pukeirã. Hakia na eskatiã yura mani dabeya Hene Jordão ẽ ana pukei kaii. Ẽ haska kainaya ẽ betsa Esaú eki sinatai ea mekewe. Hushũ aĩbu bakeya dasibi tenaĩkiki, ika ẽ haki dateaii. Mĩ ea yuikĩ: ‘Ẽ mia duawakĩ mĩ bababu ẽ pa washanaii, mashiti tsuã tanatiruma wakinã’, akĩ mĩ ea yubayamaki. Haskawẽ taeshũ ẽ betsa Esaú anushũ mekekĩ ea itxakawamayamawe”, atã

Gênesis 35:1

Hanushũ hatu haska washiãbũ Deusũ Jacó yunukĩ: —Minabu pewatã Betel anu hiwei kawe. Hanu hiwea mĩ Esaú anua pashaya ẽ miki nukua mĩ namaya ẽ mibe hãtxani anu ha mishki txi tapu hanushũ mĩ ea kẽwãtiru ashãwẽ— aka

Gênesis 35:3

hanu Deus hiwea mae Betel anu bunãkãwẽ. Ẽ nuitapakaini kai hanira ẽ kapanã Deusũ ea unãkĩ merabewakĩ ea hãtxa wani hanira ẽ kaya ebe kakũkaĩmiski, ea haska wamiswẽ taeshũ Deus kẽwãkĩ mishki txi tapu wakĩ mishki itxawakĩ maspu watã ẽ txashuwã bake teshteshũ ẽ menu keyushuni kairã— hatu wa

Gênesis 50:24

Hanushũ José hawẽ betsabu yuikĩ: “Mawakĩ ẽ ma matu shunukatsis ikaii. Ẽ haskabiaya Deusũ matu merabewakĩ Egito anua matunabu tashnimabaĩkĩ hanu nukũ shenipabu Abraão inũ Isaque inũ Jacó ha mai Deusũ hatu yubani anu matunabu iyushanikiki”, iwanã,

Salmos 46:1

Hawara bikahaira nũ teneai nukũ Deusũ nuku merabewamiski. Nuku keshekĩ nuku arua tsuã nuku metiruma Deus nukũ kushipahairaki.

Êxodo 3:12

Senhor Deusũ ana kemakĩ: —Ibubis mĩ hawaumabiakẽ mia merabewakĩ mia putama ẽ mibe ikũkaĩshanaii. Egito anua enabu iwei nenu na mati meribi anu mĩ ana hushũ minabubetã mĩ ea kẽwãyã parãma ẽ mia yunuima mĩ uĩshanaii— aka

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.