Juízes 6:12 - Kaxinawá Bíblia (BR)

¹² Senhor Deusũ nai tsuma kushipatũ hawẽ yura Gideão uĩmakĩ yuikĩ: —Huni mesema kushipatũ, Senhor Deusrã, mibeki!— aka

Juízes 6:12 Referencias Cruzadas

Êxodo 3:12

Senhor Deusũ ana kemakĩ: —Ibubis mĩ hawaumabiakẽ mia merabewakĩ mia putama ẽ mibe ikũkaĩshanaii. Egito anua enabu iwei nenu na mati meribi anu mĩ ana hushũ minabubetã mĩ ea kẽwãyã parãma ẽ mia yunuima mĩ uĩshanaii— aka

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

Lucas 1:11

hanushũ inĩti kuati txi tapu fogão yusiuria Deusũ nai tsuma damia nia

Lucas 1:28

damitã hawẽ dĩtu merã hikishũ Gabrielĩ Maria yuikĩ: —Ẽ miki txaniyuaii. Yavé Deus miwẽ benimahairakĩ mia abuikiki— atuxia

Josué 1:5

Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.

Josué 1:9

Hanira mĩ kai anurã, earã, mĩ merabenã Senhor Deus ẽ mibe kaya huĩti nishmai hawa dateama kushipai mẽtsisipakũkaĩshãwẽ, eã ẽ mia yunukĩ nitxiaĩwẽ taearã”, aka

Juízes 13:3

hanua Senhor Deusũ nai tsuma kushipa ha aĩbu anu tashnishũ yuikĩ: “Mĩ bake bitirumabia natiã mĩ bake naneshanaii. Ha bake mĩ biairã, huni bake mĩ kaĩshanaii.

Juízes 2:18

Israelĩ enabu hatu itxakawaibũ bika tenei kashaibu nĩkai hatuwẽ nuikĩ shanẽ ibu unãti wanika kushipa betsa katushũ tashnimatã Senhor Deusũ hatu merabewakubainaya ha shanẽ ibu unãti wanika kushipa hiwekũkaĩkĩ Israelĩ enabu itxakanikabu hatu nemashũkubainaya

Juízes 6:11

Hanua mae betsa Ofra anu huni betsa Abiezerĩ enabu Joás ika anu Senhor Deusũ nai tsuma kushipa tashnia hi ewapa kushipa namã tsaua habianuri hanu haki vinho wanũ ishũ uva bimi pema pema akĩ hawẽ hene shuru shuru amisbu anurã, hau Midiã nawabũ uĩyamanũbũ hunetã Joásĩ huni bake Gideãonẽ ha mesti shekiwã tsekakĩ maiki kusha kusha akĩ shemeaya

Juízes 6:13

Gideãonẽ kemakĩ yuikĩ: —Shanẽ ibũ, eki sinatayamawe. Hakia earã, ẽ haskamaki. Senhor Deusũ nuku merabewaya haskakĩ nuku itxakawakanimẽkaĩ, Egito anua Senhor Deusũ nukũ shenipabu pashawabirani nuku yuimisbu inũ hawẽ kushipa unãmati dami betsa betsapa uĩkubiranishũ nuku yuikĩ hãtxa wamisburã, ikis hanimẽ? Senhor Deusũ nuku ma henebainimashũ Midiã nawabu nuku yunuima nuku itxakawakanikiki— aka

Rute 2:4

habiatiãri Belém anua Boaz hui hawẽ bai anu hikitã hawẽ beya txibãkĩ tsekaibu hãtxa duapawẽ Deuskiri hatu hãtxa wakĩ: —Senhor Deusũ hau matu merabewanũwẽ— hatu wa habũri kemakĩ yuikĩ: —Senhor Deusũ duawakĩ hau mia pepawarianũwẽ— akabu

1 Samuel 10:7

Haska mia wa kaimashũ mĩ hatũ hiwea merabewakatsi ikai, pepakĩ hatu ashũkubaĩshãwẽ, Deusũ mia merabewakubaĩshanikikirã.